Headline
यस कारण मेस्सी र रोनाल्डोभन्दा म्याराडोना महान
Published
3 years agoon
By
wesportzदुई सुपरस्टार एकै समयमा इतिहासकै उत्कृष्ट खेलाडीको दाबी गर्दै गरि खेल्दै गर्नु फुटबल फ्यानहरुको अहोभाग्य हो र लियोनल मेस्सी र क्रिष्चियानो रोनाल्डो अझै पनि त्यो दाबेदारीमा हरेक हप्ता कायमै रहनु समर्थकहरु थप भाग्यमानी बन्नु हो ।
यो उत्कृष्ट खेल र महानताको दाबेदारीमा कराडौं फुटबल समर्थकहरु साक्षी छन् । यी दुई खेलाडीहरुको सबैभन्दा उत्कृष्ट प्रदर्शन प्रत्येक कोणबाट हेर्न पाइरहदा युट्युबलाई धन्यबाद दिनै पर्छ ।
जब डिएगो म्याराडोना सर्वकालीन महान बन्नका लागि दाबेदारी गरिरहेका थिए बिश्वका अधिकांशले उनको खेलको झलक चार बर्षमा एक पटक मात्र देख्न पाएका थिए जब उनले १९८२ देखि १९९४ सम्मका चार बिश्वकप खेलेका थिए । बिशेषगरि एसियाका पिछडिएका मुलुकहरुमा म्याराडोना बार्सिलोना वा नापोलीमा खेल्दा धेरै कमले मात्रै उनको खेलको अनुभव गर्न पाए ।
अनलाइनमा अहिले म्याराडोनाका केही भिडियोहरु छन् जसले १९८६ बिश्वकपमा मेक्सिकोको आज्टेका स्टेडियममा जुन २२ मा इङ्गल्याण्डबिरुद्ध उनले गरेको त्यो बिश्वबिख्यात सोलो गोलसहित उनको अन्य खेलको झल्कोहरुलाई जीवन्त राखेका छन् । तर भिडियोहरुले उनी कस्तो सामथ्र्य राख्ने गर्थे भन्ने मात्र संकेत गर्छन् । ती भिडियोहरुले उनी सर्वकालीन महान फुटबलर रहेको बिवादित तथ्यलाई बलियो बनाउनका लागि पर्याप्त प्रमाणहरु भने दिन सक्दैनन् ।
अझै गाह्रो के छ भने उनी भन्दा अघि खेलेका खेलाडीहरुलाई महान कसरी बनाउने भन्ने प्रमाण पनि निकै कम छ । पर्याप्त भिडियो प्रमाण नभएकै कारण हँगेरीका फेरेंक पुस्कास, स्पेन र अर्जेन्टिना दुवै देशबाट खेलेका अल्फ्रेडो डि स्टेफानो, ब्राजिलियन लेजेण्ड पेले, नेदरल्याण्ड्सका योहान क्रुुएफ र जर्मनका फ्रान्च बेकनबाउर लगायतका खेलाडीहरुको लिगेसीमा प्रश्न गर्नेहरु अझै छन् ।
उनीहरु फरक परिस्थिति, वातावरण, नियममा खेलेका कारण नै यो बहस सधै बिवादास्पद हुदै आएको छ । त्यसैले म्याराडोना प्राविधिक रुपमै फुटबल खेल्ने उत्कृष्ट खेलाडी हुन भनेर दावी गर्न सकिदैन ।
जे भएपनि यो बहस म्याराडोना सर्वकालीन महान भएको दाबी गर्नका लागि हो । र यसको आधार के हो भने सर्वकालीन महानमा दाबेदारी दिने गरेका अन्य कुनै खेलाडीहरुले फुटबल एक टिम खेल हो भन्ने कुरालाई म्याराडोनाले जसरी गलित साबित गर्न सकेनन् । न उनीहरु कहिल्यै यसको नजिक पनि पुग्न सके ।
आफ्नो करिअरको अधिकांश समय म्याराडोना यस्तो क्लबहरुबाट खेले जहाँ बिश्वलाई नै माथ दिने खेलाडीहरु थिएनन् । १९८६–८७ को सिजनमा नापालीलाई सिरी आ को उपाधि दिलाएको टिमको सुची नै हेर्ने हो भने त्यहाँ म्याराडोनाबाहेक अन्य कोही पनि यस्ता खेलाडी थिएनन् जो लिगको उत्कृष्ट टोलीमा समावेश हुन सक्थे ।
अर्जेन्टिनालाई १९८६ को बिश्वकप जिताउदा र १९९० को फाइनलमा पुर्याउदा तुलनात्मक रुपमा केही राम्रा खेलाडीहरु त थिए तर कसैले पनि पेलेले १९७० मा जारजिनियोको जस्तो समर्थन पाए त्यस्तै म्याराडोनाले होर्गे भाल्डानोको पाएका थिए भनेर बहस गर्दैनन् ।
प्रतिभाशाली खेलाडीहरु रहेको टिममा प्रतिभाशाली हुनु एउटा कुरा हो । आफ्नो क्लब टोलीमा उत्कृष्ट खेलाडीहरु भएको कारण मेस्सी र रोनाल्डो भाग्यमानी हुन् । तर म्याराडोनाले त निकै नै साधारण स्रोतहरुको उपयोगमा जादु गरेर देखाएका थिए ।
आफ्नो सानो कदमाथि अपेक्षाको भारी लिदै त्यसमा खरो उत्रिएको कारण पनि म्याराडोना एक अपवाद भएका हुन् । उनले १९८४ मा नापोलीका लागि सम्झौता गर्दा क्लबले एक पटक पनि लिग जितेको थिएन तर म्याराडोनाको आगमनपछि नापोली समर्थकहरुले उपाधिको सपना देख्न थाले । उनी उनी जति उत्कृष्ट खेलाडी थिए त्यती नै कप्तान पनि ।
मेस्सी लगायत अन्य फुटबलरहरुलाई तुलनात्मक रुपमा बढी दवाब होला तर फुटबलका आधुनिक सुपरस्टारहरुसँग पब्लिक रिलेसन एक्सपर्ट र मनोबिश्लेषकहरुको साथ हुने गर्छ । यी सब नुहदा म्याराडोनाले सबै कुरा एक्लै नियन्त्रणमा राखेका थिए भने देश र क्लबलाई एकपछि अर्को उपलब्धि दिलाइरहे ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।