Connect with us

लेख

च्याम्पियन्स लिग: बायर्न एट्लेटिकोको समाना गर्दै, रियल म्याड्रिडको खेल पनि आजै

wesportz

Published

on

च्याम्पियन्स लिगको दोस्रो दिन आज आठ खेलहरु हुँदै छन् । कोरोना भाईरसक बावजुद युएफाले प्रतियोगिता शुरु गर्दा क्लबहरुलाई आ–आफ्नो देशको सरकारले अनुमती दिएको खण्डमा कोभिड–१९ को प्रोटोकलमा बाध्दै रँगशाला प्रवेश गराउने अनुमती पनि दिएको छ ।

यसको फाईदा कम संक्रमित भएको देश युक्रेनका दुई क्लब शख्तर दोनेस्क र डाइनामो किएभ र हंगेरियन क्लब फेरेन्सभरोसीले उठाउने देखिन्छ ।

नेपाली समय अनुसार १०:४० मा शुरु हुने पहिलो दुई खेलमा रेड बुल साल्जबर्गले लोकोमोटिभ मस्कोको र रियल म्याड्रिडले शख्तर दोनेस्कको समाना गर्ने छन् ।

रियल म्याड्रिड र शख्तर दोनेस्क २०१५/२०१६ को समुह चरण पछि पहिलो पटक भिड्न लागेका हुन् ।

रियलका लागि चोट ठुलो टाउको दुखाइ बनेको छ । कप्तान सर्जियो रामोस र विङर एडेन हजार्डले दोनेस्क विरुद्धको खेल गुमाउने छन् भने बेलको अनुपस्थितीमा दुई युवा खेलाडी रोड्रिगो र भिनिसियस जुनियरले यो मौका पाउने देखिन्छ ।

अन्य खेलहरुमा के हुदैछ?

लिभरपुल भर्सेस आयाक्स

केही दिन अघि मात्र आफ्नो प्रमुख खेलाडी भर्जिल भान डाइकलाई गम्भिर चोटका कारण गुमाएको लिभरपुलले योहान क्रुएफ एरिनामा आयाक्सको समाना गर्दै छ ।

यस च्याम्पियन्स लिग सिजनको आफ्नो पहिलो खेलमा खेल्दै गर्दा आयाक्स भने आफ्नो घरेलु लिगमा उत्कृष्ट लयमा देखिएको छ । यता लिभरपुल भने प्रिमियर लिगमा अघिल्लो खेलमा एवर्टनसँग बराबरीमा रोकिएको थियो । तर लिभरपुल अझै पनि एस्टन भिल्लासँग बेहोरेको ७–२ को पराजयबाट बाहिर निस्किन सकेको छैन ।

युवा टोलीले भरिएको आयाक्सले लिभरपुललाई पराजित गर्न नसक्ला भन्न सकिदैन । १९६६–१९६७ पछि पहिलो पटका भिड्न लागेका यि दुई टोलीको खेल निकै रोमान्चक हुने मनिएको छ ।

खेल नेपाली समय अनुसार १२ः४५ मा सुरु हुने छ ।

यो पनि पढ्नुहोस्:च्याम्पियन्स लिगको सेमिफाइनल पुगेर युरोपलाई चकित बनाएको आयाक्समा अहिले के बाकी छ ?

बायर्न म्युनिख भर्सेस एट्लेटिको म्याड्रिड

मुख्य खेलाडी सर्जी नाब्रीलाई कोरोना भाईरस संक्रमण देखिए लगतै आइसोलेसनमा पठाए पनि अन्य खेलाडीहरुसंगै अभ्यास गरेका कारण युएफाले खेलाडीहरुको पुन:परिक्षण गर्नु पर्ने बताएको छ ।

नाब्रीसँगै अन्य धेरै खेलाडीमा कोरोना देखिए बायर्न र एट्लेटिकोको खेल रोकिने धेरै सम्भावना रहेको छ । खेल भएको खण्डमा भने साविक बिजेता बायर्नले एट्लेटिकोको रक्षात्मक खेललाई तोड्न निकै गार्हो पर्ने देखिन्छ ।

बायर्न र एट्लेटिको युरोपियन प्रतियोगितामा साँतौ पटक भिड्न लागेका हुन् । २०१६/२०१७ को च्याम्पियन्स लिग सिजनमा पनि एकै समुहमा परेका यि दुई टोलीले अन्तिम १६ मा स्थान बनाएका थिए ।

