Headline
बिग ब्यास लिगमा बनेका १० किर्तिमान
Published
3 years agoon
By
wesportzअष्ट्रेलियन बिग ब्यास लिग फ्रान्चाइज ट्वान्टी ट्वान्टी क्रिकेटमा आईपिएलपछि दोश्रो सर्वाधिक लोकप्रिय प्रतियोगिता पर्ने गर्दछ । यो सिजनको बिग ब्यास लिग डिसेम्बर १० देखि शुरु हुदैछ । होबार्टको बेलेरिभ ओभलमा हुने उद्घाटन खेलमा डिफेन्डिङ्ग च्याम्पियन सिड्नी सिक्सर्सले घरेलु टोली होबार्ट हुरिकेन्सको सामना गर्नेछ ।
पर्थ स्कोर्चर्स बिग ब्यास लिगको सबैभन्दा सफल टोली हो । तीन पटक उपाधि जितेको पर्थले पाँच वटा फाइनल खेलिसकेको छ ।
यस बाहेक बिग ब्यास लिगमा बनेका किर्तिमानहरु के के छन् त ?
सबैभन्दा बढी रन
ब्रिसबेन हिटका कप्तान तथा आक्रमक ब्याट्स्म्यान क्रिस लिनले बिग ब्यासमा सबैभन्दा बढी रन बनाउने किर्तिमान कायम गरेका छन् । शुरुवात देखि नै ब्रिसबेनका लागि खेलेका लिनले ७७ खेलमा २३ सय ३२ रन बनाएका छन् । १ सय ५० दशमलव ३५ को स्ट्राइक रेट रहेका लिनको नाममा एक शतक र १८ अद्र्धशतक रहेको छ ।
अष्ट्रेलियाका वर्तमान कप्तान आरोन फिन्च यो सुचीमा दोश्रो स्थानमा रहेका छन् । मेलबर्न रेनेगेड्सका लागि खेल्दै उनले २२ सय ५२ रन बनाएका छन् ।
सबैभन्दा बढी विकेट
भेटेरान पेस बलर बेन लफ्लिनले ८८ खेलमा १ सय १० विकेट लिदै यो किर्तिमान कायम गरेका छन् । लफ्लिनले एडिलेड स्ट्राइकर्स, ब्रिसबेन र होबार्टका लागि खेलिसकेका छन् । उनी लगातार दुई सिजन ब्रिसबेनका लागि खेल्ने छन् ।
उनको सबैभन्दा उत्कृष्ट बलिङ्ग प्रदर्शन २०१७–१८ को संस्करणमा २६ रनमा चार विकेट रहेको छ । यो लफ्लिनले एडिलेडका लागि बनाएको किर्तिमान हो । सिड्नी सिक्सर्स र सिड्नी थन्डरका लागि खेलिसकेका सन अबोट यो सुचिमा दोश्रो स्थानमा रहेका छन् । उनले ७७ खेलबाट ९९ विकेट लिएका छन् ।
सर्वाधिक व्यक्तिगत योगफल
वर्तमान बिश्व क्रिकेटका उत्कृष्ट अलराउण्डरमध्येका एक मार्कस स्टोइनिसले बिग ब्यासको एकै खेलमा सबैभन्दा बढी रन बनाउने किर्तिमान आफ्नो नाममा लेखाएका छन् । गत सिजन सिड्नी सिक्सर्सबिरुद्धको खेलमा ओपनिङ्ग ब्याटिङ्ग गर्दै स्टोइनिसले ७९ बलमा १ सय ४७ रन बनाएका थिए ।
यस क्रममा उनले ८ छक्का र १३ चौका प्रहार गरेका थिए । स्टोइनिसले डार्सि शर्टको १ सय २२ रनको किर्तिमानलाई छायामा पारेका थिए । शर्टले होबार्टका लागि खेल्दै ब्रिस्बेनबिरुद्ध उक्त किर्तिमान बनाएका थिए ।
उत्कृष्ट व्यक्तिगत बलिङ्ग
लसिथ मालिङ्गाले बिग ब्यासको अहिलेसम्मकै उत्कृष्ट बलिङ्ग प्रदर्शन गरेका छन् । २०१२–१३ को सिजनमा मेलबर्न स्टार्सका लागि खेल्दै मालिङ्गाले मात्र ७ रन खर्चदै ६ विकेट लिएका थिए । पर्थ स्कोर्चर्सबिरुद्धको खेलमा मालिङ्गाले पेभिलियन फर्काएका ब्याट्स्म्यानहरुमा स्टोइनिस, मार्कस नर्थ र हिल्टन कार्टराइट पनि रहेका थिए ।
मालिङ्गाको उत्कृष्ट बलिङ्गमा पर्थ ६९ रनमै अल आउट भएको थियो । बर्षाले खेल बिथोलिन पुग्दा मेलबर्नले डकवर्थ लेविस नियम अनुसार २४ रनले खेल जितेको थियो ।
सबैभन्दा बढी पाँच विकेटको प्रदर्शन
ड्यनियल क्रिष्चियनले बिग ब्यास इतिहासमा सबैभन्दा बढी पाँच विकेट लिएका छन् । ब्रिसबेन र होबार्टका लागि खेल्दै उनले दुई पटको यो उपलब्धि हात पारेका थिए । २०१२–१३ को सिजनमा उनले ब्रिस्बेनका लागि खेल्दै सिड्नी थन्डर बिरुद्ध २६ रन खर्चदै पाँच विकेट लिएका थिए भने २०१६–१७ संस्करणमा उनले होबार्टका लागि एडिलेडबिरुद्ध १४ रन दिदै दोश्रो पटक यो प्रदर्शन गरेका थिए ।
सबैभन्दा बढी ५० माथिको स्कोर
मेलबर्न रेनेगेड्स कप्तान आरोन फिन्चले सबैभन्दा बढी ५० रन भन्दा बढी रनको इनिङ्गस बिग ब्यासमा खेलेका छन् । ६३ खेलमा फिन्चले २० पटक ५० वा त्यो भन्दा बढी रनको इनिङ्गस खेलेका छन् । उनले १८ पटक अद्र्धशतक बनाएका छन् भने दुईवटा शतक पनि प्रहार गरेका छन् ।
सबैभन्दा बढी छक्का
बिग ब्यास लिगका सर्वाधिक स्कोरर लिनको नाममा नै सबैभन्दा बढी छक्का प्रहार गरेको किर्तिमान रहेको छ । उनले १ सय ४६ पटक छक्का प्रहार गरेका छन् । दोश्रो स्थानमा रहेका फिन्च लिनभन्दा ६३ छक्काले पछाडी छन् ।
सबैभन्दा बढी शतक
बिग ब्यासमा अहिलेसम्म एक जना ब्याट्स्म्यानले दुई भन्दा बढी शतक प्रहार गर्न सकेका छैनन् र हालसम्म पाँच जनाको नाममा यो किर्तिमान रहेको छ । न्युक राइट (मेलबर्न स्टार्स), क्रेग सिमन्स (पर्थ स्कोर्चर्स), आरोन फिन्च (मेलबर्न रेनेगेड्स), उस्मान खवाजा (सिड्नी थन्डर) र डार्सि शर्ट (होबार्ट हुरिकेन्स) को नाममा यो किर्तिमान रहेको छ ।
एकै सिजन सबैभन्दा बढी रन
मेलबर्न स्टार्सका अलराउण्डर मार्कस स्टोइनिसले एकै सिजन सबैभन्दा बढी रन बनाउने ब्याट्स्म्यानको किर्तिमान कायम गरेका छन् । उनले गत सिजन १७ खेलमा ७ सय ५ रन बनाएका थिए । उनले एक शतक र पाँच अद्र्धशतक पनि पुरा गरेका थिए ।
एकै सिजन सबैभन्दा बढी विकेट
ड्यानियल स्याम्सले एकै सिजन सबैभन्दा बढी विकेट लिने किर्तिमानमा आफ्नो नाम लेखाएका छन् । गत सिजन सिड्नी थन्डरका लागि खेल्दै उनले १७ म्याचबाट ३० विकेट लिएका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।