Headline
सात महादेशका सात उत्कृष्ट गोलकिपरहरु
Published
3 years agoon
By
wesportzजितको क्रेडिट धेरै जसो स्ट्राइकरहरुले लिने हुनाले फुटबलमा गोलकिपरको भुमिका गौण हुने गरेको छ । तर गोलपोस्ट सम्हाल्न निकै गाह्रो काम हो । त्यसमाथि भिडम भाड भएको अवस्थामा गोलकिपरहरुले आफ्नो एकाग्रता गुमाउने हो भने खेलको परिणाम नै उलट फेर हुन सक्छ ।
‘फस्ट लाइन अफ डिफेन्स,लास्ट लाइन अफ अट्याक’ को लामो उपनाम पाएको गोलकिपिङ पोजिसन खेल्नका लागि निकै चुनौतिपूर्ण पनि छ । २०१८ को च्याम्पियन्स लिग फाइनलमा लिभरपुलका गोलरक्षक लोरिस कारियसले गरेको गल्ती र २०१० को विश्वकपमा स्पेनका गोलरक्षक इकर कासिलासले गरेको प्रदर्शनले पनि थाहा हुन्छ कि फुटबलमा यो स्थानले कति महत्व राख्छ ।
यस्तै यो चुनौतिपूर्ण पोजिसनमा सात महादेशबाट को उत्कृष्ट होला ?
एसिया – अमिर अबिजादी
२०१८ को विश्वकप देखि केही वर्ष दक्षिण कोरिया गोलरक्षक जो हियोन वो ले एसियामा राज गरे । कोरियाको शिर्ष डिभिजनको के–लिगमा दुई सिजन लगतार उत्कृष्ट गोलरक्षक बनेका हियोन वो अहिले पनि एसियाका उत्कृष्ट गोलरक्षक होलान् तर पनि अहिले यो पद ईरानियन गोलकिपर अमिर अबिजादीलाई जान्छ । पोर्चुगिज क्लब सि एस मरिटिमोबाट प्रिमियर लिगमा खेल्ने यि गोलकिपर अहिले ईरानका पहिलो रोजाइका गोलरक्षक हुन् ।
अबिजादी इरानको राजधानी तेहेरानमा जन्मिए पनि १५ वर्षको उमेरमै अमेरिका उडेका थिए । अमेरिकामा राम्रो फुटबल खेले पछि उनी इङ्ल्याण्ड पुगे जहाँ उनले टोटनह्याम हट्स्पर र ब्रेन्टफोर्ड एफसीको युवा टोलीसँग खेल्ने मौका पाए ।
युवा एकेडेमीमा खेले पनि पहिलो टोलीको रोजाईमा नपरे पछि अबिजादी अमेरिका फर्किए । अमेरिकामा केही समय बिताएपछि पोर्चुगिज तेस्रो डिभिजनको क्लब बरोनिन्सेले उनलाई २०१६ मा अनुबन्ध गरेको थियो । जहाँ उनले राम्रो प्रदर्शन गरे र एक वर्ष पनि नबित्दै शिर्ष डिभिजनको क्लब सि एस मरिटिमो पुगे । सि एस मरिटिमोमा राम्रो प्रदर्शन गरिरहेका २७ वर्षिय अबिजादी अहिले एसियाका उत्कृष्ट गोलरक्षक हुन भन्दा फरक नपर्ला ।
अफ्रिका – अन्द्रे ओनाना
२०१९ च्याम्पियन्स लिगमा आयाक्सको गोल्डेन जेनेरेसन’ मानिएको टोलीको गोलरक्षक आन्द्रे ओनाना अहिले अफ्रिकाका उत्कृष्ट गोलरक्षक हुन । युरोपको प्रमुख लिगहरुमा अन्य गोलरक्षकहरु पनि छन् तर पनि ओनाना अहिले अफ्रिकाले पाएको राम्रो गोलरक्षक मध्येका एक हुन् । राष्ट्रिय टोलीमा क्यामरुनको गोल पोस्ट सम्हाल्ने यि ओनानाको प्रदर्शन निकै प्रशंसायोग्य पनि छ ।
आज पनि सेनेगल र यो सिजन चेल्सी पुगेका गोलरक्षक एडुवार्डो मेन्डी मात्र उनको नजिक आउन सक्ने एक मात्र गोलरक्षक हुन् । २४ वर्षमा आयक्सका लागि २ सय भन्दा बढी खेल खेलिसकेका ओनानाले क्यामरुनका लागि १८ क्याप जितेका छन् । ओनाना युवा गोलरक्षक भए पनि उनीमा उत्कृष्ट गोलरक्षकमा हुने सबै गुणहरु रहेका छन् । अफ्रिकामा ओनाना पछि अबको वर्षमा राम्रो गोलरक्षक बन्ने क्षमता भएका गोलरक्षक भने मोरोक्कोका यासिन बुनु हुन् ।
युरोप – यान ओब्लाक
एट्लेटिको म्याड्रिडको गोलपोस्ट उनले देखाएको स्थिरताका लागि ओब्लाकले यो स्थान पाएका हुन् । युरोपका मुख्य लिगहरुमा धेरै नै गोलरक्षक विश्वस्तरिय भए पनि ओब्लाक उत्कृष्टताको सहि हकदार हुन् । मानुएल नोयोर, थिबो कोर्टुवा र डेभिड डे जिया जस्ता उत्कृष्ट गोलरक्षकहरुको माझ पनि आफ्नो छुट्टै पहिचान बनाउन सफल भएका ओब्लाक निकै मेहनती गोलरक्षक हुन् ।
नोयोर आफुमा निकै प्रभावशाली गोलरक्षक भए पनि एट्लेटिकोका लागि ओब्लाकले देखाएको स्थिरता निकै प्रशंसनीय छ । स्विपिङ गोलरक्षकको पोजिसनमा नोयोर सरह शक्तिशाली नभए पनि अन्य गोलकिपिङ विधाहरुमा ओब्लाकलाई पछि पार्न सक्ने गोलरक्षकहरु कमै छन् ।
यो सिजन १२ खेलमा मात्रै ५ गोल खाएको एट्लेटिको म्याड्रिडका लागि ओब्लाक नायक पनि हुन् । स्लोभेनियाका नम्बर एक गोलरक्षक ओब्लाक निकै ’अन्डररेटेड’ भएका कारण पनि उनी अहिलेको अवस्थामा युरोपका उत्कृष्ट गोलरक्षक हुन् ।
उत्तर अमेरिका – केलोर नाभास
फुटबल त्यति लोकप्रिय नरहेको उत्तर अमेरिकामा फिफा बरियतामा तीन देश मात्र शिर्ष २० मा अटाउने गर्छन् । यस महदेशमा मेक्सिको, अमेरिका र कोस्टा रिका मात्र फुटबलका लागि लोकप्रिय मानिन्छन् । पछिल्ला बर्षहरुमा अमेरिकाले निकै राम्रा खेलाडीहरु जन्माए पनि यो सुचीका लागि उत्तर अमेरिकाका उत्कृष्ट गोलरक्षक हुन् कोस्टा रिकाका केलोर नाभास । रियल म्याड्रिड र पिएसजीबाट खेलेका नाभासले तीन च्याम्पियन्स लिग र एक ला लिगा जितेका छन् । २०१८ मा कोस्टा रिकालाई विश्वकपसम्म डोर्याउन प्रमुख भुमिका खेलेका नभास अहिले पनि विश्वस्तरीय गोलरक्षक हुन् ।
पिएसजीलाई २०२० को च्याम्पियन्स लिग फाईनल पुयाएउने क्रममा उत्कृष्ट प्रदर्शन गरेका नाभास उत्तर अमेरिकाका एक मात्र उत्कृष्ट गोलरक्षक हुन् । मेक्सिकोका गुलेर्मो ओचोवा र अमेरिकाका ज्याक स्टेफान उत्तर अमेरिकामा राम्रा गोलरक्षक मानिए पनि यि दुवै गोलरक्षकले नाभासले जस्तो प्रदर्शन गर्न सकेका छैनन् ।
दक्षिण अमेरिका-एलिसन बेकर
लिभरपुलका लागि २०१९–२० सिजनमा प्रिमियर लिग र २०१८–१९ को सिजनमा च्याम्पियन्स लिग जितेका एलिसन बेकर दक्षिण अमेरिकाका उत्कृष्ट गोलरक्षक हुन् । उनले लिभरपुलको लागि देखाएको प्रदर्शनले नै उनलाई दक्षिण अमेरिकाको उत्कृष्ट गोलरक्षक बन्न मद्धत गरेको छ ।
लिभरपुल डिफेन्सिभ रुपमा जती नै राम्रो भए पनि उनी नभएको समयमा निकै अस्थित देखिन्छ । उनले खेलमा पार्ने प्रभावले लिभरपुललाई हरेक खेलमा जित निकाल्न मद्धत गर्छ ।
ब्राजिलका नम्बर एक गोलरक्षक एलिसनमा फुटबल मैदानमा हुनु पर्ने सम्पूर्ण गुण रहेको छ । ब्राजिलकै एन्डरसन पनि उत्कृष्टताको नजिक भए पनि एलिसनले जितेका उपाधिहरु हेर्दा उनी पनि निकै पछाडि देखिन्छन् । उरुग्वेका फर्नान्डो मुस्लेरा र अर्जेन्टिनाका एमिलिनो मार्टिनेज पनि दक्षिण अमेरिका उत्कृष्ट मध्येका एक हुन् ।
अष्ट्रेलिया र ओसियाना- म्याथ्यु रायन
अष्ट्रेलियामा फुटबल त्यती लोकप्रिय नभए पनि प्रिमियर लिगमा ब्राइटनमा खेल्ने म्याथ्यु रायन भने अष्ट्रेलिया र ओसियानाका उत्कृष्ट गोलरक्षक हुन् । अष्ट्रेलियाले एएफसी प्रतियोगिताहरु खेले पनि महादेशको आधारमा भने रायननै उत्कृष्ट गोलरक्षक हुन् ।
अष्ट्रेलियाका लागि लगतार आठ वर्ष नम्बर एक रोजाईका गोलरक्षक रायनलाई यो विधामा कसैले पछि पार्न सक्दैन । अन्य गोलरक्षकहरुको सेभहरु मात्रै राम्रो भए पनि रायनको पास र रिफ्लेक्सहरु उत्कृष्ट छन् । रायन प्रिमियर लिगले खेलाउने फ्यान्टासी प्रिमियर लिगमा पनि सर्वधिक छानिएका गोलरक्षक मध्येका एक हुन् ।
अन्टार्टिका-पेंग्विन
अन्टार्टिका मानव बस्ती नभएको महादेश हो । नेशनल जियोग्राफिक, डिस्कभरी, एनिमल प्लानेट जस्ता च्यानलहरुमा अन्टार्टिकाको बारेमा देखाइदा पेग्विनहरुले फुटबल खेलेको देखाइन्छ । त्यसैले यो महादेशमा सबै खेलाडी पेंग्विन मात्रै हुन् भने उत्कृष्ट गोलरक्षक पनि पेंग्विन नै ।
प्लिज डन्ट माइन्ड ! जोक न हो !
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।