Connect with us

Headline

भारत र अष्ट्रेलियालाई पछि पार्दै न्युजिल्याण्ड बन्यो नम्बर वान टेस्ट राष्ट्र

wesportz

Published

on

कप्तान केन विलियमसनको दोहोरो शतक र कायल जेमिसनको १० विकेटको मद्धतमा पाकिस्तान माथि दोश्रो तथा अन्तिम टेस्टमा फराकिलो जित हात पार्दै घरेलु न्युजिल्याण्ड नम्बर वान टेस्ट टिम बन्न सफल भएको छ । नम्बर एक टेस्ट राष्ट्र बन्ने क्रममा न्युजिल्याण्डले अष्ट्रेलिया, भारत र इंग्ल्यान्ड जस्ता राष्ट्रहरुलाई पछि पारेको हो ।

दोश्रो टेस्टमा पाकिस्तानलाई एक इनिङ्स र १७६ रनको फराकिलो अन्तरले पराजित गर्दै न्युजिल्याण्डले दुई खेलको शृंखला ह्वाइटवास पनि गर्न सफल भएको छ । पहिलो खेलमा न्युजिल्याण्डले पाकिस्तान माथि १०१ रनको रोमान्चक जित दर्ता गराएको थियो । त्यस्तै पाकिस्तान माथि क्लिन स्विप गर्दा न्युजिल्याण्डले आगामी जुनमा लर्ड्समा हुने वर्ल्ड टेस्ट च्याम्पियनसिपको फाइनल खेल्ने सम्भावनालाई पनि बलियो बनाएको छ ।

खेलमा टस हारेर पहिले ब्याटिङ गरेको पाकिस्तानले आफ्नो पहिलो पारीमा ८३ दशमलब पाँच ओभर खेल्दै २९७ रन मात्र बनाउन सक्यो भने जवाफी ब्याटिङ गरेको न्युजिल्याण्डले १५८ दशमलब पाँच ओभर खेल्दै छ विकेटको नोक्सानीमा ६५९ रनको विशाल योगफल बनाउँदै पारी सकिएको घोषणा गर्यो । पहिलो पारीमा ३६२ रनले पछि परेको पाकिस्तानले दोश्रो पारीमा ८१ दशमलब चार ओभरमा खेल्दै आफ्ना सबै विकेट गुमाउन पुग्यो र १८६ रन मात्र जोड्न सक्यो ।

न्युजिल्याण्डको जितमा ब्याटिङ तर्फ कप्तान केन विलियमसनले दोहोरो शतकका साथै हेनरी निकोल्स र ड्यारेल मिचेलले शतक प्रहार गरे भने कायल जेमिसनले दुबै पारीमा ५-५ विकेट हात पारे ।

टेस्ट क्रिकेटमा आफ्नो चौथों दोहोरो शतक प्रहार गरेका विलियमसनले ३६४ बलको सामना गर्दै २८ चौकाको मद्धतमा २३८ रनको विशाल स्कोर बनाए । त्यस्तै निकोल्सले १५७ तथा अविजित रहेका मिचेलले ११२ बलमा १०२ रनको आक्रमक पारी खेले ।

पहिलो पारीमा पाँच विकेट लिएका जेमिसनले दोश्रो पारीमा छ विकेट आफ्नो नाममा दर्ता गराए । छैठौं टेस्टमा २६ वर्षिय जेमिसनको टेस्ट क्रिकेटमा चौथों पाँच विकेट हौल हो भने पहिलो १० विकेट हौल हो ।

पाकिस्तानको तर्फबाट अजर अलीले पहिलो पारीमा सर्वाधिक ९३ रन बनाए भने कप्तान मोहम्मद रिजवानले पनि ६१ रनको पारी खेले । त्यस्तै फहिम अश्रफले ४८ तथा जाफर गोहरले ३४ रनको योगदान दिए । त्यस्तै पाकिस्तानको दोश्रो पारीमा अजर अली र जाफर गोहरले समान ३७-३७ रन बनाए भने फ़हिम अश्रफले पनि २८ रनको योगदान दिए ।

