Connect with us

IPL

केन विलियमसनको अर्धशतकका बाबजुद चेन्नाईसँग हैदराबादको नमिठो हार

Published

on

केन विलियमसनको अर्धशतकको बाबजुद इन्डियन प्रिमियर लिग (आईपीएल) अन्तर्गत दोश्रो लेगको पहिलो खेलमा सनराईजर्स हैदराबाद चेन्नाई सुपर किंग्ससँग २० रनले पराजित भएको छ ।

आठौँ खेलमा चेन्नाईको तेश्रो जित हो भने आठ खेल नै खेलेको हैदराबादको यो पाँचौ हार हो । आजको जितसँगै चेन्नाई अंक तालिकाको छैठौं स्थानमा पुगेको छ भने हैदराबाद पाँचौं स्थानमा यथावत छ । हैदराबाद, चेन्नाई र राजस्थान रोयल्सको समान ६-६ अंक रहे पनि नेट रन रेटका आधारमा क्रमश पाँचौं, छैठौं र सातौं स्थानमा रहेका छन् ।

जितका लागि १६८ रनको मध्यम लक्ष्य लिएर ब्याटिङ गर्न आएको हैदराबादले पुरै २० ओभर खेल्दै आठ विकेटको नोक्सानीमा मात्र १४७ रन बनाउन सक्यो ।

हैदराबादको तर्फबाट केन विलियमसनले सर्वाधिक ५७ रन बनाए । कर्ण शर्माको बलमा आउट हुनु अघि चौथों नम्बरमा ब्याटिङ गर्न आएका उनले ३९ बलको सामना गर्दै सात चौका प्रहार गरे । उनी बाहेक अन्य ब्याट्सम्यानले उलेख्य योगदान दिन नसक्दा हैदराबादले खेलमा हारको सामना गर्न पुग्यो ।

हैदराबादका ओपनर डेभिड वार्नर नौं, मनिष पाण्डे चार तथा अर्का ओपनर जोनी बेरिस्टो २३ रन बनाएर आउट भए भने प्रियम गर्ग १६, विजय शंकर १२ र रशिद खान १४ रन बनाउँदै पेभेलियन फर्किए ।

चेन्नाईका कर्ण शर्मा र ड्वायन ब्राभोले सर्वाधिक २-२ विकेट हात पारे भने साम कुर्रान, रविन्द्र जडेजा, शार्दुल ठाकुर र पनि समान १-१ विकेट आफ्नो नाममा दर्ता गराए ।

यस अघि दुबई अन्तरास्ट्रिय क्रिकेट रंगशालामा टस जितेर पहिले ब्याटिङ गरेको चेन्नाईले पुरै २० ओभर खेल्दै छ विकेटको नोक्सानीमा १६७ रनको सामान्य योगफल तयार पार्यो ।

चेन्नाईका कप्तान महेन्द्र सिंह धोनी आजको खेलमा ब्याटिङमा परिवर्तन गर्दै फाफ डु प्लेसिस र साम कुर्रानलाई ओपनिङमा पठाए । तर तेश्रो ओभरको पहिलो बलमा नै डु प्लेसिस सन्दिप शर्माको बलमा गोल्डेन डकआउट हुन पुगे । पाँचौं ओभरमा पहिलो पटक ओपनिङमा ब्याटिङ गर्न आएका कुर्रान पनि २१ बलमा ३१ रन बनाएर शर्माको नै शिकार बन्न पुगे ।

आजको खेलमा तेश्रो नम्बरमा ब्याटिङ गर्न आएका शेन वाटसन र अम्बाती रायुडूले तेश्रो विकेटका लागि ६४ बलमा ८१ रनको साझेदारी गर्दै चेन्नाईको पारी सम्हाले । तर एक ओभरको अन्तरालमा ३८ बलमा एक चौका र तीन छक्काको मद्धतमा ४२ रन बनाएका वाटसन र २३ बलमा तीन चौका र दुई छक्का सहित ४१ रन बनाएका रायुडू आउट हुँदा चेन्नाई १६ दशमलब दुई ओभरमा चार विकेटको नोक्सानीमा १२० को अवस्थामा आयो ।

त्यस पछि ब्याटिङमा आएका कप्तान महेन्द्र सिंह धोनी १३ बलमा २१ रन बनाएर आउट भए भने ड्वायन ब्राभो पनि गोल्डेन डक आउट हुन पुगे । अविजित रहेका रविन्द्र जडेजाले १० बलमा तीन चौका र एक छक्का सहित २५ रन तथा दिपक चाहारले दुई रनको योगदान दिए ।

हैदराबादका सन्दिप शर्माले किफायती बलिङ गर्दै चार ओभरमा १९ रन खर्चिएर दुई विकेट हात पारे भने खलिल अहमद र टि नटराजनले महँगो साबित भए पनि समान २-२ विकेट नै आफ्नो नाममा दर्ता गराए ।

यस अघि सम्पन्न पहिलो लेगमा चेन्नाई हैदराबादसँग सात रनको झिनो अन्तरले पराजित हुन पुगेको थियो । १६५ रनको विजयी लक्ष्य पक्ष्याएको चेन्नाईले पुरै २० ओभर खेल्दै पाँच विकेटको नोक्सानीमा मात्र १५७ रन बनाउन सक्यो र खेल सात रनले हार्न पुग्यो ।

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Published

on

ओपनर जस बटलरले अविजित रहँदै शतकीय पारी खेल्दा रोयल च्यालेन्जर्स बेंगलोरलाई सात विकेटले पाखा लगाउँदै राजस्थान रोयल्स दोश्रो पटक इन्डियन प्रिमियर लिग (आईपीएल) को फाइनलमा प्रवेश गरेको छ ।

सन् २००८ मा सुरु भएको आईपीएलको पहिलो सिजनमा  नै उपाधि चुमेको राजस्थान पहिलो सिजन पछि पहिलो पटक आईपीएलको फाइनलमा पुगेको हो । १५ औँ संस्करणको उपाधिका लागि राजस्थानले अब नव प्रवेशी टोली गुजरात टाइटान्सको सामना गर्नेछ । राजस्थानसँग पराजित हुँदा बेंगलोरको फाइनल खेल्ने सपना चकनाचुर भएको छ । 

रजत पाटिदारले अर्धशतकीय पारी खेल्दा टस हारेर पहिले ब्याटिङ गरेको बेंगलोरले २० ओभरमा आठ विकेट गुमाएर १५७ रनको सामान्य योगफल बनायो भने जबाफी ब्याटिङ गरेको राजस्थानले बटलरको शतकीय पारीमा तीन विकेट गुमाएर ११ बल अगावै जित आत्मसाथ गर्यो ।

राजस्थानलाई दोश्रो पटक फाइनलमा पुर्याउने क्रममा ओपनर बटलरले अविजित रहँदै रनको पारी खेले । जारी सिजनको चौथो शतक प्रहार गर्ने क्रममा बटलरले ६० बल खेल्दै १० चौका र चार छक्का प्रहार गरे । बटलर बाहेक राजस्थानको जितमा कप्तान सन्जु सामसनले २३ तथा ओपनर यशस्वी जैसवालले २१ रन बनाए ।   

एलिमिनेटर खेलमा शतक प्रहार गर्दै बेंगलोरलाई क्वालिफायर्स सम्मको यात्रा तय गराएका रजत पाटिदारले ४२ बलमा सर्वाधिक ५८ रन बनाए भने कप्तान फाफ डु प्लेसिसले १५ तथा ग्लेन म्याक्सवेलले २४ रन बनाए । पुर्व कप्तान विराट कोहली सात, महिपाल लोमरोर आठ, दिनेश कार्तिक ६ तथा वानिन्दु हसरंगा गोल्डेन डकआउट भए भने शहबाज अहमदले अविजित १२ रनको पारी खेले ।

बेंगलोरका ओबेड म्याककोय र प्रसिध कृष्णाले समान ३-३ विकेट हात पारे ।    

 

Continue Reading

Headline

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Published

on

रजत पाटिदारले शतकीय पारी खेल्दा रोयल च्यालेन्जर्स बेंगलोर लखनउ सुपर जायन्ट्स माथि १४ रनको शानदार जित निकाल्दै १५ औँ संस्करणको इन्डियन प्रिमियर लिग (आईपीएल) को दोश्रो क्वालिफायर्समा प्रवेश गरेको छ । बेंगलोरले फाइनल प्रवेशका लागि पहिलो क्वालिफायर्समा पराजित राजस्थान रोयल्सको सामना गर्नेछ ।

तेश्रो नम्बरमा ब्याटिङ गर्न आएका पाटिदारको अविजित शतकमा बेंगलोरले चार विकेट गुमाएर २०७ रनको विशाल योगफल बनायो । २०८ रनको लक्ष्य पछ्याएको लखनउले पुरै २० ओभर खेल्दै ६ विकेटको नोक्सानीमा १९३ रन मात्र जोड्न सक्यो ।

कप्तान केएल राहुलले अर्धशतकीय पारी खेल्दै लखनउलाई जित तर्फ उन्मुख गराए पनि १९ औँ ओभरमा जश हेजलउडको शिकार बन्दा एलिमिनेटरबाट नै बाहिरिन पुग्यो । ५८ बलको सामना गरेका राहुलले हेजलउडको बलमा शहबाज अहमदको हातबाट क्याच आउट हुनु अघि तीन चौका र पाँच छक्का सहित सर्वाधिक ७९ रन बनाए ।

ओपनर क्विन्टन डि कक ६ तथा तेश्रो नम्बरमा ब्याटिङ गर्न आएका मनन वोहरा १९ रनमा आउट भए पन्नी राहुलले दिपक हूडासँग तेश्रो विकेटका लागि ६१ बलमा ९६ रनको साझेदारी गर्दै आफ्नो टोलीलाई खेलमा फर्काए । २६ बलमा एक चौका र चार छक्का सहित ४५ रन बनाएका हूडाको विकेटको पतन पछि आएका मार्कस स्टोइनिस नौ  र कुर्नाल पान्ड्या गोल्डेन डकआउट हुँदा लखनउको क्वालिफायर्सको सपना चकनाचुर भयो ।

लखनउलाई रोक्ने क्रममा जश हेजलउडले सर्वाधिक तीन विकेट लिए भने मोहम्म्मद सिराज, हर्षल पटेल र वानिन्दु हसरंगाले समान १-१ विकेट आफ्नो नाममा दर्ता गराए ।       

बेंगलोरको जितमा अविजित रहेका पाटिदारले ५४ बल खेल्दै १२ चौका र सात छक्काको मद्दतमा सर्वाधिक ११२ रनको पारी खेले । २८ बलमा अर्धशतक प्रहार गरेका उनले दोश्रो अर्धशतक २१ बलमा पुरा गर्दा ४९ बलमा शतक पुरा गरेका थिए । त्यस्तै उनले पछिल्लो ४९ रन मात्र १८ बलमा पुरा गरेका थिए ।

ओपनिङमा ब्याटिङ गर्न आएका कप्तान फाफ डु प्लेसिस गोल्डेन डकआउट भए पनि पाटिदारले पुर्व कप्तान विराट कोहलीसँग मिलेर ६६ रनको साझेदारी गर्दै बेंगलोरको पारी सम्हाले । कोहली २५, ग्लेन म्याक्सवेल नौ तथा महिपाल लौमरोर १४ रनमा आउट हुँदा बेंगलोर १३ दशमलब एक ओभरमा चार विकेटको नोक्सानीमा ११५ रनको अवस्थामा खुम्चिन पुग्यो ।  

तर दबाबमा परेको बेंगलोरको लागि पाटिदारले विकेट किपर दिनेश कार्तिकसँग चौथो विकेटका लागि ४१ बलमा अविजित ९२ रनको साझेदारी गर्दै २०० को स्कोर पार गराए । उनीहरुले अन्तिम पाँच ओभरमा ८४ रन जोड्दै बेंगलोरलाई विशाल योगफल सम्म डोर्याए । अविजित रहेका कार्तिकले २३ बलमा पाँच चौका र एक छक्का सहित अविजित ३७ रनको योगदान दिए ।

लखनउका मोहसिन खान, कुर्नाल पान्ड्या, आवेश खान र रवि बिश्नोईले समान १-१ विकेट हात पारे ।  

 

Continue Reading
Headline3 months ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय3 months ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख5 months ago

केन्या माथि नेपालको कीर्तिमानी जित

लेख5 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख5 months ago

नेपाल टी२० लिग : खेलाडी दर्ता सुरु, चार मापदण्ड तय

लेख5 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख5 months ago

नेपालले हरायो केन्यालाई 

लेख5 months ago

नेपालका लागि केन्या टुर महत्वपूर्ण

लेख6 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख6 months ago

नयाँ प्रशिक्षक प्रभाकर भन्छन् : पहिलो काम लिग टु

लेख6 months ago

बाना कपका लागि सुदुरपश्चिमको जर्सी सार्वजनिक  

लेख6 months ago

यस्ता छन् एन्फा कार्यसमिति बैठकका निर्णयहरू

लेख6 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख6 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline6 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline6 months ago

 नेपालको पोस्टमा भारतको गोलको वर्षा 

Headline6 months ago

साफ महिला च्याम्पियनसिप :  नेपाललाई सजिलो समूह

Headline6 months ago

लगातार दोस्रो जित निकाल्दा नेपाल फाइनल नजिक 

Headline6 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline6 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline3 months ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय3 months ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख5 months ago

केन्या माथि नेपालको कीर्तिमानी जित

लेख5 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख5 months ago

नेपाल टी२० लिग : खेलाडी दर्ता सुरु, चार मापदण्ड तय

लेख5 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख5 months ago

नेपालले हरायो केन्यालाई 

लेख5 months ago

नेपालका लागि केन्या टुर महत्वपूर्ण

लेख6 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख6 months ago

नयाँ प्रशिक्षक प्रभाकर भन्छन् : पहिलो काम लिग टु

लेख6 months ago

बाना कपका लागि सुदुरपश्चिमको जर्सी सार्वजनिक  

लेख6 months ago

यस्ता छन् एन्फा कार्यसमिति बैठकका निर्णयहरू

लेख6 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख6 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline6 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline6 months ago

 नेपालको पोस्टमा भारतको गोलको वर्षा 

Headline6 months ago

साफ महिला च्याम्पियनसिप :  नेपाललाई सजिलो समूह

Headline6 months ago

लगातार दोस्रो जित निकाल्दा नेपाल फाइनल नजिक 

Headline6 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline6 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!