Connect with us

Headline

युद्धदेखि विम्बल्डनसम्मः कसरी बेलग्रेडको बमबारीले जोकोभिचको टेनिस करिअरलाई आकार दियो

Published

on

सडकबाट माथि हेर्दा देखिने यो कंक्रिट बिल्डिङ्ग बेलग्रेडमा छरिएर रहेका ब्रुटलिस्ट आन्दोलनका भवनहरु भन्दा भिन्न देखिदैन । भित्र जाँदा पहिलो तल्लाको बायातर्फ रहेको सेतो ढोकालाई जेलको शैलिका ठाडो फलामे छडले सुरक्षित बनाएको छ । यो नोभाक जोकोभिचका हजुरबुवा भ्लादिमिरको घर हुने गर्दथ्यो ।

सन् १९९९ को मार्च देखि जुनसम्म नेटो सैनिकले सर्वियन राजधानी बेलग्रेडमा बमबारी गरिरहदा बिश्व नं एक टेनिस पुरुष टेनिस खेलाडी जोकोभिच यहि बस्ने गर्दथे ।

जब टाउको नै पड्केला जसरी हवाई हमलाको साइरन बज्थ्यो, पुस्तौ देखि बस्दै आएको जोकोभिच परिवार, सँगै रहेका छिमेकी र साथीहरु, यहि भवनको तल्लो भ¥याङ्ग हुदै बेसमेन्टमा गएर बस्ने गर्थे । यो जोकोभिचलाई जोकोभिच बनाउने काल खण्ड थियो । उनको जिन्दगी कसरी अघि बढ्छ भनेर निर्धारण गर्ने समय ।

विम्बल्डनमा स्विस लिजेण्ड रोजर फेडेररलाई म्याराथन फाइनलमा हराउदै जोकोभिच अहिले १६ पटकको ग्राण्ड स्लाम बिजेता भइसकेका छन् । मे १९९९ मा जोकोभिचले १२ औं जन्मदिन मनाउदै गर्दा दशकौं लामो युद्धले बाल्कनलाई छिया–छिया पारिसकेको थियो र बेलग्रेड यसको केन्द्रबिन्दु थियो । दुई दशकपछि पनि कसरी नेटोले सर्बियामा ११ हप्तासम्म सर्बियन सैनिकहरुलाई कोसोभोबाट भगाउनका लागि आक्रमण गरेको थियो भनेर त्रासका साथ सम्झिने गरिन्छ । सर्बियालाई आदिवासी अल्बानियनहरुको बिरुद्ध अत्याचार गरेको आरोप लाग्दै आइरहेको थियो ।

“जब अलार्म बज्थ्यो र हवाई जहाजको आवाज आउथ्यो, बमले कहा हान्थ्यो कसैले केही भन्न सक्दैन थिए,” जोकोभिचको हजुरबुवाका साथि र छिमेकमा बस्ने गरेका जोरजो मिलेनिचले सम्झिए । “उनीहरुलाई जता मन लाग्थ्यो, त्यही बम हान्थे । उनिहरुले पुलमा बम हाने, हस्पिटलमा हाने, गर्भवती महिलाहरु पनि मारे,” उनको आवाज मत्थर हुदै जान्छः “एकदम गाह्रो थियो , एकदम गाह्रो थियो ।”

बेलग्रेडको प्रमुख शहरी क्षेत्रबाट ७ किलोमिटर दक्षिणतर्फ बान्जिका नाम गरेको आवासीय क्षेत्र छ । त्यहाका स्थानीयले यसलाई औषत उपनगर भन्ने गर्छन किनभने यहाँ धेरै जसो मध्यम बर्गिय परिवारहरु औषत मुल्यमा ठूला बिल्डिङ्गहरुमा बस्ने गर्छन् । आफ्ना नजिकका मान्छेहरुको बीचमा भ्लादा नामले चिनिेने जोकोभिचका हजुरबुवा यहा आफ्नो मृत्युभन्दा अघि सन् २०१२ सम्म दुईवटा बेडरुम भएको फ्ल्याटमा बस्ने गर्दथे ।

