Connect with us

Headline

थोमस टुचेलः पावर गेम र दूरदर्शी

wesportz

Published

on

थोमस टुचेल युरोपियन फुटबलमा एक ठूलो नाम हो । ४७ वर्षिय टुचेललाई धेरैले खेलाडीमाथि नियन्त्रण गर्न सक्ने, पवर गेमका प्रयोगकर्ता र रणनीतिक दूरदर्शीको रुपमा लिने गरेका छन् ।

दुई वर्ष फ्रेन्च महारथी पेरिस सेन्ट जर्माइनमा बिताए पछि गएको डिसेम्बरमा स्पोर्टिङ डिरेक्टर लियोनार्डोसँग लामो कलहपछि उनी क्लबबाट बर्खास्त भएका थिए ।

पिएसजीमा रहदा स्टार खेलाडीले भरिएको टोलीलाई राम्रो स्थानमा पुर्याउन नसकेको आरोप टुचेल माथि थियो । तर उनले पिएसजीलाई क्लबको ईतिहासमै पहिलो पटक गत सिजन च्याम्पियन्स लिग फाइनल समेत पुर्याए भने लगतार घरेलु उपाधिहरु प्नि जिताएका थिए ।

टुचेलले पिएसजीमा देखाएको ‘ट्याक्टिकल क्वालिटी’ निकै आकर्षक थियो । टुचेलको खेलहरुमा रेकर्ड पनि राम्रै रह्यो र त्यही कारण पनि चेल्सीले उनलाई फ्रांक लामपार्डको बर्खास्ती पछि क्लबमा नयाँ प्रशिक्षकको रुपमा भित्र्याएको छ ।

२०१७ मा पनि चेल्सीले इटालियन प्रशिक्षक एन्टोनियो कोन्टेलाई बर्खास्त गर्दा चेल्सी आउने हल्लामा रहेका टुचेलले यस सिजनको मध्यमा स्ट्यामफोर्ड ब्रिजबाट आएको प्रस्तावलाई स्विकार गर्दै प्रिमियर लिग आउन राजी भए ।

टुचेलले स्ट्यामफोर्ड ब्रिजमा पाएको जागिरलाई इङ्गल्याण्डमा आफूलाई प्रमाणीत गर्ने लक्ष्यको रुपमा हेर्दै छन् । जर्मनी छोडेर आएका दुई प्रशिक्षक पेप ग्वार्डियोला र योर्गेन क्लोपले देखाएको जस्तो प्रभाव देखाउन पनि टुचेल आतुर देखिन्छन् ।

राम्रो बिचार भएका उत्कृष्ट प्रशिक्षक

टुचेलले आफ्नो सिनियर करिअरको दौरान निकै अनुभव बटुलेका छन् । बुन्डेसलिगाको सानो क्लब माइन्जबाट आफ्नो प्रशिक्षण करिअर शुरु गरेका उनले बोरुसिया डर्टमण्ड हुँदै पिएसजीमा समेत काम गरेका छन् ।

गएको समर विन्डोमा २ सय मिलियन पाउन्ड खर्च गरे पनि जहिल्ये चेल्सीको खेल रणनीतिमा उठ्ने गरेको प्रश्नमा टुचेलले पूर्णबिराम लगाउन सक्ने अपेक्षा गरिएको छ । लाम्पार्डको कार्यकालमा धेरै खेलाडीले ‘कम्युनिकेसन ग्याप’ र रणनैतिक अभावको गुनासो गरेका थिए तर टुचेलको आगमन पछि चेल्सीमा नयाँ युगको शुरुवात हुने मनिएको छ ।

टुचेललाई आफ्नो विचारहरू कार्यान्वयन गर्न नहिच्किचाउने प्रशिक्षकको रुपमा लिइने गरेको छ । उनी आफ्नो रणनीति बोर्ड र खेल दुवैमा देखाउन सक्षम छन् । उनी आफ्नो अघिल्लो क्लबहरूमा आफै डाइट योजनाहरू बनाउँथे, खेलाडीहरू सुते–नसुतेको निगरानी समेत गर्ने गर्छन् ।

उनले पहिले काम गरेको क्लबहरुमा आफै एनलाइटिक्स बिभागको शुरुवातमा र स्काउटिंग प्रकृयामा परिवर्तन गरेका थिए र त्यही कारण पनि उनलाई राम्रो बिचार भएको प्रशिक्षक मध्ये पर्छन् ।

क्लब बोर्डसँगको चिसो सम्बन्ध

टुचेल जिद्दी प्रशिक्षकको रुपमा चिनिने गर्छन् । उनी जुन क्लब पुगेका छन् त्यहाको बोर्डसँग कहिल्यै राम्रो सम्बन्ध बनाउन सकेनन् । माइन्ज, डर्टमण्ड र पिएसजी सबै क्लबको बोर्डसँग उनको कहिले राम्रो सम्बन्ध रहेन । अझै डर्ट्मण्डमा त उनले हेड स्काउट स्वेन मिसलिन्टैटलाई प्रतिबन्ध नै गरेका थिए ।

धेरै प्रशिक्षकहरु नरुचाउने चेल्सीको बोर्डका लागि टुचेललाई धेरै समय दिने आशा गरिएको छ । चेल्सीका मालिक रोमन अब्राहिमोभिच आँफै पनि टुचेलका समर्थक हुन् । चेल्सीकी स्पोर्टिङ्ग डिरेक्टर मरिया ग्रनोवस्किया त टुचेललाई २०१७ मै क्लब भित्र्याउन पर्छ भन्ने मध्येकी एक थिइन् । सधैं क्लब सँग झगडामा मुछिने टुचेलका लागि चेल्सी बोर्डसँग सम्बन्ध भने हेर्न बाँकी छ ।

Headline

प्रिमियर लिगको उपाधि दौडलाई सामान्य प्रकृयामा परिणत गर्दै सिटी

wesportz

Published

on

लगातार २८ खेलमा अपराजित रहेको क्लब किर्तिमानको बराबरी गर्ने क्रममा म्यानचेस्टर सिटीले मङ्गलवार उल्भ्सलाई ४–१ ले पराजित गर्दै इङ्गलिस प्रिमियर लिगमा १५ अंकको अग्रता बनाएको छ ।

गत सिजनको दुवै लिग खेलमा हारको सामना गर्नु परेको टोलीबिरुद्ध पेप ग्वार्डियोलाले एतिहादमा आफ्नो टोलीमा परिवर्तन ल्याए र यो सिजन चार उपाधि जित्ने मिसनमा कायमै रहे ।

कोनोर कोडीले लियान्डर डेन्डोन्करको आत्मघाती गोलको क्षतिपुर्ति गर्दै उल्भ्सलाई खेलमा फर्काए पनि ग्याब्रियल जिजसले दुई र रियाद माह्रेजले एक गोल गरेपछि सिटीले तीन अंक सुनिश्चित गरेको थियो ।

सिटीले सबै प्रतियोगिता गरेर लगातार २८ खेल अपराजित रहने किर्तिमान डिसेम्बर २०१७ मा कायम गरेको थियो भने यो सिजन उ चार बर्षमा तेश्रो प्रिमियर लिग उपाधितर्फ अग्रसर बन्न सफल भएको छ ।

सबै प्रतियोगिता गरेर लगातार २१ खेल जितेको सिटीको प्रिमियर लिगमा भने लगातार १५ औं जित हो । सिटी पछिल्लो १९ प्रिमियर लिग खेलमा एक मिनेट पनि खेलमा पछि परेको छैन । यस क्रममा उसले आर्सनलको १९९८–९९ सिजनको किर्तिमानमा बराबरी गरेको हो ।

आफ्नो टिमलाई सशक्त प्रदर्शनको लागि सराहना गरेपनि ग्वार्डियोलोको अबको फोकस म्यानचेस्ट युनाइटेड बिरुद्धको अबको खेल रहेको बताए । लिगमा सिटीको निकटतम शहरी प्रतिद्वन्दी युनाइेटड दोश्रो स्थानमा रहेको छ ।

ग्याब्रियल जिजस फर्ममा फर्कदा पनि सिटीलाई निकै फाइदाजनक भएको छ

“म्यानचेस्टर युनाइेटड । अब हामीले सोच्ने भनेको त्यही टोली मात्रै हो । अहिले च्याम्पियन लिभरपुल हो र उनीहरुसँग यसको ताज छ । हामी लिभरपुललाई पछि पार्ने बलियो पोजिसनमा छौं । तर अझै ३३ अंकको लागि खेल्न बाकी छ । अब सबै ध्यान युनाइटेडबिरुद्धको खेलमा केन्द्रित रहनेछ,” ग्वार्डियोलाले खेलपछि भने ।

शुरुवातदेखि नै दबदबा

पहिलो मिनेटदेखि नै सिटीले खेललाई नियन्त्रणमा लिदा उल्भ्सलाई जम्न समेत समय लागेको थियो । सिटीले असिमिति दवाब बनाएको मिहिनेतले १५ औं मिनेटमा प्रतिफल पायो । माह्रेजले आफ्नै डिफेन्स लाइनबाट लिएर गएको बललाई अल्जेरियन मिडफिल्डर रोद्रिले कलेक्ट गर्दै पोस्टको मुखमा पास निकाले ।

रहिम स्टर्लिङ्गले गोलका लागि जाँदा डेनडन्करले आफ्नै पोस्टको दिशा दिन पुगे । त्यसपछि आयमेरिक लपोर्टे, बर्नार्डो सिल्भा, केभिन डि ब्रुन र माह्रेज गोल गर्ने मौकामा चुकेका थिए । सिल्भा, डि ब्रुन र माह्रेजको प्रहारलाई उल्भ्स गोलकिपर रुई पट्रिसियोले उत्कृष्ट ढँगले बचाउ गरेका थिए ।

ठ्याक्कै एक घण्टामा उल्भ्सले बराबरी गोल गर्यो । जाओ माउटिन्होको फ्रि–किकमा हेडरमार्फत गोल गरेपछि उ खेलमा फर्किएको थियो । त्यसपछि अझै दवाब बनाएको सिटीले १० मिनेटमै अग्रता फर्कायो ।

कायल वाकरले निकालेको क्रसलाई क्लियर गर्न नसक्दा जिजसले नजिकैबाट गोल गरेका थिए । ९० औं मिनेटमा माह्रेजले गोल गर्दै सिटीको जित सुनिश्चित गरे भने खेलको अन्तिम किकमा जिजसले आफ्नो दोश्रो गोल गरे ।

युरोपको पाँच शिर्ष लिगमा सिटीको यो तेश्रो उत्कृष्ट बिजयी यात्रा हो । बायर्न म्युनिखको नाममा २०२० सिजनमा लगातार २३ खेलमा जित हात पारेको किर्तिमान रहेको छ भने रियल म्याड्रिडले २०१४ मा लगातार २२ खेल जितेको थियो ।

अचम्म त के छ भने सिटीले यो सिजन निकै सुस्त शुरुवात गर्दा धेरै फुटबल पण्डितहरुले बर्षौपछि प्रिमियर लिगको उपाधि दौड खुला रहने भविष्यवाणी गरेका थिए । तर ग्वार्डियोलाको टोलीले त्यो दौडलाई सामान्य प्रकृया बनाउन थालेको जस्तो देखिएको छ ।

Continue Reading

Headline

६ सयौं लिग खेलको कोशेढुँगामा रोनाल्डोको गोल

wesportz

Published

on

क्रिष्चियानो रोनाल्डोले आफ्नो करिअरको ६ सयौं लिग खेलमा गोल गरेपछि युभेन्टसले इटालियन सिरी आ मा स्पेजियामाथि ३–० को सहज जित निकालेको छ ।

पोर्चुगल, इङ्गल्याण्ड, स्पेन र अहिले इटालिमा लिग खेलिरहेका रोनाल्डोको यो सिजन सिरी आ मा २० औं गोल पनि हो । रोनाल्डोले लगातार १२ लिग सिजन २० अथवा त्यो भन्दा बढी गोल गर्दै आएका छन् ।

यो सिजन २१ खेल खेलेका रोनाल्डो लिग शिर्ष गोलकर्ताहरुको सुचीमा इन्टर मिलानका रोमेलु लुकाकुभन्दा दुई गोलले अगाडी रहेका छन् । एटलान्टाका लुईस मुरियल, लाजियोका सिरो इमोबिले र एसि मिलानका ज्लाटन इब्राहिमोभिचको समान १४ गोल छ भने अर्का इन्टर खेलाडी लौटारो मार्टिनेजको १३ गोल छ ।

मङ्गलवार सबै गोल दोश्रो हाफमा हुदा रोनाल्डो निर्धारित समय समाप्त हुन एक मिनेट बाकी रहेको अवस्थामा युभेन्टसको काउन्टर अट्याकलाई राम्रो फिनिसिङ्ग दिएका थिए । त्यसपछि स्पेजियाका आन्देू गालाबिनोभले अन्तिम समयमा पेनाल्टीमा गोल गर्ने मौका गुमाएका थिए ।

टुरिनमा फेडेरिको बर्नार्डेस्चीको असिस्टमा अल्भारो मोरोटाले गोल गर्दै युभेन्टलाई ६२ औं मिनेटमा अग्रता दिलाएका थिए । त्यसको ११ मिनेटपछि फेडेरिको चिएसाले दोश्रो गोल गरेका थिए ।

जितपछि लगातार ९ पटकको च्याम्पियन युभेन्टसले पहिलो स्थानको इन्टर मिलानसँगको दुरी ७ अंकमा छोट्याएको छ । २४ खेलको समाप्तिमा इन्टरको ५६ अंक छ भने दोश्रो स्थानको एसि मिलानको ५२ र युभेन्टसको ४९ अंक छ । एटलान्टा ४६ र एएस रोमा ४४ अंक सहित चौथो र पाचौं स्थानमा रहेका छन् ।

Continue Reading

Headline

२०११ मा बिश्वकप फाइनल, २०२१ मा अष्ट्रेलियामा बस ड्राइभर

wesportz

Published

on

श्रीलंकन क्रिकेट अहिले निकै खस्कदै गइरहेको छ । इण्डियन प्रिमियर लिगमा पनि फाट्ट–फुट्ट उपस्थिति मात्रै देखिने श्रीलंकन क्रिकेटले लामो समयदेखि उत्कृष्ट खेलाडीको उत्पादन गर्न सकिरहेको छैन ।

आर्थिक रुपले कमजोर बन्दै जानुको कारण श्रीलंकन क्रिकेटमा हुदै आएको चरम राजनीति पनि हो । यसको शिकार ठूलै क्रिकेटरहरु पनि भएका छन् । ती मध्ये एक हुन् भारतीय उपमहाद्विपमा २०११ म भएको बिश्वकप फाइनलसम्म खेलेका स्पिनर सुरज रन्दिभ ।

रन्दिभ अहिले आफ्नो गुजारा चलाउन अष्ट्रेलियामा बस ड्राइभरको रुपमा कार्यरत छन् । भारतबिरुद्धको फाइनल खेलेका रन्दिभ मेलबोर्नमा रहेको फ्रेञ्च कम्पनी ट्रेन्सडेभका लागि गाडी चलाउछन् । उक्त कम्पनीले गाडी भाँडामा दिने काम गर्दै आइरहेको छ ।

रन्दिभले श्रीलंकाको लागि १२ टेस्ट, ३१ एकदिवसीय अन्तर्राष्ट्रिय र सात ट्वान्टी अन्तर्राष्ट्रिय खेल्दै सबै फरम्याटमा क्रमशः ४३, ३६ र ७ विकेट लिएका छन् । उनले २०११ र २०१३ मा महेन्द्र सिँह धोनीको चेन्नई सुपर किंग्सका लागि आईपिएल खेलेका थिए । यसका लागि उनले झण्डै ७५ लाख कमाएका थिए ।

उनलाई क्रिकेट अष्ट्रेलियाले अष्ट्रेलियन टिमलाई भारतबिरुद्धको बोर्डर–गाभस्कर टेस्ट श्रृंखलामा मद्दत गर्नका लागि पनि बोलाएको थियो । तर अस्थायी रुपमा पाएको त्यो कामपछि उनी अहिले भने गाडी चलाउदै आइरहेका छन् ।

रन्दिभले सन् २०१० मा भारती ओपनर विरेन्द्र सहवाग ९९ रनमा खेलिरहदा अन्तिम एक रन चाहिएको अवस्थामा शतकबाट बञ्चित गर्न नो–बल फालेका थिए । क्रिकेटको भावना बिपरित काम गरेको भन्दै उनी निकै आलोचित समेत भएका थिए ।

रन्दिभ मात्र नभएर उनका श्रीलंकन समकालिन चिन्ताका जयसिंघे र जिम्बाब्वेका वाडिँगटन म्वायेँगा पनि ट्रेन्सडेभका लागि गाडी चलाउदै आइरहेका छन् ।

तीनै जना क्रिकेटर भिक्टोरिया प्रिमियर क्रिकेट क्लब डान्डेनोँगका लागि खेल्दै आइरहेका छन् ।

Continue Reading
Headline26 mins ago

प्रिमियर लिगको उपाधि दौडलाई सामान्य प्रकृयामा परिणत गर्दै सिटी

Headline1 hour ago

६ सयौं लिग खेलको कोशेढुँगामा रोनाल्डोको गोल

Headline2 hours ago

२०११ मा बिश्वकप फाइनल, २०२१ मा अष्ट्रेलियामा बस ड्राइभर

Headline12 hours ago

चार नेपाली महिला फुटबलरहरुले पाकिस्तानमा खेल्ने

Headline14 hours ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline15 hours ago

पिवाईसी बिबिए क्रिकेट फागुन २० देखि मुलपानीमा

Headline17 hours ago

मेयर कपको उद्घाटन खेलमा आर्मी र एपीएफ भिड्ने

Headline19 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline21 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline1 day ago

‘एक पटक शिर्ष चारको अनुभव त गरौं’

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending