Headline
बिश्वकप छनोटः स्विटजरल्याण्डमा पोस्टको साइज नमिलेर खेल ढिलो
Published
3 years agoon
By
wesportz२०२२ बिश्वकप युरोपियन छनोट अन्तर्गत गोल पोस्टको साइज नमिल्दा स्विटजरल्याण्ड र लिथुवानियाबीचको खेल ढिलो गरि खेलाइएको छ । छनोटको दिन आइतबार सोचे अनुसार नभएका कुराहरु मध्येको एक यो पनि थियो ।
महादेशका ठूलो देशहरुले भने अपेक्षा अनुरुप नै परिणाम निकालेका छन् । तर स्पेनले भने धेरै नै कसरत गर्नु पर्यो । जर्जियाबिरुद्धको खेलमा इन्जुरी समयमा गोल गर्दै स्पेनले कडा मिहिनेतपछि मात्रै २–१ को जित हात पार्दै तीन अंक प्राप्त गर्यो ।
स्पेनजस्तै आफ्नो पहिलो खेलमा बराबरी गरेको फ्रान्स पनि आइतबार लयमा फर्कियो । उसले काजखस्थानलाई २–० ले हरायो । बुल्गेरियालाई २–० ले पराजित गर्दै इटाली लगातार २४ अन्तर्राष्ट्रियमा अपराजित रह्यो भने रोमानियाबिरुद्ध अवे खेलमा १–० को जित निकाल्दै जर्मनीले पनि लगातार दुई खेल जितेको छ ।
ओल्मोले गरे स्पेनको उद्दार
ड्यानी ओल्मोले बेञ्चबाट आउदै खेलको अन्तिम समयमा गोल गरेपछि स्पेनले जर्जियामाथि कठिन जित हात पारेको हो । ओल्मोको लामो दुरीको प्रहार दर्शनीय रुपमा गोलपोस्ट भित्र छिरेको थियो । फेराना टोरेसले ५५ औं मिनेटा गोल गरेपछि २०१० बिश्वकप बिजेता खेलमा फर्किएको थियो ।
जर्जियाले पहिलो हाफ सकिनु एक मिनेट अगाडी मात्रै खेलमा अग्रता लिएको थियो । स्पेन पहिलो खेलमा ग्रिससँग १–१ गोलको बराबरीमा रोकिएको थियो । प्रत्येक समुह बिजेता सिधै बिश्वकपका लागि छनोट हुने भएकाले स्पेनको समुह बीमा सबैभन्दा ठूलो चुनौति स्विडेनको रुपमा रहेको छ ।
स्विडेनले आइतबारको खेलमा कोसोभालाई ३–० ले हरायो । सन्यासबाट फर्किएका स्विडिस लेजेण्ड ज्लाटन इब्राहिमोभिचले दुई गोलमा असिस्ट गरेका थिए । बिहिबार स्विडेनले जर्जियालाई पराजित गर्दा पनि इब्राहिमोभिचकै असिस्ट रहेको थियो ।
एमबाप्पे पेनाल्टीमा चुके
स्टार स्ट्राइकर किलियन एमबाप्पेले पेनाल्टीमा गोल गर्न चुकेपछि फ्रान्सले काजखस्तानमाथि सहज जित हात पार्यो । फ्रान्सले पेनाल्टी पाउदा औस्माने डेम्बेले र सर्जि मालीको आत्मघाती गोलका कारण २–० को अग्रता पाइसकेको थियो ।
अस्थाना स्टेडियमको एस्ट्रो टर्फमा भएको खेलमा एन्थोनी मार्सियलले चोट बोकेपछि एमबाप्पे मैदानमा प्रवेश गरेका थिए । एमबाप्पेको प्रहार पोस्टमा लागेर बाहिरिएको थियो । यसै समुहको अर्को खेलमा युक्रेन र फिनल्याण्डले १–१ गोलको बराबरी खेले । फ्रान्स आफ्नो पहिलो खेलमा युक्रेनसँगै रोकिएको थियो ।
जर्मनी शिर्षस्थानमा
समुह जे मा सर्जि नाब्रीले एक मात्र बिजयी गोल गर्दा जर्मनी गोल अन्तरको आधारमा शिर्ष स्थानमा रहेको छ । एन्टोनियो रुडिगर र काई ह्याभर्ट्ज संलग्न मुभलाई फिनिस गर्दै नाब्रीले गोल गरेका थिए । नोभेम्बरको नेसन्स लिगमा स्पेनसँग ६–० को लज्जास्पद पराजय भोगेयता जर्मनी टिम पुनसंरचनामा रहेको छ ।
आइसल्याण्डलाई २–० ले हराएको आर्मेनीयाको पनि समान ६ अंक भएको छ भने नर्थ मेसेडोनियाले लिचेस्टेनलाई ५–० ले पराजित गर्दै पहिलो तीन अंक बटुल्यो ।
केन भर्सेस लेवान्डोस्की
बुधबार वेम्ब्ली स्टेडियममा समुह आई को क्वालिफायरमा इङ्गल्याण्ड र पोल्याण्ड भिड्नु अघि दुवै टोलीका बिश्वस्तरीय स्ट्राइकर लयमा आए । रोबर्ट लेवान्डोस्कीले दुई गोल गरेपछि पोल्याण्डले एन्डोरामाथि ३–० को सहज जित हात पार्यो । लेवान्डोस्कीले क्लब र देश गरेर लगातार १० खेलमा गोल गरेका हुन् ।
ह्यारी केनले एक गोल गर्नुका साथै मेसन माउन्टको गोलमा असिस्ट गर्दा इङ्गल्याण्डले अल्बानियालाई २–० ले हरायो । पहिलो खेलमा इङ्गल्याण्डले सान मारिनोलाई ५–० को फराकिलो अन्तरले पराजित गरेको थियो ।
यस समुहमा इङ्गल्याण्ड ६ अंक सहित अग्रस्थानमा रहेको छ । हँगेरी र पोल्याण्डको समान ४ अंक रहेको छ । पहिलो खेलमा पोल्याण्डलाई बराबरीमा रोकेको हँगेरीले सान मारिनोलाई ३–० ले पराजित गर्यो ।
इटालीको उडान
युरो कप छनोटमा लगातार १० खेल जितेको इटालीले बिश्वकप छनोटमा पनि अन्तर्राष्ट्रिय फर्मलाई कायमै राखेको छ । आइतबारको जितमा आन्द्रे बेलोट्टीको पेनाल्टी र मानुएल लोकाटेलीको पहिलो अन्तर्राष्टिय गोल रहेको थियो । पहिलो खेलमा इटालीले नर्दन आयरल्याण्डलाई हराएको हो ।
गोल अन्तरले मात्र इटालीभन्दा पछाडी रहेको स्विट्जरल्याण्डले लिथुवानीयालाई १–० ले पराजित गर्यो । उसका लागि जेर्दान साकिरीले गोल गरेका थिए । गोलपोस्टको साइज नमिलेपछि खेल १० मिनेट रोकिएको थियो । अर्को पोस्ट राखेपछि मात्र खेल शुरु भएको थियो ।
डेनमार्कको किर्तिमानी जित
समुह एफमा मोल्दोभालाई ८–० को फराकिलो अन्तरले पराजित गर्दै डेनमार्कले आफ्नो बिश्वकप अथवा युरो कप छनोट इतिहासकै सबैभन्दा ठूलो जित हात पार्यो ।
हर्निङ्गमा क्यास्पर डोल्बर्ग र मिकेल डाम्सगार्डले दुई–दुई गोल गर्दा डेनमार्कले ३९ मिनेट नपुग्दै ५–० को अग्रता बनाइसकेको थियो । यो समुहमा डेनमार्कको मात्रै ६ अंक रहेको छ । फारो आइल्याण्ड्समाथि ३–१ को पुनरागमन जित रचेको अष्ट्रियको चार अंक छ । अर्को खेलमा इजरायल र स्कटल्याण्डले १–१ को बराबरी खेले ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।