Connect with us

T20 World Cup 2021

 ट्वान्टी ट्वान्टी विश्वकप : न्युजिल्यान्ड सेमिफाइनलमा, भारतको विश्वकप यात्रा समाप्त 

wesportz

Published

on

समुह चरणको आफ्नो अन्तिम लिग खेलमा अफगानिस्तान माथि आठ विकेटको सहज जित हात पार्दै  न्युजिल्यान्ड युएईमा जारी ट्वान्टी ट्वान्टी विश्वकपको सेमिफाइनलमा प्रवेश गरेको छ । न्युजिल्यान्डले सेमिफाइनलमा स्थान सुरक्षित गरेसँगै भारतको एक खेल अगावै विश्वकप यात्रामा पूर्ण बिराम लागेको छ ।

समुह चरणमा चार जित निकाल्दै न्युजिल्यान्डले सेमिफाइनलमा स्थान बनाएको हो ।समुह २ मा नै रहेको पाकिस्तानले एक खेल कम खेल्दै आठ अंक नै जोडेको छ भने पाँच खेल खेलेको अफगानिस्तान र चार खेल खेलेको भारत दुवैको समान ४-४ अंक रहेको छ । भारतले आफ्नो अन्तिम खेलमा नामिबियालाई पराजित गरे पनि समुह चरणबाट नै बाहिरिने पक्का भएको छ ।   

समुह १ बाट इंग्ल्यान्ड विजेता र अष्ट्रेलिया उपविजेता हुँदै सेमिफाइनल प्रवेश गरिसकेका छन् । न्युजिल्यान्डले सेमिफाइनलमा अष्ट्रेलिया वा इंग्ल्यान्डको सामना गर्ने भन्ने पाकिस्तानको आज हुने स्कटल्याण्ड विरुद्धको खेलले निश्चित गर्नेछ । पाकिस्तानले स्कटल्याण्डलाई पराजित गरेको खण्डमा न्युजिल्यान्डले सेमिमा इंग्ल्यान्डको सामना गर्नेछ भने पाकिस्तान पराजित भएमा फाइनल प्रवेशका लागि अष्ट्रेलियासँग खेल्ने छ ।   

आजको खेलमा अफगानिस्तानले न्युजिल्यान्ड विरुद्ध जित दर्ता गर्न सकेको भए भारतको भाग्य चम्कने थियो र उसले सेमिमा स्थान सुरक्षित गर्ने थियो ।  

अफगानिस्तानले दिएको १२५ रनको सामान्य लक्ष्य पछ्याएको न्युजिल्यान्डले दुई विकेट गुमाएर ११ बल अगावै जित हात पार्यो र सेमिफाइनल यात्रा पनि सुनिश्चित गर्यो ।

न्युजिल्यान्डको जितमा ब्याटिङ तर्फ कप्तान केन विलियमसनडेवन कन्वेले अविजित रहँदै क्रमश ४० र ३६ रनको पारी खेले भने ओपनरद्वय मार्टिन गुप्टिलड्यारेल मिचेलले २८ र १७ रनको योगदान दिए ।  

यस अघि खराब सुरुवातका बाबजुद नजिबउल्लाह जद्रानले अर्धशतकीय पारी खेले पछि खेलमा टस जितेर पहिले ब्याटिङ गर्ने निर्णय लिएको अफगानिस्तानले पुरै २० ओभर खेल्दै आठ विकेट गुमाएर १२४ रन मात्र  जोड्न सक्यो । 

पावर-प्लेमा २३ रन जोड्दै तीन विकेट गुमाएर खराब सुरुवात गरेको अफगानिस्तानको पारी सम्हाल्ने क्रममा जद्रानले ४८ बलको सामना गर्दै छ चौका र तीन छक्काको मद्दतमा सर्वाधिक ७३ रन बनाए भने अन्य ब्याटरले उल्लेख्य योगदान दिन सकेनन् । 

तेश्रो ओभरको दोश्रो बलमा विस्फोटक ब्याटर मोहम्मद शहजाद ११ बल खेल्दै चार रनमा एडम मिल्नको शिकार भए भने त्यस लगत्तैको ओभरमा अर्का ओपनर हजरतउल्लाह जजाई दुई रन जोड्दै ट्रेन्ट बोल्टको बलमा आउट हुन पुगे । तेश्रो नम्बरमा ब्याटिङ गर्न आएका रहमानउल्लाह गुरबाज चार रनमा टिम साउथीको बलमा एलबीडब्लुको धरापमा पर्दै पेभेलियन फर्किए । 

त्यस बाहेक गुलाबदीन नैब १५, कप्तान मोहम्मद नाबी १४, करिम जन्नत दुई तथा रशिद खान दुई रनमा आउट भए ।

अफगानिस्तानलाई सानो योगफलमा रोक्ने क्रममा ट्रेन्ट बोल्टले चार ओभरमा १७ रन खर्चिएर सर्वाधिक तीन विकेट लिए भने टिम साउथीले चार ओभरमा नै २४ रन दिएर दुई विकेट आफ्नो नाममा दर्ता गराए । 

T20 World Cup 2021

अष्ट्रेलियालाई पहिलो ट्वान्टी ट्वान्टी विश्वकपको उपाधि, न्युजिल्यान्डको सपना अधुरै

wesportz

Published

on

ओपनर डेविड वार्नरमिचेल मार्शले अर्धशतक प्रहार गर्दा अष्ट्रेलियाले पहिलो पटक ट्वान्टी ट्वान्टी विश्वकपको उपाधि चुमेको छ । 

युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्ड माथि आठ विकेटको सहज जित हात पार्दै पाँच पटकको एकदिवसीय विश्वकप विजेता अष्ट्रेलियाले पहिलो पटक ट्वान्टी ट्वान्टी विश्वकपको उपाधि माथि कब्जा जमाएको हो ।

न्युजिल्यान्ड भने फेरी पनि एक पटक उपविजेतामा नै सीमित हुन पुग्यो । सन् २०१५ मा संयुक्त रुपमा अष्ट्रेलिया र न्युजिल्यान्डमा तथा सन् २०१९ मा इंग्ल्यान्डमा आयोजना भएको एकदिवसीय विश्वकपमा न्युजिल्यान्ड क्रमश अष्ट्रेलिया र इंग्ल्यान्डसँग पराजित हुँदा विश्वकपको उपाधि चुम्ने धोको अधुरै रहेको थियो ।

न्युजिल्यान्डले दिएको १७३ रनको लक्ष्य पछ्याएको अष्ट्रेलियाले १८ दशमलब पाँच ओभर खेल्दै दुई विकेट गुमाएर लक्ष्य पार गर्यो ।

अष्ट्रेलियाको जितमा तेश्रो नम्बरमा ब्याटिङ गर्न आएका मिचेल मार्शले अविजित रहँदै सर्वाधिक ७७ रन बनाए भने ओपनर डेविड वार्नरले ५३ रनको पारी खेले । त्यस बाहेक ग्लेन म्याक्सवेलले पनि १८ बलमा २८ रनको योगदान दिए ।  

अष्ट्रेलियाले सुरुवात भने राम्रो गर्न सकेन । खराब फर्मबाट गुज्रीरहेका कप्तान आरोन फिन्च मात्र पाँच रन जोड्दै ट्रेन्ट बोल्टको बलमा आउट हुन पुगे । कप्तान फिन्चको विकेटको पतन पछि क्रिजमा आएका मार्शले वार्नरसँग मिलेर नौ दशमलब पाँच ओभरमा ९२ रन जोड्दै अष्ट्रेलियाको जितको आधार तयार पारे ।

आफ्नो पहिलो स्पेलमा दुई ओभर गर्दै मात्र छ रन खर्चिएर एक विकेट हात पारेका ट्रेन्ट बोल्टलाई कप्तान केन विलियमसनले १३ औं ओभर गर्नका लागि बलिङमा बोलाए । बोल्टले पनि कप्तानको निर्णय माथि खरो उत्रंदै ३८ बलमा तीन छक्का र चार चौका प्रहार गरेका वार्नरलाई बोल्ड गर्दै न्युजिल्यान्डलाई दोश्रो सफलता दिलाए ।

वार्नरको विकेटको पतन पछि पनि अष्ट्रेलिया रोकिएन । चौथो नम्बरमा ब्याटिङ गर्न आएका म्याक्सवेलले मार्शसँग मिलेर ६ दशमलब तीन ओभरमा अविजित ६६ रनको साझेदारी गर्दै अष्ट्रेलियालाई उपाधि दिलाए । ५० बलको सामना गरेका मार्शले छ चौका र चार छक्का प्रहार गरे भने म्याक्सवेलले चार चौका र एक छक्का हिर्काए ।

न्युजिल्यान्डका ट्रेन्ट बोल्टले चार ओभरमा १८ रन खर्चिएर सर्वाधिक दुई विकेट हात पारे भने बाँकी बलर विकेट बिहिन रहन पुगे ।              

यस अघि खेलमा टस हारेर पहिले ब्याटिङ गरेको न्युजिल्यान्डले विलियमसनको अर्धशतकमा पुरै २० ओभर खेल्दै चार विकेटको नोक्सानीमा १७२ रन बनाउन सफल भयो ।   

न्युजिल्यान्डको लागि कप्तान केन विलियमसनले सर्वाधिक ८५ रन बनाए । शतक नजिक पुगेर जश हेजलउडको बलमा आउट हुनु अघि ४८ बलको सामना गर्दै १० चौका र तीन छक्का प्रहार गरे । ३२ बलमा आफ्नो अर्धशतक पुरा गरेका विलियमसनले मिचेल स्टार्कको एकै ओभरमा चार चौका र एक छक्का सहित २२ रन प्रहार गरे ।

 कप्तान विलियमसन बाहेक न्युजिल्यान्डका ओपनर मार्टिन गुप्टिलले सुस्त खेल्दै ३५ बलमा २८ रन बनाए भने ग्लेन फिलिप्सले १८ तथा अर्का ओपनर ड्यारेल मिचेलले ११ रनको योगदान दिए । त्यस्तै जिमी निशम र विकेट किपर ब्याट्सम्यान टिम सेइफर्टले अविजित रहँदै क्रमश १३ र आठ रनको पारी खेले । 

अष्ट्रेलियाका जश हेजलउडले चार ओभरमा मात्र १६ रन खर्चिएर सर्वाधिक तीन विकेट लिए भने एडम जाम्पाले पनि आफ्नो नाममा एक विकेट दर्ता गराउन सफल भए । निकै महँगो साबित भएका मिचेल स्टार्कले चार ओभरमा ६० रन खर्चिए ।    

Continue Reading

T20 World Cup 2021

ट्वान्टी ट्वान्टी विश्वकप फाइनल : कप्तान केन विलियमसनको कप्तानी पारीमा अष्ट्रेलियालाई चुनौतिपूर्ण लक्ष्य

wesportz

Published

on

कप्तान केन विलियमसनको कप्तानी पारीमा युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्डले अष्ट्रेलियालाई १७३ रनको चुनौतिपूर्ण लक्ष्य दिएको छ ।

खेलमा टस हारेर पहिले ब्याटिङ गरेको न्युजिल्यान्डले विलियमसनको अर्धशतकमा पुरै २० ओभर खेल्दै चार विकेटको नोक्सानीमा १७२ रन बनाउन सफल भयो ।   

न्युजिल्यान्डको लागि कप्तान केन विलियमसनले सर्वाधिक ८५ रन बनाए । शतक नजिक पुगेर जश हेजलउडको बलमा आउट हुनु अघि ४८ बलको सामना गर्दै १० चौका र तीन छक्का प्रहार गरे । ३२ बलमा आफ्नो अर्धशतक पुरा गरेका विलियमसनले मिचेल स्टार्कको एकै ओभरमा चार चौका र एक छक्का सहित २२ रन प्रहार गरे ।

 कप्तान विलियमसन बाहेक न्युजिल्यान्डका ओपनर मार्टिन गुप्टिलले सुस्त खेल्दै ३५ बलमा २८ रन बनाए भने ग्लेन फिलिप्सले १८ तथा अर्का ओपनर ड्यारेल मिचेलले ११ रनको योगदान दिए । त्यस्तै जिमी निशम र विकेट किपर ब्याट्सम्यान टिम सेइफर्टले अविजित रहँदै क्रमश १३ र आठ रनको पारी खेले । 

अष्ट्रेलियाका जश हेजलउडले चार ओभरमा मात्र १६ रन खर्चिएर सर्वाधिक तीन विकेट लिए भने एडम जाम्पाले पनि आफ्नो नाममा एक विकेट दर्ता गराउन सफल भए । निकै महँगो साबित भएका मिचेल स्टार्कले चार ओभरमा ६० रन खर्चिए ।    

आजको खेलमा अष्ट्रेलियाले सेमिफाइनल खेलेको टोलीलाई नै उतारेको छ भने न्युजिल्यान्डले एक परिवर्तन गरेको छ । यस अघिको खेलमा चोट बोकेका डेवन कन्वेको स्थानमा टिम सेइफर्टले सुरुवाती ११ मा स्थान बनाएका छन् । 

दुबै अष्ट्रेलिया र न्युजिल्यान्ड पहिलो ट्वान्टी ट्वान्टी विश्वकपको ट्रफी उचाल्ने लक्ष्यमा रहेका छन् । आजको खेलमा जित हात पार्ने टोलीले पहिलो पटक ट्वान्टी ट्वान्टी विश्वकपको उपाधि चुम्ने छ । न्युजिल्यान्ड पहिलो पटक ट्वान्टी ट्वान्टी विश्वकपको फाइनलमा प्रवेश गरेको हो भने अष्ट्रेलियाले यस अघि सन् २०१० मा इंग्ल्यान्डमा सम्पन्न ट्वान्टी ट्वान्टी विश्वकपको फाइनलमा प्रवेश गरे पनि आयोजक इंग्ल्यान्डसँग सात विकेटले पराजित हुँदै उपविजेतामा सीमित हुन बाध्य भएको थियो । 

सेमिफाइनलमा न्युजिल्यान्डले इंग्ल्यान्डलाई तथा अष्ट्रेलियाले समुह चरणमा अपराजित पाकिस्तानलाई समान ५-५ बिकेटले पराजित गर्दै फाइनलको यात्रा तय गरेका हुन् ।  

ट्वान्टी ट्वान्टीमा अष्ट्रेलिया र न्युजिल्यान्ड १४ पटक एक आपसमा भिड्दा अष्ट्रेलिया नौ खेलमा विजयी हुँदा न्युजिल्यान्डले पाँच खेल मात्र आफ्नो पक्ष्यमा पार्न सफल भएको थियो । विश्वकपमा हेर्ने हो भने यि दुई टोलीले एक खेल मात्र खेलेका छन् जसमा न्युजिल्यान्डले जित हात पारेको थियो ।  

Continue Reading

T20 World Cup 2021

ट्वान्टी ट्वान्टी विश्वकप फाइनल : अष्ट्रेलिया विरुद्ध न्युजिल्यान्ड पहिले ब्याटिङ गर्दै 

wesportz

Published

on

युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्डले पहिले ब्याटिङ गर्ने भएको छ । अष्ट्रेलियाका कप्तान एरोन फिन्चले टस जितेर न्युजिल्यान्डलाई पहिले ब्याटिङ गर्न लगाएका हुन् । 

आजको खेलमा अष्ट्रेलियाले सेमिफाइनल खेलेको टोलीलाई नै उतारेको छ भने न्युजिल्यान्डले एक परिवर्तन गरेको छ । यस अघिको खेलमा चोट बोकेका डेवन कन्वेको स्थानमा टिम सेइफर्टले सुरुवाती ११ मा स्थान बनाएका छन् ।

यस विश्वकपको तथ्याङ्कलाई हेर्ने हो भने जुन टोलीले टस जित्दै पहिले बलिङ गर्दछ उसैले खेलमा पनि जित हात पारेको छ ।  

दुबै अष्ट्रेलिया र न्युजिल्यान्ड पहिलो ट्वान्टी ट्वान्टी विश्वकपको ट्रफी उचाल्ने लक्ष्यमा रहेका छन् । आजको खेलमा जित हात पार्ने टोलीले पहिलो पटक ट्वान्टी ट्वान्टी विश्वकपको उपाधि चुम्ने छ । न्युजिल्यान्ड पहिलो पटक ट्वान्टी ट्वान्टी विश्वकपको फाइनलमा प्रवेश गरेको हो भने अष्ट्रेलियाले यस अघि सन् २०१० मा इंग्ल्यान्डमा सम्पन्न ट्वान्टी ट्वान्टी विश्वकपको फाइनलमा प्रवेश गरे पनि आयोजक इंग्ल्यान्डसँग सात विकेटले पराजित हुँदै उपविजेतामा सीमित हुन बाध्य भएको थियो । 

सेमिफाइनलमा न्युजिल्यान्डले इंग्ल्यान्डलाई तथा अष्ट्रेलियाले समुह चरणमा अपराजित पाकिस्तानलाई समान ५-५ बिकेटले पराजित गर्दै फाइनलको यात्रा तय गरेका हुन् ।  

ट्वान्टी ट्वान्टीमा अष्ट्रेलिया र न्युजिल्यान्ड १४ पटक एक आपसमा भिड्दा अष्ट्रेलिया नौ खेलमा विजयी हुँदा न्युजिल्यान्डले पाँच खेल मात्र आफ्नो पक्ष्यमा पार्न सफल भएको थियो । विश्वकपमा हेर्ने हो भने यि दुई टोलीले एक खेल मात्र खेलेका छन् जसमा न्युजिल्यान्डले जित हात पारेको थियो ।  

 

Continue Reading
Headline2 hours ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline6 hours ago

डि ककको शतकमा भारतलाई विशाल लक्ष्य 

Headline8 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline14 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!