Connect with us

Headline

धेरै ऋणको भारी बोकेका पाँच युरोपेली क्लबहरु

Published

on

युरोपियन फुटबल, अर्थात खरबौं डलरको व्यापार । युरोपका फुटबल क्लबहरुमा पैसाको ठुलै कारोबार हुन्छ । चाहे खेलाडी किन–बेचमा होस् वा उनीहरुलाई दिने तलबमा । त्यस्तै टोलीको जर्सी अथवा मुख्य प्रायोजक यी सबैमा करोडौं करोड डलरको कारोबार हुने गर्दछ ।

विश्वका धनाढ्य देखि अरब राष्ट्रहरुले पनि युरोपेली क्लबहरुमा प्रशस्तै लगानी गर्ने गरेका छन् । प्रत्येक बर्ष कुन क्लबले धेरै कमायो र कुन क्लबले धेरै खर्च गर्यो भन्ने समाचारले राम्रै स्थान पाउने गर्दछ ।

कोरोना भाइरसका कारण असर नपरेको कुनै पनि स्थान र व्यापार व्यवसाय छैन । फुटबल पनि यसबाट बन्चित रहन सकेको छैन । लामो समय खेल रोकिदा र प्रतियोगिताहरु फर्किए पनि दर्शकले रँगशालामा गएर खेल हेर्ने अवस्था नबनेका कारण यस पटक धेरै क्लबले आम्दानीको ठुलै हिस्सा गुमाउनु परेको छ । यसले गर्दा धेरै क्लबहरु ठुलै ऋणमा जाने लगभग निश्चित जस्तै छ ।

कुन क्लबले आगामी बर्षमा आम्दानी गर्नेछ र कुन क्लब घाटामा जानेछ भन्ने पछिका बर्षहरुमा थाहा भइहाल्न्छ । आज हामी अहिले सम्म धेरै ऋण भएका पाँच युरोपियन क्लबहरुबारे जान्नेछौं ।

५. युभेन्ट्स (३७२ मिलियन युरो)

पछिल्लो नौं संस्करण देखि इटालियन सिरी आ को बिजेता टोली हो युभेन्ट्स । तर पनि उ धेरै ऋण हुने क्लबको पाँचौ स्थानमा रहेको छ । युभेन्ट्सको कुल ऋण ३ सय ७२ मिलियन युरो रहेको छ । युभेन्ट्सको धेरै ऋण हुनुको मुख्य कारण भने पोर्चुगिज सुपरस्टार क्रिष्चियानो रोनाल्डो हुन् ।

हुन त रोनाल्डोलाई क्लबबा भित्र्याउन अघि पनि युभेन्टस ऋणमै रहेको थियो । तर रोनाल्डोलाई आफ्नो क्लबमा भित्रउन उसले एक सय मिलियन खर्च गर्यो भने उनलाई दिन पर्ने तलबमा पनि ठुलै रकम खर्च हुने गरेको छ ।

युभेन्ट्सले आम्दानी नै नगरेको भने होइन । उसले गत सिजन ३९ दशमलब ८ मिलियन युरो नाफा नै कमाएको थियो । खेलाडीको तलब, ट्रान्सफरमा गरेको खर्च र आफ्नो रँगशालाको निर्माणमा ठुलै रकम खर्चियो जसका कारण ऋण बढ्दै गयो ।

रोनाल्डोको आगमनसँगै च्याम्पियन्स लिगको उपाधि हात पार्दै आफ्नो ऋणमा केहि सुधार गराउने आशा अघिल्लो सिजन पुरा हुन नसके पनि यस सिजन फेरी युभेन्ट्सको आँखा युरोपको सबैभन्दा ठूलो क्लब फुटबल प्रतियोगिताको उपाधिमा नै हुनेछ ।

४. एट्लेटिको म्याड्रिड (३८४ मिलियन युरो)

स्पेनिस ला लिगा क्लब एट्लेटिको म्याड्रिडको कुल ऋण ३ सय ८४ मिलियन युरो रहेको छ । युभेन्टसको जस्तै म्याड्रिडको पनि धेरै खर्च खेलाडी भित्रयउदा र तलबमा नै खर्च हुने गरेको छ । अघिल्लो सिजन उसले जाओ फेलिक्सलाई १ सय २६ मिलियन खर्चदै अनुबन्ध गर्यो भने मार्कोस लोरेन्ट र किरान ट्रिपियरलाई पनि ठुलै रकम तिरेर भित्र्यायो ।

त्यस्तै एट्लेटिकोले आफ्नो प्रशिक्षक डिएगो सिमियोनेलाई पनि तलब स्वरुप ४० मिलियन खर्च गर्यो । कोरोनाका कारण खेलाडीहरुमा खर्चने तलबमा केहि कमी आएका कारण उसको ऋण केहि हदसम्म कम भए पनि उसले बनाएको नयाँ भव्य रंगशालाको ऋण अझै तिरिरहेको छ ।

३. इन्टर मिलान (४६१ मिलियन युरो)

इन्टर मिलान फोब्र्सले निकालेको सबैभन्दा मुल्यवान क्लबको सूचीमा १५ औं स्थानमा रहेको छ । तर पनि धेरै ऋण हुने क्लबको तेश्रो स्थानमा छ । इन्टरको कुल ऋण ४ सय ६१ मिलियन युरो रहेको छ ।

पछिल्लो समय कोरोनाका कारण धेरै क्लबहरुको आम्दानी घटेको कारण ऋण पनि बढेको छ । तर इन्टरको धेरै ऋण हुनुमा कोरोनाको प्रभाब नभएर इटालियन फुटबल हो । इटालियन फुटबलको कुल ऋण चार बिलियन युरो रहेको छ जसमा इन्टरको भागमा चार सय ६४ मिलियन युरो रहेको छ ।

अघिल्लो सिजनहरुमा खेलाडी भित्र्याउन ठुलो रकम खर्च गरेको कारण पनि इन्टरको धेरै ऋण रहेको हो । चिनिया सुनिङ ग्रुपको लगानी रहेको इन्टरले गत सिजन इटालियन सिरी आ मा दोश्रो स्थान हात पारेको थियो भने युरोपा लिगको फाइनलमा सेभियासँग पराजित भएको थियो ।

यस पटक च्याम्पियन्स लिगमा स्थान बनाउन सफल भएका कारण इन्टरको आम्दानी पक्कै बढ्ने नै छ तर पनि धेरै ऋण भएका कारण पुर्ण रुपमा ऋणमुक्त हुन भने उनीहरुलाई सजिलो छैन ।

२. टोटनह्याम हट्सपर (४८३ मिलियन युरो)

टोटनह्याम हट्सपर सर्वाधिक धेरै ऋण हुने क्लबको सुचीमा दोश्रो स्थानमा रहेको छ । उसको कुल ऋण ४ सय ८३ मिलियन युरो छ । टोटनह्यामको धेरै ऋण हुनुको मुख्य कारण हो उसको रँगशाला । इङ्गल्याण्डमा रहेका उत्कृष्ट र आधुनिक रँगशालामा पर्दछ टोटनह्यामको रँगशाला ।

उसले उक्त रँगशाला निर्माण गर्नका लागि अमेरिकन बैंक एचएसबीसी र गोल्डम्यान सास बैंकबाट ६ सय ३७ मिलियन पाउण्ड ऋण लिएको थियो । उक्त ऋणको किस्ता अहिले पनि टोटनह्यामले लगातार रुपमा तिर्दै छ ।

त्यस्तै लन्डन क्लबले खेलाडी तथा प्रशिक्षक होजे माउरिन्होलाई ठुलै रकममा तलब दिने गर्दछ भने खेलाडी भित्र्याउन पनि राम्रै खर्च गर्ने गरेको छ ।

१. म्यानचेस्टर युनाइटेड (५८६ मिलियन युरो)

विश्वको सबैभन्दा धनी र चर्चित क्लब हो म्यानचेस्टर युनाइटेड । त्यस्तै सबैभन्दा मुल्यवान फुटबल क्लबमा रियल म्याड्रिड र बार्सिलोना पछाडी तेश्रो स्थानमा रहेको युनाइटेड सबैभन्दा धेरै ऋण हुने क्लबको सुचीमा भने अग्रपंक्तिमा रहेको छ । युनाइटेडको कुल ऋण ५ सय ८६ मिलियन युरो रहेको छ ।

पछिल्लो समय ट्रान्सफर मार्फत खेलाडी बेच्दै ठुलै रकम हात पारे पनि उसको ऋणमा भने कमी आएको छैन । सन् २००५ मा ग्लेजर परिवारले युनाइटेड किने देखि नै उसको ऋण बढ्दै गएको छ । त्यस भन्दा पहिलो रेड डेभिल्सको कुनै पनि ऋण रहेको थिएन । लामो समय देखिको प्रिमियर लिगको उपाधिको खडेरीलाई तोड्ने कोशिशमा युनाइटेडले खेलाडी आफ्नो क्लबमा अनुबन्ध गर्नका लागि पनि पैसाको खोला बगाएको छ ।

पछिल्लो सिजन च्याम्पियन्स लिगमा फर्किएको युनाइटेडलाई आर्थिक लाभ भने पक्कै दिनेछ । तर पनि उसको ऋण धेरै भएकाले सन् २००५ अघि जस्तै ऋण बिहिन हुनका लागि आगामी सिजनहरुमा पनि राम्रो गर्दै जान पर्ने देखिन्छ ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!