Headline
नेपाल सुपर लिगमा आज ‘सुपर स्याटर्डे’
Published
3 years agoon
By
wesportzनेपाल सुपर लिगको रोमाञ्तकता अन्तिम दिनसम्म समेत कायमै रहने निश्चित भएपनि शनिबार दुई खेलबाट ५ टोलीको भाग्य निर्धारण हुन गइरहेको छ ।
धनगढी एफसी र काठमाडौं रेजर्स प्रतियोगिताको प्ले अफमा प्रवेश गरिसकेका छन् । प्ले अफमा स्थान बनाउने अन्य दुई टोलीको शनिबार नै टुँगो लाग्ने छ भने क्वालिफायरमा स्थान बनाउने एक टोली पनि निर्धारण हुन सक्छ ।
बिराटनगर सिटी एफसी, बुटवल लुम्बिनी एफसी, ललितपुर सिटी एफसी र शनिबार नखेलेपनि पोखरा थण्डर्स प्लेअफको भविष्य निश्चित हुँदै छ ।
बिराटनगर
दिनको पहिलो खेलमा बिराटनगर सिटीले ललितपुरको सामना गर्दैछ । ७ अंक रहेको बिराटनगरले खेलमा जित हात पार्ने हो भने उसले सिधै फाइनलका लागि स्थान बनाउन पनि सक्छ ।
तर यसका लागि दिनको दोश्रो खेलसँगै आइतबार हुने काठमाडौं र एफसी चितवनबीचको खेलको नतिजा कुर्नु पर्ने हुन्छ । बिराटनगरले खेलमा बराबरी गरेपनि प्लेअफमा स्थान बनाउन सक्छ तर त्यसको लागि दोश्रो खेलमा धनगढीले बुटवल लुम्बिनीलाई पराजित गर्नु पर्ने हुन्छ । पोखरा र बिराटनगर दुवै ८ अंकले प्ले अफमा पुग्न सक्छन् ।
यसअघिको खेलमा काठमाडौंसँग सनसनीपूर्ण ५–४ को पराजय व्यहोरेको बिराटनगर उक्त हारका बावजुद पनि उच्च लयमा नै छ । बिराटनगरले शनिबारको खेलमा आफ्नो रक्षापंक्तिमा बिशेष ध्यान दिनु पर्नेछ ।
बुटवल लुम्बिनी
दोश्रो खेलमा धनगढी र बुटवल लुम्बिनी खेल्द्रै छन् । मात्र ५ अंक रहेको बुटवललाई जितबाहेक अन्य कुनै बिकल्प छैन । पहिलो तीन खेलमा राम्रो प्रदर्शन गर्दै आएको बुटवल त्यसपछि भने निकै नै निराशाजनक प्रदर्शन गर्दै आइरहेको छ । बलियो देखिएको धनगढीबिरुद्ध जित हात पार्न उसलाई निकै कठिन हुने निश्चित छ ।
पोखरा थण्डर्समाथि २–० को जितबाट प्रतियोगिताको शुरुवात गरेको बुटवलले बिराटनगर र चितवनसँग बराबरी खेल्दा पनि रामै खेल प्रदर्शन गरेको थियो । तर अहिले भने बुटवलको टिम उल्टो दिशामा गइरहेको छ । अन्य टिम सुधारिदै जाँदा बटुवलको प्रदर्शन भने निरन्तर खस्किरहेको छ ।
बिदेशी खेलाडीहरुको प्रदर्शन औषत छ भने अग्रपंक्ति र मध्यपंक्ति दुवै तर्फ बुटवल प्रतियोगितामै सबैभन्दा कमजोर देखिन थालिसकेको छ ।
ललितपुर सिटी
ललितपुरलाई पनि धगढीलाई जस्तै जित एक मात्र बिकल्प हो । पछिल्लो खेलमा बुटवललाई पराजित गरेको ललितपुरको ६ अंक छ । यद्दपि लिगमा एक मात्र खेलमा पराजय व्यहोर्ने ललितपुर तीन मध्ये एक टोली हो ।
ललिपुरको व्यवस्थापनले चार खेलपछि नै प्रशिक्षक प्रदिप हुँमागाईलाई खराब प्रदर्शन गरेका कारण बर्खास्त गरेको थियो । ललितपुरले त्यसपछि बुटवल लुम्बिनीलाई पराजित गर्नु संयोग पनि हुन सक्छ । तर अर्को तथ्य पनि के पनि रहेको छ भने बुटवल लुम्बिनी एक पटक फेरि पोखरासँग खेल्ने हो भने पनि पराजित हुन सक्छ ।
ललितपुर र बिराटनगरबीचको खेल प्रतियोगिताको दुई उत्कृष्ट आक्रमक टोलीबीचको खेल हो । दुवै टोलीबीचको खेलमा गोलको अपेक्षा गर्न सकिन्छ तर यसअघिको खेलमा पाँच गोल खाएपछि प्रशिक्षक यान ल टिमको रक्षापंक्तितर्फ बिशेष ध्यान दिन पनि सक्छन् ।
धनगढी
धनगढीको लागि शनिबारको खेल उत्तिकै महत्वपूर्ण छ । धनढीले जित हात पार्ने हो भने उसले पहिलो दुई स्थानमा आफ्नो नाम सुरक्षित गर्नेछ । टप टु बीच हुने खेलको बिजेता सोझै फाइनल प्रवेश गर्ने भएकाले धनगढी सिधै फाइनल पुग्ने मनसायम रहनेछ ।
धनगढीलाई तर अग्रपंक्तिका ओलादिपो ओलावाले अफिजको फिटनेसको चिन्ता भने रहनेछ । ओलावले यसअघिको खेलमा आधा घण्टामै मैदान छोडेर निक्लिएका थिए भने उनकै स्थानमा आएका दर्शन गुरुङले शान्दार गोल गर्दै प्लेअफमा स्थान सुरक्षित गरेका थिए ।
पोखरा थण्डर्स
पोखराले लिग चरणका आफ्ना सबै खेल खेलिसकेको छ । शनिबार एक्सनमा नभएपनि दुवै खेल उसको लागि महत्वपूर्ण रहनेछ । हाल ८ अंक रहेको पोखरालाई प्ले अफमा स्थान बनाउन दिनको पहिलो खेलको नतिजा उसको अनुकुल आए पर्याप्त छ ।
बिराटनगर र ललितपुरले बराबरी खेल्ने हो भने पोखरा हेड टु हेडका आधारमा प्ले अफ पुग्नेछ । बराबरीले ललितपुर बाहिरिने छ भने बिराटनगरको पनि समान ८ अंक हुनेछ । लिग चरणमा १–० ले पराजित भएको बिराटनगरलाई पोखराले हेड टु हेडमा पछि पार्नेछ ।
पहिलो खेलमा स्पष्ट नतिजा निक्लिाएको खण्डमा पोखरालाई दोश्रो खेलको नतिजाको पर्खाइ हुनेछ । दोश्रो खेलमा धनगढी जितेको खण्डमा पोखरा छनौट हुनेछ भने बुटवल बिजयी हुने हो भने समान ८ अंक भएपनि पोखरा हेड टु हेडमा बाहिरिनेछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।