Connect with us

Headline

नेपाल बास्केटबल संघलाई मतलब नै नभएपछि….

wesportz

Published

on

तीन महिना अगाडी नेपाली राष्ट्रिय बास्केटबल टोलीका कप्तान सदिश प्रधानले नोभम्बर १५ देखि बंगलादेशमा साबा च्याम्पियनसिप हुन गइरहेको थाहा पाए ।

दक्षिण एसियाली खेलकुद बाहेक साबा च्याम्पियनसिप नेपालले पदकको आशा गर्न मिल्ने एक मात्र प्रतियोगिता हो । सदिशले यस बिषयमा नेपाल बास्केटबल संघ (नेबा) का कार्यबाहक अध्यक्ष भिम गुरुङ, महासचिव नरेन्द्र थापा र प्रशिक्षक दिनेश चन्द्र नकर्मीलाई जानकारी गराएका थिए ।

तर नेपाल अन्ततः साबा च्याम्पियनसिपमा सहभागी नहुने भएको छ । नेपाली राष्ट्रिय टोली पुस्ता हस्तान्तरणको चरणमा प्रवेश गर्दा २०१८ मा भएको पछिल्लो संस्करणमा नेपालले एक खेल पनि जित्न सकेको थिएन ।

तर घरेलु कोर्टमा भएको दक्षिण एसियाली खेलकुदमा लगभग त्यही युवा खेलाडीको बाहुल्यता रहेको टोलीले माल्दिभ्स र बंगलादेशलाई पराजित गर्दै कास्य पदक जित्यो । नेपाली थ्रि बाई थ्रि टोलीले भने रजत पदक जितेको थियो ।

पछिल्लो दुई बर्ष घरेलु बास्केटबलको एक मात्र ठूलो प्रतियोगिता नेपाल बास्केटबल लिग पनि हुन नसक्दा यस संस्करणको साबा च्याम्पियनसिप त्यही युवा टोलीका लागि एक्सपोजर पाउने राम्रो माध्यम थियो । तर नेपाली खेलाडीहरुले त्यो मौका पनि गुमाएका छन् ।

सदिश आफैलाई यसको स्पष्ट कारण थाहा छैन । “जुन समयमा हामीले साबा च्याम्पियनसिप हुँदैछ भनेर थाहा पायौं मैले सम्बन्धित सबैलाई जानकारी गराएको थिए । प्रशिक्षक दिनेश चन्द्र नकर्मीले अब एक हप्तामा प्रशिक्षण शुरु गर्ने पनि भने तर कहिल्यै पनि शुरु भएन । साबामा सहभागी किन नभएको मलाई यसको ठोस कारण पनि थाहा छैन,” सदिशले भने ।

२०१९ डिसेम्बरमा भएको दक्षिण एसियाली खेलकुद यता नेपालमा अन्तर्राष्ट्रिय त परको कुरा हो प्रतिस्पर्धात्मक राष्ट्रिय बास्केटबल प्रतियोगिता पनि भएको छैन ।

“साबाको आयोजनाबारे हामीलाई आधिकारिक रुपमा थाहा भएको २५ दिन वा एक महिना मात्र भयो । कुन खेलाडीले सोसियल मिडियामा कोसँग कुरा गर्छ, के चिठ्ठी पठाउछ त्यसले कुनै अर्थ राख्दैन । हामीलाई औपचारिक रुपमा पत्र आउनु पर्छ,” विस्पोर्ट्जसँगको टेलिफोन संवादमा आक्रमक रुपमा प्रस्तुत हुँदै कार्यबाहक अध्यक्ष गुरुङले भने ।

गरुङका अनुसार कोरोना भाइरसका कारण खेलाडीलाई प्रशिक्षणमा राख्न नसकिएको हो । तर अन्य खेलहरु आरामले सञ्चालन हुँदा बास्केटबल किन ठप्प रहेको भन्ने प्रश्न गर्दा गुरुङले झर्किदै भनेः “कुन खेल सञ्चालन भएको छ ? क्रिकेटलाई आईसिसिले बार्षिक बजेट पठाउछ अनि त्यो बार्षिक बजेट पचाउनु परेन, काम गरेको देखाउनु परेन ?”

