Connect with us

IPL 2020

मध्यक्रम नचल्दा चेन्नाई १० रनले पराजित 

wesportz

Published

on

९९ रनको अवस्थामा दोश्रो विकेट गुमाएको चेन्नाई सुपर किंग्सका मध्यक्रमका ब्याट्सम्यान नचल्दा इन्डियन प्रिमियर लिग (आईपीएल) को आफ्नो छैठौं खेलमा कोलकाता नाइट राईडर्ससँग १० रनको झिनो अन्तरले पराजित भएको छ ।

छ खेलमा चेन्नाईको यो चौथों हार हो भने पाँच खेल खेलेको कोलकाताको तेश्रो जित हो ।आजको जितसँगै कोलकाता अंक तालिकाको तेश्रो स्थानमा उक्लिन सफल भएको छ ।

जितका लागि १६८ रनको लक्ष्य लिएर ब्याटिङमा आएको चेन्नाईले पुरै २० ओभर खेल्दै पाँच विकेटको नोक्सानीमा मात्र १५७ रन बनाउन सक्यो ।

एक समय जित तर्फ लम्केको चेन्नाईका मध्यक्रमका ब्याट्सम्यानहरु चल्न नसक्दा चेन्नाईले हारको सामना गर्न पुग्यो । ओपनरहरु शेन वाटसन र फाफ डु प्लेसिसले पहिलो विकेटका लागि तीन दशमलब चार ओभरमा ३० रन जोडे । डु प्लेसिस १७ रन बनाएर शिबम मावीको बलमा आउट हुन पुगे ।

त्यस पछि ब्याटिङमा आएका अम्बाती रायुडूले वाटसनसँग मिलेर दोश्रो विकेटका लागि ६९ रन जोड्दै चेन्नाईको पारी सम्हाल्ने प्रयास गरे पनि एक ओभरको अन्तरालमा २७ बलमा ३० रन बनाएका रायुडू र ४० बलमा ५० रन बनाएका वाटसन आउट भए पछि चेन्नाई सम्हालिन सकेन ।

चेन्नाईका अन्य ब्याट्सम्यानहरुमा कप्तान महेन्द्र सिंह धोनी ११, साम कुर्रान १७ रन बनाएर आउट भए भने केदार जाधव सात र रविन्द्र जडेजा आठ बलमा २१ रनमा अविजित रहे ।

यस अघि शेख जायद क्रिकेट रंगशालामा टस जितेर पहिले ब्याटिङ गरेको कोलकाताले पुरै २० ओभर खेल्दै आफ्ना सबै विकेट गुमाएर १६७ रन बनायो ।

कोलकाताको लागि राहुल त्रिपाठीले सर्वाधिक ८१ रन बनाए । यस सिजन दोश्रो खेल खेलेका उनले पहिलो पटक ओपनिङमा ब्याटिङ गरेका त्रिपाठीले ड्वायन ब्राभोको बलमा आउट हुनु अघि ५१ बलको सामना गर्दै आठ चौका र तीन छक्का प्रहार गरे ।

त्रिपाठी बाहेक अन्य ब्याट्सम्यानले उलेख्य योगदान भने दिन सकेनन् । अर्का ओपनर सुबमन गिल ११ रङ बनाएर आउट भए भने नितिश रानाले पनि नौं रनको मात्र पारी खेल्न सके । यस अघिका खेलमा ओपनिङमा आएका सुनिल नारायण आज चौथों नम्बरमा ब्याटिङ गर्दै नौं बलमा १७ रन बनाएर आउट भए । त्यस पछि आएका ओइन मोर्गनले सात, आन्द्रे रसेल दुई, कप्तान दिनेश कार्तिक १२, कमलेस नगरकोटी र शिवम मावी शुन्य रनमा आउट भए भने प्याट कमिन्स १७ रनमा अविजित रहे ।

चेन्नाईको तर्फबाट ड्वायन ब्राभोले चार ओभर बलिङ गर्दै ३७ रन खर्चिएर सर्वाधिक तीन विकेट हात पारे भने कर्ण शर्मा, साम कुर्रान र शार्दुल ठाकुरले पनि आफ्नो नाममा समान २-२ विकेट दर्ता गराउन सफल भए । समान चार चार ओभर बलिङ गरेका शर्मा, कुर्रान र ठाकुरले क्रमश २५, २६ र २८ रन खर्चिए ।

पहिलो खेलमा मुम्बई इन्डियन्ससँग ४९ रनले पराजित भएको कोलकाताले दोश्रो र तेश्रो खेलमा क्रमश सनराईजर्स हैदराबादलाई ४९ रनले र राजस्थान रोयल्सलाई ३७ रनले पराजित गर्यो । यस अघि भएको दिल्ली क्यापिटल्ससँगको खेलमा कोलकाता १८ रनले पराजित हुन पुग्यो ।

चेन्नाईले १३औं संस्करणको उद्घाटन खेलमा साबिक विजेता मुम्बई इन्डियन्सलाई पाँच विकेटले पराजित गर्दै प्रतियोगितामा उत्कृस्ट सुरुवात गर्यो । तर त्यस पछिका लगातार तेश्रो खेलमा चेन्नाई क्रमश राजस्थान रोयल्ससँग १६ रनले, दिल्ली क्यापिटल्ससँग ४४ रनले र सनराईजर्स हैदराबादसँग सात रनले पराजित हुन पुग्यो । त्यस्तै यस अघिको खेलमा चेन्नाईले किंग्स ११ पन्जाब माथि १० विकेटको सानदार जित हात पार्यो ।

Headline

राष्ट्रिय टोलीसंगको भविष्यको प्रश्न आउदा बेलले अन्तर्वार्ता छोडेर हिडे

wesportz

Published

on

वेल्स कप्तान ग्यारेथ बेल आफ्नो टोली डेनमार्कसंग नराम्ररी पराजित हुदै युरो कपबाट बाहिरिएपछि उनको राष्ट्रिय टोलीको भविष्यलाई लिएर गरिएको प्रश्नमा अन्तर्वार्ता छोडेर हिडेका छन् ।

शनिबार क्यास्पर डोल्बर्गले दुई गोल गरेपछि वेल्स डेनमार्कसंग ४-० को फराकिलो अन्तरले पराजित हुंदै अन्तिम १६ बाट बाहिरियो । यसअघि फ्रान्समा भएकोअघिल्लो संस्करणको सेमिफाइनल खेलेको वेल्सका लागि शनिबारको हार लज्जास्पद रहन पुग्यो ।

३१ बर्षिय बेललाई खेल समाप्त पछि मैदानमै हुने अन्तर्वार्तामा अब उनको वेल्ससंगको भविष्य के हुनेभनेर प्रश्न आउने बित्तिकैउनी माइक छोडेर गएका थिए । बेलको कदमलाई वेल्स प्रशिक्षक रोबर्ट पेजले एकदम सही भएको भन्दै सोधिएको प्रश्नलाई असंवेदनशीलको रुपमा व्याख्या पनि गरेका थिए ।

“तपाईलाई हिजो पनि के यो खेल तपाईको वेल्सका लागि अन्तिम हुने भनेर सोधिएको थियो र तपाईले कम से कम पनि अर्को मौका पाउनु पर्ने बताउनु भएको थियो,” बिबिसीका एक पत्रकारको यो प्रश्न पुरा हुन नपाउदै क्रुद्ध देखिएका बेल क्यामेरा छोडेर हिडे ।

“चेन्जिंग रुममा अन्य खेलाडीहरु सरह उनी पनि निराश छन् । उनी किन आफ्नो भविष्यको बारेमा अहिले उत्तर दिन्छन् जस्तो लागिरहेको छ तपाईलाई , वेल्स प्रशिक्षक पेजले भने ।

“मेरो लागि यो निकै नै असंवेदनशील प्रश्न हो । मैदानबाट भर्खरै हारको सामना गरेर फर्किएका खेलाडीलाई यस्तो प्रश्न सोध्नुको कुनै तर्क छैन । यस्तो क्षणमा हारको चोट आलै हुन्छ र मेरो लागि उनले अन्तर्वार्ता छोडेर जानु एकदम सही निर्णय थियो,” पेजले समर्थन जनाए ।

अन्तर्वार्ताबाट हिड्नु अघि बेलले रेफ्रिको निर्णयले खेलमा प्रभाव पारेको बताएका थिए । डेनमार्कले दोश्रो गोल गर्दा किफर मुरमाथि फउल भएकोमा उनी अडिग थिए । डोल्बर्गले दोश्रो हाफको शुरुवातमै गोल गरे लगत्तै बेलले जर्मन रेफ्रि ड्यानियल सिबर्टसंग मुरमाथि फउल भएको भन्दै अपिल गरेका थिए ।

दोश्रो गोलपछि वेल्स खेलमा पुनरागमन जनाउन पूर्ण रुपमा असफल भएको थियो । तपाईले कुनै खेलाडीलाई पछाडीबाट लडाउदै बल खोस्नु हुन्छ भने त्यो फउल हो । शायद रेफ्रि यो खेलमा दर्शकबाट प्रेरित हुनु भयो, बेलले भने ।

Continue Reading

Headline

भलिबललाई केल्मीको साथ

wesportz

Published

on

खेल सामाग्री उत्पादन संस्था केल्मे र नेपाल भलिबल संघविच सहकार्य गर्ने गरि सोमबार सम्झौता भएको छ । नेपालका लागि आधिकारीक विक्रेता केल्मे नेपालका तर्फबाट कन्ट्रि डाईरेक्टर प्रदीप न्यौपाने र नेपाल भलिबल संघका तर्फबाट अध्यक्ष मनोरञ्जन रमण शर्माले हस्ताक्षर सहित सम्झौता पत्र आदान प्रदान गरे ।

पहिलो पटक २ बर्षका लागि भएको सम्झौता बमोजिम केल्मेले पहिलो बर्ष महिला र पुरुष नेपाली भलिबल टोलीका लागि २० । २० सेट ट्रायकसुट, नि प्याड, अफिसियल जर्सी, मोजा, जुत्ता, २५० थान भलिबल, नेट र ट्रेनिङ्ग जर्सी प्रदान गर्ने छ । अव नेपाली भलिबल टोलीले स्पेनिस खेल सामाग्री उत्पादक संस्था केल्मेको आधिकारीक सामाग्रीलाई आफ्नो ब्राण्ड बनाउने छ ।

सम्झौता पश्चात बोल्दै डाईरेक्टर न्यौपानेले नेपालको राष्ट्रिय खेल भलिबललाई केल्मीले अग्रभागमा राखेर अगाडी बढेको भन्दै पहिलो पटक २ बर्षको लागि सम्झौता भएको बताए । उनले नेपालमा फुटबलबाट सुरुभएको सहयोगको सिलसिला एपिएफ क्लब हुँदै भलिबल सम्म आईपुगेको बताए । उनले फुटबलमा केल्मेले गरेको सहयोगले अरु कम्पनीहरुले समेत प्रतिस्पर्धा गर्न थालेको भन्दै यो अवस्था भलिबलमा लागु होस् भन्ने कामना रहेको बताए ।

न्यौपानेले खेलाडीहरुको भविष्य सुनिश्चित गर्नु संघको दायित्व भएको भन्दै टिम प्रशिक्षणलाई निरन्तरता प्रदान गरेमा मात्र नतिजा प्राप्त हुने बताए । उनले नेपाली टोलीको आफ्नै लोगो र पहिचानको जर्सी आई पुग्न समय लागेका कारण अहिलेनै मुल्यमा त्यसलाई उजागर गर्न नसकेको र सामान आए पश्चात उक्त कुरालाई उजागर गर्ने बताए ।

Continue Reading

Headline

मुम्बईलाई पाँचौं पटक आईपीएलको उपाधि, पहिलो पटक फाइनल खेलेको दिल्ली उपविजेतामा सिमित

wesportz

Published

on

दिल्ली क्यापिटल्स माथि पाँच विकेटको सहज जित हात पार्दै साबिक विजेता मुम्बई इन्डियन्सले १३ औं संस्करणको इन्डियन प्रिमियर लिग (आईपीएल) को उपाधि चुमेको छ ।

योसँगै मुम्बईको पाँचौं आईपीएल उपाधि हो । मुम्बईले यस अघि सन् २०१३, सन् २०१५, सन् २०१७ र सन् २०१९ मा आईपीएलको उपाधि चुमेको थियो । पहिलो पटक आईपीएलको फाइनल खेलेको दिल्ली भने उपविजेतामा चित्त बुझाउन बाध्य भएको छ ।

दिल्लीले दिएको १५७ रनको लक्ष्य पक्ष्याएको मुम्बईले १८ दशमलब चार ओभर खेल्दै पाँच विकेटको नोक्सानीमा जित हात पार्यो ।

मुम्बईको जितमा कप्तान रोहित शर्माले सर्वाधिक ६८ रन बनाए भने ओपनर क्विन्टन डि ककले २०, सुर्य कुमार यादवले १९ रनको योगदान दिए भने इशान किशानले अविजित ३३ रनको पारी खेले ।

यस अघि दुबई अन्तरास्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको दिल्लीले पुरै २० ओभर खेल्दै छ विकेटको नोक्सानीमा १५६ रनको मध्यम योगफल बनायो ।

अविजित रहेका दिल्लीका कप्तान श्रेयस ऐयरले ५० बलमा छ चौका र दुई छक्काको मद्धतमा सर्वाधिक ६५ रन बनाए भने रिशब पन्तले पनि आक्रमक पारी खेल्दै ३८ बलमा चार चौका र दुई छक्काको मद्धतमा ५६ रनको पारी खेले ।

निकै नै खराब सुरुवात गरेको दिल्लीको लागि कप्तान श्रेयस ऐयर र रिशब पन्त दुबैले अर्धशतकीय पारी खेल्दै पारी सम्हालेका थिए । २२ रनमा तीन विकेट गुमाएको दिल्लीको पारी सम्हाल्ने क्रममा ऐयर र पन्तले चौथों विकेटका लागि ६९ बलमा ९६ रनको साझेदारी गरे ।

ओपनर मार्कस स्टोइनिस गोल्डेन डक आउट भए भने अर्का ओपनर शिखर धवनले पनि १५ रन भन्दा बनाउन सकेनन् । त्यस्तै तेश्रो नम्बरमा ब्याटिङ गर्न आएका अजिंक्य रहाने र शिम्रोन हेट मायरले पनि क्रमश दुई र पाँच तथा अक्सर पटेलले पनि नौं रन भन्दा जोड्न सकेनन् ।

दिल्लीलाई मध्यम स्कोरमा रोक्ने क्रममा मुम्बईका ओपनर बलर ट्रेन्ट बोल्टले चार ओभरमा ३० रन खर्चिएर सर्वाधिक तीन विकेट हात पारे ।

मुम्बई पहिलो क्वालीफायरमा दिल्लीलाई नै तथा दिल्ली दोश्रो क्वालिफायरमा सनराईजर्स हैदराबादलाई १७ रनले पराजित गर्दै पहिलो पटक फाइनलको यात्रा तय गरेको हो । दिल्लीको सबैभन्दा राम्रो प्रदर्शन गत संस्करणमा रहेको थियो । गत बर्ष दिल्लीले तेश्रो स्थान हात पारेको थियो । चार पटक आईपीएलको उपाधि चुमेको मुम्बई भने छैठौं पटक फाइनल खेलेको हो ।

मुम्बईले दिल्लीलाई यस अघि खेलेका तीन खेलमा नै पराजित गरेको थियो । दिल्लीलाई पहिलो क्वालीफायरमा ५७ रनले पराजित गर्दै मुम्बईले फाइनलमा आफ्नो स्थान सुरक्षित गरेको थियो । त्यस्तै दिल्ली समुह चरणको दुबै खेलमा मुम्बईसँग क्रमश पाँच र नौं विकेटले पराजित भएको थियो ।

Continue Reading
Headline27 mins ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline5 hours ago

डि ककको शतकमा भारतलाई विशाल लक्ष्य 

Headline7 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline13 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline1 day ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!