Headline
नेपाल भर्सेस चाइनिज ताइपे: हेड टु हेड, के भन्छन् प्रशिक्षक ?, प्लेयर्स टु वाच र सम्भवित ११
Published
3 years agoon
By
wesportzनेपाली राष्ट्रिय टोलीले विश्वकप २०२२ र एसियन कप २०२३ को छनोट चरण अन्तर्गत चाइनिज ताइपे विरुद्ध बिहीबार दोस्रो चरणको दोस्रो खेल खेल्दै छ । नेपालले आफ्नो बाँकी रहेका तीन होम खेल कुवेतमा खेल्न लागेको हो ।
नेपालले दोस्रो चराणको पहिलो खेल कुवेत विरुद्ध खेलिसकेको छ जहाँ नेपाल कुवेत विरुद्ध १-० ले पराजित भएको थियो । यस्तै दोस्रो चरणका बाँकी रहेका तीन खेल मद्धे एसियन कप प्लेअफमा पुग्न चाइनिज ताइपे विरुद्धको खेल निकै महत्वपूर्ण छ ।
समुह बि अन्तर्गत रहेको नेपालको तीन अंक रहेको छ । १२ अंक जोडेर शीर्ष स्थानको अस्ट्रेलियाले अहिलेसम्म खेलेका चारै खेलमा जित हात पारेको छ। दोस्रो र तेस्रो स्थानका कुवेत र जोर्डनले समान ५-५ खेल खेल्दा समान १०-१० अंक जोडेका छन् । ताइपे भने बिना कुनै अंक पुछारमा रहेको छ ।
ताइपे बिगतमा बलियो टोली भए पनि अहिले भने उसको प्रदर्शनमा स्थिरता भएको रहेको छैन । ताइपेको टोली १९५४ र १९५८ को एसिएन गेम्सको गोल्ड मेडललिस्ट पनि हो ।
हेड टु हेड
नेपाल र चाइनिज ताइपे दुई पटक मात्र एक अर्कासंग भिडेका छन् । जहाँ नेपालले एकमा जित निकालेको छ भने खेलमा बराबरी खेलेको छ । दुवै खेलमा नेपालले गोल भने गरेको छ । नेपालले २-० ले विश्वकप छनोट चरणको खेल जित्दा अर्को खेल भने १-१ को बराबरीमा खेलेको थियो । अब भने नेपाललाई एसियन कप प्लेअफका लागि चाइनिज ताइपे विरुद्ध जितको आवश्यकता रहेको छ ।
के भन्छन् प्रशिक्षक?
अब्दुल्लाह अल्मुलताइरी, नेपाल
नेपाली प्रशिक्षक अब्दुल्लाह अल्मुलताइरीले ताइपे विरुद्ध खेलाडीहरुले पहिले नै खेलेको भए पनि जितका लागि खेल्ने र कुनै टोलीलाई सानो सम्झेर नखेल्ने बताए । “नेपालले चाइनिज ताइपे विरुद्ध पहिले पनि खेलेको छ र हामी जितकै लागि खेल्ने छौँ । यो खेल हाम्रो एसियन प्लेअफको सपनाको लागि निकै महत्वपूर्ण रहेको छ तर हामी कुनै टोलीलाई कमजोर सोचेर भने खेल्ने छैनौँ,” अब्दुलाहले विस्पोर्टजलाई भने ।
भोम चा नुम, ताइपे
चाइनिज ताइपेका लागि प्रशिक्षक भने नयाँ आएका भोम चा नुम रहेका छन् । नेपालले ताइपे विरुद्ध पहिलो खेल खेल्दाका बिर्टिस प्रशिक्षक लुइस ल्यानच्यास्टरको कार्यकाल सकिएसँगै चा नुमलाई मुख्य प्रशिक्षकको जिमेवारी दिएको हो ।
“यो मेरो लागि गर्वको बिषय हो कि म ताईवान टोली हेर्दै छु तर मेरो पहिलो उद्देश्य नेपालसँग हुने विश्वकप क्वालिफायरका लागी राम्रो टोली बनाउँदै पहिलो अंक ल्याउने हुने छ,” चा नुमले ताईवान टाइम्स नामक अनलाइनलाई दिएको अन्तर्वातामा भनेका छन् ।
प्लेयर्स टु वाच
चेन पो लियङ, मिड्फिल्डर (चाइनिज ताइपे)
चेन पो लियङ चाइनिज ताइपेका लागि ताईवान बहिरका लिग खेल्ने तीन मद्धे एक खेलाडी हुन् । ताईवानको टोलीमा मल्टाको मोल्टा फुटबल क्लबमा खेल्ने विल डोकिन र चाइनिज लिग वान टोली बेइजिङ बिएसयुमा खेल्ने वेन चिन हाओ अन्य दुई खेलाडी हुन् । यस्तै स्वीडेनको एफसी डुर्श्लोमको यु-१९ टोलीमा खेल्ने मुइगेल स्याण्डबेर्ग पनि टोलीमा छन् ।
चेन पो लियाङ भने विश्वकै महँगो लिग मानिने चाइनिज सुपर लिग क्लब च्याङचुङ यताइबाट खेल्छन् । ३२ वर्षिय चेन पो निकै अनुभवी मिड्फिल्डर हुन् र त्यही कारण पनि उनी ताइपेका लागि प्लेयर्स टु वाच हुन् ।
मनिष डाँगी, मिड्फिल्डर (नेपाल)
इराक विरुद्ध आफ्नो पहिलो सिनियर डेब्युमै गोल गरेका मनिष डाँगी विश्वकप र एसिया कप छनोट भरी नै प्लेयर्स टु वाच हुन् । नेपाल सुपर लिगमा बिराटनगर एफसीबाट खेलेका मनिषले ए डिभिजनमा डेब्यु नै नगरि राष्ट्रिय टोलीमा डेब्यु गर्ने मद्धे कमै खेलाडीको सुचीमा समेत पर्छन् । मनिष दक्षिण कोरियाली युनीभर्सिटीको लिग खेल्ने गरेका थिए ।
सम्भवित ११:
नेपाल:
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।