दोश्रो टेस्टमा कुल ११ विकेट लिएका जेमिसन खेलको म्यान अफ द म्याच घोषित भए भने पहिलो टेस्टमा शतक बनाएका विलियमसन प्लेयर अफ द सिरिज घोषित भए ।

Headline

नेपालले अर्को महिना ट्वान्टी ट्वान्टी अन्तर्राष्ट्रिय शृंखला खेल्ने

wesportz

Published

on

नेपाली राष्ट्रिय क्रिकेट टोलीले आगामी महिना घरेलु टोली कतारसँग ट्वान्टी ट्वान्टी अन्तर्राष्ट्रिय खेल खेल्ने भएको छ ।

नेपाल क्रिकेट संघको आज बसेको बोर्ड बैठकले कतार क्रिकेट संघको निमन्त्रणा स्विकार्दै कतारसँग ट्वान्टी ट्वान्टी खेल खेल्न लागेको हो । कतारले ‘कतार स्पोर्ट्स डे’ को अवसर पारेर नेपाललाई ट्वान्टी ट्वान्टी अन्तर्राष्ट्रिय खेलको निमन्त्रणा दिएको हो ।

क्यानले प्रेश बिज्ञप्ति निकाल्दै फेब्रुअरी नौं देखि १२ तारिख सम्म ट्वान्टी ट्वान्टी खेल संचालन हुने जनाए पनि हाल सम्म के कतिवटा खेल हुने यस विषयमा केहि खुलाएको छैन । तर क्रिकेटिङनेपाललाई प्राप्त जानकारी अनुसार यसको टुंगो लागि सकेको छैन । नेपालले चार दिनमा लगातार चार वटा ट्वान्टी ट्वान्टी खेल्ने सम्भावना प्रवल रहेको छ भने एउटा ५० ओभरको खेल खेल्दै अन्य ट्वान्टी ट्वान्टी हुन सक्ने पनि सम्भावना रहेको छ । यसको टुंगो कतारले केहि दिनमा लगाउने छ ।

त्यस्तै कतारसँगको शृंखलालाई मध्य नजर गर्दै नेपालले फेब्रुअरी एक तारिख देखि नै बन्द प्रशिक्षण सुरु गर्ने भएको छ ।

क्यानको आजको बोर्ड बैठकले प्रधानमन्त्री कपको विजेतालाई १० लाख तथा उप विजेतालाई पाँच लाख नगद दिने पनि निर्णय गरेको छ ।

Continue Reading

Headline

महिला लिग: बिभागीय डर्बीमा एपिएफ हावी, आर्मी पराजित

wesportz

Published

on

राष्ट्रिय महिला लिगको नवौँ खेलको बिभागीय डर्बीमा एपिएफले आर्मीलाई २-० ले हराएको छ ।

सातदोबाटो स्थित एन्फा कम्प्लेक्समा भएको खेलमा एपिएफले त्रिभुवन आर्मी क्लबलाई हराउदा अन्जली योन्जन र सरु लिम्बुले गोल गरेका थिए ।

२७ औँ मिनेटमा एपिएफले खेलको पहिलो गोल गर्यो । साबित्रा भण्डारीले दिएको पासमा अन्जली योन्जनले डिबक्सको दाँया भागबाट बललाई कर्ल गर्दै गोल गरेकी थिइन । ३६ औँ मिनेटमा आर्मीले राम्रो मौका गुमायो । सपना लामाले दिएको क्रसलाई एपिएफकी गोलरक्षक अन्जिला तुम्बापो सुब्बाले जज गर्न नसके पछि छुटेको बललाई कुनै आर्मीको कुनै खेलाडी समयमा नपुग्दा आर्मी बराबरी गोल गर्न चुकेको थियो ।

एपिएफको लागि दोस्रो गोल भने सरु लिम्बुले गरिन । डिबक्स भित्र साबित्राले दिएको पासलाई अन्जली योन्जनलाई नभेटे पछि सरुले पाएको बललाई जाली चुमाएकी थिइन ।

पहिलो हाफमा आर्मी र एपिएफ दुवैले राम्रो मुभहरु बनाए पनि पाएको मौकालाई सदुपयोग गर्दा एपिएफ २-० ले अगाडि रहेको थियो ।

दोस्रो हाफमा एपिएफको लागि सबित्रा भण्डारीले ६३ औँ मिनेटमा पाएको मौकालाई सदुपयोग गर्न सकिनन् । आर्मीले दोस्रो हाफमा सोचेको जस्तो मुभ बनाउन सकेन । ७४ औँ मिनेटमा सपना लामाले दिएको क्रसमा रष्मी घिसिङले गरेको प्रहर राम्रो हुन नसक्दा एपिएफकी अन्जिला सुब्बाले बचाएकी थिइन ।

जितसँगै एपिएफ ९ अंकका साथ पहिलो र ५ अंकका साथ नेपाल पुलिस दोस्रो र ४ अंक सहित आर्मी तेस्रो स्थानमा रहेको छ ।

 

Continue Reading

Headline

६ खेलाडीहरुलाई क्रिकेट बजारको एक बर्षे प्रायोजन

wesportz

Published

on

नेपालमा क्रिकेटको सामान उत्पादन तथा बिक्री गर्ने सबैभन्दा पहिलो ब्राण्ड क्रिकेट बजारले ६ जना क्रिकेटरहरुलाई एक बर्षको प्रायोजन गरेको छ ।

प्रायोजित खेलाडीहरुमा नेपाल पुलिस क्लबका अनिल कुमार साह, रशिद खान र सुनिल धमला, बागमती प्रदेशका रामनरेश गिरी, भेटेरान अलराउण्डर तथा प्रदेश २ का खेलाडीद्वय महबुब आलम र रवि साहसँगै अर्निको यादव पनि रहेका छन् ।

प्रायोजन सम्झौता अनुसार क्रिकेट बजारले एक बर्षसम्म ६ नै जना खेलाडीहरुलाई क्रिकेटका सामग्रीहरु प्रदान गर्नेछ भने खेलाडीहरुले आफ्नो ब्याटमा सिबी अंकित लागो प्रयोग गर्नेछन् ।

क्रिकेट बजार अनुसार निकै स्तरीय क्रिकेट सामग्री उत्पादन गर्दै सस्तोमा बिक्रि भइरहेका कम्पनीको सामान अधिकांश नेपाली खेलाडीहरुले प्रयोग गर्दै आइरहेका छन् ।

मङ्गलवार त्रिवि क्रिकेट मैदानमा भएको एक कार्यक्रमकाबीच कम्पनीका प्रोप्राइटर जय गिरी र खेलाडीहरुले प्रायोजन सम्झौतामा हस्ताक्षर गरेका थिए ।

Continue Reading
Headline1 hour ago

नेपालले अर्को महिना ट्वान्टी ट्वान्टी अन्तर्राष्ट्रिय शृंखला खेल्ने

Headline4 hours ago

महिला लिग: बिभागीय डर्बीमा एपिएफ हावी, आर्मी पराजित

Headline4 hours ago

६ खेलाडीहरुलाई क्रिकेट बजारको एक बर्षे प्रायोजन

Headline6 hours ago

सन्दिप मेलबर्न विरुद्ध महँगो साबित हुँदै विकेट बिहिन

Headline6 hours ago

प्रधानमन्त्री कपबाट उत्कृष्ट खेलाडी छनोट गरेर नेपाल ए टिम बनाउने छौंः क्यानका अध्यक्ष (भिडियो अन्तरवार्ता सहित)

Trending7 hours ago

महिला लिग: पुलिस विरुद्ध वालिङको बहादुरीपूर्ण बराबरी

Headline8 hours ago

बर्खास्त भएका चेल्सी लेजेण्ड लाम्पार्डको ‘हाइ’ र ‘लो’

Headline1 day ago

एपिएफको आर्मीमाथि रोमाञ्चक जित, सेमिफाइनलमा पुलिससँग खेल्ने

Headline1 day ago

रौटहटको पहिलो जितमा सबिताको ह्याट्रीक

Headline1 day ago

पुलिस प्रधानमन्त्री कपको सेमिफाइनलमा

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending