Headline
राष्ट्रिय फुटबल टोली नभएका पाँच स्वतन्त्र देशहरु
Published
3 years agoon
By
wesportzबिश्वमा कुल १ सय ९५ देशहरु भए पनि अन्तर्राष्ट्रिय फुटबलको सर्वोच्च निकाय फिफामा आवद्ध राष्ट्रिय फुटबल टोलीको संख्या भने २ सय ११ छ भन्दा तपाईंहरुलाई अश्चर्य लाग्ला । यसलाई कसरी बुझ्ने भन्ने बिषयमा कन्फ्युजन भइरहदा संयुक्त अधिराज्यलाई उदाहरणको रुपमा लिन सकिन्छ ।
युनाइटेड किङ्गडम भनिए पनि इङ्ल्याण्ड, वेल्स, स्कट्ल्याण्ड र नर्दन आयरल्याण्ड फिफामा छुट्टै राष्ट्रको रुपमा आबद्ध छन् । यस्तै अर्को उदाहरण नेपालले २०२२ विश्वकप छनोटका लागि खेलिरहेको चाइनिज ताइपेलाई नै लिदा हुन्छ । राष्ट्र संघमा स्वतन्त्र राष्ट्र भित्र नरहे पनि फिफा यसको फरक टोली छ ।
स्वतन्त्र राष्ट्र भएर पनि फिफा सदस्यतामा राष्ट्रिय टोली नभएका सात मुलुकहरु कुन हुन् त ?
टुभालु
ओसियाना क्षेत्रमा पर्ने यो द्विपको आफ्नो राष्ट्रिय फुटबल टोली रहेको छैन । स्वतन्त्र राष्ट्रको दर्जा पाए पनि टुभालुले कहिले पनि अन्तर्राष्ट्रिय फुटबल खेलेको छैन । हवाइ र अष्ट्रेलियाको बिचमा पर्ने यो द्विपलाई बैज्ञानीकहरुले चाँडै बढ्दो समुन्द्र सतहका कारण लोप हुने राष्ट्र मध्ये पहिलो हुने अनुमान लगाएका छन् ।
सन् १८०० मा युरोपियनहरुले फेला पारेको यो द्विपको नाम एलिस आइल्याण्ड पनि रहेको थियो । लामो समय ब्रिटिस सरकारले राज गरेको यो द्विपले १९७८ मा मात्रै स्वतन्त्रता पाएको थियो भने २००० मा १ सय ८९ औँ स्वतन्त्र राष्ट्रको दर्जा पाएको थियो ।
टुभालुको टोलीले कहिले काही १५ सय सिट क्षमता भएको टुभालु राष्ट्रिय रङ्गशालामा खेल्ने गर्छ । ओसियाना फुटबल संघको आवद्ध भए पनि फिफाको सदस्य नरहेको यो टोलीले कुनै अन्तर्राष्ट्रिय स्तरको खेल खेलेको छैन । ११ हजारको जनसंख्या भएको यो द्विपको फुटबल टोलीले फाट्ट–फुट्ट प्यासफिक खेलहरु भने खेल्ने गर्छ । २०१८ मा धेरै वर्ष पछि फुटबलमा फर्किएको टुभालुले प्यासफिक खेल खेल्दा कुनै खेल नजित्दै अन्तिम स्थानमा चित्त बुझाएको थियो । अहिले भने यो देश फिफाको सदस्यता लिन लागि परेको छ ।
नौरु
ओसियाना क्षेत्रमै पर्ने यो देश विश्वको सबै भन्दा सानो देश मध्येको एक हो । १२ देखी १४ हजार सम्म जनसंख्या भएको यो देश दक्षिण प्रशान्त महासागरमा पर्ने गर्छ । १८०० को दशकमा जर्मनले राज गरेको यो देशले २० औँ शताब्दीमा आइसक्दा मात्र कोल्टे फेरेको थियो । १९६८ मा स्वतन्त्रता पाएको यो देशले राष्ट्रिय फुटबल टोली भने पाएको छैन ।
नौरुमा भएको एक अध्यानले फुटबललाई सर्वधिक लोकप्रिय सुचीको १० औँ स्थानमा राखे पनि यो द्विपमा फुटबल लोकप्रिय खेल भने होइन । नौरुमा गनेरै दुई पटक मात्र फुटबल भएका छन् । १९९४ मा सोलोमोन द्विपका पुर्व लडाकुहरु बिच र २०१४ मा नौरुको स्थानिय टोली बिच खेल भए देखी अहिले सम्म नौरुमा फुटबल खेलिएको छैन ।
भ्याटिकन सिटी
विश्वको सबैभन्दा सानो देश रहेको भ्याटिकन सिटीको पनि आफ्नो फुटबल टोली रहेको छैन । एक हजरको जनसंख्या र १०० एकड जमिन रहेको यो देश इटालीको राझ्धानी रोमको छेउमा रहेको छ । क्रिष्चियन धर्मगुरु पोपकै लागि बनाइएको यो देशले अहिले सम्म अन्तर्राष्ट्रिय फुटबलमा पाइला टेकेको छैन ।
१९२९ मा इटाली र होली सि बिच भएको सम्झौता पछि स्वतन्त्र राष्ट्र भएको यो मुलुकमा निकै कम फुटबल खेलिन्छ । अन्तर्राष्ट्रिय टोली नभए पनि भ्याटिकन सिटीमा फुटबल भने निकै लोकप्रिय छ । फिफा र युएफाको सदस्य नभए पनि भ्याटिकन सिटीले प्रतिनीधि टोली भने बनाएको थियो ।
भ्याटिकन सिटीले १९९४ मा आफ्नो पहिलो अनौपचारिक खेल खेलेको थियो जहाँ उसले स्यान मरिनोलाई बराबरीमा रोकेको थियो । भ्याटिकन सिटीले आजको दिन सम्म कुल १४ अनौपचारिक खेलहरु खेलेको छ । सुरक्षाकर्मी, प्रहरी र हुलाकीहरुको जमातले भरिएको टोलीले भने अहिले सम्म फिफाको सदस्यता पाएको छैन ।
किरिबास
राष्ट्रिय टोली नभएको मध्ये सबै भन्दा ठुलो राष्ट्र किरिबास प्रशान्त महासागरमा पर्ने राष्ट्र हो । ३३ द्विपहरु मिलेर बनेको यो देशमा १ लाख १० हजारको हाराहारीमा जनसंख्या रहेको छ । लामो समय बेलायती शासनमा रहेको यो मुलुकले १९७९ मा स्वतन्त्रता पाएको थियो । टुभालु जस्तै किरीबास पनि बढ्दो समुन्द्र सतहका कारण लोप हुने देश मध्येको एक हो । किरिबासको सरकारले पनि त्यो कुरालाई मध्येनजर गर्दै अन्य स्थानमा द्विपहरु किन्न थालिसकेको छ ।
किरीबासको राष्ट्रिय टोली ओसिनियाको फुटबल संघमा आवद्ध रहे पनि फिफामा भने सदस्य रहेको छैन । किरिबासले १९७९ यता १० खेल मात्र खेलेको छ । प्यासिफिक खेलको तीन संस्करणमा भाग लिदा कुल १० खेल खेलेको किरिबासले एकमा पनि जित हात पार्न सकेको छैन । १९७९ मा आफ्नो पहिलो खेलमा फिजीसँग २४–० ले पराजित भएको किरिबासले २०११ यता कुनै खेल खेलेको छैन । २५०० सिटी क्षमता भएको राष्ट्रिय रङ्गशाला पनि जिर्ण अवस्थामा रहेको छ ।
मोनाको
तपाईंहरुले फ्रेन्च लिग खेल्ने टोली एएस मोनाकोको नाम त सुन्नु भएकै होला ? त्यही फुटबल क्लब अवस्थित देश हो मोनाको । विश्वको दोस्रो सानो देश रहेको मोनाको स्वतन्त्र राष्ट्र हो । ४० हजारको जनसंख्या रहेको मोनाको फ्रान्सको तटिय भुभाग डि’अजुरमा रहेको छ ।
मोनाको एक स्वतन्त्र राष्ट्र भए पनि यो देशमा राष्ट्रिय टोली भने छैन । तर पनि यहा एक ठुलो क्लब भने रहेको छ । मोनाको राष्ट्रिय टोली भन्दा पनि आफ्नो क्लबलाई ठुलो र धनी बनाउन चाहन्छ । एएस मोनाकोले आठ लिग वान जितेको छ भने उसले २००४ को च्याम्पियन्स लिग फाइनल पनि खेलेको थियो । १६ उपाधिहरु जितिसकेको मोनाकोको क्लब फ्रान्समा निकै सफल मानिन्छन् । मोनाकोले आफ्नो प्रतिनीधि टोली बनाए पनि फिफा र युएफाको सदस्यता भने पाएको छैन ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।