अहिले यो फ्ल्याटमा कोही नबसेपनि, जोकोभिचकी एक काकी, जो हाल स्विट्जरल्याण्डमा बस्ने अनुमान गरिएको छ, को नाममा रहेको छ । यद्दपि यो पृष्ठभुमि कसरी जोकोभिच एक सामान्य शुरुवात गर्दै टेनिसका महान खेलाडी बन्ने पुगे भनेर जोडिएको छ ।

आफ्ना तीन छोराहरु नोभाक, मार्को र कान्छा जोर्दे को रेखदेखका लागि पैसा कमाउन जोकोभिचका बुवा सर्जन र आमा दिजाना धेरै जसो बेलगे्रड बाहिर रहने भएकाले तीन दाजुभाइहरु हजुरबुवाको बीचमा हुर्किएका थिए । बेलग्रेडबाट गाडीमा चार घण्टाभन्दा बढी लाग्ने कोपाओनिक भन्ने पहाडी इलाकामा बस्ने गरेका उनीहरु दिनमा स्कि सिकाउथे भने साझ र राति आफ्नै रेष्टुरेन्टमा पिज्जा बेच्ने गर्दथे ।

जोकोभिचको उदाउदो टेनिस करिअर र परिवारको पालन पोषणका लागि सर्जन र दिजाना अनवरत काममा लागिरहन्थे । छोराहरुको शिक्षामा कुनै बाधा अड्चन नहोस भनेर नै सर्जन र दिजानाले आफ्ना छोराहरुलाई हजुरबुवाकोमा छोडेका थिए ।
“हामी ब्यवहारिक रुपमै बेसमेन्टमा बस्ने गथ्र्यौ । जो अटाउन सक्छ, उनिहरु बेसमेन्टमै आउथे । यसको लागि कुनै रोकटोक थिएन,” जोकोभिचले सन् २०११ मा एक अमेरिकन टिभिलाई भनेका थिए । “बमबारीको कारण हामी साँढे दुई महिनासम्म बिहान दुई या तीन बजेसम्म जागेर बस्थ्यौं । शायद यस्तै अनुभवले नै मलाई च्याम्पियन बनायो, बलियो बनायो र सफलताको भोक जगायो ।”

बान्जिकामा बस्दै आइरहेका धेरै मान्छेहरुलाई जाकोभिचको परिवारको बारेमा थाहा छ । कतिले त बेसमेन्टमा बसेको अनुभव पनि सुनाउने गरेका छन् । ३१ बर्षिया मिलिका मिलिभेजोभिच जोकोभिच बसेको फ्ल्याटमाथि नै बस्ने गर्थिन् । जोकोभिच बस्ने गरेको बेसमेन्टमा २० देखि ३० जनासम्म रहेको उनीलाई याद छ । त्यो ठाँउको ओस र आद्रता उनको मस्तिष्कमा अझ ताजै छ । “हामी बमबारी भइरहेको सुन्थ्यौं, तर बेसमेन्टमा हुँदा भने होइन । बाहिर हुँदा हामीले अभालामा बमबारि भएको सुनेको थियौं,” उनी सम्झिन्छिन् ।

बेलग्रेडको छेवैमा रहेको पहाडी इलाका अभालामा टेलिकम्युनिकेशन टावर रहेकाले त्यो ठाँउलाई निशाना बनाइने गरिएको थियो । “साथिहरु, बिशेषगरि धेरै साना बच्चाहरु, सबै बेसमेन्टमा जम्मा हुन्थे । हामी त्यहा बोर्ड गेमहरु खेल्थ्यौं । केही जवान हुँदै गरेका बच्चाहरु भने आफूलाई भुलाउनका लागि मदिरा पिउने र लागु पदार्थ सेवन गर्ने गर्थे । त्यहा धेरै कुराहरु भइरहेका थिए,” मिलिभेजोभिचले हास्दै सुनाइन् ।

आफ्नो लक्ष्य भनेको विम्बल्डन जित्नु रहेको भन्दै सानैमा राष्ट्रिय टेलिभिजनमा देखा परिसकेका जोकोभिच अन्यको तुलनामा निकै कठिन कृयाकलापहरुमा संलग्न रहन्थे । उनि त्यति बेला देखि नै बिश्व नं एक टेनिस खेलाडी बन्ने लक्ष्यका साथ अघि बढिरहेका थिए । बोग्डान ओब्राडोभिचले टेनिस र राजनीतिको दबदबा रहेको आफ्नो जिन्दगीमा धेरै कुरा देखिसकेका थिए । जुनियरका रुपमा निकै नै कुशल खेलाडी रहेका, ओब्राडोभिच १८ बर्षको उमेरमै प्रशिक्षक भैसकेका थिए । सर्जनले टेनिस सिकाइदिनका लागि ओब्राडोभिचको अगाडी ल्याउदा जाकोभिच जम्मा १० बर्षका थिए ।

पछि ओब्राडोभिच सर्बियाको डेविस कप कप्तान पनि भए । उनकै नेतृत्वमा सर्बियाले आफ्नो खेलकुद इतिहासकै उत्कृष्ट जित हात पार्दै सन् २०१० मा डेविस कपको उपाधि जित्यो । उक्त टोलिमा जोकोभिच पनि थिए । ५२ बर्षिय ओब्राडोभिच अहिले सर्बियाका सांसद छन् ।

“नोभाकको बुवा र मेरा साथिहरु साझा थिए। शायद उनिहरुले नै मैले जोकोभिचलाई खेल्न मद्दत गर्न सक्ने सुझाव दिएका थिए होलान । हामीले एउटा अभ्यास ग¥यौं र म अचम्ममा परे,” उनले भने । “उनी पूर्ण रुपमा तयार थिए । उनले वार्म अप गरे, एक बोटल पानि, केरा, रुमालका साथै चाहिने सबै बन्दोबस्तीका सामानहरु लिएर आएका थिए । निकै सानो उमेरमा खेल्ने बच्चाबाट मैले यस्तो अपेक्षा नै गरेको थिइन ।”

त्यति खेर २५ किलो बजन रहेका जोकोभिच टेनिसमा उत्कृष्टताको पथमा अघि बढिसकेको उनलाई थाहा थियो । बमबारीको समयमा ओब्राडोभिच र जोकोभिच हरेक दिन सँगै काम गर्दै बेलग्रेड वरिपरि पैसा तिर्न नपर्ने टेनिस कोर्ट खोज्दै हिड्ने गर्थै । “त्यो समय नोभाक लोकप्रिय भैसकेकाले उनलाई सबैले मद्दत गर्थे । हामीले बिभिन्न क्लबहरुमा अभ्यास ग¥यौं । त्यसरि नै चल्नुपर्ने स्थिति थियो ।”

“बमबारीको समयमा हामी निकै नै खराब स्थितिबाट गुज्रिरहेका थियौं । धमाकाको आवाज, मान्छे मरेको समाचार र सबै कुरा तहस–नहस भएका दृथ्यहरु । तर हामी केही गर्न सक्दैनथियौं । त्यही भएर हामीले टेनिसलाई नै रमाइलाको रुपमा लियौं । म सधै नोभाकसँगै हुन्थे । सँगै अभ्यास गथ्र्यौ र हरेक दिन हामीलाई साधारण लाग्न थाल्यो । उनि एकदमै केन्द्रित थिए,” ओब्राडोभिच सम्झन्छन् ।

जोकोभिच प्राय पार्टिजन टेनिस क्लबमा प्रशिक्षण गर्थे । पार्टिजन सर्बियाको सबै भन्दा सफल खेलकुद क्लबमध्ये पर्दछ । पार्टिजनले सर्बियाको राष्ट्रिय फुटबल प्रतियोगिता नै २८ पटक जितिसेकको छ भने उसको बास्केटबल, वाटर पोलो र भलिबल टिमहरु पनि छन् ।
दुसान ग्रजिच पछिल्लो २२ बर्षदेखि पार्टिजनका अध्यक्ष छन् र जोकोभिचको मुटमा नै यो क्लब रहेको मान्छन् । “जब कोही मान्छै ११ बर्षसम्म एउटा क्लबमा बिताउछ भने मलाई थाहा छैन यसलाई अर्को रुपमा कसरी लिइन्छ,” उनले भने । “नोभाक शरुवाती केही दिन कोपाओनिकमा थिए । उनि ६ बर्षको हुँदा पार्टिजनमा आए । हामीले उनलाई जे चाहिन्छ त्यही दिने गथ्र्यौ ।”

पार्टिजनले आफ्नो क्लबहाउसमा निकै गर्वका साथ उसको सबैभन्दा प्रिय छोरा जोकोभिच र २००८ कि फ्रेञ्च ओपन च्याम्पियन आना इभानोभिचका तस्विरहरु राखेको छ । त्यसमध्ये एकमा युवा अवस्थाका जोकोभिच सानो देखिका साथि इभानोभिचको छेउमा पार्टिजनको बेसबल क्याप र गलबन्दी लगाएको देखिन्छन् ।

जोकोभिचका छिमेकी जोर्जो मिलेनिचले भ्लादालाई जाकोभिच र इभानोभिचको बिवाह हुनु पर्ने पनि बताउने गरेका थिए । ७५ बर्ष पुरानो पार्टिजनको क्लबहाउस मिलाउने जिम्मेवारी पाएका ड्रागान गाभ्रिलोभिच टेनिसको कुरा गर्न पाउदा निकै खुशि हुने गर्छन । खल्तिबाट चुरोट निकाल्दै उनी भन्छनः “जब नोभाक १२ देखि १५ बर्षका थिए, शहर भरिका मानिसहरु जम्मा भएर यहाँ उनको खेल हेरेर बस्थे । उनीहरु र हामीलाई पनि थाहा थियो कि नोभाक ठूला उपलब्धिका लागि जन्मेका हुन भनेर । उनीहरु इतिहास बनेको हेर्न चाहन्थे ।”

बान्जिकामा बिगत ४० बर्षदेखि बस्दै आइरहेकी एक महिला भन्छिन्ः “जोकोभिचको बारेमा लेखिनै पर्छ । उनी स्वर्गबाट आएका हुन् । मानव होइनन तर एकदमै सामान्य मानिस हुन्,” सँगैको एक फुटबल मैदान देखाउदै उनी थप्छिन्ः “यो त्यही मैदान हो जहाँ उनी फुटबल खेल्थे । उनले निकै मिहिनेत गरेको समय । त्यसपछि उनि प्रख्यात भए । तर एक दिन वा एक छिनको लागि भएपनि उनी यहाँ आउने गरेका छन् ।”

आफ्नो परिचय खुलाउन आनाकानी गर्दै उनी अब धेरै नबोल्ने भन्दै जान्छिन् तर केही छिनपछि जोकोभिचलाई लिएर आउने गर्व र मायाका बारे सुनाउन आतुर हुदै फेरि फर्कन्छिन । बमबारीमा बेसमेन्टमा बसेका धेरै मान्छेहरु मध्ये उनी एक थिइन् । बमबारीको कुरा आएपछि उनी फेरि आनाकानी गर्छिन ।

“यस बिषयमा कुरै नगरौं । निकै नै नाजुक घडिमा तपाइका छिमेकीहरुले के गरेका थिए यो भन्दा राम्रो हुदैन ।” तैपनि उनी थप्छिन्ः “जब हामी त्यहा थियौं मैले बच्चाहरुलाई सर्बिया छोडर जान भनेको थिए । त्यो समयमा हामिलाई लागेको थियो उनिहरुले सर्वसाधारण माथि आक्रमण गर्दैनन् । तर गरि छाडे ।”

संसारकै सबैभन्दा शक्तिशाली क्षेत्रीय सुरक्षा गठबन्धन नेटो (उत्तरी एट्लान्टिक सन्धि सँगठन) ले सन् १९९९ मार्च २४ देखि सर्बियामा आक्रमण गर्न थालेको थियो । कोसोभोमा जातीय सफायाको आरोपमा युगोस्लाभ नेता स्लोबोडान मिलोसेभिचको शासनलाई लक्षित गर्दै उनको सेना हटाई अन्तर्राष्ट्रिय शान्ति सेनालाई राख्न सर्बियामा आक्रमण गरिएको थियो ।

युगोस्लाभ सेना कोसोभोबाट फर्र्किएपछि जुन १०, १९९९ मा बमबारी बन्द भएको थियो । मानवीय संकट हुनबाट रोक्न आक्रमण गर्न आवश्यक रहेको नेटोले बताएपनि ह्युमन राइट्स वाचले भने कतिपय आक्रमण गैरकानुनी रहेको प्रतिवेदन सार्वजनिक ग¥यो ।
बेलग्रेडका गल्लिहरुमा नेटो र यो सँगठनमा रहेका देशहरुलाई लिएर अझै पनि ब्यापक असन्तुष्टि रहेको छ भने घाउहरु अझै भित्रसम्म गाढिएर बसेका छन् । कोसोभो अझै पनि मुख्य मुद्दाको रुपमा रहेको छ । पार्टिजन टेनिस क्लबको बाहिर अहिले पनि एउटा राजनीतिक सन्देश कायम छः “कोसोभो सर्बियाको पवित्र भुमि हो ।”

धेरैलाई लाग्छ पश्चिमा मिडियाहरु सर्बियालाई नराम्रो देशको रुपमा प्रचार गर्न लालायित हुन्छन् । “मानिसहरुलाई लाग्छ हामी नराम्रो मान्छे हौं,” ३७ बर्षिय ट्याक्सी चालक जर्ज मिटिच भन्छन् । “तर उनीहरु आफै आएर हेर्ने गर्दैनन । समाचार मात्र हेर्ने हो भने पनि उनीहरुको धारणा परिवर्तन हुन्छ ।”

स्पोर्ट क्लबका पत्रकार शासा ओज्मो जोकोभिच आफ्नो देशलाई प्रचार गर्नका लागि राम्रो समझदारी भएको राष्ट्रिय नायकको रुपमा रहेको बताउछन् । “उनी बाहिरि दुनियाका लागि मात्र नभएर आफै भित्र पनि राम्रो दुत हुन्,” ओज्मोले भने । “उदाहरणका लागि क्रोएसियासँगको पुरानो दुश्मनी नै हो । क्रोएशियासँग युद्ध भयो र यो अझै पनि ताजै छ । तर जोकोभिच खुलेरै क्रोएशियाली राष्ट्रिय फुटबल टिमको समर्थन गर्छन । यो सर्बियाका धेरै मान्छेहरुलाई पच्दैन तर उनी धारणा परिवर्तन गर्न चाहन्छन् । उनी यस्तो जिम्मेवारीका लागि निकै राम्रो छन्,” उनी भन्छन् ।

हालै गरिएको पत्रपत्रिकाहरुको सर्वेक्षणमा युवाहरुलाई तपाईले सबैभन्दा बढी कसलाई उदाहरणको रुपमा हेर्नुहुन्छ भन्ने प्रश्नमा जोकोभिच पहिलो नम्बरमा थिए । “उनको ब्यक्तित्वसँग सर्बियाका जनताको पहिचान जोडिएको छ । फुटबल र बास्केटबलपछि टेनिस सर्बियामा तेश्रो नम्बरमा आउछ । तर जोकोभिच सबैभन्दा लोकप्रिय छन् ।”

Click to comment

Leave a Reply

Your email address will not be published. Required fields are marked *

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!