Headline
फुटबलमा थापिएका ५ अचम्मका बाजीहरु
Published
3 years agoon
By
wesportzनेपाली शब्दकोश अनुसार बाजी शब्दको अर्थ कुनै पनि खेलमा दुई टिमबीच हार जित हुँदा राखिने शर्त वा त्यसको अनुमानमा थापिने पैसा हो । तपाईहरुले धेरै खेलहरुमा आफ्ना साथीभाईसँग पक्कै पनि बाजी राख्नु भएकै होला । आज हामी फुटबलमा भएका यस्ता अचम्मका बाजीहरुको कुरा गर्दैछौं जुन पढेर तपाई चकित पर्नु हुनेछ ।
५. लियोनल मेस्सी र मार्कस रोहो
यो सन् २०१९ अप्रिलको कुरा हो । च्याम्पियन्स लिग अन्तर्गतको खेलमा घरेलु टोली स्पेनिस क्लब बार्सिलोनाले इङ्गलिस प्रिमियर लिग क्लब म्यानचेस्टर युनाइटेडबीचको खेल भइरहेको थियो । अर्जेन्टिनी राष्ट्रिय टोलीका साथीहरु मार्कस रोहोले मेस्सीलाई जिस्क्याउने कुरा गरे ।
खेल शुरु हुने समयमा रोहोले मेस्सीलाई “सधैं बायाँ खुट्टाले गोल गर्छौ आज दायाँ खुट्टाले गोल गरेर देखाऊ” भनेर जिस्काए । त्यती मात्र के भनेका थिए मेस्सी रोहो भएको ठाउँमा गए र भने: “पिर नगर म आज दायाँ खुट्टाले गोल गर्छु ।”
त्यसको २० मिनेट पनि नबित्दै मेस्सीले आफ्नो दायाँ खुट्टाको प्रयोग गर्दै गोल गरे । मेस्सी त्यतिमा मात्र थामिएनन् । उनले पहिलो हाफ सकिए पछि आफुले लगाएको जर्सी फुकालेर रोहोलाई दिए र भने: “यहि जर्सी लगाएर मैले तिमीले भनेको अनुसार नै गोल गरे । ल राख यो जर्सी तिमी नै ।”
४. ज्लाटन इब्राहिमोबिच र रोमेलु लुकाकु
स्विडिस खेलाडी ज्लाटन इब्राहिमोबिचलाई कसैले घमण्डी खेलाडीका रुपमा चिन्छन् भने कसैले स्ट्रेट फरवार्ड व्यक्तित्वका रुपमा चिन्छन् । तर उनी यस्ता खेलाडी हुन् जो आफु मात्र राम्रो र उत्कृष्ट नभएर आफ्ना खेलाडी साथीहरुको पनि प्रगती भएको हेर्न चाहन्छन् ।
सन् २०१७ मा ज्लाटन म्यानचेस्टरमा हुँदा उनले रोमेलु लुकाकुसँग एउटा बाजी राखे । उनले लुकाकुले खेलका क्रममा बलमा राम्रो नियन्त्रण राखेको खण्डमा प्रत्येक नियन्त्रणका लागि ७० पाउण्ड दिने प्रस्ताब राखे । लुकाकुले प्रश्न गरेः “यदि मैलें सबै बलमा राम्रो र उत्कृष्ट नियन्त्रण गर्न सकें भने के गर्छौ ?” र ज्लाटनको उत्तर थियो “केहि न केहि । त्यो गर्न सक्यौ भने तिमी राम्रो खेलाडी बन्छौ ।” ज्लाटनका अनुसार लुकाकुले यो बाजी कहिले पनि स्विकार गरेनन् ।
३. क्रिष्चियानो रोनाल्डो र उनका दाई ह्युगो
सन् २०१४ मा क्रिष्चियानो रोनाल्डोका दाजु ह्युगो रक्सी र लागु पदार्थको कुलतमा यति धेरै फसेका थिए कि उनी त्यसबाट उम्किन सकिरहेका थिएनन् । आफ्नो दाईको अवस्था देख्दा रोनाल्डो निकै चिन्तित थिए र त्यसबाट पार लगाउन प्रयासरत पनि ।
रोनाल्डो आफ्नो दाजु भएकोमा गए र भनेः “म यस पटक च्याम्पियन्स लिगको उपाधि उचाल्ने छु र तिमीले रक्सी तथा ड्रग्स छाड्नु पर्नेछ ।” रोनाल्डोले यति ठूलो शर्त राखे जुन पुरा गर्न त्यती सहज थिएन । तर रोनाल्डो यस्ता खेलाडी हुन् जो सहजै हार खादैनन् झन् त्यस माथि आफ्नो दाईको जिन्दगीको कुरा जो थियो ।
रोनाल्डोको उत्कृष्ट प्रदर्शनमा रियल म्याड्रिडले एट्लेटिको म्याड्रिडलाई पराजित गर्दै सन् २०१४ को च्याम्पियन्स लिगको उपाधि चुम्यो । खेल पछि रोनाल्डो दौडदैं आफ्नो दाई भएको ठाउँमा पुगे र भने: “मैलें मेरो बाचा पुरा गरे अब तिम्रो पालो ।” बाजी त बाजी हो । त्यस दिन पछि ह्युगोले रक्सीको एक घुट्को पनि पिएको छैनन् भने ड्रग्स पनि छोएको पनि छैनन् ।
२. होजे माउरिन्हो र सर्जियो रिगलन
होजे माउरिन्हो यस्ता प्रशिक्षक हुन् जो आफ्नो खेलाडीहरुसँग बाजी राख्न उत्सुक हुन्छन् । गत सिजन म्यानचेस्टर सिटी विरुद्धको खेल अघि टोटनह्यामका प्रशिक्षकको दिमागमा एउटा जुक्ति आयो ।
“खेलाडीहरु स्पेनिस ह्याम निकै मन पराउँछन् तर त्यो निकै महँगो छ । कसले तिर्छ त्यस्तो महँगो खानाको लागि । रिगलनले तिर्न पर्छ किन भने उनी स्पेनिस हुन्,” माउरिन्होले ठट्टा गर्दै भने । लगत्तै उनले थपेः “ल ठिक छ सिटी विरुद्धको खेलमा हाम्रो जित भयो भने म तिर्छु ।”
के भयो त नतिजा ? टोटनह्याम २–० सिटी ।
खेल पछि माउरिन्होले आफ्नो शर्त पुरा गरेर खेलाडीहरुलाई स्पेनिस ह्याम खुवाए । उनले आफ्ना खेलाडीहरुसँगको फोटो सामाजिक संजालमा राख्दै भने: “बाचा भनेको बाचा हुन्छ । मैलें मेरो बाचा पुरा गरे जसको मुल्य ६७० डलर पर्न गयो ।”
१. क्रिष्चियानो रोनाल्डो र सर एलेक्स फर्गुसन
सर एलेक्स फर्गुसन यस्ता प्रशिक्षक थिए जसले आफ्नो खेलाडीलाई प्रेरित गर्न कुनै कसर बाँकी राख्थेनन् । सन् २००६ मा फर्गुसनले रोनाल्डोसँग एउटा बाजी राखे । उनले रोनाल्डोलाई च्याम्पियनसिपमा १५ गोल गरेको खण्डमा छ सय डलर दिने प्रस्ताब राखे ।
२२ बर्षिय रोनाल्डो पनि के कम । फर्गुसनको चुनौती स्विकार गरेका रोनाल्डोले सिजनको आधा जसोमा नै आफ्नो १५ गोल पुरा गरे । तर फर्गुसनले आफ्नो बाजी परिमार्जित गर्दै भने पेनाल्टीलाई गोलको मान्यता हुँदैन । रोनाल्डोले त्यो पनि स्विकार गरे र आफ्नो बाचा पुरा गरे ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।