नेपाल क्रिकेट संघले ससर्त निलम्बन फुकुवा भए यता गरेका कुनै पनि राष्ट्रिय प्रतियोगिता नेपाल सरकार र महानगरपालिकाको पैसाबाट मात्रै हुँदै आएको ज्ञान भने गुरुङलाई थिएन । यस दौरान कोरोनाको दोश्रो लहर अघि नेपालमा भएको त्रिदेशीय अन्तर्राष्ट्रिय प्रतियोगिता पनि क्यानले गरेको थिएन ।

नेपाललाई बंगलादेश पठाउन आफूहरुसँग बजेट नरहेको पनि गुरुङ भन्छन् । “राष्ट्रिय खेलकुद परिषद अहिले पदाधिकारी बिहिन भएको कारण मैले आन्तरिक कुराहरु गरेको थिए । प्रकृया अनुसार सम्बन्धित ठाँउमा बजेटका लागि पत्राचार पनि गरेको हो । तर अहिले सम्भव भएन,” उनले भने ।

गुरुङ नेपालको लागि साबा च्याम्पियनसिप ठूलो प्रतियोगिता रहेको मान्न समेत तैयार छैनन् ।

नेबाका महासचिव नरेन्द्र थापाको प्रतिकृयाले नेपालले सहभागिता जनाउन नसकेको अध्यायलाई झन अर्कै मोड दिन्छ ।

दक्षिण एसियाली खेलकुदमार्फत नै नेपाली महिला टोलीले पहिलो अन्तर्राष्ट्रिय रजत पदका जितेको थियो ।

“पछिल्लो पटक साबा च्याम्पियनसिपमा हामी भुटानसँग पनि हार्न पुगेको थियौं । अहिले छोटो समयको प्रशिक्षणमा जाने लगभग त्यही टोली हो । नराम्रोसँग हारियो भने दोष फेरि संघलाई नै आउछ । त्यसैले हामीले यो पटक सहभागिता नजनाउने निर्णय गरेका हौं,” थापाले भने ।

अध्यक्ष टेन्डी शेर्पा केही बर्षयता बिरलै लाग्ने रोगले थल्लिएपछि गुरुङलाई कार्यबाहक अध्यक्षको जिम्मेवारी दिइएको हो । तर नेपाल बास्केटबल संघले आफ्नै बलबुतामा प्रतियोगिता आयोजना गर्न नसकेको चार बर्षभन्दा बढी भइसकेको छ ।

पछिल्लो पटक २०१७ मा अण्डर १८ राष्ट्रिय बास्केटबल प्रतियोगिता गरेको नेबाले सिनियर प्रतियोगिता गरेको छैन, न पुरुष र न महिला कै । कोरोना भाइरसको पहिलो लहर देखि हालसम्म आइपुग्दा बास्केटबल संघले अहिलेसम्म खेलाडीसँग स्पष्ट रुपमा संवाद समेत गरेको छैन ।

खेलाडी आफैले अन्तर्राष्ट्रिय प्रतियोगिताको बारे जानकारी गराउनु पर्ने र प्रशिक्षणको वातावरण बनाउन हार गुहार गर्नु पर्ने अवस्थामा नेपाली बास्केटबल आइपुगेको छ ।

Headline

सनसनीपूर्ण जित निकाल्दा दक्षिण अफ्रिकाको क्लिन स्विप 

wesportz

Published

on

सातौँ नम्बरमा ब्याटिङ गर्न आएका दिपक चाहरले आक्रामक पारी खेल्दै भारतलाई जित नजिक पुर्याए पनि तेश्रो तथा अन्तिम एकदिवसीय खेलमा चार रनको सनसनीपूर्ण जित निकाल्दा दक्षिण अफ्रिकाले शृंखला माथि क्लिन स्विप गरेको छ ।

पहिलो एकदिवसीय खेलमा ३१ रनको जित दर्ता गराएको दक्षिण अफ्रिकाले दोश्रो खेलमा भारतलाई सात विकेटले पाखा लगाएको थियो । आजको जितसँगै दक्षिण अफ्रिकाले तीन खेलको शृंखला ३-० ले आफ्नो पक्ष्यमा पारेको हो । 

खेलमा टस हारेर पहिले ब्याटिङ गरेको दक्षिण अफ्रिकाले विकेट किपर तथा ओपनर क्विन्टन डि ककको शतकको मद्दतमा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो भने पूर्व कप्तान विराट कोहली, शिखर धवन र चाहरको अर्धशतकको बाबजुद भारतले ४९ दशमलब दुई ओभर खेल्दै आफ्ना सबै विकेट गुमाएर २८३ रन मात्र बनाउन सक्यो ।

२२३ रनमा सात विकेट गुमाएर फराकिलो हार तर्फ लम्केको भारतको लागि चाहरले जस्प्रित बुम्रासँग मिलेर आठौं विकेटका लागि ३० बलमा ५५ रनको साझेदारी गर्दै जितको आशा जगाए । तर ३४ बल खेल्दै पाँच चौका र दुई छक्का सहित ५४ रन बनाएका चाहर लुंगी एनगिदीको शिकार बन्दा भारतको ह्वाइटवासबाट बच्ने सपना पनि चकनाचुर हुन पुग्यो ।

भारतका कप्तान केएल राहुल नौ रनमा आउट भए पनि कोहली र धवनले दोश्रो विकेटका लागि ९८ रनको साझेदारी गर्दै भारतको पारी सम्हाले । धवन ६१ रन बनाएर आउट भए भने विकेट किपर ब्याटर ऋषभ पन्त गोल्डेन डकआउट हुन पुगे ।

भारतको लागि सर्वाधिक ६५ रन बनाएका विराट तथा श्रेयस ऐयर २६ र सुर्यकुमार यादव ३९ रनमा आउट हुँदा भारत फराकिलो हार नजिक पुगेको थियो ।

दक्षिण अफ्रिकाको जितमा लुंगी एनगिदीएन्डिले फेहुक्वायोले समान ३-३ तथा ड्वेन प्रिटोरियसले दुई विकेट हात पारे ।        

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

@wesportz Watch full video on our YouTube. #viral #viralvideo #foryou #nepalicricket #bibekyadav ♬ original sound – Addicted to rash😍❤️

 

Continue Reading

Headline

डि ककको शतकमा भारतलाई विशाल लक्ष्य 

wesportz

Published

on

ओपनर तथा विकेट किपर क्विन्टन डि ककले एकदिवसीयमा १७ औ शतक प्रहार गरे पछि घरेलु टोली दक्षिण अफ्रिकाले भारतलाई तेश्रो तथा अन्तिम एकदिवसीय खेल जित्नका लागि २८८ रनको विशाल लक्ष्य दिएको छ ।

खेलमा टस हारेर पहिले ब्याटिङ गरेको दक्षिण अफ्रिकाले अन्तिम १६ बलमा चार विकेट गुमाउँदा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो ।   

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

तीन खेलको शृंखलामा दक्षिण २-० ले अघि रहेको छ । आजको खेलमा जित निकाल्न सकेको खण्डमा दक्षिण अफ्रिकाले शृंखला माथि क्लिन स्विप गर्नेछ ।  

 

Continue Reading

Headline

पुलिसलाई हराउदै मनाङ आहा–रारा गोल्डकपको सेमिफाइनलमा

wesportz

Published

on

ओलावाले ओलादिपो अफिज नेपाल पुलिसको खराब डिफेन्डिँगको फाइदा उठाउन सफल भएपछि मनाङ मस्र्याङ्गदी क्लब आहा–रारा गोल्डकपको सेमिफाइनलमा प्रवेश गरेको छ ।

पोखरा रँगशालामा ओलावाले दुवै गोलमा संलग्न हँुदा मनाङ पुलिसलाई २–० ले हराउन सफल भयो । पुलिस हिमालयन शेर्पा क्लबलाई टाई ब्रेकरमा हराउदै क्वार्टर–फानल पुगेको हो भने मनाङ सोझै अन्तिम ८ का लागि ड्र भएको थियो ।

पहिलो हाफमा दुवै टोली गोल गर्न असफल भएपछि मनाङ दोश्रोमा हावी हुन पुग्यो । यसमा पुलिसको खराब प्रदर्शनले नै मनाङलाई सघाएको थियो ।

६४ औं मिनेटमा अजित भण्डारीले खराब डिफेन्डिङ्ग गर्दा मनाङले खेलमा अग्रता लियो । पुलिसको बक्समा रुपेश केसीले दवाब बनाउदा अजितले बललाई मनाङ फर्वार्ड ओलावालेलाई दिन पुगे । ओलावालेले रुपेशकै लागि बल निकाल्दा उनले भलिमार्फत सुन्दर गोल गरे ।

८३ औं मिनेटमा जुमानु राईले गोल गर्ने सुनौलो अवसर गुमाए । रवि पासवानको क्रसमा बक्स भित्र रहेका जुमानुलले आफैलाई असहज स्थिति पुर्याउन पुगेपछि अन्त्यमा फितलो प्रहार गर्दै अवसर खेल फालेका थिए ।

लगत्तै मनाङ्गले अग्रता दोब्बर बनाउने मौका गुमायो । ओलावालले तिब्र रन बनाउदै बक्स भित्र निकालेको क्रसमा अशोक थापा मगरले गरेको प्रहारलाई पुलिसका गोलकिपर सन्जिव श्रैष्ठले रोकेका थिए । तर ८८ औं मिनेटमा ओलावालेले मनाङको जित सुनिश्चित बनाए ।

यसपटक फेरि पुलिसको खराब प्रदर्शन यसको कारक बन्यो । ओलावालेले भालो सिलवाललाई मिडफिल्डमा डिसपोजेस गर्दै राम्रो ड्रिब्लिँगका साथ पुलिसको बक्स नजिक पुग्न सफल भए । अजित र भोलाको दवाबका बीच नियन्त्रण नगुमाएका ओलावालले गोलकिपर सन्जिव अगाडी बसेको अवस्थामा बक्स बाहिर बाटै गोल गरेका थिए ।

Continue Reading
Headline1 hour ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline5 hours ago

डि ककको शतकमा भारतलाई विशाल लक्ष्य 

Headline7 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline14 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!