अन्तर्राष्ट्रिय
नाटकिय खेलमा बंगलादेशलाई पराजित गर्दा पाकिस्तानको क्लिन स्विप
Published
2 years agoon
By
wesportzअन्तिम ओभरमा पाकिस्तानलाई जितका लागि आठ रन आवश्यक रहेको अवस्थामा महमदउल्लाहले तीन विकेट लिँदै बंगलादेशलाई जित तर्फ मोडे पनि मोहम्मद नवाजले आफ्नो पहिलो बलमा नै चौका प्रहार गर्दै पाकिस्तानलाई तेश्रो तथा अन्तिम ट्वान्टी ट्वान्टी पाँच विकेटको सनसनीपूर्ण जित दिलाए ।
जितसँगै पाकिस्तानले घरेलु टोली बंगलादेश विरुद्धको तीन ट्वान्टी ट्वान्टी खेलको शृंखलामा क्लिन स्विप गरेको छ । ढाकामा सम्पन्न तेश्रो तथा अन्तिम ट्वान्टी ट्वान्टी खेलमा पाँच विकेटको जित निकाल्दै पाकिस्तान शृंखला ३-० ले आफ्नो पक्ष्यमा पारेको हो । यस अघि पाकिस्तानले पहिलो र दोश्रो टेस्ट क्रमश चार र आठ विकेटले जितेको थियो ।
बंगलादेशलाई मात्र १२४ रनमा रोकेको पाकिस्तानले पाँच विकेट गुमाएर अन्तिम बलमा जित निकाल्यो ।
पाकिस्तानलाई अन्तिम ओभरमा जितका लागि आठ रन चाहिएको थियो । अन्तिम ओभरको पहिलो बलमा डट बल गरेका महमदउल्लाहले दोश्रो र तेश्रो बलमा क्रमश सरफराज अहमद र हैदर अलीलाई आउट गर्दै पाकिस्तानलाई दबाबमा राख्न सफल भए ।
क्रिजमा ३८ बलमा ४५ रन बनाउँदै क्रिजमा जमिरहेका अली आउट हुँदा पाकिस्तानलाई अन्तिम तीन बलमा जितका लागि आठ रन आवश्यक रहेको थियो । इफ्तिखर अहमदले छक्का प्रहार गर्दै खेललाई दुई बलमा दुई रनको आवश्यकता रहेको अवस्थामा झारे । तर पाँचौं बलमा अहमद पनि महमदउल्लाहको शिकार बन्दा पाकिस्तानलाई अन्तिम बलमा जितको लागि दुई रन चाहिने अवस्थामा खेल पुग्यो ।
तर सातौँ नम्बरमा ब्याटिङ गर्न आएका मोहम्मद नवाजले आफ्नो पहिलो बलमा नै चौका प्रहार गर्दै पाकिस्तानलाई पाँच विकेटको रोमान्चक र सङ्घर्षपूर्ण जित दिलाए ।
कप्तान बाबर आजम १९ रन बनाएर आउट भए पनि ओपनर मोहम्मद रिजवान र अलीले दोश्रो विकेटका लागि ५१ रनको साझेदारी गर्दै पाकिस्तानलाई जित नजिक पुर्याए । रिजवान ४३ बल खेल्दै ४० रन बनाएर आउट भए ।
बंगलादेशका महमदउल्लाहले सर्वाधिक तीन विकेट लिए भने शोहिदुल अहमद र अमिनुल इस्लामले समान १-१ विकेट हात पारे ।
यस अघि खेलमा टस जितेर पहिले ब्याटिङ गरेको बंगलादेशले पुरै २० ओभर खेल्दै सात विकेट गुमाएर १२४ रन मात्र बनाउन सक्यो ।
बंगलादेशको तर्फबाट मोहम्मद नैमले सर्वाधिक ४७ रन बनाए भने शमिम होसैनले २२ तथा अफिफ होसैनले २० रनको योगदान दिए ।
पाकिस्तानका मोहम्मद वासिमले चार ओभरमा १५ रन खर्चिएर तथा महँगो साबित भएका उस्मान कादिरले ३५ रन दिएर समान २-२ विकेट लिए ।
बंगलादेश भ्रमणमा रहेको पाकिस्तानले घरेलु टोलीसँग शुक्रबारबाट सुरु हुने दुई टेस्टको शृंखलामा भिड्ने छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
2 years agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।