Connect with us

Headline

युएफा नेसन्स लिगः चेल्सी स्टारहरु चम्कदा फ्रान्स र जर्मनी बिजयी

wesportz

Published

on

बिश्वकप बिजेता फ्रान्स र जर्मनी चेल्सीका उत्कृष्ट खेलाडीहरुको प्रदर्शनमा युएफा नेसन्स लिगमा जित हात पार्न सफल भएका छन् ।

चेल्सी मिडफिल्डर एनगोलो कान्टेले करिअरको मात्र दोश्रो अन्तर्राष्ट्रिय गोल गर्दा फ्रान्सले डिफेन्डिङ्ग च्याम्पियन र युरो कप बिजेता पोर्चुगललाई १–० ले पराजित गर्यो । ५३ औं मिनेटमा रिबाउण्डमा आएको बलमा गोल गर्दै कान्टेले गोल गरेपछि फ्रान्सले आफ्नो समुहको अंक तालिकामा शिर्ष स्थानमा कब्जा गर्यो ।

मङ्गलवार पेरिसमा स्विडेनसँग खेल्नुअघि फ्रान्सले पोर्चुगलमाथि तीन अंकको अग्रता बनाएको छ र हेड टु हेडमा अगाडी रहेको कारण अब उसले शिर्ष स्थान पाउने पक्का भइसकेको छ ।

लाइपजिगमा फर्किएका अर्का चेल्सी खेलाडी टिमो वेर्नरले दुई गोल गरेपछि जर्मनीले युक्रेनलाई ३–१ ले हरायो । चार बर्ष आरबी लाइपजिगका लागि खेलेका वेर्नर गत समर ट्रान्सफरमा लण्डन गएर फर्किए तर समर्थकहरुको अनुपस्थितिमा पनि रेड बुल एरिनामा उनले उत्कृष्ट प्रदर्शन दिए ।

पछिल्लो १२ खेलमा अपराजित रहेको जर्मनी आफ्नो समुहमा स्पेन भन्दा एक अंकले अघि रहेको छ । शनिबार नै स्विट्जरल्याण्डसँग १–१ गोलको बराबरी खेलेको स्पेनले जर्मनीसँग मँगलवार खेल्नेछ ।

युक्रेनले १२ औं मिनेटमै रोमन यारेमचुकको गोल मार्फत अग्रता लिएको थियो तर त्यो ११ मिनेटमात्र टिकेको थियो । जर्मनीका लागि लिरोय सानेले बराबरी गोल गरेका थिए । वेर्नरले त्यसपछि ३३ औं र ६४ औं मिनेटमा गोल गर्दै जर्मनको जित सुनिश्चित पारेका थिए ।

आफ्नो सबै पहिलो चार खेलमा पराजय ब्यहोरेको स्विडेनले भने अन्त्यमा केही लय समात्दै अवे खेलमा बिश्वकप उपबिजेता क्रोएसियालाई २–१ ले हरायो । स्विडेनको दुवै गोल पहिलो हाफमा सम्भव भएको थियो । ३६ औं मिनेटमा डेजान कुलुसेभ्स्कीले पहिलो अन्तर्राष्ट्रिय गोल गरेका थिए ।

मार्कस ड्यानिएल्सनले पहिलो हाफको अन्त्यतिर कर्नरबाट आएको बलमा गोल गर्दै स्विडेनको दोश्रो गोल गरे । ८ मिनेट बाकी हुँदा ड्यानिएल्सनले नै आत्मघाती गोल गरेपछि क्रोएसियाले एक गोल फर्काएको थियो ।

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading

Headline

नेम्बांग र दुई सञ्चारकर्मीमाथि छानविन गर्न अब्दुल्लाहको माग

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरीले अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग र दुई सञ्चारकर्मीबिरुद्ध निष्पक्ष छानविन गर्न एन्फा समक्ष माग गरेका छन् ।

अब्दुल्लाहले बिहिवार एन्फा कम्प्लेक्समा पुगेर छानविनका लागि माग गरेका हुन् । अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान बिश्राम लिदै कम्पाउण्ड बाहिर निक्लदै धुम्रपान गरेको बिषयमा प्रश्न गर्दा अब्दुल्लाहले आफुहरुलाई दुव्र्यवहार गरेको भन्दै दुई सञ्चारकर्मीले बिरोध जनाएका थिए ।

उनीहरुले पनि एन्फालाई यो बिषयमा छानविन गर्न माग गरेका छन् । एन्फाले यस बिषयमा शुक्रबार हुने केन्द्रि य समितिको बैठकमा छलफल गर्नेछ ।

Continue Reading

Headline

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

wesportz

Published

on

नेपाली स्विमर गौरिका सिंहले टोकियो ओलम्पिक्सको १ सय मिटर फ्रि स्टाइलमा नयां राष्ट्रिय किर्तिमान बनाएकी छिन् ।

आफ्नो हिट तेश्रो स्थानमा सक्काएकी गौरिकाले निर्धारित दुरी १ मिनेट शुन्य दशमलव ११ सेकेण्डमा पुरा गरिन् । उनी नाइजेरिया र मोन्टेनेग्रोको खेलाडीभन्दा पछि रहिन् ।

यसअघि आफैले बनाएको १ मिनेट शुन्य दशमलव ६२ सेकेण्डको किर्तिमान तोडेकी गौरिका पहिलो चरणबाट भने बाहिरिएकी छिन् ।

यो स्पर्धामा स्विडेनकी सराह सोस्टोर्मकोनाममा ओलम्पिक र बिश्व किर्तिमान दुवै रहेको छ ।

जारी ओलम्पिक्समा नेपालका चार जना खेलाडीको चुनौति समाप्त भइसकेको छ । शुटिंगकी कल्पना परियार, जुडोकी सोनिया भट्ट र स्विमिंगकै एलेक्स शाह पनि पहिलो चरणबाटै बाहिरिएका हुन् ।

एलेक्सले पनि आफैले राखेको १ सय मिटर फ्रि स्टाइलको किर्तिमानमा सुधार ल्याउदै ओलम्पिक्स सहभागिताको अन्त्य गरेका थिए ।

नेपालको लागि अब १ सय मिटर दौडमा सरस्वती चौधरीले मात्रै प्रतिस्पर्धा गर्न बाकी रहेको छ ।

Continue Reading
Headline4 hours ago

नेपालको ओलम्पिक्स सहभागिता सक्कियो

अन्तर्राष्ट्रिय16 hours ago

भारतको लज्जास्पद हार, श्रीलंकालाई शृंखला 

Headline22 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!