Headline
२०२१ मा सम्झौता बिहिन हुने फुटबलरहरु जो फ्री एजेन्टका रुपमा जुन क्लब पनि जानसक्छन्
Published
3 years agoon
By
wesportzकुनै पनि खेलाडीलाई बिना खर्च किन्न सक्नु क्लबका लागि निकै ठुलो कुरा हो । ठुलो खर्च बिना खेलाडीसँगको सम्झौता मात्रैले क्लबले खेलाडी भित्र्याउन सक्षम हुन्छ भने त्यो जस्तो फुटबलमा सजिलो खेलाडी किन-बेच अरु कुनै हुँदैन । सम्झौता सकिए पछि कुनै पनि खेलाडी फ्री एजेन्टको रुपमा ट्रान्सफर विन्डो खुल्ला रहने बेलासम्मा कुनै पनि क्लब जन सक्छन् ।
के हो फ्री एजेन्ट ?
कुनै पनि खेलाडी सम्झौता सकिन ६ महिना बाँकी रहदा खेलिरहेका क्लबहरुसँग आफ्नो सम्झौताको बारेमा पूर्ण बिचार गर्न अनुरोध गर्छन् र आफ्नो मागहरु पनि राख्छन् । क्लबले सम्झौताको बारे बिचार गर्दै खेलाडीको मागलाई पुरा गर्छ भने खेलाडी र क्लब दुवै सम्झौता गर्न राजी हुन्छन् । तर कुनै क्लब छोड्ने मनसायमा पुगेको खेलाडीहरुले भने दोहोरो सोच्ने गर्दैनन् । उनीहरु बिना बैठक नै सम्झौता सकिए पछि क्लब छोड्ने तरखरमा हुन्छन् । कुनै पनि खेलाडीको सम्झौता सकिए पछि खेलिरहेको क्लब र उक्त खेलाडी बिच अन्य बर्षहरुका लागि सम्झौता हुँदैन भने उक्त खेलाडीलाई फ्री एजेन्ट भन्ने गरिन्छ । सम्झौता बिहिन रहने खेलाडीहरु फ्री एजेन्टका रुपमा विश्वका कुनै पनि क्लब जान सक्छन् ।
हरेक वर्ष धेरै खेलाडीहरु सम्झौता बिहिन हुन्छन् र यस्तै २०२१ मा पनि धेरै खेलाडीहरु सम्झौता बिहिन हुँदै छन् । त्यी खेलाडीहरु को हुन् ?
सर्जियो अग्वेरो, म्यानचेस्टर सिटी
प्रिमियर लिगमा म्यानचेस्टर सिटीको शिर्ष गोलकर्ता रहेका सर्जियो अग्वेरोको सिटीसँग सम्झौता चाँडै सक्किदै छ । सर्जियो अग्वेरोको सम्झौता आउने समर विन्डोमा सकिदै छ भने उनी सम्झौता सकिए लगतै आफ्नो घर अर्जेन्टिनामा आफ्नो फुटबल कारीअर सक्काउने योजनामा रहेको पनि बिभिन्न स्रोतले जनाउदै आएका छन् । धेरै अर्जेन्टाइन संचार मध्यामहरुको अनुसार अग्वेरो आफ्नो पुर्व क्लब इन्डिपेन्डेन्टेमा फर्किन सक्ने धेरै सम्भावना रहेको बताएका छन् तर सिटीका प्रशिक्षक पेप गोर्डियोलाले भने अग्वेरोलाई च्याम्पियन्स लिगमा दवेदारीका लागि नयाँ सम्झौता दिन सक्ने छन् ।
लियोनल मेस्सी, बार्सिलोना
अघिल्लो वर्ष नै बार्सिलोना छोड्ने तरखरमा पुगेका मेस्सीलाई यो सिजन फ्री ट्रान्सफरको रुपमा धेरै क्लबहरुले भित्र्याउन चाहन्छन् तर पनि बार्सिलोनाको पुर्व बोर्डसँग चिसिएका सबन्धका कारण मेस्सीले क्लब छोड्ने बिचार गरे पनि बार्सिलोनामा हुने नयाँ चुनाव र नयाँ आउने नेत्रित्वका कारण मेस्सी बार्सिलोनामै बस्न पनि सक्ने छन् । मेस्सीले बार्सिलोना छोड्ने हो भने म्यानचेस्टर सिटी र पेरिस सेन्ट जर्माइनले भित्र्याउने सक्ने धेरै सम्भावना रहेको छ ।
सर्जियो रामोस, रियल म्याड्रिड
सर्जियो रामोसले रियल म्याड्रिडका लागि खेलेको १० वर्ष भैसकेको छ तर उनको म्याड्रिडसँगको सम्झौता भने यही समर विन्डोमा सक्किदै छ । क्लबका लेजेण्डका रुपमा हेरिने सर्जियो रामोसले रियल नछोड्लान भन्न सकिदैन । २०१८ मा क्रिष्चियानो रोनाल्डोले पनि रियल म्याड्रिड छोड्दै युभेन्टस लागे पछि रामोसको अवस्थाको अहिले नै केही वर्णन गर्न सकिने अवस्था छैन । रियलले पनि उनलाई दुई वर्ष सम्मको सम्झौता दिने बताइरहेको तर उनले एक वर्ष थप्न रियलको बोर्डलाई भन्दै आएको पनि संचार मध्यामहरुले बताउदै आएका छन् ।
डिएगो कोस्टा, एट्लेटिको म्याड्रिड
एट्लेटिको म्याड्रिडसँग चिसिएको सबन्धका कारण २०२१ अघी नै क्लबसँग सम्झौता रद्ध गरिसएका कोस्टा नयाँ टोलीको खोजीमा रहेका छन् । सम्झौता खारेज पछि कोस्टा आउने जनवरीको ट्रान्सफर विन्डोमा ‘फ्री एजेन्ट’ को रुपमा कुनै पनि क्लब जान सक्ने छन् । कोस्टाको सम्झौता खारेज भए पछि एट्लेटिकोले नापोलीका फर्वार्ड अन्द्रे पेटग्नालाई क्लब भित्र्याउन सक्ने छ भने युभेन्टसमा लोनमा भएका फर्वार्ड अल्भारो मोराटालाई पनि फिर्ता बोलाउन सक्ने छ ।
डेभिड अलबा, बायर्न म्युनिख
१४ बर्षको उमेर देखी बायर्न म्युनिखमा रहेका डेभिड अलबाको सम्झौता पनि यही ट्रान्सफर विन्डोमा सकिदै छ । बायर्न म्युनिखका अध्यक्ष हर्बर्ट हेनरले अलबालाई सम्झौता नविकरण गर्न दिएको ३१ अक्टोबर सम्म को म्याद सकिएका कारण सम्झौता फिर्ता लिएको बताएका थिए । यदी अलबाले क्लब छोड्न चाहेको खण्डमा उनले बायर्नलाई जनवरीको ट्रान्सफर विन्डोमा आफुलाई बेच्न आग्रह गर्न सक्ने प्रवधान रहेको छ । अलबालाई सेरी आ को साविक बिजेता टोली युभेन्टसले किन्न सक्ने धेरै संचार मध्यामहरुले जनाएका छन् ।
एन्जल डि मरिया, पिएसजी
पेरिस सेन्ट जर्माइन(पिएसजी) ले अघिल्लो वर्ष च्याम्पियन्स लिग फाइनल खेल्दाका प्रमुख सदय्स रहेका एन्जल डि मरियाको पनि यही वर्ष सम्झौता सकिदै छ । सम्झौता सकिने संघारमा रहेका डि मरिया बढ्दो उमेरका कारण अर्जेन्टिना फर्किने सम्भावना बलियो राखेको छ । पिएसजीले लगतार लिग वान र बिभिन्न घरेलु प्रतियोगिता जित्दा एन्जल डि मरिया महत्वपूर्ण खेलाडी समेत थिए ।
यस्तै यसै वर्ष सम्झौता सकिने अन्य खेलाडीहरुमा मेम्पिस डिपे,गिगी विज्नाल्डम,युनिल्यन डक्स्लार, जिरोमे बोएटिङ्ग,एरिक गार्सिया,डेभिड लुइज र जुवान माटा जस्ता ठुला नामहरु पनि रहेका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।