Headline
सलाह र मानेलाई बिर्सनुस, सुपरस्टार त अबुबाकर र टोको–इकाम्बी हुन्
Published
2 years agoon
By
wesportzमोहम्मद सलाह र सादियो मानेलाई बिर्सनुस, किनभने आयोजक क्यामरुनको आक्रमणको नेतृत्व गरिरहेका दुई खेलाडी जारी अफ्रिका कप अफ नेसन्सका उत्पादक स्ट्राइकरहरु हुन् ।
बिहिवार सलाहको इजिप्टबिरुद्ध सेमिफाइनलमा खेल्दा क्यामरुनको सफलताको साँचो यीनै दुई खेलाडीसँग रहनेछ ।
क्यामरुन कप्तान भिन्सेन्ट अबुबाकर ६ गोल सहित अफ्रिका कप अफ नेसन्सका सर्वाधिक गोलकर्ता हुन् । क्वार्टर–फाइनलमा गाम्बियाबिरुद्धको जितमा दुवै गोल गरेका कार्ल टोको–इकाम्बीको नाममा भने पाँच गोल रहेको छ ।
क्यामरुनले प्रतियोगितामा गरेका सबै ११ गोल यी दुई खेलाडीहरुबाट नै हुँदा पाँच बर्ष अगाडी ग्याबोनमा उपाधि उचाल्दा निभाएको आंशिक भुमिकाबाट अबुबाकर र टोको–इकाम्बी धेरै अगाडी बढी सकेका छन् ।
अबुबाकरले इजिप्टबिरुद्धको फाइनलमा सब्स्टिच्युटको रुपमा निर्णायक गोल गरेपनि २०१७ को संस्करणमा दुवैलाई पुरै प्रतियोगिता भर बेञ्चबाट प्रयोग गराइएको थियो ।
“२०१७ मा मैले थोरै खेलेपनि प्रशिक्षण र खेलका दौरान मैले अन्यलाई धेरै मद्दत गरेको थिए,” गाम्बियाबिरुद्धको क्वार्टर–फाइनलमा निर्णायक भुमिका निभाएपछि टोको–इकाम्बीले भनेका थिए ।
“अहिले भुमिका ठ्याक्कै उल्टदा अबुबाकरको लागि पनि परिस्थिति एकै छ । तर हाम्रो मुख्य लक्ष्य एक ढिक्का भएर राम्रो खेल्दै जित्नु हो ।”
कोलिन्स फाइ राइट ब्याकमा चम्कनुका साथै मिडफिल्डरद्वय आन्द्रे–फ्रांक जाम्बो अँगिसा र मार्टिन होँगलाले उत्कृष्ट प्रदर्शन दिदै गर्दा क्यामरुनको सफलतामा दुई खेलाडीलाई मात्र क्रेडिट दिदा अन्याय भने हुन्छ ।
“उनीहरु फिनिसर हुन् तर उनीहरुको गोल सबैले मैदानमा गरेको कडा मिहिनेतको नतिजा हो,” क्यामरुन प्रशिक्षक टोनी कोसिसउ भन्छन् ।
रोल मोडल
हाल क्यामरुनमा स्टारको स्ट्याटसमा रमाइरहे पनि अबुबाकरलाई रोजर मिल्ला र स्यामुएल इटोलाई जसरी पुँजिने गरेको छैन । तर उत्तरी क्यामरुनको प्रमुख शहर र उनको जन्मस्थल गारुआ भने उनी हिरो नै हुन् ।
“अबुबाकर अगाडी यो क्षेत्रले खेलाडी उत्पादन गर्न सक्दैन भन्ने सबैलाई लाग्ने गथ्र्यो । तर अहिले उनलाई युवाहरुले पछ्याइरहेका छन् र आफैले जे पनि सम्भव हुन सक्छ भन्दै आएका छन्,” क्यामरुनियन लिगको शिर्ष श्रेणीको टोली कटनस्पोर्टमा युथ एकेडेमी सञ्चालन गरिरहेका अबुबाकरका पहिलो प्रशिक्षक डिजिब्रिला काडा भन्छन् ।
“उनी अहिले क्लबका सबै युवा खेलाडीहरुका लागि रोल मोडल हुन् ।”
अबुबाकर मजदुरहरुको बस्तीमा हुर्किएका थिए । उनका भाई मिकेल डियोर त्यो ठाँउलाई “इज्जत नभएको ठाँउ” को रुपमा व्याख्या गर्ने गर्छन् । “भिन्सेन्ट हामी जस्तै बाहिर बरालिदै पैसा खर्च गर्ने किसिमका थिएनन् । कटनस्पोर्टले उनमा रहेको सम्भाब्यता एक पटकमै पत्ता लगाएको थियो,” डियोरले भने ।
उत्तरी क्यामरुनको कपास कम्पनी तथा प्रमुख रोजगारदाता सोडेकटनका कामदारहरुको बिमा कम्पनीको प्रायोजन रहेको कटनस्पोर्ट त्यस क्षेत्रको एक मात्र व्यवसायिक क्लब हो ।
“हाम्रो युथ एकेडेमीका उत्पादन अबुबाकर क्लबका सबैभन्दा उत्कृष्ट दुत हुन् । अब हामी बिदेशी क्लबहरुसँग साझेदारी बिकास गर्ने लक्ष्यमा छौं,” कटनस्पोर्टका अध्यक्ष फर्नान्ड साडुले भने ।
अबुबाकरले १७ बर्षको उमेरदेखि कटनस्पोर्टमा गोल गर्दै प्रभाव जमाउन शुरु गरेका थिए । २०१० को बिश्वकपको लागि टोलीमा बोलाइदा उनी टिनएजर नै थिए ।
कुनै समयका र्यापर
एक सिजन फ्रान्समा बिताएपछि अबुबाकर पोर्चुगिज क्लब पोर्टो तिर लागे । मात्र ३० बर्षका उनले केही समय अघि मात्रै युरोप छोड्दै साउदी अरेबिया क्लब अल नासेरको लागि खेल्न शुरु गरेका हुन् । तर उनका पहिलो प्रशिक्षक भने अबुबाकर छिट्टै युरोप फर्कने बिश्वास राख्छन् ।
उनी प्रतियोगिताकै उत्कृष्ट खेलाडीको रुपमा रहेका छन् । मलाई लाग्छ अब उनलाई ठूलो युरोपियन क्लबहरुले पछ्याउने छन् । उनी यसको हकदार पनि हुन्, काडा भन्छन् ।
क्यामरुनी बिरासतका टोको–इकाम्बी युरोपमै जन्मिएर हुर्किएका खेलाडीहरु मध्ये पर्छन् । २९ बर्षका उनी क्यामरुनी परिवारसँगै पेरिसमा हुर्किएका हुन् ।
टिनएजेर हुँदा घुँडाको चोटका कारण झण्डै फुटबललाई अलबिदा भनेका उनी एक र्याप समुहका सदस्य थिए । तर फ्रेञ्च लिगमा खुड्किलो चढ्दै उनी सशक्त रुपमा फुटबलमा फर्किए ।
स्पेनिस क्लब भिलारियालमा एक सिजन बिताएपछि टोको–इकाम्बी दुई बर्षअघि लिग वान टोली लियोन गएका थिए । उनीमाथि शंका गर्नेहरुलाई गलत साबित गर्न उनले धेरै संघष गरे ।
तर क्यामरुनमा भने उनलाई शंका गर्ने ठाँउ नै छैन । त्यसैले पनि क्यामरुनी समर्थकहरु अबुबाकरसँगै उनलाई पनि छैटौं पटक आफ्नो देशलाई अफ्रिका कप अफ नेसन्स जिताउने खेलाडीको रुपमा हेरिरहेका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।