Connect with us

Headline

साबिक विजेता मुम्बई पहिलो खेलमा नै पराजित

wesportz

Published

on

इन्डियन प्रिमियर लिग (आईपीएल) को आफ्नो पहिलो खेलमा नै साबिक बिजेता मुम्बई इन्डियन्स पराजित भएको छ । १३ औं संस्करणको आईपीएलको उद्घाटन खेलमा मुम्बई चेन्नाई सुपर किंग्ससँग पाँच विकेटले पराजित भएको हो ।

अम्बाती रयडु र फाफ डु प्लेसिसले अर्धशतक प्रहार गरे पनि जितका लागि १६३ रनको मध्यम लक्ष्य लिएर ब्याटिङमा आएको चेन्नाईले १९ दशमलब दुई ओभर खेल्दै पाँच विकेटको नोक्सानीमा जित दर्ता गराएको हो ।

ओपनरद्वय मुरली विजय एक रन र शेन वाटसन चार रन बनाएर आउट हुँदा खराब सुरुवात गरेको चेन्नाईको लागि रयडु र डु प्लेसिसले तेश्रो विकेटका लागि ११५ रन जोड्दै चेन्नाईको जितको आधार बुने । रयडु छ चौका र तीन छक्काको मद्धतमा ४८ बलमा ७१ बलमा दिपक चाहारको बलमा कट एण्ड बोल्ड भए भने डु प्लेसिसले पाँच चौका सहित ४४ बलमा अविजित ५५ रन प्रहार गरे ।

त्यस बाहेक रबिन्द्र जडेजा १० तथा साम कुर्रान १८ रनमा पेभेलियन फर्किए भने सन् २०१९ को विश्वकप सेमीफाइनल पनि पहिलो पटक खेलेका कप्तान महेन्द्र सिंह धोनी अविजित रहे पनि रनको खाता पनि खोल्न सकेनन् ।

यस अघि खेलमा टस हारेर पहिले ब्याटिङ गरेको मुम्बईले पुरै २० ओभर खेल्दै नौं विकेटको नोक्सानीमा मात्र १६२ रन बनाउन सक्यो ।

मुम्बईको तर्फबाट सौरभ तिवारीले ३१ बलमा तीन चौका र एक छक्काको मद्धतमा सर्वाधिक ४२ रन बनाए भने ओपनर क्विन्टन डि ककले पनि २० बलमा पाँच चौका सहित ३३ रनको पारी खेले ।

त्यस बाहेक कप्तान रोहित शर्मा १२, सुर्य कुमार यादव १७, हार्दिक पान्ड्या १४, काइरन पोलार्ड १८, कुर्नाल पान्ड्या तीन, जेम्स प्याटिनसन ११ रन बनाएर आउट भए ।

चेन्नाईका लुङ्गी एनगिदीले सर्वाधिक तीन विकेट हात पारे भने रबिन्द्र जडेजा र दिपक चाहारले पनि समान २-२ विकेट हात पारे । एनगिदीले चार ओभरमा ३८ रन तथा महँगो साबित भएका जडेजाले पनि चार ओभरमा ४२ रन खर्चिए । किफायती बलिङ गरेका लेग स्पिनर पियुष चावलाले चार ओभरमा २१ रन खर्चिएर मात्र एक विकेट हात पारे ।

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading
अन्तर्राष्ट्रिय1 hour ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय15 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline3 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!