Headline

एडुवार्डो कामाभिँगाः फ्रान्सका अबका सुपरस्टारको द्रुत गतिको उदय

Published

5 months ago

November 23, 2020

बिश्व फुटबलका सम्भवत निकै नै उत्साहित बनाउने उदीयमान टिनेज फुटबलर एडुवार्डो कामाभिँगाका लागि कोशेढुँगा आउने क्रम जारी नै छ । नोभेम्बरको शुरुवातमा रेनेस र फ्रान्स मिडफिल्डर कामाभिँगा १८ बर्षको भए र मुस्कान दिदै आफूले ड्राइभिङ्ग टेस्ट पास गरेको सुनाए ।

पछिल्लो १२ महिनामा यी प्रतिभाका खानी फ्रेञ्च सिटिजन बनेका छन्, राष्ट्रिय टोलीको सबैभन्दा कान्छा प्रतिनीधि बनेका छन् र कान्छा गोलकर्ता पनि भएका छन् –– त्यो पनि एक शताब्दीमा ।

“उनीसँग जे भइरहेको छ त्यो सबै सपना जस्तो छ,” फ्रान्सको लागि पहिलो पटक खेल्नका लागि बोलाइएपछि रेनेसका प्रशिक्षक युलियन स्टेफनले भनेका थिए ।

प्रतिष्ठातर्फ उनले चालेको हरेक कदमसँगै उनको नाम युरोपका कुनै न कुनै ठूला क्लबहरुसँग जोडिने गरेको छ, बिशेषगरि रियल म्याड्रिडसँग । तर च्याम्पियन्स लिगमा यसै साता चेल्सीका सामना गर्न गइरहेको रेनेससँगै उनी आफ्नो खेलको बिकास गर्नेतर्फ केन्द्रित छन् ।

तीन हप्ता अघि कामाभिँगाले चेल्सीबिरुद्धको खेल चोटका कारण गुमाएका थिए । र उनको अनुपस्थितिमा पहिलो पटक च्याम्पियन्स लिग खेलिरहेको रेनेसले स्ट्यामफोर्ड ब्रिजमा पहिलो हाफमै १० खेलाडीमा सिमित हुँदा ३–० ले नतिजा सुम्पेको थियो ।

एँगोलामा जन्मिएका कामाभिँगा फर्कदा रेनेस दोश्रो लेगमा चेल्सीलाई स्तब्ध बनाउदै च्याम्पियन्स लिगमा अझै केही लामो समय टिक्ने आशा गर्दै उनलाई क्लबमै राख्ने आशा गरिरहेको छ । गत हप्ता फ्रेन्च खेलकुद दैनिक लाकुपेले कामाभिँगा २०२३ सम्मको लागि रेनेसमै रहने गरि आफ्नो सम्झौता लम्ब्याउन गइरहेको रिपोर्ट सार्वजनिक गरेको थियो ।

रेनेस उनी त्यति लामो समय नबस्ने स्पष्ट नै जस्तो भएपनि नयाँ सम्झौताले यदि अब ट्रान्सफर मार्केट उनकै कारणले तात्ने हो भने पैसाको ठूलै मोल–मोलाई हुने अपेक्षा गर्न सकिन्छ ।

आफ्नै हातमा भविष्य

राम्रो बडी ल्याङ्गवेज साथ खेल्ने गरेका कामाभिँगा बलसँग उत्कृष्ट छन् भने उनको देब्रे खुट्टाको नियन्त्रण अद्वितीय नै छ । उनी मज्जासँग लामो दुरी तय गर्न सक्छन् र बिस्तारै गोलमसिनमा परिणत हुदै जाने छाँट काट पनि देखाउन थालेका छन् ।

अगष्टमा उनले फ्रेञ्च लिग वान अन्तर्गत मोन्टपेलियरबिरुद्धको खेलमा दर्शनीय र निर्णायक गोल गरेका थिए । गत महिना युक्रेन बिरुद्ध युएफा नेसन्स लिगमा उनले फ्रान्सका लागि खेलेको ९ मिनेटमै आफ्नो पहिलो गोल गरे । यसो गर्दा उनले फ्रान्सका लागि १९१४ पछि सबैभ्न्दा कान्छा गोलकर्ता बन्ने किर्तिमान पनि कायम गरेका थिए ।

गत साता आफ्नो खेलको कुन पक्ष सुधार्न चाहनु हुन्छ भन्ने प्रश्नमा कामाभिँगाले भनेः “मेरो फिनिसिङ्ग । म धेरै र निर्णायक गोलहरु गर्न चाहन्छु । र मेरो दायाँ खुट्टाको खेल पनि सुधार्न चाहन्छु ।”

युवा प्रतिभाको आगमन कहिल्यै पनि समाप्त नहुने फ्रान्समा उनले आफु भन्दा तुलनात्मक रुपमा भेटेरान रहेका किलियन एमबाप्पेको समाचारलाई पनि बासी बनाइदिसकेका छन् ।

“उनी निकै साना छन् र किलियनलाई जस्तै उनीहरुलाई उमेरको कुनै मतलब हुने गर्दैन । म दुवैको समिश्रण बनाउन चाहन्छु । उनीहरु यति शान्त र परिपक्व छन् जुन म आफ्नो उमेरमा हुन सकिन । काभाभिँगको भविष्य उनकै हातमा छ,” फ्रान्स मिडफिल्डर पउल पोग्बाले केही दिनअघि भनेका थिए ।

जमिनमै खुट्टा

फुटबल करिअरलाई साइड लगाउन हो भने पनि काभाभिँगाको कहानी सुन्न लायक छ । एँगोला बाहिर रहेको शरणार्थी शिविर कबिन्डामा जन्मिएका कामाभिँगा दुई बर्षको हुँदा आफ्नो परिवारसँगै फ्रान्स आइपुगेका थिए ।

शरणार्थीको रुपमा उनीहरुलाई पहिलो पटक बोलाइएको बन्दरगाह लिले थियो । त्यहाबाट उनको परिवार फुजेरेस पुग्यो । यो शहर रेनेस नजिकै थियो । ६ मध्येका एक सन्तान कामाभिँगा आफ्नो दाजुजस्तै जुडो खेल्न चाहन्थे तर निकै चाडै उनीमा रहेको फुटबलको प्रतिभा पत्ता लाग्यो ।

२०१३ मा आफू बसेको घर आगलागी हुँदा उनको परिवारले आफ्नो पहिचानको सबै कागजपत्रहरु गुमाए । तर त्यही बर्ष उनी रेनेस क्लबसँग आबद्ध हुन पुगे । उनको परिवारले फ्रेञ्च नागरिकता पाउदा उनी एक बर्ष पुराना व्यवसायिक फुटबलर बनिसकेका थिए ।

फुटबलमा हुर्कदै गर्दा उनीमाथि महान बन्ने अपेक्षा धेरैको रहनु स्वभाविक नै छ तर उनी आफ्नो खुट्टा जमिनमै राख्न चाहन्छन् । “म मेरो परिवारसँगै हुने गर्छु । त्यसैले कुनै पनि समय मैले नचाहिदो काम गर्दा उनीहरुले मलाई सहि दिशा दिने गर्छन् । म अहिले फुटबलमा केन्द्रित हुन चाहन्छु,” उनले भने ।

Headline

नेपालद्वारा मलेसिया ६९ रनको बिशाल अन्तरले पराजित

Published

4 hours ago

April 22, 2021

wesportz

मलेसियालाई सशक्त ब्याटिङ्ग प्रदर्शन मार्फत ६९ रनको फराकिलो अन्तरले पराजित गर्दै नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलाको लिग चरणमा शान्दार अन्त्य गरेको छ ।

त्रिवि क्रिकेट मैदानमा करण केसीको आक्रमक ब्याटिङ्गसँगै नेपालले ७ विकेट गुमाउदै २ सय १७ रनको बिशाल योगफल बनायो । जवाफमा मलेसियाले निरन्तर विकेट गुमाएपनि १९ दशमलव १ ओभरमा १ सय ४८ रनमा अल आउट भयो ।

सोमपाल कामीले आफ्नो पहिलो दुई ओभरमा दुई विकेट लिएपछि दवाबमा आएको मलेसियाले आक्रमक ब्याटिङ्गलाई जारी राख्यो तर बिशाल लक्ष्यको दवाबमा रोकिएको थियो ।

अमिनुदिन राम्लीले १८ बलमा पाँच छक्का र एक चौका प्रहार गर्दै सर्वाधिक ४१ रन लिएका थिए । सन्दिप लामिछाने, डेब्युटेन्ट कमल सिँह ऐरि र सोमपाल कामीले ३–३ विकेट लिएका थिए । सन्दिपले प्रतियोगितामा सर्वाधिक ११ विकेट लिइसकेका छन् । सोमपालको नाममा पाँच विकेट रहेको छ ।

यसअघि करणले धुवाधार ब्याटिङ्ग गर्दै १३ बलमा सात बिशाल छक्का प्रहार गर्दै ४५ रन जोडेपछि नेपालले आफ्नो ट्वान्टी ट्वान्टी अन्तर्राष्ट्रिय इतिहासकै दोश्रो सर्वाधिक योगफल बनायो ।

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो ।

करणले बिष्फोटक पारी खेल्दै कुशल मल्ल (१० बलमा १९ रन) सँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए । आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । यसअघि नेदरल्याण्ड्सबिरुद्धको खेलमा आफ्नो पहिलो ट्वान्टी ट्वान्टी अन्तर्राष्ट्रिय अद्र्धशतक प्रहार गरेका दिपेन्द्र सिँह ऐरिले पनि छरितो रुपमा रन बटुल्दै १७ बलमा ३३ रन बनाए । उनले पाँच चौका र एक छक्का हिर्काए ।

नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाललाई पनि आउट गर्दै मात्र चार रन खर्चिएका थिए ।

Headline

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Published

6 hours ago

April 22, 2021

wesportz

करण केसीको आक्रमक ब्याटिङ्गसँगै नेपालले ट्वान्टी ट्वान्टी अन्तर्राष्ट्रियमा आफ्नो दोश्रो सर्वाधिक ठूलो योगफल बनाएको छ ।

त्रिवि मैदानमा जारी त्रिदेशीय ट्वान्टी ट्वान्टी अन्तर्राष्ट्रिय श्रृंखलामा करण १३ बलमा सात बिशाल छक्का प्रहार गर्दै ४५ रन जोडेपछि नेपालले मलेसियालाई ७ विकेटको क्षतिमा २ सय १७ रन प्रहार गरेको छ ।

करणले बिष्फोटक पारी खेल्दै कुशल मल्लसँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाल कामीलाई पनि आउट गर्दै मात्र चार रन खर्चिएका थिए ।

Headline

दिपेन्द्र, कुशल र आसिफलाई माइ सेकेण्ड टिचरको साथ

Published

8 hours ago

April 22, 2021

wesportz

नेपाली टोलीका उपकप्तान दिपेन्द्र सिंह ऐरी तथा ओपनरद्वय कुशल भुर्तेल र आसिफ शेखलाई माइ सेकेण्ड टिचरले प्रायोजन गरेको छ ।

एक बर्षका लागि भएको सम्झौता अनुसार दिपेन्द्र, कुशल र आसिफ तिनै जना खेलाडीले आफुले प्रयोग गर्ने क्रिकेट ब्याटमा माइ सेकेण्ड टिचर तथा आइएनजी समुहको लोगो प्रयोग गर्नेछन् । हिजो मात्र आइएनजी समुह र खेलाडीहरु बीच सम्झौता भएको हो । सम्झौता रकम नखुलाइएको भए पनि प्रत्येक खेलाडी एक बर्षको करिब पाँच लाख प्राप्त गर्नेछन् ।

यो सम्झौता एएनएस समुह अन्तर्गतको एडप्याड मार्फत भएको हो ।

आइएनजी समुह अन्तर्गतको इनोभेट टेक कम्पनीले प्रयोगमा ल्याएको इन्टरनेट लर्निङ्ग मोबाइल एप्लिकेशन माइ सेकेण्ड टिचर राष्ट्रिय क्रिकेट टोलीको जर्सी स्पोन्सर पनि हो । नेपाली क्रिकेट टोलीको जर्सीको बित्तीय अधिकार प्रदान गरेको एडप्याड मार्फत माइ सेकेण्ड टिचर भित्रिएको थियो ।