Connect with us

Headline

सात महादेशका सात उत्कृष्ट खेलाडीहरु

wesportz

Published

on

पृथ्वीमा सात समुन्द्र छन्, विश्वका आश्चर्यहरु पनि सातवटै छन्, फुटबलमा लक्की मानिने नम्बर पनि सात नै हो । यस्तै पृथ्वीमा पनि सातै वटा महादेश छन् । फुटबल सर्वव्यापी खेलकुद हो र यो खेल मन नपराउने शायदै कोही होलान् । आज हामी हेर्दै छौ सात माहादेशका सात उत्कृष्ट खेलाडीहरु ।

एसिया – सन ह्युङ मिन (दक्षिण कोरिया)

टोटनह्यामका स्टार फर्वार्ड सन ह्युङ मिन युरोपका शिर्ष पाँच लिगमा खेल्ने थोरै एसियन खेलाडी मध्येका एक हुन् । सिन्जी कागावा देखी ओमार अब्दुल रहमन जस्ता प्रतिभावान खेलाडी एसियाले जन्माए पनि सन यि खेलाडी भन्दा निकै उत्कृष्ट देखिन्छन् ।

टोटनह्यामलाई २०१८–२०१९ को च्याम्पियन्स लिग फाइनलमा पुर्याउन ठुलो भूमिका खेलेका सनले दक्षिण कोरियाका लागि एसियन गेम्समा स्वर्ण पदक जितेका थिए । सन निकै प्रभावकारी खेलाडी हुन् । उनी मिडफिल्ड देखी फर्वार्ड जुन स्थानमा पनि खेल्न सक्छन् ।

अफ्रिका–मोहम्मद सलाह (इजिप्ट)

अफ्रिका महादेशका लागि उत्कृष्ट खेलाडी अहिलेको अवस्थामा मोहम्म्द सलाह नै हुन । सलाह इजिप्टमा भगवान सरह पुजिने गरेका छन् । अफ्रिकामा अरु उत्कृष्ट खेलाडीहरुको नाम उल्लेख गर्दा सेनेगलका सादियो माने, अल्जेरियाका रियाद माह्रेज र ग्याबोनका पिएरे–एमरेक औबामेयाङ भए पनि सलाह यो सुचीका उत्कृष्ट खेलाडी हुन् ।

इजिप्टलाई २०१८ को विश्वकपमा छनोट गराउनुका साथै लिभरपुल अहिले उत्कृष्ट टोली बन्नुमा पनि उनको अहम भुमिका रहेको छ । उनले लिभरपुलका लागि इङ्गलिस प्रिमियर लिग र च्याम्पियन्स लिग पनि जितिसकेका छन् ।

युरोप–क्रिष्चियानो रोनाल्डो (पोर्चुगल)

युरोप फुटबलका लागि निकै पागल महादेश हो । विश्वका सबै उत्कृष्ट क्लबहरु युरोप कै हुने गर्छन् । युरोपमा फुटबल खेल्नु बिश्वका हरेक कुनाको फुटबलरको सपना हो । अर्जेन्टिनाका मेस्सी देखी अफ्रिकाका हरेक खेलाडीले आफ्नो करिअर युरोपमै बनाएका छन् ।

क्रिष्चियानो रोनाल्डोलाई युरोप महादेशको उत्कृष्ट खेलाडी मान्न सकिन्छ । युरोपमा धेरै भन्दा धेरै उत्कृष्ट खेलाडीको रहेका छन् । रोबर्ट लेवानडोस्की, एडेन हाजार्ड, केविन डि ब्रुन र म्यानुयल नोयर ति खेलाडीहरुका उदाहरण मात्र हुन् ।

३४ बर्षको उमेरमा पनि युरोपमा राज गरिरहेका रोनाल्डो अहिले बिश्वका उत्कृष्ट खेलाडी रहेका छन् ।

उत्तर अमेरिका–केलोेर नाभास (कोस्टा रिका)

फुटबलका त्यति लोकप्रिय नरहेको उत्तर अमेरिकामा फिफा बरियतामा तीन देश मात्र शिर्ष २० मा अटाउने गर्छन् । यस महदेशमा मेक्सिको, अमेरिका र कोस्टा रिका मात्र फुटबलका लागि लोकप्रिय मानिन्छन् । पछिल्ला बर्षहरुमा अमेरिकाले निकै राम्रा खेलाडीहरु जन्माए पनि यो सुचीका लागि उत्तर अमेरिकाका उत्कृष्ट खेलाडी हुन् कोस्टा रिकाका केलोर नाभास ।

रियल म्याड्रिड र पिएसजीबाट खेलेका नाभासले तीन च्याम्पियन्स लिग र एक ला लिगा जितेका छन् । २०१८ मा कोस्टा रिकालाई विश्वकपसम्म डोर्याउन नाभासले प्रमुख भुमिका खेलेका थिए ।

दक्षिण अमेरिका–लियोनेल मेस्सी (अर्जेन्टिना)

बार्सिलोना स्टार लियोनेल मेस्सी दक्षिण अमेरिकाका उत्कृष्ट खेलाडी हुन् । दक्षिण अमेरिकालाई फुटबलिङ हब मान्ने गरिन्छ । विश्वका उत्कृष्ट खेलाडीहरुले जन्म लिएको यो महादेश फुटबलको एक पवित्र भुमि हो । मेस्सीको गोल र असिस्ट हेर्ने हो भने पनि उनी दक्षिण अमेरिकाले अहिले सम्म पएको सबैभन्दा उत्कृष्ट फुटबलर हुन् ।

अर्जेन्टिनालाई अन्तर्राष्ट्रिय प्रतियोगिताहरुको उपाधि जिताउन नसके पनि मेस्सीले २०१४ को विश्वकपमा ’गोल्डेन बल’ जितेका थिए । उनले २०१८ को विश्वकपका लागि पनि एक्लैले अर्जेन्टिनालाई अगाडि बढाएका थिए । नेमार, रोनाल्डिन्हो र रोनाल्डो जस्ता खेलाडीहरुको नाम अगाडि आए पनि मेस्सीलाई उत्कृष्ट नमान्ने समर्थकहरु कमै हुने गर्छन् । युरोपमै आफ्नो कारीअर बनाए पनि उनी अर्जेन्टिना र यो महादेशले पाएको विश्वस्तरिय खेलाडी हुन् ।

अष्ट्रेलिया र ओसेनिया – आरोन मुया (अष्ट्रेलिया)

प्रिमियर लिग क्लब म्यानचेस्टर सिटी, हडर्सफिल्ड टाउन र ब्राइटनबाट खेलेका आरोन मुया अहिले भने चाइनिज सुपर लिग क्लब सांघाइ सिपिगबाट व्यवसायिक फुटबल खेल्दै छन् । मुष अष्ट्रेलियाले आजको दिन सम्म पाएको सबैभन्दा प्रतिभाशाली खेलाडी हुन् । यस महादेशमा अष्ट्रेलिया र न्युजिल्यान्ड बाहेक कमै देशले उच्च स्तरमा फुटबल खेल्ने गर्छन् । अन्य खेलाडीहरुको तुलनामा अष्ट्रेलियाले निकै राम्रो खेलाडीहरुको बिकास गर्ने गरेको छ र त्यस्कै उदाहरण हुन मुया ।

अन्टार्टिका

अन्टार्टिका मानव बस्ती नभएको महादेश हो । त्यसैले त्यहाँ फुटबल खेल्ने पेंग्विनले मात्र हो ।

Headline

सकियो सन्दिपको दिल्लीसँगको यात्रा

wesportz

Published

on

इन्डियन प्रिमियर लिग (आईपीएल) टोली दिल्ली क्यापिटल्सले नेपाली राष्ट्रिय टोलीका लेग स्पिनर सन्दिप लामिछानेलाई फुकुवा गरेको छ । आगामी संस्करणको लागि दिल्लीले सन्दिप बाहेक इंग्ल्यान्डका ओपनर जेसन रोय र भारतका तिब्र गतिका बलर मोहित शर्मालाई पनि फुकुवा गरेको छ ।

सन् २०१८ को संस्करणमा तीन बर्षका लागि २० लाख भारतीय रुपैयाँ दिल्लीमा आबद्ध भएका सन्दिपलाई सन् २०२१ संस्करणको लागि दिल्लीले आफ्नो टोलीमा नराख्ने निर्णय लिएको हो । फेब्रुअरीमा हुने अक्सनको लागि टोलीहरुले खेलाडी फुकुवा गर्ने र खेलाडीहरुलाई आफ्नो टोलीमा राख्ने नाम आज सार्वजनिक गरेका हुन् ।

सन् २०१८ र सन् २०१९ को संस्करणमा कुल नौं खेल खेलेका सन्दिपले यस सिजन भने एक खेलमा पनि खेल्ने मौका पाएनन् । आफ्नो पहिलो सिजन तीन खेल खेल्ने मौका पाएका सन्दिपले पाँच विकेट हात पारेका थिए भने दोश्रो संस्करणमा छ खेल खेल्ने मौका पाउँदा आठ विकेट आफ्नो नाममा दर्ता गराएका थिए ।

आगामी संस्करण खेल्नका लागि सन्दिपलाई अन्य टोलीले अक्सनबाट आफ्नो टोलीमा समावेस गर्न पर्ने हुन्छ ।

Continue Reading

Headline

बिभागिय डर्बीमा पुलिस र आर्मीको बराबरी

wesportz

Published

on

राष्ट्रिय महिला फुटबल लिगको उद्घाटन खेलमा नेपाल आर्मी फुटबल क्लब र नेपाल पुलिस फुटबल क्लबले गोलरहित बराबरी खेलेका छन् । नेपाल पुलिसको सम्हालिएको डीफेन्सलाई तोड्न आर्मी असफल जस्तै रह्यो । पोजेसन आफ्नो पक्षमा पारे पनि आर्मीलाई नेपाल पुलिसले खुल्ने मौका दिएको थिएन ।

तेस्रो मिनेटमा आर्मीकी बिमला चौधरीले १८ यार्ड बक्स बाहिरबाट गरेको प्रहार पुलिसकी गोलकिपर सपना राईले रोकिदिइन ।

पाचौँ मिनेटमा आर्मीकी सपना लामाले ५ यार्ड बक्स नकिजबाट गरेको प्रहारले दिशा लिन सकेन। यस्तै सपनाले १३औं मिनेटमा पेनाल्टी एरिया बाहिरबाट गरेको प्रहार बाहिरिएको थियो ।

१६औं मिनेटमा पुलिसकी रन्जिता गुरुङले दायाँतर्फ बाट गरेको क्रसमा निरु थापाको ट्याप इन आर्मीकी गोलकिपर अन्जना राना मगरले बचाएकी थिइन् । १९औं मिनेटमा फेरि पनि पुलिसकी निर्मला बिकलाई आर्मीकी रक्षक सुनिता चौधरीले फाउल गरेपछि फ्रिकिक पाएको थियो ।

३० औँ मिनेटमा पुलिसकी निरु थापाले पेनाल्टी एरिया भित्रबाट गरेको प्रहार फ्रेममा नपर्दा पुलिस आग्रता लिनबाट चुक्यो ।

४४ औँ मिनेटमा आर्मीकी सपना लामाले खाली पोष्टमा गरेको प्रहार आफ्नै टोलीकी सुनिता चौधरीलाई लागेर फर्किदा पहिलो हाफ गोलरहित बराबरीमा सकिएको थियो ।

दोस्रो हाफमा पनि दुवै टोलीले गोल गर्न सकेनन् । ७१ औँ मिनेटमा आर्मीको इन्दिरा राइले गरेको प्रहार सपना राइले राम्रो बचाएकी थिइन। ८१ औँ मिनेटमा आर्मीको अर्को प्रहारलाई पुलिसकि मनि गुरुङले गोललाइनबाट किल्यर गरेकी थिइन । ८७ औँ मिनेटमा आर्मीकि रष्मी घिसिङको प्रहर पोस्टबाट थोरै बहिरिएको थियो । यस खेलसँगै दुवै टोलीले अंंक बाढेका छन् ।

Continue Reading

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading
Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending