Connect with us

Headline

युरोपियन राउण्ड अपः रियलको पहिलो जित, इन्टरको उत्कृष्ट पुनरागमन, डर्टमण्डको अप्रत्याशित हार

wesportz

Published

on

सर्जियो रामोसले पेनाल्टीमा गोल गरेपछि रियल म्याड्रिडले स्पेनिस ला लिगामा पहिलो जित हात पार्दै रियल बेटिसलाई ३–२ ले हराउन सफल भएको छ ।

अवे खेलमा डिफेन्डिङ्ग च्याम्पियन पहिलो हाफमा २–१ ले पछि परेको थियो तर एमर्सन खेलका खलनायाक भएपछि रियलले पुनरागमन गर्दै सिजनको पहिलो जित हात पार्न सफल भयो । रियलले १४ औं मिनेटमै फेडेरिको भाल्भर्डेको गोलमार्फत अग्रता लिएको थियो ।

एसा मान्डी र विलियम कार्भाल्होले तीन मिनेटको अन्तरालमा दुई गोल गरेपछि रियल बेटिसले २–१ को अग्रता हात पार्यो । दोश्रो हाफ शुरु भएको तेश्रो मिनेटमै एभर्सनले आत्मघाती गोल गर्दा रियल बराबरी गर्न सफल भयो ।

६७ औं मिनेटमा लुका जोभिचमाथि गरेको फउलका कारण बार्सिलोनाबाट लोनमा आएका एमर्सनले दोश्रो पहेलो कार्ड खादै मैदान बाहिरिए । ८२ औं मिनेटमा भिडियो असिस्टेन्ट रेफ्रिले मार्क बार्टाले हातले बल क्लियर गरेको देखाएपछि रियलले पेनाल्टी पायो र त्यसमा रामोसले गोल गरे ।

ला लिगामा १८ महिनाअघि जिदानको नियुक्ति पछि रियालले पहिलो पटक पहिलो हाफमै दुई गोल खाएको हो । रियल पहिलो खेलमा रियल सोसिडाडसँग बराबरीमा रोकिएको थियो भने बेटिसले पहिलो दुई खेलमा आलाभेस र रियल भालाडोलिडलाई हराउदै उत्कृष्ट शुरुवात गरेको थियो ।

शनिबार नै भएको अर्को खेलमा सोसिडाडले एल्चेसलाई ३–१ ले हरायो भने भ्यालेन्सिया हुवेस्कासँग १–१ को बराबरीमा रोकियो । यस्तै आलाभेस र गेटाफेले गोलरहित बराबरी खेलेका थिए ।

इन्टरको उत्कृष्ट पुनरागमन

इटालियन सिरी आ मा अन्तिम निर्धारित समयको तीन मिनेट बाकी हुदासम्म दुई गोलले पछि रहेको इन्टर मिलानले फ्रांक रिबेरी प्रेरित फियोरेन्टिनामाथि ४–३ को सनसनीपूर्ण जित हात पार्यो । सान सिरोमा इन्टरले रिबेरी स्थानान्तरण हुने बित्तिकै दुई गोल गर्दै पुनरागमन गरेको थियो ।

रोमेलु लुकाकुले ८७ र ड्यानिले डिएम्ब्रोसियोले ८९ औं मिनेटमा गोल गरेपछि इन्टरले तीन अंक खोसेको थियो । तीन अंक महत्वपूर्ण हो तर हामीले हाम्रो खेलको राम्रो समिक्षा गर्न आवश्यक छ, कोन्टेले भने ।

अघिल्लो सिजन युभेन्टससँग एक अंकले मात्र पछि परेको इन्टर तेश्रो मिनेटमै क्रिष्चियन कुवामेको गोलले पछि परेको थियो । लउटारो मार्टिनेजले ४५ औं मिनेटमा गोल फर्काउदै पहिलो हाफलाई बराबरीमा टुङ्गाएका थिए ।

दोश्रो हाफ शुरु भएको सात मिनेटमै फेडेरिको सेचेरिनीले आत्मघाती गोल गर्दा इन्टर अगाडी बढ्यो तर गेटानो कास्ट्रोभिली र फेडेरिको चिएसाले गोल गर्दै फियोरेन्टिनालाई फेरि खेलमा अग्रता दिलाएका थिए ।

शनिबार नै अघिल्लो सिजन युभेन्टसलाई राम्रो टक्कर दिएका एट्लान्टा र लाजियोले पनि आ–आफ्नो खेलमा जित हात पारे । लाजियोले काग्लियारीलाई २–० ले हराउदो मानुएल लाजारी र सिरो इमोबिलेले गोल गरेका थिए । एट्लान्टाले टोरिनालाई ४–२ ले पराजित गर्यो । यस्तै बेनेभेन्तोले साम्पडोरियालाई ३–२ ले पराजित गर्यो ।

डर्टमण्डको अप्रत्याशित हार

जर्मन बुन्डेसलिगामा उपाधिको दाबेदार बायर्न म्युनिखको चीर प्रतिद्वन्दी बोरुसिया डर्टमण्ड अस्बर्गसँग २–० गोलले अप्रत्याशित रुपमा पराजित भयो । घरेलु मैदानमा करिब ६ हजार समर्थकलाई खुशी बनाउने क्रममा अस्बर्गका लागि फेरिक्स उडुवाखईले हेडरमार्फत अग्रता दिलाए ।

उडुवाखाईको गोलमा फ्रि किक प्रहार गरेका ड्यानिएल कालिगिउरीले ५४ औं मिनेटमा दोश्रो गोल गरेका थिए । शनिबारकै अन्य खेलमा आरबी लाइपजिगले बायर लेभरकुसनसँग १–१ को बराबरी गर्यो भने वर्डर ब्रेमनले साल्केलाई ३–१ हरायो ।

Headline

बि डिभिजन: पुलचोक र श्री भगवतीको बराबरी

wesportz

Published

on

शहिद स्मारक बि डिभिजन लिग अन्तर्गत शनिबार भएको पहिलो खेलमा रेलिगेसन जोनमा रहेका पुलचोक स्पोर्टस क्लब र श्री भगवती क्लबले गोलरहित बराबरी खेलेका छन् ।

पुलचोकले पहिलो हाफमा केही मौका बनाए पनि सदुपयोग गर्न सकेन । श्री भागवतीका लागि भने दुई पटक बल पोस्टमा लाग्द गोल गर्न सकेन । १२ औँ मिनेटमा मोहन बहादुर थापा मगरले गरेको प्रहर पोस्टमा लग्न पुग्यो ।

दोस्रो हाफमा पनि श्री भागवतीले बनाएको मौकाहरु गोल हुन सकेन । ४८ औँ मिनेटमा आरोन थापाले गरेको प्रहर फेरी क्रसबारमा लग्न पुग्दा श्री भगवती अग्रता लिना चुक्यो । फेरी पनि ५२ औँ मिनेटमा खाली पोस्टमा श्री भगवतीका लागि एलन थापाले गोल गर्न सकेनन् । ८८ औँ मिनेटमा श्री भागवतीले अर्को मौका पायो तर लगतार श्री भगवतीको प्रहारहरुलाई पुलचोकका राम बहदुर तमाङले र लक्षुमन तमाङले गोललाइनबाट क्लियर गर्दिएका थिए ।

बराबरीसँगै पुलचोक दुई अंकका साथ १२ औँ स्थानमा रहेको छ भने श्री भगवती नवौँ स्थानमा रहेको छ ।

Continue Reading

Headline

बायर्न म्युनिख समर्थकले भन्ने ‘मिया सान मिया’ के हो ?

wesportz

Published

on

‘मिया सान मिया’ यो नारा धेरै बायर्न म्युनिखका खेलाडीहरुले च्याम्पियन्स लिग, बुन्डेसलिगा र अन्य कुनै प्रतियोगिता जिते पछि ठुला-ठुला आवाज चिच्याइरहेका हुन्छन् । तर यो मिया सान मिया भनेको चाँही के होला त ?

बार्सिलोनाको ‘मेस क्वे अन क्लब’ र लिभरपुलको ‘यु विल नेभर वाक अलोन’, यी वाक्यहरुले उनीहरूको टोली, क्लबको अर्थ र परिचयसँग जोडिएको छ ।

यस्तै बायर्न म्युनिखको पनि आफ्नै एक मोटो छ र त्यो हो मिया सान मिया तर यो भनेको के होला ? पढौँ यो रिपोर्ट:

मिया सान मिया भनेको के हो ?

“मिया सान मिया” आफैंमा जर्मन वाक्यांश “वाइर सिन्ड वायर” को बाभेरियन भाषाको एक वाक्य हो, जसको अंग्रेजीमा अनुवाद “हामी जो हौँ त्यही हौँ ” हुन्छ ।

यो वाक्यांश हरेक बायर्न म्युनिख समर्थक र खेलाडीको मुटुमा बसेको छ । यो वाक्य पहिलो पटक १९ औँ शताब्दीमा अष्ट्रो-हङेरियन साम्राज्य हुँदा उत्पन्न भएको मानिन्छ । त्यस पछि भने जर्मन राजनीतिज्ञ फ्रान्ज जोसेफ स्ट्रौसले नियमित रूपमा सन् १९६१ देखी १९८८ सम्म बभेरियामा क्रिश्चियन सामाजिक संघको अध्यक्ष रह्दा नियमित रुपमा भनेका थिए ।

बिस्तारै मिया सान मियाको चर्चा चुलिदै गए पछि १९८० को दशकमा भने बायर्न म्युनिखले लगतार तीन वर्ष युरोपियन कप जिते पछि यो आफ्नो नारा भएको दावी गरेको थियो । त्यो समय बायर्न म्युनिखका लागि यो नाराको निकै गहिरो अर्थ लाग्ने गर्थ्यो ।

तर बायर्नको मिया सान मिया सँग गहिरो सम्बन्ध भने १९८७ को युरोपियन फाइनल देखी सुरु भएको थियो । बायर्नका लेजेण्ड खेलाडीहरु हंस फ्लुगर लुडविग कोगल र हन्सी डोर्फनरले फाइनल सुरु हुनु भन्दा अगाडि खेलाडीहरुलाई हौस्याउन मिया सान मिया को शव्दमा ताल मिलाउदै गीत बनाउदै ड्रेसिङ रुममा गाएका थिए ।

तर फाइनलमा पोर्टोसँग पराजित भए पनि बायर्नलाई मिया सान मियाको लतले छोडेन । निकै प्रतिस्पर्धात्मक फाइनलमा अन्तिम मिनेट सम्म खेलेका बायर्नका खेलाडीका लागि मिया सान मियाले झन ठुलो अर्थ बोक्न पुग्यो । अहिले पनि यो नारा बायर्नको घरेलु र अन्तराष्ट्रिय सम्बन्धसँग बाँधिन पुगेको छ ।

“मिया सान मियाले हामीलाई सफलताका लागि निकै हौस्याउछ,” बायर्न स्टार थोमस मुलरले भने । “हामी कहिले काही हारिसकेको खेल पनि मिया सान मियाको गर्हिरो अर्थका कारण जित्ने गर्छौ । यसले बायर्नका खेलाडीलाई छुट्टै उर्जा दिन्छ,” उनले भने ।

“मिया सान मियाले बायर्नको जितका लागि खेलाडीहरुमा एउटा सशक्त मानसिकता स्थापित गर्छ । यसले खेलाडीहरुमा ठुलो आत्मबिश्वास भर्दिन्छ । जसले परिश्रम गर्दै मिया सान मियाका साथ अघि बड्छ त्यसले सफलता पाँउछ,” मुलरले भने ।

Continue Reading

Headline

पिएसएल खेल्न उड्दै सन्दिप

wesportz

Published

on

नेपाली राष्ट्रिय क्रिकेट टोलीका लेग स्पिनर सन्दिप लामिछाने पाकिस्तान सुपर लिग (पिएसएल) खेल्नका लागि आज पाकिस्तान उडेका छन् । सन्दिपले यस पटकको पिएसएलमा आफ्नो पुरानै टोली लाहोर कलन्दर्सबाट नै खेल्ने भएका हुन् । उनी कतार हुँदै पाकिस्तान पुग्ने छन् ।

यस अघि ड्राफ्टमा कुनै पनि टोलीले सन्दिपलाई लिएको थिएन । तर लाहोरका लेग स्पिनर रशिद खान घाइते भएका कारण तथा अफगानिस्तानले जिम्बाब्वे विरुद्ध टेस्ट खेल्ने भए पछि सन्दिपले पिएसएल खेल्ने मौका पाएका हुन् ।

अघिल्लो सिजन पनि कुनै पनि टोलीमा आबद्ध नभएका सन्दिपले सन् २०१९ को सिजनमा पनि लाहोरबाट नै खेलेका थिए । उक्त सिजन उनले सात खेल्दै ११ विकेट आफ्नो नाममा दर्ता गराएका थिए ।

पिएसएलको जारी सिजनमा तीन खेल खेलेको लाहोर चार अंकका साथ तेश्रो स्थानमा रहेको छ । उसले दुई खेलमा जित निकाल्दा एक खेलमा भने पराजय भोगेको छ ।

Continue Reading
Headline1 hour ago

बि डिभिजन: पुलचोक र श्री भगवतीको बराबरी

Headline3 hours ago

बायर्न म्युनिख समर्थकले भन्ने ‘मिया सान मिया’ के हो ?

Headline4 hours ago

पिएसएल खेल्न उड्दै सन्दिप

Headline6 hours ago

प्रिमियर लिगमा आज: सिटीलाई अपराजित यात्राा कायम राख्ने अवसर, लिड्स र एस्टन भिल्ला भिड्दै

Headline22 hours ago

बि डिभिजन: मध्यपुरको पहिलो जित, टुसल पराजित

Headline24 hours ago

लिभरपुललाई अर्को बज्रपात, यसपटक कप्तान हेन्डरसन बाहिरिए

Headline1 day ago

बि डिभिजन: शिर्ष स्थानको भिडन्तमा सातदोबाटोको रोमान्चक जित

Headline1 day ago

रोनाल्डो विश्वको सबैभन्दा उत्कृष्ट खेलाडी हुन्ः ज्लाटन इब्राहिमोभिच

Headline2 days ago

नेपाललाई एसिया कपसम्म डोर्याउन चाहन्छन् प्रशिक्षक ग्यारी फिलिप्स

Headline2 days ago

कप्तान मल्ल राजर्षी गुरुकुलको खेलकुद सल्लाहकार नियुक्त

Headline2 months ago

१० फुटबलर जसले बार्सिलोना जान मानेनन्

Headline5 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending