Connect with us

अन्तर्राष्ट्रिय

रशिद खान अफगानिस्तान क्रिकेट टोलीको नयाँ कप्तान 

wesportz

Published

on

अफगानिस्तान क्रिकेट बोर्डले ट्वान्टी ट्वान्टीको लागि लेग स्पिनर रशिद खानलाई कप्तान नियुक्त गरेको छ । बोर्डले आज एक विज्ञप्ति जारी गर्दै रशिदलाई कप्तान तथा नजिबुल्लाह जद्रानलाई उपकप्तान नियुक्त गरेको जनाएको हो ।    

गत महिना मात्र रशिदले बोर्डको कप्तान बन्ने प्रस्ताव लत्याएका थिए । रशिदले आफू कप्तानका रुपमा भन्दा पनि खेलाडीका रुपमा राम्रो हुने भन्दै बोर्डको प्रस्ताव अस्वीकार गरेका थिए । 

यस अघि उनले भनेका थिए, ‘म यो कुरामा प्रष्ट छु कि म खेलाडीको रुपमा अफगानिस्तान टोलीलाई धेरै दिन सक्छु । म उपकप्तानका रुपमा नै बढी खुशी छु । आवश्यक परेको खण्डमा म कप्तानलाई सहयोग गर्न तयार पनि छु ।मेरो विचारमा म कप्तानको पद भन्दा टाढा नै बस्न उपयुक्त हुन्छ ।’

‘म खेलाडीको रुपमा नै आफ्नो टोलीलाई धेरै दिन चाहन्छु । मेरो प्रदर्शन नै महत्वपूर्ण हुन्छ सायद कप्तानका रुपमा भन्दा पनि बलरको रुपमा । म कप्तानका रुपमा लिने बोझ भन्दा पनि बलरका रुपमा लिने बोझमा बढी खुशी छु ।’ 

गत महिना अफगानिस्तान क्रिकेट बोर्डले अस्गर अफगानलाई कप्तानबाट बर्खास्त गरेको थियो ।  अफगानको स्थानमा बोर्डले मध्यक्रमका ब्याट्सम्यान हस्मतुल्लाह शाहिदीलाई टेस्ट र एकदिवसीयको कप्तान तथा रहमत शाहलाई उपकप्तान नियुक्त गरेको थियो । 

रशिदले यस अघि  एकदिवसीयमा गरेर कुल १६ खेलमा अफगानिस्तानको कप्तानी गरेका थिए जस मध्य छ खेलमा जित हात पारेका थिए । सन् २०१९ को विश्वकप पछि उनले अफगानिस्तानको टेस्ट, एकदिवसीय र ट्वान्टी ट्वान्टीको कप्तान नियुक्त भएका थिए भने पछि बोर्डले अफगानलाई नै कप्तान नियुक्त गरेको थियो ।   

रशिदले अब अक्टोबर १७ देखि नोभेम्बर १४ सम्म युएईमा आयोजना हुने ट्वान्टी ट्वान्टी विश्वकपमा अफगानिस्तानको कप्तानी गर्नेछन् । अफगानिस्तान समुह बी मा भारत, इंग्ल्यान्ड र दक्षिण अफ्रिकासँगै छ जसमा क्वालिफायर्सबाट दुई टोली समावेश हुनेछन् ।  

 

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading

अन्तर्राष्ट्रिय

पाँच महिना पछि आईपीएल आजबाट सुचारु हुँदै

wesportz

Published

on

कोरोनाका कारण बिचमा नै स्थगित भएको १४ औं संस्करणको इन्डियन प्रिमियर लिग (आईपीएल) पाँच महिना पछि पुन सुचारु हुन लागेको छ । बैशाखमा रोकिएको आईपीएल फर्कदा साबिक विजेता मुम्बई इन्डियन्स र चेन्नाई सुपर किंग्स भिड्दै छन् । 

यस अघि बैशाख २४ मा भारतीय क्रिकेट बोर्ड (बिसीसीआई) ले सबै फ्रेन्चाइजसँगको सल्लाह पछि यस सिजनको बाँकी खेल हालका लागि स्थगित गर्ने निर्णय लिएको थियो ।

भारतमा कोरोनाको संक्रमण दरमा वृद्धि भएसँगै फ्रेन्चाइज टोलीका सदस्यहरुमा पनि कोरोना संक्रमण भए पछि २९ खेल पछि बाँकी खेलहरु स्थगित गरिएको थियो । कोलकाता नाइट राईडर्सका दुई जना खेलाडीमा संक्रमण देखिए पछि रोयल च्यालेन्जर्स बेंगलोर विरुद्धको खेल पनि स्थगित गरिएको थियो भने त्यस लगत्तै बाँकी खेल पनि स्थगित गर्ने निर्णय बिसीसीआईले लिएको थियो । 

दिल्ली क्यापिटल्सका अमित मिश्रा, सनराईजर्स हैदराबादका रिद्दीमन शाह, चेन्नाई सुपर किंग्सका बलिङ प्रशिक्षक लक्ष्मीपती बालाजी तथा अन्य सपोर्ट स्टाफमा पनि कोरोना संक्रमण भए पछि प्रतियोगिता स्थगित भएको थियो । 

भारतमा कोरोना संक्रमण दरमा अहिले पनि कमी नआए पछि बिसीसीआईले बाँकी खेलहरु युएईमा आयोजना हुँदैछन् ।

यस सिजन दिल्ली अंक तालिकाको शीर्ष स्थानमा रहेको छ । आठ खेल खेलेको दिल्लीको १२ अंक रहेको छ भने दोश्रो स्थानमा रहेको चेन्नाईको सात खेलमा १० अंक रहेको छ ।    

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!