Connect with us

Headline

अष्ट्रेलियाबिरुद्ध भारतको सान्त्वना जित, म्याक्सवेलको विकेटले खेल बदलियो

wesportz

Published

on

हार्दिक पान्ड्या र रविन्द्र जडेजाको शतकीय साझेदारीमा भारतले अष्ट्रेलियामाथि तेश्रो तथा अन्तिम एकदिवसीयमा १३ रनको सान्त्वना जित हात पारेको छ ।

जितसँगै भारतको एकदिवसीयमा लगातार पाँच खेलेमा पराजयको श्रृंखला पनि अन्त्य भएको छ । पहिलो र दोश्रो एकदिवसीय फराकिलो अन्तरले जित्दै अष्ट्रेलिया यसअघि नै श्रंखला कब्जा गरिसकेको थियो । अब दुई टोली तीन खेलको ट्वान्टी ट्वान्टी अन्तर्राष्ट्रियमा भिड्ने छन् ।

कप्तान बिराट कोहलीले क्यानबेरामा सबैभन्दा कम इनिङ्गसमा १२ हजार रन पुरा गर्ने किर्तिमान कायम गरेपनि पाँच विकेटको क्षतिमा १ सय ५२ रनको नाजुक अवस्थामा रहेको भारतलाई पान्ड्या र जडेजाले राम्रो योगफलतर्फ डोर्याएका थिए ।

दुई मध्यक्रमका ब्याट्स्म्यानले छैटौं विकेटका लागि १ सय ५० रनको साझेदारी गरेपछि भारतले ५० ओभरमा पाँच विकेटको क्षतिमा ३ सय २ रन बनायो । जवाफमा अष्ट्रेलिया ४९ दशमलव तीन ओभरमा २ सय ८९ रनमा अल आउट भएको थियो ।

नियमित ओपनर डेविड वार्नर चोटका कारण ट्वान्टी ट्वान्टी श्रृंखलाबाट पनि बाहिरिएपछि मार्नस लबुसान र कप्तान आरोन फिन्चबाट लक्ष्य पछ्याएको अष्ट्रेलियाले चाहे अनुरुपको शुरुवात पाएन । लबुसान (७) टि नटराजनको पहिलो एकदिवसीय विकेट बने भने स्टिभ स्मिथ (७) लाई सार्दुल ठाकुरले पेभिलियन फर्काए ।

फिन्चले मोइजेज हेन्रिकेस (२२) सँग ६१ रनको साझेदारी त गरे तर अष्ट्रेलियाले आफ्नो कप्तान सहित तीन विकेट गुमाउदा ५ विकेटको क्षतिमा १ सय ५८ रन मात्र बनाएको थियो । ग्लेन म्याक्सवेलले त्यसपछि दुई अद्र्धशतकीय साझेदारी कायम गर्दै अष्ट्रेलियालाई खेलमा कायमै राखे । उनले एलेक्स क्यारी (३८) सँग ५२ रन जोडे भने एस्टन अगरसँग अर्को ५८ रन बनाउदा अष्ट्रेलिया जित नजिक पुगेको थियो ।

अन्तिम ३४ बलमा मात्र ३५ रन चाहिएको अवस्थामा म्याक्सवेललाई जस्प्रित बुम्राहले बोल्ड गरेपछि भारत खेलमा फर्किएको थियो । ४८ औं ओभरमा नटराजनले अगर (२८) लाई पनि आउट गरेपछि अष्ट्रेलियाको आशा समाप्त भइसकेको थियो । अन्तिम ओभरमा १५ रन चाहिएको अवस्थामा बुम्राहले तेश्रो बलमा जाम्पालाई एलबिडब्लु धरापमा पार्दै खेलको अन्त्य गरिदिएका थिए ।

३८ बलको सामना गरेका म्याक्सवेलले चार छक्का र तीन चौका सहित ५९ रन बनाए भने उत्कृष्ट फर्ममा रहेका फिन्चले ८२ बलमा सात चौका र तीन छक्का प्रहार गर्दै ७५ रन बनाए । उनले पहिलो एकदिवसीयमा शतक र दोश्रोमा पनि अद्र्धशतक बनाएका थिए । भारतका लागि ठाकुरले तीन विकेट लिएका थिए ।

दुई प्रमुख बलर प्याट कमिन्स र मिचेल स्टर्कको अनुपस्थितिमा खेलेको अष्ट्रेलियाले भारतलाई दवाबमै राख्दै इनिङ्गसको शुरुवातमा खुलेर खेल्न दिएन । शिखर धवनलाई (१६) लाई २६ रनमा गुमाएपछि कोहलीले इनिङ्गस सम्हाल्ने क्रममा शुभमन गिलसँग ५६ रनको साझेदारी गरे ।

२३ रन पुग्दा कोहलीले १२ हजार रन पुरा गर्ने क्रममा सचिन तेन्दुल्कर र अष्ट्रेलियन पुर्व कप्तान रिकी पोन्टिङ्गलाई पछि पारे । कोहलीले २ सय ४२ औं इनिङ्गसमा यो कोशढुँगा पुरा गरेका हुन् भने सचिनले ३ सय र पोन्टिङ्गले ३ सय १४ इनिङ्गस लगाएका थिए ।

तर कोहली बुधबार एकपटक फेरि तिब्र गतिका बलर जोस हेजलउडको शिकार बने । हेजलउडले कोहली ६३ रनमा खेलिरहदा कोहलीलाई विकेट किपर एलेक्स क्यारीको हातबाट क्याच आउट गराएका थिए । अम्पायरले आउट नदिएपनि अष्ट्रेलियाले रिभ्यु लिदा कोहली आउट भएको देखिएको थियो ।

यो श्रृंखलामा कोहली तीनै पटक हेजलउडको शिकार भएका हुन् । हेजलउडले कोहलीबिरुद्ध खेलिएका ७ खेलमा चार पटक आउट गरिसकेका छन् । कोहलीले ७८ बल खेल्दै पाँच चौका प्रहार गरे ।

कोहली आउट भएपछि इनिङ्गसलाई पहिलो सम्हाल्दै अन्त्यमा गति दिने क्रममा १८ ओभरमा १ सय ५० रनको साझेदारी गरेका थिए । यो भारतको लागि तेश्रो विकेटका लागि एकदिवसीय क्रिकेटमा सबैभन्दा ठूलो साझेदारी हो ।

करिअरकै उच्च स्कोर बनाउने क्रममा पान्ड्याले ७६ बलमा ९२ रन बनाए । उनले सात चौका र एक छक्का प्रहार गरे भने पाँच चौका र तीन छक्का हिर्काएका जडेजाले ५० बलमा ६६ रन बनाए । अष्ट्रेलियाका लागि हेजलउडले दुई विकेट लिए । करिअरको दोश्रो एकदिवसीय खेलिरहेका सन एबोटले १० ओभरमा ८४ रन खर्चदै एक विकेट लिएका थिए ।

Headline

अनिलको आकर्षक इनिङ्गसमा आर्मीको लगातार दोश्रो जित

wesportz

Published

on

त्रिभुवन आर्मी क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लगातार दोश्रो जित हात पारेको छ ।

मुलपानी क्रिकेट मैदानमा आर्मीले कर्णाली प्रदेशलाई ८१ रनले पराजित गर्यो । दुई बर्षपछि प्रधानमन्त्री कप खेलेका पुर्व राष्ट्रिय टोलीका ओपनर अनिल मण्डलले आकर्षक ब्याटिङ्ग गर्दै ८९ रन बनाएपनि कर्णालीले आर्मीलाई ४३ दशमलव १ ओभरमै १ सय ९५ रनमा अल आउट गरेको थियो ।

दोश्रो ओभरदेखि नै विकेट गुमाउन थालेको कर्णाली ३३ दशमलव ३ ओभरमा १ सय १५ रनमा अल आउट भएको थियो । आर्मीको सहज जितमा दुई बाया हाते स्पिनर सुशन भारी श्रेष्ठ र शाहब आलमले संयुक्त रुपमा ७ विकेट लिएका थिए ।

भारीले ८ दशमलव ३ ओभरमा १९ रन खर्चदै चार विकेट लिए भने पहिलो खेल खेलेका साहबले १० ओभरमा ४४ रन दिएर तीन विकेट लिएका थिए । कर्णालीका लागि कप्तान रविन्द्र जँग शाहीले ३० रन बनाए भने हेमन्त ओलीले १६ रन जोडेका थिए । अन्य ब्याट्स्म्यानहरुले उल्लेखनीय प्रदर्शन गर्न सकेनन् । रविन्द्र र हेमन्तले कर्णालीको २८ रनको पर्टनरशिप गरेका थिए ।

यसअघि पहिलो ब्याटिङ्ग गरेको आर्मीले ओपनर राजु रिजाललाई शुन्यमै गुमाएको थियो । आर्मी ४२ रनमा तीन विकेटको अवस्थामा पुगेपछि अनिलले कप्तान बिनोद भण्डारीसँग शतकीय साझेदारी गर्दै टिमलाई सम्हालेका थिए ।

एक समयका राष्ट्रिय टोलीकै उत्कृष्ट ओपनर बनिसकेका अनिलले बिनोदसँग चौथो विकेटका लागि १ सय १५ रनको साझेदारी गरेका थिए । तर बिनोद आउट भएपछि आर्मीको इनिङ्गस संघर्षरत हुन पुगको थियो । यसअघिको खेलमा गण्डकीबिरुद्ध शतक प्रहार गरेका बिनोदले ५५ बलमा ४१ रन बनाए । उनले तीन चौका र एक छक्का प्रहार गरे ।

१ सय १४ बलको इनिङ्गसमा अनिलले १४ चौका प्रहार गरेका थिए । कर्णालीका लागि दिनेश अधिकारी, राज शाह र दिवान पुनले दुई–दुई विकेट लिएका थिए ।

Continue Reading

Headline

डिफेन्डिङ्ग च्याम्पियन पुलिस बागमतीसँग ७ विकेटले पराजित

wesportz

Published

on

बागमती प्रदेशले पहिलो खेलमै डिफेन्डिङ्ग च्याम्पियन नेपाल पुलिस क्लबलाई ७ विकेटले पराजित गर्दै प्रधानमन्त्री कप राष्ट्रिय एकदिवसीय क्रिकेट प्रतियोगितामा उत्कृष्ट शुरुवात गरेको छ ।

त्रिवि क्रिकेट मैदानमा तिब्र गतिका बलर नन्दन यादव र लेग स्पिनर तिलक भण्डारीले ४–४ विकेट लिएपछि निकै कमजोर ब्याटिङ्ग प्रदर्शन गरेको पुलिस २९ दशमलव तीन ओभरमा १ सय ११ रनमै अल आउट भयो । पुलिसले प्रधानमन्त्री कप इतिहासमै सबैभन्दा कम योगफल बनाएको हो ।

जवाफमा लामो समयमा मैदान फर्किएका पृथु बास्कोटाले इशान पाण्डे (१२) सँग अद्र्धशतकीय साझेदारी गरेपछि बागमतीले ३३ दशमलव ४ ओभरमा तीन विकेटको क्षतिमा १ सय १४ रन बनायो ।

राष्ट्रिय टोलीका पुर्व कप्तान पारस खड्का (१७) सहित पहिलो तीन विकेट मात्रै ३५ रनमा गुमाएपछि सुस्त शुरुवात गरेको बागमती केही समयका लागि दवाबमा रहेको थियो । पृथुले केही आकर्षक शटहरु प्रहार गर्दै दवाब कम गरे भने इशानले पुलिसका बलरहरुको धैर्यताको परिक्षा लिएका थिए ।

उनले ६६ बलमा दुई चौकाको मद्दतमा १७ रन बनाए । पृथुले ६६ बलमा पाँच चौका र तीन छक्काको मद्दतमा ४८ रन बनाएका थिए ।

यसअघि कुशल भुर्तेल र सुनिल धमलाले पुलिसका लागि पहिलो विकेटका लागि ३२ रनको साझेदारी गरेका थिए तर रामनरेश गिरीले पहिलो दुई विकेट लिनुका साथै नन्दनले कुशललाई पेभिलियन फर्काएपछि उसले अर्को ३४ रनमा तीन ब्याट्स्म्यानलाई गुमाएको थियो ।

चौथो विकेटका लागि दिपेन्द्र सिँह ऐरि र आरिफ शेखले गरेको ३४ रनको साझेदारी पुलिसको लागि सबैभन्दा ठूलो रहन पुग्यो । तिलकले आरिफलाई एलबिडब्लु धरापमा पारेसँगै पुलिसको पतन शुरु भएको थियो ।

पुलिसले अन्तिम सात विकेट ११ रनमै गुमाएको थियो । आरिफ र दिपेन्द्रले समान २१ रन जोडेका थिए । कुशल र धमलाले पनि समान १७ रन बनाए । अन्य ब्याट्स्म्यानहरुले दोहोरो अंकमा रन जोड्न सकेनन् ।
तिलकले ७ दशमलव ३ ओभरमा १७ रन खर्चिए भने नन्दनले ९ ओभरमा ३१ रन खर्र्चिए ।

Continue Reading

Headline

बागमतीबिरुद्ध डिफेन्डिङ्ग च्याम्पियन पुलिस १ सय ११ मै अल आउट

wesportz

Published

on

डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा निकै कमजोर ब्याटिङ्ग प्रदर्शन गरेको छ ।

ज्ञानेन्द्र मल्लको कप्तानीमा रहेको बागमती प्रदेशले पुलिसलाई २९ दशमलव तीन ओभरमा १ सय ११ रनमै सिमित गर्यो । प्रधानमन्त्री कपमा पुलिसको यो हालसम्मकै सर्वाधिक कम टिम योगफल हो । पुलिसलाई सस्तै समेट्ने क्रममा तिब्र गतिका बलर नन्दन यादव र लेग स्पिनर तिलक भण्डारीले ४–४ विकेट लिएका थिए ।

कुशल भुर्तेल र सुनिल धमलाले पुलिसका लागि पहिलो विकेटका लागि ३२ रनको साझेदारी गरेका थिए तर रामनरेश गिरीले पहिलो दुई विकेट लिनुका साथै नन्दनले कुशललाई पेभिलियन फर्काएपछि उसले अर्को ३४ रनमा तीन ब्याट्स्म्यानलाई गुमाएको थियो ।

चौथो विकेटका लागि दिपेन्द्र सिँह ऐरि र आरिफ शेखले गरेको ३४ रनको साझेदारी पुलिसको लागि सबैभन्दा ठूलो रहन पुग्यो । तिलकले आरिफलाई एलबिडब्लु धरापमा पारेसँगै पुलिसको पतन शुरु भएको थियो ।

पुलिसले अन्तिम सात विकेट ११ रनमै गुमाएको थियो । आरिफ र दिपेन्द्रले समान २१ रन जोडेका थिए । कुशल र धमलाले पनि समान १७ रन बनाए । अन्य ब्याट्स्म्यानहरुले दोहोरो अंकमा रन जोड्न सकेनन् ।

तिलकले ७ दशमलव ३ ओभरमा १७ रन खर्चिए भने नन्दनले ९ ओभरमा ३१ रन खर्र्चिए ।

Continue Reading
Headline2 hours ago

अनिलको आकर्षक इनिङ्गसमा आर्मीको लगातार दोश्रो जित

Headline4 hours ago

डिफेन्डिङ्ग च्याम्पियन पुलिस बागमतीसँग ७ विकेटले पराजित

Headline7 hours ago

बागमतीबिरुद्ध डिफेन्डिङ्ग च्याम्पियन पुलिस १ सय ११ मै अल आउट

Headline7 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline8 hours ago

लिभरपुल भर्सेस म्यानचेस्टर युनाइटेडमा हेर्नै पर्ने तीन प्रमुख भिडन्त

Headline11 hours ago

पोचेटिनोको अनुपस्थितिमा पिएसजी लिग वानको शिर्ष स्थानमा

Headline11 hours ago

ब्राइटनसँग लिड्स पराजित, चेल्सी र लेस्टर बिजयी

राष्ट्रिय23 hours ago

बागमती प्रदेशका खेलाडीलाई पुरस्कार नै पुरस्कार

Headline1 day ago

पारसको ब्याट प्रायोजकमा चर्चित एडिडास

Headline1 day ago

अष्ट्रेलियाबिरुद्ध भारत ३ सय ७ रनले पछाडी

Headline4 weeks ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline8 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending