अन्तर्राष्ट्रिय
शामीको पाँच विकेटमा पहिलो टेस्टमा भारतको पकड
Published
2 years agoon
By
wesportzतीब्र गतिका बलर मोहम्मद शामीले पाँच विकेट हात पार्दा भारतले घरेलु टोली दक्षिण अफ्रिका विरुद्धको पहिलो टेस्टमा आफ्नो पकड जमाउन सफल भएको छ ।
आफ्नो पहिलो पारीमा ३२७ रन बनाएको भारतले दक्षिण अफ्रिकालाई मात्र १९७ रनमा रोक्यो भने तेश्रो दिनको खेलको समाप्तिमा एक विकेटको नोक्सानीमा १६ रन बनाएको छ र १४६ रनको अग्रता लिएको छ ।
भारतले पहिलो दिनको खेलको समाप्तिमा तीन विकेट गुमाएर २७२ रन बनाएको थियो । वर्षाका कारण दोश्रो दिनको खेल सम्भव नभएको टेस्टको तेश्रो दिन भारतले ५५ रन जोड्दा आफ्ना बाँकी सात विकेट गुमायो ।
पहिलो दिन १२२ रनमा अविजित रहेका ओपनर केएल राहुल एक रन जोड्दै आउट भए भने ४० रनबाट तेश्रो दिनको खेलको सुरुवात गरेका अजिंक्य रहानेले पनि आठ रन भन्दा जोड्न सकेनन् ।
भारतका अन्य ब्याटरहरुमा विकेट किपर रिशब पन्त र मोहम्मद शामीले समान ८-८, रविचन्द्रन अश्विन र शार्दुल ठाकुरले समान ४-४ तथा जस्प्रित बुम्राले १४ रनको पारी खेले भने मोहम्मद सिराज चार रनमा अविजित रहे ।
पहिलो दिन तीन विकेट लिएका दक्षिण अफ्रिकाका लुंगी एनगिदीले २४ ओभर ७१ रन खर्चिएर सर्वाधिक ६ विकेट हात पारे भने कागिसो रबाडाले पनि ७२ रन दिएर तीन विकेट आफ्नो नाममा लेखाए ।
दक्षिण अफ्रीकाले राम्रो सुरुवात गर्न सकेन । ३२ रनमा चार विकेट गुमाएको दक्षिण अफ्रिकाको लागि टेम्बा बवुमा र विकेट किपर क्विनटन डि ककले पाँचौ विकेटका लागि ७२ रनको साझेदारी गर्दै १०० को आँकडा पार गराए । डि कक ३४ रन बनाएर शार्दुल ठाकुरको शिकार बन्न पुगे ।
डि ककको विकेटको पतन पछि दक्षिण अफ्रिकाको ब्याटिङ सम्हालेका बवुमा पनि ५२ रन जोड्दै आउट भए । १०३ बलको सामना गरेका उनले १० चौका प्रहार गरे ।
बवुमा आउट भए पछि कागिसो रबाडाले २५, मार्को यानसनले १९ तथा केशव महाराजले १२ रन जोड्दै दक्षिण अफ्रिकाको पारी सम्हाल्ने प्रयास गरे पनि मोहम्मद शामीको बलिङ अघि टिक्न नसक्दा ६२ दशमलब तीन ओभर खेल्दै आफ्ना सबै विकेट गुमाएर मात्र १९७ रन जोड्न सक्यो र भारतले १३० रनको अग्रता पनि लिन सफल भयो ।
दक्षिण अफ्रिकालाई सानो स्कोरमा रोक्ने क्रममा भारतका मोहम्मद शामीले १६ ओभर बलिङ गर्दै ४४ रन खर्चिएर सर्वाधिक पाँच विकेट लिए भने जस्प्रित बुम्रा र शार्दुल ठाकुरले समान २-२ विकेट आफ्नो नाममा दर्ता गराए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
2 years agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।