Euro 2020
पोर्चुगल र बेल्जियम भिड्दा अत्मविश्वासी डच चेकको सामना गर्दै
Published
3 years agoon
By
wesportzअन्तिम १६ को तेस्रो खेलमा आत्मविश्वासी नेदरल्याण्ड्सको टोलीले चेक रिपब्लिकको सामना गर्दैछ । चौँथो खेलमा विश्व बरियताको शिर्ष स्थानमा रहेको बेल्जियमले डिफेन्डिङ च्याम्पियन पोर्चुगलको सामना गर्ने छ ।
नेदरल्याण्ड्स भर्सेस चेक रिपब्लिक
नेदरल्याण्ड्सका प्रशिक्षाक फ्रांन्क डि बोएरले प्रतियोगिता नै जित्ने लक्ष्य लिए पनि त्यस भन्दा अघि उनले अन्तिम १६ को आफ्नो पहिलो खेलमा चेक रिपब्लिकको सामना गर्नु पर्ने हुने छ । निकै अत्मविश्वासी रहेको डच टोली ‘ओरेन्जे’ लाई चेकको चुनौति पनि सानो हुने छैन ।
समुह चरणको तीन खेलमा आठ गोल गर्दै ९ अंकका साथ समुह बिजेता बन्दै अन्तिम १६ मा पुगेको नेदरल्याण्ड्सको टोलीलाई उपाधि दावेदार भन्दा आफुलाई लाज नलाग्ने प्रशिक्षक फ्रांन्क डि बोएरले बताएका चन् । “हाम्रो लक्ष्य फाइनल पुग्नु मात्रै हैन जित्नु पनि हो,” डि बोएरले बुडापेस्टमा हुने खेल अघि भनेका थिए ।
“तपाई युरोपियन च्याम्पियन तेतिकै बन्नु हुँदैन तर हाम्रो यो टोली भने बन्न सक्छ किन भने हामीसँग त्यो क्वालिटी छ,” उनले भने । नेदरल्याण्ड्स र चेक रिपब्लिकको बिजेताले वेल्सलाई ४-० ले पाखा लगाएको डेनमार्कसँग क्वार्टरफाइनल खेल्ने छ । पछिल्लो छ खेलमा अपराजित रहेको नेदरल्याण्ड्सले छ मद्धे दुई खेल मात्रै जितेको चेकसँग खेल्दै छ ।
नेदरल्याण्ड्सका लुक डि यङ डच टोलीबाट घुँडाको चोटका कारण बहिरिएका छन् । उनको स्थानमा वोउट वेघोर्स्टले खेल्ने छन् । चेकका लागि ठुलो चोट देखिएको छैन । इङ्ल्याण्ड विरुद्ध नै खेलेको शुरुवाती ११ चेकले नेदरल्याण्ड्सविरुद्ध खेलाउने सम्भावना छ । खेल नेपाली समय अनुसार ९:४५ बजे सुरु हुने छ ।
पोर्चुगल भर्सेस बेल्जियम
विश्व वरियताको शिर्ष स्थानमा रहेको बेल्जियम र डेफेन्डिङ च्याम्पियनको यो खेललाई ब्लकबस्टरको रुपमा हेरिएको छ । इटालियन घरेलु फुटबलका दुई प्रतिद्वन्धी खेलाडी क्रिष्चियानो रोनाल्डो र रोमेलु लुकाकु बिच यो खेलमा गोलका लागि कडा प्रतिस्पर्धा हुने छ । समुह चरणमै पाँच गोल गरिसकेका रोनाल्डो युरोको शिर्ष गोलकर्ता समेत हुन् । आफ्नो जीवनकै उच्च फममा रहेका लुकाकु उनी भन्दा तीन गोलले पछि रहेका छन् ।
बेल्जियम र पोर्चुगल बिचको यो खेल युरोको सबै भन्दा ठुलो खेल मानिएको छ । घरेलु फुटबलमा रोनाल्डोलाई पछाडी पार्दै इन्टर मिलानलाई उपाधि दिलाए पनि युरोमा भने लुकाकुलाई त्यो सहज छैन । १०९ गोलका साथ अन्तराष्ट्रिय फुटबलमा सर्वाधिक गोल गर्ने खेलाडीको किर्तिमानलाई बराबरीमा राखेका रोनाल्डोलाई आज पोर्चुगललाई जित दिलाउने मात्रै हैन एउटा ठुलो कोसेढुङ्गा पार गर्ने मौका छ ।
“हामीलाई बेल्जियम कस्तो बलियो टोली हो भन्ने पनि थाहा छ तर हामी उनीहरु बन्दा अब्बल भएर खेल जित्ने छौँ,” पोर्चुगलका प्रशिक्षक फर्नान्डो सान्टोसले बताए । पोर्चुगल र बेल्जियमको बिजेताले क्वार्टरफाइनलमा इटाली वेम्बलीमा सामना गर्ने छ ।
पछिल्ला छ खेल हेर्ने हो भने बेल्जियम अपराजित रहेको छ । पोर्चुगलले एक खेलमा मात्रै पराजय भोगेको छ । पोर्चुगलका लागि रेनाटो सान्चेसले यो खेलमा पनि शुरुवात गर्न सक्ने छन् । बेल्जियमका लागि पनि यो खेल केवेन डि ब्रुनले शुरुवाती ११ मा स्थान बनाउन सक्ने छन् । खेल नेपाली समय अनुसार १२:४५ बजे सुरु हुने छ ।
प्लेयर्स टु वाच
गिनी विज्नाल्डम, नेदरल्याण्ड्स
रेनाटो सान्चेस, पोर्चुगल
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।