Headline
अर्को कोपा, अर्जेन्टिना र मेस्सीलाई उपाधिको खडेरी तोड्ने अर्को मौका
Published
3 years agoon
By
wesportzआइतबारदेखि शुरु हुन गइरहेको कोपा अमेरिकाले अर्जेन्टिनालाई २८ बर्षदेखिको उपाधि खडेरी समाप्त गर्न अर्को मौका दिनेछ । तर घरेलु भुमिबाट चीर प्रतिद्वन्दी ब्राजिलमा प्रतियोगिता सरेपछि अर्जेन्टिना र बिशेष गरि उसका बिश्व सुपरस्टार मेस्सीलाई चुनौति थपिएको छ ।
यो बर्ष कोलम्बियासंगै सह आयोजक रहको अर्जेन्टिनाले कोरोनाको संक्रमण बढेपछि प्रतियोगिता सार्नु परेको थियो । कोलम्बियामा भने सरकारबिरोधी प्रदर्शन हिंसात्मक बनेपछि त्यहांको आयोजना असम्भव देखिएको हो ।
ब्रजिलले लगातार दोश्रो पटक प्रतियोगिताको आयोजना गर्न गइरहेको हो ।
पछिल्लो पटक अर्जेन्टिनालेकोपा अमेरिकाको उपाधि १९९३ मा जितेको थियो । बिश्वकै सबैभन्दा पुरानो फुटबल प्रतियोगितामा उसले १४ औं पटक नाम लेखाएको थियो ।
२८ बर्षअघि हालका एट्लेटिको म्याड्रिडका प्रशिक्षक डिएगो सिमिओने र ग्याब्रियल बाटिस्टुटाले सेन्टर फर्वार्डको रुपमा लगातार गोल गर्दा अर्जेन्टिनाको पछिल्लो प्रमुख उपाधि यात्रा सम्भव भएको थियो । तर त्यसयता भने अर्जेन्टिनी फुटबलमा उपाधिको खडेरी लागेको छ ।
मेस्सीले २००२ को ओलम्पिक्समा स्वर्ण पटक त जिते तर अण्डर २३ प्रतियोगिताको उपलब्धिलाई अर्जेन्टिनाले सिनियर फुटबलसंग जोडेर हेर्न सक्दैन ।
१९९३ पछि अर्जेन्टिना चार पटक कोपाको फाइनलमा पुगेपनि खाली हात फर्किदै आएको छ । दोश्रो स्थानमा चित्त बुझाउन नचाहने मेस्सी जस्ता खेलाडीको उपस्थिति र आफ्नै गर्विलो इतिहास बोकेको अर्जेन्टिनी फुटबलको लागि यो निकै नै कठिन यात्रा रहदै आएको छ ।
“कोपा जित्नु जहिल्यै पनि हाम्रो सपना रहदै आएको छ । प्रतिस्पर्धा जस्तो सुकै होस हामी राष्ट्रिय टोलीको रुपमा जित्न चाहन्छौं । अहिले टिममा रहेका युवा र अनुभवी खेलाडीहरुको सपना पनि एकै छ,” मेस्सीले भने ।
जुन २४ मा मेस्सीले आफ्नो ३४ औं जन्मदिन मनाउन गइरहेका छन् । बार्सिलोनाका लागि एकपछि अर्को उपलब्धि हात पारिसकेपनि निलो र सेतो जर्सीमा पहिलो पटक उपाधि जित्न मेस्सीको लागि सम्भवत यो अन्तिम मौका हुन सक्छ ।
प्रतियोगितालाई ब्राजिल सारिदा अर्जेन्टिनालाई गाह्रो पक्कै पनि हुनेछ तर यसको एउटा फाइदा पनि छ । पछिल्लो पटक २०१९ कोसंस्करणको सेमिफाइनलमा ब्राजिलसंग २-० ले पराजित हुंदा अर्जेन्टिना खराब रेफ्रि शिकार भएको मानिएको थियो ।
आफूबिरुद्ध निर्णयहरुको सामना गरेको अर्जेन्टिनी टोलीले स्विकार नगरेपनि यो उनीहरुको लागि बदला लिने राम्रो मञ्च पनि हो । र आफ्नो फुटबल इतिहासमा अर्को अध्याय लेख्ने राम्रो अवसर पनि ।
१० टोलीलाई दुई समुहमा बिभाजित गरिएको प्रतियोगितामा अर्जेन्टिनाको समुहमा बोलिभिया, चिली, पाराग्वे र उरुग्वे रहेका छन् । मात्र एक टोली लिग चरणपछि बाहिरिने छ । क्वार्टर(फाइनलसम्मकोयात्रा सहज देखिएपनि अर्जेन्टिनी प्रशिक्षक लियोनल स्कालोनी फुटबललाई कठिन मान्छन् ।
“फुटबल निकै प्रतिस्पर्धात्मक भइसकेको छ र गाह्रो पनि । रोकिएको बल, खराब निर्णयहरुले पनि तपाईलाई प्रतियोगिताबाटै बाहिरको बाटो देखाउन सक्छ,” स्कालोनीले भने ।
“अहिले न्याय गर्ने भनिएको भिडियो असिस्टेन्ट रेफ्रिले तपाई जतिसुकै बलियो टिम भएपनि तपाईलाई नक आउट गर्न सक्छ । अन्त्यमा हकदार टिमको मतलब हुदैन । गोल र जितले मात्र मतलब राख्छ,” उनले थपे ।
स्कालोनीले निर्माण गरेको टोली बलियो देखिन्छ । पेरिस सेन्ट जर्माइनका एन्जल डि मारिया, भिलारियालका हुवा फोइथ र इन्टर मिलानका लौटारो मार्टिनेज गत सिजन आ-आफ्नो क्लबका लागि उत्कृष्ट प्रदर्शन गर्दै देशको लागि खेल्न आएका छन् ।
२०२२ को दक्षिण अमेरिकी बिश्वकप छनोटमा पनि लगातार ६ खेल अपराजित रहेको अर्जेन्टिनाको लागि स्कालोनीले भित्र्याएका युवा खेलाडीहरुले पनि सराहनीय प्रदर्शन गरेका छन् ।
तर एक पटक फेरि सबै आखा मेस्सीमै हुनेछ र राष्ट्रिय टोलीका लागि जित्न नसकेको उपाधि मै सबै केन्द्रित रहनेछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।