बायर्नले अघिल्लो सिजनदेखि सुपर कपसम्म युरोपियन प्रतियोगितामा एक खेल पनि हारेको छैन । आज हुने एट्लेटिकोविरुद्धको खेलमा भने यो किर्तिमान बायर्नले जोगाउन सक्ला कि नसक्ला भन्ने बिषय निकै रोचक हुने छ ।

खेल नेपाली समय अनुसार १२:४५ मा सुरु हुने छ ।

यस्तै १२:४५ मै सुरु हुने अन्य खेलहरुमा म्यानचेस्टर सिटीले पोर्टो, मिजील्याण्डले एट्लान्टा, ओलम्पियाकोसले मार्से र इन्टर मिलानले जर्मन क्लब बोरुसिया मोचेनग्लाड्ब्याचको समाना गर्ने छ ।

 

Click to comment

Leave a Reply

Your email address will not be published. Required fields are marked *

Headline

अफ्रिका कप अफ नेसन्सः क्यामरुन नकआउट पुग्ने पहिलो टोली

wesportz

Published

on

कप्तान भिन्सेन्ट अबुबाकर र कार्ल टोको–इकाम्बीले २–२ गोल गरेपछि क्यामरुन अफ्रिका कप अफ नेसन्सको नकआउट चरणमा पुग्ने पहिलो टोली बन्यो ।

आयोजक क्यामरुनले बिहिबार याउन्डेमा भएको खेलमा इथियोपियालाई ४–१ ले पराजित गर्यो । पहिलो चरणका १२ खेलहरुमा मात्र १२ गोल हँुदा क्यामरुनले यस्तो खेल खेल्यो जसले प्रतियोगितामा नयाँ उर्जा थपिदियो । शुरुवाती १२ गोलमा चार पेनाल्टीबाट सम्भव भएका थिए ।

२४ टोली सहभागी रहेको अफ्रिकी महादेशको सबैभन्दा ठूलो प्रतियोगितामा क्यामरुन मात्र यस्तो टोली हो जसले पहिलो चरणमा एक भन्दा बढी गोल गरेको थियो । अबुबाकरले नै पेनाल्टीमा दुई गोल गर्दा क्यामरुनले पहिलो चरणमा बुर्किना फासोलाई २–१ ले हराएको थियो ।

राजधानी याउन्डेको ओलेम्बे स्टेडियममा क्यामरुन ३३ बर्षदेखि अपराजित रहँदै आएको छ । त्यही ओलेम्बे स्टेडियममा इथियोपियाले इथियोपियाले शुरुवाती अग्रता लिदै घरेलु दर्शकलाई स्तब्ध बनाएपनि क्यामरुनले बिपक्षी टोलीलाई नराम्ररी पराजित गर्न सफल भयो ।

लियोनका फर्वार्ड टोको–इकाम्बीले हेडरमार्फत बराबरी गोल गरे भने दोश्रो हाफको शुरुवातमै अबुबाकरले दुई गोल गर्दै क्यामरुनको जितको आधार खडा गरेका थिए । टोको–इकाम्बीले आफ्नो दोश्रो गोल गर्दै टोलीको फराकिलो जित सुनिश्चित गरेका थिए ।

पाँच पटकको उपाधि बिजेताका लागि टोको–इकाम्बी, आन्द्रे–फ्रांक जाम्बो अगिसा र कोलिन्सको फाइको एक–एक प्रहार पोस्टमा लागेर फर्किएको थियो । समुह ए मा क्यामरुन शिर्ष स्थानमा रहेको छ ।

केप भर्डेलाई १–० लाई पराजित गरेको बुर्किना फासो दोश्रो स्थानमा रहेको छ । केप भर्डे तेश्रो स्थानमा छ । बुर्किना फासोका लागि हसाने बान्डेले गोल गरेका थिए ।

१९६२ मा कप अफ नेसन्स जितेको इथियोपियाले १९७६ यता प्रतियोगितामा एक खेल पनि जित्न सकेको छैन । १९७६ पछि तीन पटक प्रतियोगितामा क्वालिफाई भएको इथियोपिया लगातार १० खेलमा जितबिहिन रहदै आएको छ ।

Continue Reading

Headline

रबाडा र यानसनको बलिङ अघि चलेन भारतको ब्याट 

wesportz

Published

on

कागिसो रबाडा र मार्को यानसनले घातक बलिङ गर्दा पाहुना टोली भारत घरेलु टोली दक्षिण अफ्रिका विरुद्धको तेश्रो तथा अन्तिम टेस्टको पहिलो पारीमा मात्र २२३ रनमा अल आउट भएको छ । 

आज नै आफ्नो पहिलो पारी सुरु गरेको दक्षिण अफ्रिकाले आठ ओभर खेल्दै एक विकेटको नोक्सानीमा १७ रन बनाएको छ भने भारत भन्दा २०६ रनले पछि छ र उसको हातमा अझै नौ विकेट बाँकी नै छ ।

कप्तान डिन एल्गर तीन रन बनाएर जस्प्रित बुम्राको शिकार बन्न पुगे पनि एडन मारक्रम आठ तथा केशव महाराज ६ रनमा अविजित छन् ।

रबाडाले चार तथा यानसनले तीन विकेट हात पार्दा कप्तान विराट कोहलीले अर्धशतकीय पारी खेले पनि टस जितेर पहिले ब्याटिङ रोजेको भारतले ७७ दशमलब तीन ओभरमा २२३ रन बनाउँदा आफ्ना सबै विकेट गुमायो ।

भारतको तर्फबाट कप्तान कोहलीले २०१ बलको सामना गर्दै १२ चौका र एक छक्काको मद्धतमा सर्वाधिक ७९ रन बनाए । ३३ रनमा दुई ओपनरहरु केएल राहुल (१२)मायंक अगरवाल (१५) रनमा आउट हुँदा खराब सुरुवात गरेको भारतको लागि कोहलीले चेतेश्वर पुजारासँग मिलेर तेश्रो विकेटको लागि ६२ रनको साझेदारी गर्दै भारतको पारी सम्हाल्ने प्रयास गरे । तर ७७ बल खेल्दै ४३ रन बनाएका पुजारा मार्कोको बलमा आउट हुन पुगे ।

भारतका अन्य ब्याटरहरुले उल्लेख्य योगदान दिन नसक्दा भारत सस्तैमा समेटिन पुगेको हो । कोहली पुजारा बाहेक अजिंक्य रहाने नौ, विकेट किपर ब्याटर ऋषभ पन्त २७, रविचन्द्रन अश्विन दुई, शार्दुल ठाकुर १२ र जस्प्रित बुम्रा शुन्य रनमा आउट भए । नवौँ विकेटका रुपमा कोहली आउट हुँदा भारतको बोर्डमा स्कोर २११ रन मात्र थियो । त्यस पछि आएका मोहम्मद शामी सात रनमा आउट भए भने उमेश यादव चार रनमा अविजित रहे ।

रबाडाले २२ ओभरमा ७३ रन खर्चिए भने मार्कोले १८ ओभरमा ५५ रन दिन पुगे ।  

तीन खेलको शृंखला १-१ को अवस्थामा रहेको छ । त्यसैले यस टेस्टमा जित हात पार्ने टोलीले शृंखला माथि पनि कब्जा जमाउन सफल हुनेछ ।  पहिलो टेस्ट भारतले ११३ रनको फराकिलो अन्तरले जितेको थियो भने दोश्रो टेस्टमा दक्षिण अफ्रिकाले सात विकेटको सहज जित हात पारेको थियो ।   

Continue Reading

Headline

सिजनको दोश्रो एल क्लासिकोमा ‘टर्निङ्ग पोइन्ट’ खोज्दै बार्सिलोना

wesportz

Published

on

पछिल्लो पटक बार्सिलोनाले रियल म्याड्रिडको सामना गर्दा उ लियोन मेस्सीको बहिर्गमन र आफ्नो सबैभन्दा खराब आर्थिक संकटबाट बाहिर निक्लन संघर्ष गरिरहेको थियो ।

रोनाल्ड कोमन अझै पनि प्रशिक्षक नै थिए भने क्याटलन क्लब मैदानमा अस्थिर नै थियो ।

स्पेनिस ला लिगामा गत अक्टोबर क्याम्प नोउमा व्यहोरेको २–१ को पराजयले अचम्म गर्ने भन्दा पनि बार्साको त्यो समयको कमजोर अवस्थालाई दर्शाइरहेको थियो ।

साउदी अरेबियामा बुधबार स्पेनिस फुटबलका दुई परस्पर प्रतिद्वन्दी स्पेनिस सुपर कप सेमिफाइलमार्फत सिजनको दोश्रो एल क्लासिकोमा प्रवेश गर्दा धेरै परिवर्तन आइसकेको छ । आर्थिक पुनःसंरचना गर्नुका साथै नयाँ प्रशिक्षक जाभाी हर्नान्डेजले मैदानमा सुधार ल्याएपछि बार्सिलोना अहिले आफ्नो लयमा फर्किसकेको छ ।

“अहिलेको सिनारियो फरक छ । त्यो समय हाम्रो लागि निकै कठिन थियो । अहिले हामी राम्रो गरिरहेको छौं र यसको भरपुर फाइदा उठाउन चाहन्छौं,” बार्सिलोनाका भेटेरान डिफेन्डर जेरार्ड पिकेले भने । उनका अनुसार सुपर कपको जित बार्सिलोनाको सिजनको टर्निङ्ग पोइन्ट हुन सक्छ ।

“अहिले हामी जुन अवस्थामा छौं, प्रत्येक जित र आशा गरौं उपाधि पनि, हाम्रो लागि निकै ठूलो हुनेछ । यसले हामीलाई आत्मबिश्वासका साथ अघि बढ्न मद्दत गर्न सक्छ,” पिकेले थपे ।

युवा मिडफिल्डर पेद्री गोन्जालेज सहित अक्टोबरको लिग खेलका लागि चोटका कारण अनुपस्थित रहेका धेरै खेलाडी बार्सिलोनामा फर्किसकेका छन् । त्यस यता बुधबारको खेलमा फरक पार्न सक्ने भेटेरान ब्राजिल डिफेन्डर ड्यानी आल्भेस र युवा स्टार फेरान टोरेसलाई बार्सिलोनाले अनुबन्ध गरेको छ ।

केही दिन अघि कोरोना भाइरस पोजिटिभ पाइए पनि टोरेस र पेद्री सोमबार नै सफाइ पाउदै टिमसँग साउदी अरेबिया पुगिसकेका छन् । गत संस्करण कोरोनाको कारण स्पेन मै भएपनि स्पेनिस सुपर कप साउदी अरेबियामै खेलाउने निर्णय स्पेनिस फुटबलको सर्वोच्च निकायले गरेको थियो ।

साउदीमा २०२० देखि स्पेनिस सुपर कप आयोजना गर्नका लागि स्पेन फुटबल महासंघले १ सय ३६ मिलियन डलरको सम्झौता गरेको थियो । प्रतियोगितालाई दुईबाट चार टिमको बनाइदै मध्य सिजनमा खेलाइने निर्णय लिइएको थियो ।

मानव अधिकारवादी नेताहरुको आलोचनाका साथै समर्थकहरुले स्पेनमै गराउन दवाब दिएपनि प्रतियोगितालाई साउदी अरेबियामै सारिएको हो । अर्को सेमिफाइनलमा बिहिबार ला लिगा च्याम्पियन एट्लेटिको म्याड्रिड र कोपा डेल रे उपबिजेता एथ्लेटिक बिल्बाओ खेल्न गइरहेका छन् ।

“हाम्रो प्रतियोगिता साउदीमा गएर खेल्नुको मैले कुनै औचित्य नै देख्दिन । यस्तो लाग्छ हामी अहिले समर्थकहरु बारे नै सोचिरहेको छैनौं,” बिल्बाओ मिडफिल्डर राउल गार्सियाले भने ।

गत सिजन एट्लेटिको पछाडी दोश्रो स्थानमा सक्काएपछि रियलले स्पेनिस कपको फाइनल फोरमा स्थान बनाएको हो । बार्सिलोना कोपा डेल रे च्याम्पियनको हकमा खेल्न गइरहेको हो ।

करिम बेन्जेमा र भिनिसियर जुनियरको उत्कृष्ट आक्रमण जोडीको मद्दतमा ला लिगामा शान्दार शुरुवात गरेको रियल उच्च लयमा साउदी अरेबिया पुगेको छ । ला लिगामा रियलले ५ अंकको अग्रता बनाएको छ । एक खेल हातमा रहेको एट्लेटिको रियलभन्दा १६ अंकले पछाडी छ । बिल्बाओ एट्लेटिसँग पाँच अंकको दुरीमा छ ।

Continue Reading
Headline1 hour ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline5 hours ago

डि ककको शतकमा भारतलाई विशाल लक्ष्य 

Headline8 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline14 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!