लखनउ सुपर जायन्ट्स माथि २४ रनको फराकिलो जित निकाल्दै राजस्थान रोयल्स जारी इन्डियन प्रिमियर लिग (आईपीएल) को अंक तालिकाको दोश्रो स्थानमा उक्लिएको छ ।

समान १३-१३ खेल खेलेका राजस्थान र लखनउको समान १६-१६ अंक रहे पनि नेट रन रेटका आधारमा राजस्थान अंक तालिकाको दोश्रो स्थानमा तथा लखनउ तेश्रो स्थानमा छन् । लगातार दुई खेलमा पराजित हुँदा लखनउले प्लेअफमा पुग्नका लागि अन्तिम खेल सम्म कुर्न पर्ने भएको छ भने आजको जितले राजस्थानले पनि प्लेअफको सम्भावना कायमै राखेको छ ।

यस सिजन गुजरात पहिलो स्थानमा रहँदै प्लेअफमा पुग्ने पक्का भएको छ भने अझै पनि चेन्नाई र मुम्बई बाहेक बाँकी सात टोलीको प्लेअफको आशा जीवितै छ ।

प्लेअफमा स्थान सुरक्षित गर्नका लागि १७९ रनको चुनौतिपूर्ण लक्ष्य लिएर ब्याटिङमा आएको लखनउले पुरै २० ओभर खेले पनि आठ विकेट गुमाएर १५४ रन भन्दा जोड्न सकेन ।

लखनउका दिपक हूडाले ३९ बलमा ५९, मार्कस स्टोइनिसले १७ बलमा २७, कुर्नाल पान्ड्याले २५  तथा कप्तान केएल राहुलले १० रन बनाए भने अन्य ब्याटरले दोहोरो अंकमा रन जोड्न नसक्दा लखनउले खेलमा हारको मात्र सामना गरेन प्लेअफको लागि अर्को खेल सम्म कुर्न पर्ने भयो ।

लखनउलाई रोक्ने क्रममा ट्रेन्ट बोल्ट, प्रसिध कृष्णा र ओबेड म्याककोएले समान २-२ विकेट लिए भने युज्बेन्द्र चाहल र रविचन्द्रन अश्विनले पनि समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित ट्रेन्ट बोल्टले चार ओभरमा मात्र १८ रन दिए ।

यस अघि खेलमा टस जितेर पहिले ब्याटिङ गरेको राजस्थानले पुरै २० ओभर खेल्दै ६ विकेट गुमाएर १७८ रनको चुनौतिपूर्ण योगफल बनायो ।     

राजस्थानको तर्फबाट ओपनर जस बटलरले बाहेक सबै ब्याटरले दोहोरो अंकमा रन जोडे । राजस्थानका ओपनर यशस्वी जैसवालले २९ बलमा सर्वाधिक ४१ रन बनाए भने देवदत्त पड्डीकलले १८ बलमा आक्रामक ३९ तथा कप्तान सन्जु सामसनले ३२ रनको पारी खेले । 

ओपनर रिद्दिमन साहले अर्धशतक प्रहार गर्दा शीर्ष स्थानमा रहेको गुजरात टाइटान्सले  इन्डियन प्रिमियर लिग (आईपीएल) को जारी सिजनको आफ्नो १३ औँ खेलमा  यस अघि नै समुह चरणबाट नै बाहिरी सकेको चेन्नाई सुपर किंग्स माथि सात विकेटको सहज जित हात पारेको छ । आजको खेलमा जित निकाल्दै गुजरातले पहिलो स्थानमा आफ्नो पकड बनाएको छ । 

खेलमा टस जितेर पहिले ब्याटिङ गरेको चेन्नाईले २० ओभर खेल्दै पाँच विकेट गुमाएर १३३ रन भन्दा जोड्न सकेन भने गुजरातले तीन विकेटको क्षेतीमा पाँच बल अगावै लक्ष्य पार गर्यो ।

गुजरातको जितमा खेलको प्लेयर अफ द म्याच घोषित विकेट किपर तथा ओपनर रिद्दिमन साहले ५७ बल खेल्दै आठ चौका र एक छक्का सहित अविजित ६७ रन बनाए । त्यस बाहेक म्याथ्यु वेडले २०, ओपनर शुमबन गिलले १८ तथा डेविड मिलरले अविजित १५ रनको योगदान दिए ।

यस अघि रुतुराज गायकवाडले सर्वाधिक ५३, नारायण जगदिसनले अविजित ३९ तथा मोईन अलीले २१ रन बनाए पनि अन्य ब्याटरहरुले दोहोरो अंकमा रन जोड्न सक्दा चेन्नाई सानो योगफलमा नै रोकिन पुग्यो ।

चेन्नाईलाई सानो स्कोरमा रोक्ने क्रममा मोहम्मद शामीले चार ओभरमा १९ रन दिएर सर्वाधिक दुई विकेट लिए ।     

आन्द्रे रसेलले अलराउण्ड प्रदर्शन गर्दा सनराइजर्स हैदराबादले १५ औँ संस्करणको इन्डियन प्रिमियर लिग (आईपीएल) को ६१ औँ खेलमा कोलकाता नाइट राइडर्ससँग ५४ रनको लज्जास्पद हारको सामना गरेको छ ।

आजको खेलमा हारको सामना गर्दा हैदराबादको प्लेअफको यात्रा कठिन बनेको छ भने जित निकाल्न सफल कोलकाताले आफ्नो सम्भावना कायमै राखेको छ । जित निकाल्दै महत्वपूर्ण दुई अंक जोडेको कोलकाता १३ खेल पछि १२ अंकका साथ अंक तालिकाको छैटौँ स्थानमा उक्लिएको छ भने एक खेल कम खेलेको हैदराबाद १० अंकका साथ अंक तालिकाको आठौँ स्थानमा झरेको छ ।

सुरुवाती दुई खेलमा हार बेहोरेको हैदराबादले त्यस पछिका पाँच खेलमा लगातार जित निकाल्दै प्लेअफको सम्भावना बलियो बनाएको थियो । तर त्यस पछिका लगातार पाँच खेलमा हारको सामना गर्दा उसको प्लेअफको यात्रा निकै कठिन बनेको छ ।

मध्य सुरुवात गरे पनि आन्द्रे रसेलले पारीको अन्यमा आक्रामक पारी खेल्दा खेलमा टस जितेर पहिले ब्याटिङ गरेको कोलकाताकाले २० ओभरमा ६ विकेट गुमाएर १७७ रनको चुनौतिपूर्ण योगफल बनायो । आन्द्रे रसेलले घातक बलिङ गर्दा हैदराबादले पुरै २० ओभर खेल्दै आठ विकेट गुमाएर १२३ रन मात्र जोड्न सक्यो ।

कोलकाताको लागि सर्वाधिक रन जोड्दै खेलको प्लेयर अफ द म्याच घोषित आन्द्रे रसेलले २८ बल खेल्दै तीन चौका र पाँच छक्का सहित अविजित ४९ रन बनाए । त्यस्तै उनले बलिङमा चार ओभरमा २२ रन दिएर सर्वाधिक तीन विकेट हात पारे ।        

रसेल बाहेक कोलकाताको पारीमा साम बिलिंग्सले ३४, ओपनर अजिंक्य रहानेले २८, नितिश राणाले २६ तथा कप्तान श्रेयस ऐयरले १५ रन जोडे ।

बलिङमा रसेल बाहेक टिम साउथीले दुई विकेट लिए भने उमेश यादव, सुनिल नारायण र वरुण चक्रवर्तिले समान १-१ विकेट आफ्नो नाममा दर्ता गराए ।

हैदराबादका ओपनर अभिषेक शर्माले ४३, ऐडेन मार्क्रमले ३२ तथा शशांक सिंहले ११ रनको पारी खेले भने अन्य ब्याटरले दोहोरो अंकमा रन जोड्न सकेनन् ।