सहिद स्मारक ए डिभिजन लिग अन्तर्गत शुक्रबार भएको खेलमा टुसाल युथ क्लबलाई २-० ले हराउदै मध्यपुर युथ एसोसिएसनले पहिलो जित निकालेको छ ।

मध्यपुरको जितमा धीरज श्रेष्ठ र कैलाश लमिछानेले गोल गरे । मध्यपुरका लागि पहिलो गोल २३ औँ मिनेटमा धीरजले गरेका थिए । फ्रिकिकबाट आएको क्रसलाई धीरजले हेडिङ गर्दै गोल गरेका थिए ।

पहिलो हाफमा १-० ले अघि रहेको मध्यपुरलाई ६९ औँ मिनेटमा भने दोस्रो आग्रता लियो । मध्यपुरका लागि कैलाश लमिछानेले गोल गरे ।

मध्यपुरले जितसँगै चार अंक जोडेको छ । ११ औँ स्थानमा उक्लिएको मध्यपुर पुलचोक स्पोर्ट क्लब भन्दा तीन अंकले अघि रहेको छ । टुसाल भने पराजयसँगै छैँथौ स्थानमा रहेको छ ।

एकपछि अर्को प्रमुख खेलाडी गुमाउदै आएको इङ्गलिस प्रिमियर लिग डिफेन्डिङ्ग च्याम्पियन लिभरपुललाई फेरि अर्को बज्रपात परेको छ । लिभरपुलले तिघ्राको चोटका कारण यसपटक कप्तान जोडर्न हेन्डरसनलाई गुमाएको छ ।

एभर्टनबिरुद्धको मर्सिसाइड डर्बी दौराना ग्रोइन इन्जुरी बोकेका हेन्डरसन कम्तिमा पनि १० हप्ता मैदान बाहिर रहने भएका छन् । भर्जिल भान डाइक, जोल माटिप, जो गोमेज र फाबिन्होलाई गुमाइसकेपछि लिभरपुलले प्लेयिङ्ग ११ बाट अर्को खेलाडी गुमाएको हो ।

प्रमुख खेलाडीहरु मैदान बाहिर रहदा लिभरपुल यो सिजन खस्कदै छैटौं स्थानमा पुगिसकेको छ । शिर्ष स्थानको म्यानचेस्टर सिटीसँग १९ अंकको दुरीमा रहेपछि लिभरपुलका व्यवस्थापक योर्गन क्लोपले यसअघि नै आफू यो सिजन उपाधि रक्षा गर्नबाट चुकिसकेको स्विकारेका थिए ।

क्लोपले तीन प्रमुख सेन्टर ब्याक नभएपछि मिडफिल्डर हेन्डरसनलाई रक्षापंक्तिमा प्रयोग गर्दै आइरहेका थिए । उनले प्रिमियर लिगमा चेल्सीबिरुद्धको खेल सहित लिभरपुलका लागि पाँच खेल गुमाउने भएका छन् । यस्तै च्याम्पियन्स लिग अन्तिम १६ को आरबी लाइपजिगबिरुद्धको दोश्रो खेलमा पनि हेन्डरसन हुने छैनन् ।

यस्तै उनले बिश्वकप क्वालिफायर अन्तर्गत इङ्गल्याण्डले मार्चमा खेल्ने सान मारिनो, अल्बानिया र पोल्याण्डबिरुद्धको खेलहरु पनि गुमाउने छन् । मार्च २४ देखि ३१ सम्म फुटबलमा अन्तर्राष्ट्रिय बे्रक हुनेछ ।

शहीद स्मारक बि डिभिजन लिग अन्तर्गत शुक्रबार भएको शिर्ष स्थानको लागि भएको भिडन्तमा सातदोबाटो युथ क्लबले खुमलटार युथ क्लब माथि ३-२ को रोमान्चक जित निकालेको छ ।

सातदोबाटोका लागी डोर्गे तामाङ,आशिष राई र भुवन बस्नेतले एक-एक गोल गर्दा खुमलटारका लागि भने सबिन केसी र अदिल हामीदले एक-एक गोल गरेका थिए ।

खेलको १० औँ मिनेटमा खुमलटारका सानिश कुमार नेपालीले सातदोबाटोका भुवन बस्नेतलाई डिबक्स भित्र ताने पछि खुमलटारले पेनाल्टी पाएको थियो । उक्त पेनाल्टीमा डोर्गे तमाङ चुकेनन् र खुमलटारलाई ११ औँ मिनेटमा पहिलो अग्रता दिलाएका थिए । तर खेलको २६ औँ मिनेटमा भने खुमलटारले बराबरी गोल गर्‍यो । डिबक्स बहिरबाट पाएको फ्रिकिकलाई खुमलटारका लागि कप्तान सविन केसीले गोल गर्दै १-१ को बराबरीमा ल्याएका थिए ।

दोस्रो हाफमा भने खुमलटारले दोस्रो गोल गर्‍यो । आयुष घलानले गरेको फ्रिकिक प्रहारमा सातदोबाटोका गोलरक्षक सनम राई अगाडि बढे पछि खुमलटारका अदिल हामीदले ४८ औँ मिनेटमा हेडिङ गोल गरेका थिए । तर सातदोबाटोका लागि भने ५७ औँ मिनेटमा आषिश राइले गोल गर्दै टोलीलाई २-२ को बराबरीमा पुर्याए ।

सातदोबाटोका लागि तेस्रो गोल भने ६९ औँ मिनेटमा भुवन बस्नेतले गरेका थिए । उनले आशिष राईको क्रसमा गोल गर्दै टोलीलाई ३-२ को जित दिलाए ।
जितसँगै लिगमा सातदोबाटोले स्पष्ट तीन अंकको अग्रता सहित १९ अंक बनाएको छ भने दोस्रो स्थानमा खुमलटार १६ अंक सहित यथावत रहेको छ ।