Connect with us

Headline

लिभरपुलमाथि सम्मान देखाउन रेफ्रिले मेस्सीलाई आग्रह गर्दै चिच्याएको नयाँ फुटेजमा खुलाशा (भिडियो सहित)

wesportz

Published

on

भर्खरै सार्वजनिक भएको युएफा डकुमेन्टरीको एक फुटेजले २०१९ को च्याम्पियन्स लिग सेमिफाइनल पहिलो लेगका दौरान रेफ्रिले बार्सिलोना स्टार स्ट्राइकर लियोनेल मेस्सीलाई लिभरपुलमाथि केही सम्मान देखाउन आग्रह गरेको खुलाशा गरेको छ ।

फुटबल इतिहासको एक उत्कृष्ट कमब्याक गर्ने क्रममा लिभरपुलले पहिलो लेगमा नोउ क्यम्पमा ब्यहोरेको ३–० को पराजयलाई उल्टाउदै दोश्रो लेगमा एन्फिल्डमा ४–० को जितका साथ फाइनल प्रवेश गरेको थियो । फाइनलमा लिभरपुल टोटेन्ह्यामलाई पराजित गर्दै १४ बर्षपछि च्याम्पियन्स लिग जित्न सफल भएको थियो ।

एन्फिल्डमा बार्साका लागि गोल गर्न नसके पनि मेस्सीले नोउ क्याम्पमा भने उत्कृष्ट प्रदर्शन गरेका थिए । लुईस सुवारेजले पहिलो गोल गरेपछि मेस्सीले रिबाउण्ड र फ्रि किकमा गोल गर्दै बार्साको जित सुनिश्चित गरेका थिए ।

तर मेस्सीको प्रदर्शनले पहिलो लेगका रेफ्रि बियोन कुइपर्स भने त्यति प्रभावित थिएनन् । भर्खरै सार्वजनिक भएको एक नयाँ फुटेजमा डच रेफ्रि कुइपर्सले नोउ क्याम्पमा मेस्सीले समय खर्च गर्न प्रयोग गरेको रणनीतिका कारण उनलाई चेतावनी दिदै गरेको खुलाशा भएको छ ।

“मेस्सी ! किन ? कम अन !,” मेस्सीले फ्रि कि प्रहार गर्नु अघि समय खर्चदै गर्दा कुइपर्स उनीमाथि चिच्याउदै गरेको फुटेजमा देखिएको छ । “उनीहरुमाथि केही सम्मान देखाउ ! जाउ ! सधै तिमी यही गर्छौ । कम अन, तिमी किन यस्तो गर्छौ ? प्रहार गर !”

मेस्सीले ३–० को अग्रतामा पनि समय खर्चन प्रयोग गरेको रणनीति दोश्रो लेगमा भने काम लागेन । एन्फिल्डमा दोश्रो लेगमा डिभोक ओरिगीले सात मिनेटमै लिभरपुललाई अग्रता दिलाएका थिए जोर्जिनियो वाइनाल्डमले ५४ र ५६ औं मिनेटमा दुई गोल गरेका थिए ।

ओरिगीले १० मिनेट बाकी हुदा चोथो तथा बिजयी गोल गरेपछि लिभरपुलले ऐतिहासिक जित हात पार्दै उपाधि जित्ने आधार खडा गरेका थिए ।

भिडियो हेर्नुहोस्:

Headline

फेरि हार्यो नेपाल

wesportz

Published

on

ओपनर स्टेभन टेलरको आक्रमक ब्याटिङ्गपछि नेपालले आईसिसि क्रिकेट बिश्वकप लिग टु त्रिकोणात्मक श्रृंखलामा लगातार दोश्रो पराजय भोगेको छ ।

ओमानमा भएको खेलमा एकपटक फेरि निकै फितलो ब्याटिङ्ग गरेको नेपाल ४८ ओभरमा १ सय ७४ रनको झिनो योगफलमै समेटियो । टेलरले ६३ बलमै ९२ रन ठोकेपछि अमेरिकाले ३० ओभर भित्रै लक्ष्य प्राप्त गर्दै चार विकेटको क्षतिमा १ सय ७५ रन बनायो ।

नेपालले यसअघिको खेलमा पनि १ सय ९४ रन बनाउदा ओमानले ३१ दशमलव १ ओभरमै लक्ष्य पछ्याएको थियो ।

२०२३ बिश्वकपको छनौटको एक चरणको रुपमा रहेको लिग टु मा नेपाल हारका कारण चौथो स्थानमा उक्लन असफल रह्यो । ७ खेल खेलेको नेपालको ६ अंक रहेको छ भने दोश्रो स्थानमा रहेको अमेरिकाको १४ अंक भएको छ । अमेरिकाले १५ खेल भने खेलिसकेको छ ।

ओमान १२ खेलपछि २० अंकसहित शिर्षस्थानमा कायमै रहेको छ । यो श्रृंखलाको अन्तिम खेलमा नेपालले आइतबार ओमानको सामना गर्नेछ ।

नेपालले दिएको झिनो लक्ष्यको फाइदा उठाउदै टेलरले निकै आक्रमक पारी खेल्दै टिमलाई जित्ने स्थितिमा पुर्याएका थिए । लेग स्पिनर सन्दिप लामिछानेले आफ्नो पहिलो ओभरमै दुई विकेट लिएपनि अर्को एण्डमा टेलरले आक्रमक इनिङ्गसलाई निरन्तरता दिएका थिए ।

करण केसीको बलमा आउट हुनु अघि १२ चौका र तीन छक्का प्रहार गरेका टेलर आफ्नो पहिलो एकदिवसीय शतक बनाउनबाट भने चुके । करणले त्यही ओभरमा सन्जय कृष्णमुर्तिलाई पनि शुन्यमा पेभिलियन फर्काउदै झिनो आशा दिए पनि जस्करण मल्होत्रा र मोनांक पटेलले अद्र्धशतकीय साझेदारी गर्दै अमेरिकाको जित सुनिश्चित पारेका थिए ।

मानोंकले धैर्यता पुर्वक खेल्दै ७० बलमा ३८ रन बनाए भने जस्करणले तीन छक्कमा र दुई चौकाको मद्दतमा ३२ बलमा ३६ रन बनाए ।

यसअघि करिमा गोरेले शुरुवाती तीन विकेटमै आफ्नो भुमिका खेलेपछि नेपालले सोचे अनुरुपको शुरुवात पाउन सकेन । गाोरेले काइल फिलिपको बलमा आसिफ शेखको टप एजलाई उत्कृष्ट ढँगले समाते भने दोश्रो विकेटका लागि भएको अद्र्धशतकीय साझेदारी पनि तोडे ।

यस क्रममा उनले राम्रो लयमा देखिएका कुशल भुर्तेललाई बोल्ड गरेका थिए । कुशलले ४३ बलमा ३६ रन बनाउदा पाँच चौका र एक छक्का प्रहार गरे । लगत्तै गोरेले फर्ममा रहेका रोहित कुमार पौडेललाई एल्मोर हचिन्सनको बलमा डाइभ हान्दै पोइन्टमा उत्कृष्ट क्याच लिएका थिए ।

ज्ञानेन्द्र र बिनोद भण्डारी (१०) बीचको साझेदारी पनि लामो समय टिक्न नसक्दा प्रशिक्षक डेभ ह्वाटमोरले डेब्युटेन्ट गुल्शन झालाई पाँच नम्बरमा पठाउदै अचम्ममा पारे । तर गुल्शनले ज्ञानेन्द्रसँग ५१ रनको साझेदारी गरे ।
५३ बलको सामना गरेका गुल्शनले दुई चौका र एक छक्काको मद्दतमा २८ रन बनाए । कुशल मल्ल (शुन्य) र सोमपाल कामी (२) दुवैले खराब शट रोज्दै फेरि एकपटक निराश बनाए । ज्ञानेन्द्रले १ सय १ बलमा आफ्नो अद्र्धशतक पुरा गरे भने ४६ औं ओभरमा फिलिपको बलमा पेभिलियन फर्किए ।

अमेरिकाका लागि तिब्र गतिका बलरहरुले ८ विकेट लिँदा कप्तान सौरभ नेत्रभाल्करले ४ र फिलिपले दुई विकेट हात पारे ।

Continue Reading

Headline

अमेरिकाबिरुद्ध नेपालको फितलो ब्याटिङ्ग

wesportz

Published

on

कप्तान ज्ञानेन्द्र मल्लले करिअरको तेश्रो एकदिवसीय अन्तर्राष्ट्रिय अद्र्धशतक प्रहार गरेपनि नेपालले आईसिसि क्रिकेट बिश्वकप लिग टु त्रिकोणात्मक श्रृंखला अन्तर्गत अमेरिकाबिरुद्धको खेलमा फितलो ब्याटिङ्ग गरेको छ ।

अल अमिरतमा टस हारी पहिलो ब्याटिङ्ग गरेको नेपाल लगातार दोश्रो खेलमा ५० ओभर टिक्न सकेन । यसअघिको खेलमा अमेरिकालाई पाँच विकेटले पराजित गरेको नेपालले ४८ ओभरमा सबै विकेट गुमाएर १ सय ७४ रन मात्रै बनाउन सक्यो ।

करिमा गोरेले शुरुवाती तीन विकेटमै आफ्नो भुमिका खेलेपछि नेपालले सोचे अनुरुपको शुरुवात पाउन सकेन । गाोरेले काइल फिलिपको बलमा आसिफ शेखको टप एजेलाई उत्कृष्ट ढँगले समाते भने दोश्रो विकेटका लागि भएको अद्र्धशतकीय साझेदारी पनि तोडे ।

यस क्रममा उनले राम्रो लयमा देखिएका कुशल भुर्तेललाई बोल्ड गरेका थिए । कुशलले ४३ बलमा ३६ रन बनाउदा पाँच चौका र एक छक्का प्रहार गरे । लगत्तै गोरेले फर्ममा रहेका रोहित कुमार पौडेललाई एल्मोर हचिन्सनको बलमा डाइभ हान्दै पोइन्टमा उत्कृष्ट क्याच लिएका थिए ।

ज्ञानेन्द्र र बिनोद भण्डारी (१०) बीचको साझेदारी पनि लामो समय टिक्न नसक्दा प्रशिक्षक डेभ ह्वाटमोरले डेब्युटेन्ट गुल्शन झालाई पाँच नम्बरमा पठाउदै अचम्ममा पारे । तर गुल्शनले ज्ञानेन्द्रसँग ५१ रनको साझेदारी गरे ।

५३ बलको सामना गरेका गुल्शनले दुई चौका र एक छक्काको मद्दतमा २८ रन बनाए । कुशल मल्ल –शुन्य) र सोमपाल कामी (२) दुवैले खराब शट रोज्दै फेरि एकपटक निराश बनाए । ज्ञानेन्द्रले १ सय १ बलमा आफ्नो अद्र्धशतक पुरा गरे भने ४६ औं ओभरमा फिलिपको बलमा पेभिलियन फर्किए ।

अमेरिकाका लागि तिब्र गतिका बलरहरुले ८ विकेट लिँदा कप्तान सौरभ नेत्रभाल्करले ४ र फिलिपले दुई विकेट हात पारे ।

Continue Reading

Headline

च्याम्पियन्स लिग गोल गरेको केही छिनमै बुवा गुमाउदा

wesportz

Published

on

डच खेलाडी नेथन एकेले म्यानचेस्टर सिटीका लागि च्याम्पियन्स लिगको पहिलो खेलमा बुधबार आरबी लाइपजिगबिरुद्ध गोल गरेको केही क्षणमै आफूले बुवा गुमाएको खुलासा गरेका छन् ।

एकेले शुरुवाती गोल गरेको खेलमा सिटी घरेलु मैदान इतिहाद स्टेडियममा जर्मन टोली लाइपजिगमाथि ६–३ को सनसनीपूर्ण जित निकालेको थियो । २६ बर्षिय एकेले आफ्नो पहिलो च्याम्पिन्स लिग गोलको खुशियाली उनको बुवाको मृत्युको खबरले लामो समय मनाउन पाएनन् ।

एकेका बुवा मोइजे दिर्घरोगले लामो समयदेखि थलिएका थिए । “पछिल्लो केही साताहरु मेरो जीवनको सबैभन्दा कठिन थियो । मेरो बुवा निकै बिरामी हुनुहुन्थ्यो र उपचार पनि गर्न नसकिने स्थितिमा पुगिसक्नु भएको थियो,” एकेले आफ्नो इस्टाग्राममा लेखेका छन् ।

“गाह्रो समयपछि मैले हिजो च्याम्पियन्स लिगमा आफ्नो पहिलो गोल गरे र त्यसको केही क्षणमै मेरो बुवा बित्नुभयो । मेरो आमा र भाइ उनीसँगै भएको कारण उनको मृत्यु सहज बन्यो,” भावुक एकेले भनेका छन् ।

Continue Reading
राष्ट्रिय2 hours ago

ओमान विरुद्ध बलिङ गर्दै नेपाल, आज दुई परिवर्तन 

अन्तर्राष्ट्रिय4 hours ago

पाँच महिना पछि आईपीएल आजबाट सुचारु हुँदै

राष्ट्रिय5 hours ago

ओमान भ्रमणमा सुखद अन्त्यको आशामा नेपाल 

Headline2 days ago

फेरि हार्यो नेपाल

Headline2 days ago

अमेरिकाबिरुद्ध नेपालको फितलो ब्याटिङ्ग

अन्तर्राष्ट्रिय2 days ago

अमेरिका विरुद्ध नेपाल पहिले ब्याटिङ गर्दै, गुल्शनको डेब्यु  

Headline2 days ago

च्याम्पियन्स लिग गोल गरेको केही छिनमै बुवा गुमाउदा

Headline3 days ago

च्याम्पियन्स लिगः रोनाल्डोले नाइ भनेर के भयो र ? म्यान सिटीको लागि ग्रिलिस आइसके ।

Headline3 days ago

च्याम्पियन्स लिगः मेस्सीले शुरुवात गरेको खेलमा पिएसजी रोकियो, मिलानको पुनरागमन खल्लो

Headline4 days ago

बायर्नसँग बार्सा फेरि पनि नराम्ररी पराजित

Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline12 months ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline11 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!