Headline
म्यानचेस्टर सिटी र चेल्सीः बाहिरियादेखि युरोपियन एलिटसम्म
Published
3 years agoon
By
wesportzकुनै समय स्थापित युरोपियन शक्तिहरुलाई स्तब्ध बनाउने गरेका च्याम्पियन्स लिगका दुई फाइनलिस्ट म्यानचेस्टर सिटी र चेल्सी पहिलेको बाहिरियाबाट अहिले युरोपियन एलिटमा परिणत भइसकेका छन् ।
शनिबार बिश्व फुटबलको सबैभन्दा ठूलो क्लब फुटबल प्रतियोगिता च्याम्पियन्स लिगको फाइनलमा भिड्दा पेप ग्वार्डियोलाको सिटी पहिलो उपाधिका लागि उत्रनेछ भने चेल्सी दोश्रो पटक युरोपियन च्याम्पियन बन्ने दाउमा हुनेछ ।
पोर्टोमा हुने अल–इङ्गलिस फाइनल अघि हेरौ केही प्रमुख घटनाहरु जसले यी दुई क्लबहरुलाई पूर्ण रुपमा युरोपको शक्तिको रुपमा परिणत गर्न सफल भयो ।
अब्रामोभिचको पैसा
२००३ मा रुसी अर्बपति रोमन अब्रामोभिचले चेल्सी किन्नु अघि लण्डन क्लब इङ्गल्याण्डको प्रथम श्रेणीको फटबलमा जम्मा एक पटक उपाधि जितेको थियो । त्यो पनि १९५५ मा । केही अन्य घरेलु प्रतियोगिताहरु जित्दै १९९० को दशकमा उचित दिशा उन्मुख भएपनि प्रिमियर लिगको उपाधि जित्नका लागि चेल्सीले चुनौति प्रस्तुत गर्न भने सकिरहेको थिएन ।
रुसमा राजनीतिक पहुँच पनि सशक्त रहेका अब्रामोभिचले चेल्सीको खरिदपछि केही राम्रा खेलाडीहरु भित्र्याए । पहिलो लटका राम्रा खेलाडीहरुमा क्लाउड मकेलेले र हर्नान क्रेस्पो थिए भने प्रशस्तै पैसा बगाउदै चेल्सीले बिश्व फुटबलका उत्कृष्ट खेलाडीहरुको राम्रो टोली खडा गर्न थाल्यो ।
माउरिन्होको आगमन
इटालियन व्यवस्थापक क्लाउडियो रानिएरी र उनले गरेको खरिदले चेल्सीलाई २००३–०४ को सिजनमा दोश्रो स्थान त दियो तर निकै भोकाएका अब्रामोभिचको अपेक्षाले उनलाई जागिरमा टिकाइ राख्न सकेन ।
२००४ मा स्ट्यामफोर्ड ब्रिजमा होजे माउरिन्हो प्रवेश गरे । २००३–०४ को सिजनमा पोर्चुगिज क्लब एफसी पोर्टोलाई च्याम्पियन्स लिग जिताएपछि माउरिन्होले आफैलाई स्पेसल वान रहेको घोषणा गरेका थिए ।
माउरिन्हो चेल्सीको टोलीमा फिट बसे । उनले पहिलो सिजनमै चेल्सीलाई प्रिमियर लिगको उपाधि दिलाए र अर्को सिजन उपाधि रक्षा गर्दै म्यानचेस्टर युनाइटेड र आर्सनलको दबदबालाई नराम्ररी ध्वस्त पारे ।
इतिहादमा नियन्त्रण
६० को दशकमा म्यानचेस्टर सिटी केही हदसम्म उदाउन सकेपनि दशकौंसम्म शहरी प्रतिद्वन्दी म्यानचेस्टर युनाइटेडको छायाँमै रहन पुग्यो । सिटीको अवस्था यति नाजुक बन्दै गयो की ९० को दशकको अन्त्यमा उ तेश्रो श्रेणीसम्म झर्न पुगेको थियो ।
पुर्व थाइ प्रधानमन्त्री थाक्सिन सिनावात्राले २००७ मा क्लब किने तर अर्को बर्ष नै अबु धाबी युनाइटेड ग्रुपका शेख मन्सुरले क्लब टेक ओभर गरे र इङ्गलिस फुटबलको मुहार नै परिवर्तन गरिदिए ।
मैदान भित्र र बाहिर शेख मन्सुरले आर्थिक क्रान्ति नै लिएर आए । उनको आगमनपछि थुप्रै पैसा खर्च गर्दै ब्राजिलियन स्टार रोबिन्होलाई भित्र्याउदै पहिलो ठूलो सम्झौता गरे । अन्य स्टारहरुलाई पनि भित्र्याएका मन्सुरले लामो दौडका लागि टिमको तैयारीमा पनि ध्यान दिन थाले ।
सिटी उपाधि
अथाह पैसा खर्च गरे पनि सिटीले रातारात उपाधि त जितेन तर उ बिस्तारै इङ्गलिस फुटबलको शिर्ष स्थानमा पुग्न थाल्यो । २०११ मा एफए कप जित्दा सिटीले ३५ बर्षदेखिको उपाधि खडेरीलाई समाप्त गरेको थियो ।
अर्को सिजन सर्जियो अगुएरोले खेल सकिन ९० सेकेण्ड अगाडी गरेको गोलमार्फत सिटीले इङ्गलिस फुटबलकै सबैभन्दा रोमाञ्चक सिजनमा म्यानचेस्टर युनाइटेडलाई मात्रै एक अंकले पछि पार्दै पहिलो पटक प्रिमियर लिगको उपाधि जित्यो ।
त्यसयता सिटी टप टुबाट मात्र दुई पटक बाहिरि पुगेको छ भने यस दौरान म्यानचेस्टरको राजाको रुपमा स्थापित भइसकेको छ ।
चेल्सीलाई च्याम्पियन्स लिग
स्ट्यामफोर्ड ब्रिजमा आफ्नो पहिलो व्यवस्थापनमा नजिक पुगेर पनि माउरिन्होले चेल्सीलाई च्याम्पियन्स लिगको उपाधि जिताउन चुकेका थिए । मस्कोमा अभ्राम ग्रान्टको व्यवस्थापनमा २००८ को च्याम्पिन्स लिग फाइनलमा चेल्सी म्यानचेस्टर युनाइटेडसँग पेनाल्टीमा पराजित भयो ।
तर अब्रामोभिचले आफ्नो सपना २०११–१२ को सिजनमा पुरा गरे । रोबर्टो डि माटियो व्यवस्थापक रहदा चेल्सीले फाइनलमा बायर्न म्युनिखलाई पेनाल्टीमा हराउदै पहिलो पटक च्याम्पियन्स लिगको उपाधि जित्यो । त्यसयता चेल्सीले दुई पटक युरोपा लिग जितेको छ ।
ग्वार्डियोलाको आगमन
सिटीले २०१२ मा पहिलो पटक प्रिमियर लिगको उपाधि जित्दा रोबर्टो मान्सिनी व्यवस्थापक थिए भने म्यानुएल पेलेग्रिनीले दुई सिजनपछि उक्त उपलब्धि दोहोर्याएका थिए ।
तर पुर्व बार्सिलोना तथा बायर्न म्युनिख प्रशिक्षक पेप ग्वार्डियोलाको आगमन पछि मात्रै सिटी इङ्गलिस फुटबलको शक्तिको रुपमा स्थापित भएको हो । आफ्नो पहिलो सिजनमा ग्वार्डियोला तेश्रो भए तर त्यसको चार सिजनमा उनले तीन पटक प्रिमियर लिग उपाधि जितिसकेका छन् ।
बार्सिलोनालाई ग्वार्डियोलाले दुई पटक च्याम्पियन्स लिग जिताएका थिए तर त्यसपछि भने उनी एक दशकदेखि युरोपमा राज गर्नको लागि पर्खदै आइरहेका छन् ।
उल्टिएको सिटीको प्रतिबन्ध
शनिबार सिटीले च्याम्पियन्स लिग जित्ने हो भने उसले जुलाई १३, २०२० लाई एक महत्वपूर्ण मितिको रुपमा हेर्नेछ । युरोपियन फुटबलको सर्वोच्च निकायले लगाएको दुई बर्षको युरोपमा खेल्ने प्रतिबन्धलाई कोर्ट अब आर्बिट्रेसन अफ स्पोर्ट्सले उल्टाइदिएको मिति यही थियो ।
सिटीलाई फिफाले तय गरेको फाइनान्सियल फेयर प्ले मिचेको आरोप लगोको थियो । तर त्यसबिरुद्ध सिटीले अपिल पनि गरेको थियो । एक बर्ष भन्दा कम समयमा सिटी अहिले युरोपकै ठूलो पुरस्कार जित्ने संघारमा रहेको छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।