Connect with us

Headline

पाकिस्तान माथि न्युजिल्याण्डको रोमान्चक जित   

wesportz

Published

on

पाकिस्तान विरुद्धको पहिलो टेस्टमा घरेलु टोली न्युजिल्याण्डले १०१ रनको रोमान्चक जित दर्ता गराएको छ । यसका साथै न्युजिल्याण्डले दुई खेलको शृंखलामा १-० को अग्रता लिन सफल भएको छ ।

न्युजिल्याण्डले दिएको ३७३ रनको विशाल लक्ष्य पक्ष्याएको पाकिस्तानले पाँचौं दिनको खेलको ३८ ओभरमा तीन विकेटको नोक्सानीमा ७१ रन बाट सुरु गरेको हो । अन्तिम दिन पाकिस्तानले खेल जित्ने हो भने अन्तिम दिन ३०२ रन जोड्न पर्ने हार टार्ने हो भने उसले सात विकेट जोगाउन पर्ने थियो ।

पाकिस्तान हार नजिक पुगेको अवस्थामा उसका पुछारका ब्याट्सम्यानहरुले रन जोड्न नसके पनि धेरै भन्दा धेरै बल खेल्दा बराबरी तर्फ उन्मुख भयो । तर खेल सकिन पाँच ओभर जस्तो बाँकि रहेको अवस्थामा मिचेल स्यान्टनरले ११ औं नम्बरमा ब्याटिङ गर्न आएका नसीम शाहको विकेट निकाल्दै न्युजिल्याण्डलाई रोमान्चक जित दिलाएका हुन् । पाकिस्तानले १२३ दशमलब तीन ओभर खेल्दै २७१ रन मात्र जोड्न सक्यो ।

पाँचौं दिनको खेलमा फवाद आलमले शतक र विकेट किपर ब्याट्सम्यान मोहम्मद रिजवानले अर्धशतक प्रहार गरे पछि पाकिस्तान कम्तिमा ड्र तर्फ उन्मुख भयो ।  पाँचौं दिनको खेल ३४ रनबाट सुरु गरेका अजर अलि चार रन जोड्दै ३८ रनमा आउट हुँदा पाकिस्तान ७५ रनमा चार विकेटको अवस्थामा खुम्चिन पुग्यो ।

तर आलम र रिजवानले चौथों विकेटका लागि ३८८ बल खेल्दै १६५ रन जोडे । २६९ बलको सामना गर्दै १४ चौकाको मद्धतमा १०२ रन बनाएका रिजवान र १९१ बलमा ६० रन जोडेका रिजवान पेभेलियन फर्किए । सन् २००९ मा श्रीलंका विरुद्धको डेब्यु टेस्टमा शतक प्रहार गरेका आलमको यो दोश्रो टेस्ट शतक हो ।

दोश्रो पारीमा पाकिस्तानका ओपनरद्वय रनको खाता नखोली तथा ह्यारिस सोहेल नौं रनमा आउट भए । त्यस्तै फहीम अश्रफ़ १९, यासिर शाह शुन्य, मोहम्मद अब्बास र नसिम शाह समान १-१ रनमा आउट भए भने शाहीन अफ्रिदी आठ रनमा अविजित रहे ।

न्युजिल्याण्डका टिम साउथि, ट्रेन्ट बोल्ट, कायल जेमिसन, निल वाग्नर र मिचेल स्यान्टनरले समान २-२ विकेट हात पारे ।

हिजो आफ्नो दोश्रो पारी सुरु गरेको न्युजिल्याण्डले ४५ दशमलब तीन ओभर खेल्दै पाँच विकेटको नोक्सानीमा १८० रन जोड्दै आफ्नो पारी सकिएको घोषणा गरेको थियो ।

न्युजिल्याण्डको तर्फबाट दोश्रो पारीमा ओपनरद्वय टम ब्लनडेल र टम लाथमले क्रमश ६४ र ५३ रन जोड्दै पहिलो विकेटका लागि १११ रनको साझेदारी गरे । तर त्यस पछि आएका ब्याट्सम्यानहरुले उलेख्य रन जोड्न सकेनन् । कप्तान केन विलियमसन २१ तथा हेनरी निकोल्स ११ रनमा आउट भए भने रस टेलर १२ रनमा अविजित रहे ।

पाकिस्तानका नसीम शाहले सर्वाधिक तीन तथा मोहम्मद अब्बासले एक बिके आफ्नो नाममा दर्ता गराए ।

खेलमा टस हारेर पहिले ब्याटिङ गरेको घरेलु टोलीले न्युजिल्याण्डले पहिलो पारीमा १५५ ओभर खेल्दै ४३१ रन बनायो ।

न्युजिल्याण्डको तर्फबाट कप्तान विलियमसनले २९७ बल खेल्दै १२ चौका र एक छक्काको मद्धतमा सर्वाधिक १२९ रन बनाएर यासिर शाहको बलमा आउट भए । टेस्टमा विलियमसनको यो २३ औं शतक हो ।

विलियमसन बाहेक न्युजिल्याण्डका बिजे वाटलिङ, रस टेलर र हेनरी निकोल्सको क्रमश १४५ बलमा ७३ रन, १५१ बलमा ७० रन तथा १३७ बलमा ५६ रनको पारी खेले । त्यस्तै कायल ज्यामिसनले पनि ३२ रनको योगदान दिए ।

पाकिस्तानका शाहीन अफ्रिदीले सर्वाधिक चार तथा यासिर शाहले पनि तीन विकेट हात पारे ।

आइतबार दोश्रो दिनको समाप्तिमा एक विकेटको क्षतिमा ३० रनबाट सोमबार खेल्न शुरु गर्दा पाकिस्तान सस्तैमा समेटिने देखिएको थियो । ८० रनमै ६ विकेट गुमाएपछि पाकिस्तानको इनिङ्गस धर्मरायो । तर रिज्वान र असरफले सातौं विकेटको लागि शतकीय साझेदारी गर्दै पाकिस्तानको नाक जोगाए ।

बर्षाले प्रभावित तेश्रो दिनको खेल समाप्त हुदा पाकिस्तान २ सय ३९ रनमा अल आउट हुन पुग्यो भने फलो अन बचाएको थियो । रिज्वान र असरफले १ सय ७ रनको साझेदारी गरे ।

असरफले ९१ रन बनाए भने रिज्वानले ७३ । असरफले ९ चौका र एक छक्का प्रहार गरेका थिए । रिज्वानले ८ चौका हिर्काए । न्युजिल्याण्डका लागि कायल जेमिसनले तीन विकेट लिए भने निल वाग्नर, टिम साउदी र ट्रेन्ट बाउल्टले पनि २–२ विकेट हात पारेका थिए ।

Headline

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

wesportz

Published

on

सुनिल धमलाले राष्ट्रिय क्रिकेटमा पहिलो शतक बनाउनुका साथै पवन शर्राफले १३ बलमै किर्तिमानी अद्र्धशतक पुरा गरेपनि नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लुम्बिनी प्रदेशबिरुद्ध चार विकेटको क्षतिमा ३ सय १० रनको बिशाल योगफल बनाएको छ ।

त्रिवि मैदानमा टस हारी पहिलो ब्याटिङ्ग गरेको पुलिसले ओपनर कुशल भुर्तेललाई ६ रनमै गुमाएको थियो । त्यसपछि धमलाले खेललाई नियन्त्रणमा राखे । उनले दोश्रो विकेटका लागि अमित श्रेष्ठ (२८) सँग दोश्रो विकेटका लागि ५७ रनको साझेदारी गरे ।

लुम्बिनीले अमितको विकेट लिए पनि उसको समस्य झनै बढेको थियो । धमला र दिपेन्द्र सिँह ऐरिले तेश्रो विकेटका लागि १ सय २९ रनको बिशाल साझेदारी गरेका थिए । सुझबुझपूर्ण इनिङ्गस खेलेका धमलाले १ सय ४५ बलमा १ सय ४ रन बनाए । उनले सात चौका र एक छक्का हिर्काएका थिए ।

निकै आक्रमक लयमा देखिएका दिपेन्द्रले ६१ बलमा ८५ रनको योगदान दिए । दिपेन्द्रको इनिङ्गसमा ६ छक्का र एक चौका सामेल थियो । ४८ औं ओभरको दोश्रो बलमा सौरभ खनालले दिपेन्द्रलाई पेभिलियन फर्काउदा पुलिसको जम्मा २ सय ५४ रन थियो । उक्त ओभरमा पुलिसले १० रन बनाएको थियो ।

त्यसपछि अन्तिम दुई ओभर पवन र आरिफ शेख पूर्ण रुपमा लुम्बिनी बलरहरुमाथि हावी भए, बिशेष गरि पवन । उनले बिक्रम भुषालाई ४९ औं ओभरमा दुई छक्का प्रहार गरे भने उक्त ओभरमा पुलिसले १८ रन बटुल्यो । अन्तिम ओभर लिएर आएका सौरभलाई पवनले चार छक्का प्रहार गर्दै एक्लै २८ रन जोडेका थिए । अन्तिम बलमा उनले सौरभलाई छक्का प्रहार गर्दै घरेलु क्रिकेटको सबैभन्दा तिब्र अद्र्धशतक बनाएका थिए ।

सौरभले दुई ओभरमै ३८ रन दिन पुगे । आरिफले १४ बलमा २९ रनको योगदान दिए । उनको इनिङ्गसमा दुई चौका र दुई छक्का सामेल थियो ।

 

Continue Reading

Headline

तेस्रो डिभिजनको एल्कोयानोसँग रियल म्याड्रिड पराजित

wesportz

Published

on

स्पेनिस तेस्रो डिभिजनको क्लब एल्कोयानोसँग २-१ ले पराजित भए पछि रियल म्याड्रिड कोपा डेल रे को अन्तिम ३२ बाट बहिरिएको छ ।

शुरुवाती एघारको धेरै जस्तो खेलाडी दोस्रो रोजाइका खेलाएको रियल म्याड्रिडलाई एल्कोयानोले बिर्सनलायक हार चखाएको हो ।

एल्कोयानोको मैदानमा बुधबार राति भएको खेलमा रियल म्याड्रिडले पहिलो गोल गरेको थियो । रियलका लागि मार्सेलोको पासमा एडर मिलाटाओले गोल गर्दै ४५ औँ मिनेटमा अग्रता दिलाएको थियो ।

पहिलो हाफमा १-० ले पछि परे पनि हिम्मत नहार्दै प्रतिस्पर्धा गरेको एल्कोयानोले दोस्रो हाफको ८० औँ मिनेटमा भने बराबरी गोल गर्न सफल भएको थियो । एल्कोयानोका लागि जोस सोल्वेसले गोल गर्दै खेललाई १–१ गोलको बराबरीमा ल्याएका थिए । उनले मिड्फिल्डर सोल्वेसले रामोन लोपेजको पासमा गोल गरेका थिए । त्यसपछि निर्धारित ९० मिनेट र इन्जुरी समयमा नतिजा निस्कन नसक्दा खेल अतिरिक्त समयमा लम्बिएको थियो ।

अतिरिक्त समय एल्कोयानोलाई पहिले फापेन । १०९ औँ मिनेटमा एल्कोयानो १० खेलाडीमा समेटिन पुगेको थियो । क्यासमिरोलाई फल गरेपछि रामोन लोपेज दोहोरो पहेलो कार्ड खादै मैदानबाट बाहिरिएका थिए । १० खेलाडीमा सिमित भए पनि रियलले त्यस्को फाईदा उठाउन सकेन ।

११५ औँ मिनेटमा भने जुवानानले एलि डियाकिट्ट्को पासमा गोल गर्दै रियललाई नमिथो हार चखाएका थिए । रियललाई २-१ ले पराजित गर्दै एल्कोयानोले अन्तिम १६ को स्थान बनाउन सफल भएको छ ।

 

Continue Reading

Headline

रोनाल्डोको किर्तीमानसँगै युभेन्टसलाई सिजनको पहिलो उपाधि

wesportz

Published

on

सिरी आ को चिरप्रतिद्वन्द्वी नापोलीलाई २-० ले हराउदै युभेन्टस सुपरकपको उपाधि हात पारेको छ । युभेन्टसको जितमा रोनाल्डोले नयाँ किर्तीमान समेत बनाएका छन् ।

दोस्रो हाफको ६४ औँ मिनेटमा गोल गर्दै युभेन्टसलाई अग्रता दिलाएको रोनाल्डोले उक्त गोलसँगै फुटबलमा सर्वधिक गोल गर्ने किर्तीमान आफ्नो नाममा बनाएका छन् । उनले नापोली विरुद्ध बर्नरडेस्चीको कर्नरबाट आएको बललाई गोल गर्दै आफ्नो कारीयरको ७६० औँ गोल गर्दै क्रितीमान बनाएका हुन् । उनले ७५९ गोल गरेका योसेफ बिकानको किर्तीमानलाई टोड्दै फुटबलमा सर्वधिक गोल गर्ने खेलाडी बनेका हुन् ।

पहिलो हाफ बराबरीमा सकिएको खेलमा दोस्रो हाफमा रोनाल्डोले गोल गरे पछि निरह देखिएको नापोलीले दोस्रो गोल पनि खाएको थियो । ८० औँ मिनेटमा भने खेलमा फर्किदै बराबरी गर्ने अवसरमा पाएको पेनाल्टीमा लोरेन्जो इन्सिग्ने पेनाल्टीमा चुक्दा नेपोलीले शुभर्ण अवसर गुमायो ।

युभेन्टसका लागि दोस्रो गोल भने ९० मिनेट पछी थपिएको इन्जुरी समयमा युआन कोर्डाडोको पासमा अल्भारो मोराटाले गोल गदै युभेन्टसलाई सुपरकपको उपाधि जिताएका थिए ।

 

Continue Reading
राष्ट्रिय1 hour ago

एपीएफसँग पराजित हुँदा गण्डकी पिएम कपबाट बाहिर

Headline4 hours ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline8 hours ago

तेस्रो डिभिजनको एल्कोयानोसँग रियल म्याड्रिड पराजित

Headline8 hours ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline8 hours ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline22 hours ago

सकियो सन्दिपको दिल्लीसँगको यात्रा

Headline1 day ago

बिभागिय डर्बीमा पुलिस र आर्मीको बराबरी

Headline1 day ago

प्रधानमन्त्री कपमा नेपाल पुलिसको सशक्त पुनरागमन

Headline1 day ago

महिला लिग आजबाट, पहिलो खेलमै बिभागीय डर्बी

Headline1 day ago

धनगढी क्रिकेट एकेडेमीमा सगरमाथा सिमेन्टको प्रायोजन

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending