अन्तर्राष्ट्रिय
राहुल द्रविड बने भारतीय क्रिकेट टोलीको नयाँ प्रशिक्षक
Published
2 years agoon
By
wesportzभारतीय क्रिकेट टोलीका पूर्व कप्तान राहुल द्रविड भारतीय टोलीका मुख्य प्रशिक्षक नियुक्त भएका छन् । द वालका नामले परिचित द्रविडले युएईमा जारी ट्वान्टी ट्वान्टी विश्वकप पछि घरेलु मैदानमा आयोजना हुने न्युजिल्यान्ड विरुद्धको ट्वान्टी ट्वान्टी शृंखलाबाट भारतीय टोलीको प्रशिक्षकको जिम्मेवारी सम्हाल्ने छन् ।
द्रविडलाई सन् २०१६ र सन् २०१७ मा दुई पटक भारतीय क्रिकेट बोर्डले मुख्य प्रशिक्षक बन्नका लागि आग्रह गरेको थियो । तर दुबै पटक उनले अस्वीकार गरेका थिए । यस पटक पनि बोर्डका अध्यक्ष तथा भारतका पूर्व कप्तान सौरव गांगुलीले द्रविडलाई प्रशिक्षक बन्नका लागि आग्रह गर्दा उनले पहिले अस्वीकार गरेका थिए ।
तर विश्वकप अघि सम्पन्न इन्डियन प्रिमियर लिग (आईपीएल) को फाइनलमा द्रविडलाई युएईमा नै बोलाएर गांगुलीले प्रशिक्षक बन्नका लागि राजी गराउन सफल भएका थिए । गांगुलीको नै आग्रहमा द्रविडले आधिकारिक रुपमा प्रशिक्षकका लागि आवेदन दिएका थिए ।
द्रविड हाल बेंगलोरमा रहेको नेसनल क्रिकेट एकेडेमी (एनसीए) को प्रमुखका रुपमा कार्यरत थिए । खेल जीवनबाट सन्यासको घोषणा गरे पछि उनी आईपीएलमा आबद्ध भएर काम गरेका थिए भने पछि भारत ए र भारत यु१९ को मुख्य प्रशिक्षक भएर पनि काम गरेका थिए । द्रविडको प्रशिक्षणमा भारतले सन् २०१६ र सन् २०१८ मा गरेर दुई पटक यु१९ को विश्वकप खेलेको थियो भने सन् २०१८ मा उपाधि चुम्न सफल भएको थियो ।
यस अघि भारतीय टोली इंग्ल्यान्डको भ्रमणमा रहेको समयमा भारतले दोश्रो श्रेणीका खेलाडीहरु लिएर समान ३-३ एकदिवसीय र ट्वान्टी ट्वान्टी शृंखलामा श्रीलंका भ्रमण गर्दा मुख्य प्रशिक्षकको जिम्मेवारी बहन गरेका थिए ।
द्रविडको सम्झौता सन् २०२३ मा भारतमा नै आयोजना हुने एकदिवसीय विश्वकप सम्म रहेको छ । हालका प्रशिक्षक रवि शास्त्रीको सम्झौता जारी विश्वकप सम्म रहेका कारण भारतले नयाँ प्रशिक्षक नियुक्त गरेको हो ।
द्रविडले भारतीय क्रिकेट टोलीको प्रशिक्षक नियुक्त भएकोमा खुशी व्यक्त गरेका छन् । “भारतीय क्रिकेट टोलीको प्रशिक्षक हुन पाउँदा म निकै गौरवान्वित छु । म आफ्नो काम सुरु गर्न लालायित पनि छु । रवि शास्त्रीको कार्यकालमा भारतले ठुलो उपलब्धि हासिल गरेको छ । म आफ्नो कार्यकालमा यसलाई निरन्तरता दिन चाहन्छु ,” द्रविडले भने ।
“मैले धेरै जस्तो खेलाडीहरुलाई एनसीएल, भारत ए र यु१९ मा देखेको छु । उनीहरु कस्ता खेलाडी हुन् भन्ने बारेमा मलाई राम्रो जानकारी छ । सबैभन्दा राम्रो कुरा के छ भने उनीहरु सधैं सिक्नमा इच्छुक रहन्छन् भने उत्तिकै जोस पनि राख्छन् । आगामी दुई वर्षमा केही ठूला प्रतियोगिताहरु रहेका छन् । त्यसका लागि हामी एक जुट भएर लागि पर्नेछौँ ।”
द्रविडको प्रशिक्षणमा भारतले विश्वकप पछि न्युजिल्यान्डसँग घरेलु मैदानमा तीन ट्वान्टी ट्वान्टी तथा दुई टेस्टको शृंखला खेल्ने छ भने डिसेम्बरमा समान ३-३ टेस्ट र एकदिवसीय तथा चार ट्वान्टी ट्वान्टी शृंखलाका लागि दक्षिण अफ्रिकाको भ्रमण गर्नेछ । त्यस्तै भारतले वेस्ट इन्डिज, श्रीलंका र दक्षिण अफ्रिकासँग घरेलु मैदानमा शृंखलाहरु पनि खेल्ने छ ।
@wesportzRahul Dravid has been appointed the Head Coach of Team India (Senior Men). The former India captain will take charge from the upcoming home series against New Zealand: BCCI ##tiktok_india ##rahuldravid ##bcci_india ##indiancricket ##dravidthewall♬ original sound – A?K
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
2 years agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।