Connect with us

Headline

धेरै ऋणको भारी बोकेका पाँच युरोपेली क्लबहरु

wesportz

Published

on

युरोपियन फुटबल, अर्थात खरबौं डलरको व्यापार । युरोपका फुटबल क्लबहरुमा पैसाको ठुलै कारोबार हुन्छ । चाहे खेलाडी किन–बेचमा होस् वा उनीहरुलाई दिने तलबमा । त्यस्तै टोलीको जर्सी अथवा मुख्य प्रायोजक यी सबैमा करोडौं करोड डलरको कारोबार हुने गर्दछ ।

विश्वका धनाढ्य देखि अरब राष्ट्रहरुले पनि युरोपेली क्लबहरुमा प्रशस्तै लगानी गर्ने गरेका छन् । प्रत्येक बर्ष कुन क्लबले धेरै कमायो र कुन क्लबले धेरै खर्च गर्यो भन्ने समाचारले राम्रै स्थान पाउने गर्दछ ।

कोरोना भाइरसका कारण असर नपरेको कुनै पनि स्थान र व्यापार व्यवसाय छैन । फुटबल पनि यसबाट बन्चित रहन सकेको छैन । लामो समय खेल रोकिदा र प्रतियोगिताहरु फर्किए पनि दर्शकले रँगशालामा गएर खेल हेर्ने अवस्था नबनेका कारण यस पटक धेरै क्लबले आम्दानीको ठुलै हिस्सा गुमाउनु परेको छ । यसले गर्दा धेरै क्लबहरु ठुलै ऋणमा जाने लगभग निश्चित जस्तै छ ।

कुन क्लबले आगामी बर्षमा आम्दानी गर्नेछ र कुन क्लब घाटामा जानेछ भन्ने पछिका बर्षहरुमा थाहा भइहाल्न्छ । आज हामी अहिले सम्म धेरै ऋण भएका पाँच युरोपियन क्लबहरुबारे जान्नेछौं ।

५. युभेन्ट्स (३७२ मिलियन युरो)

पछिल्लो नौं संस्करण देखि इटालियन सिरी आ को बिजेता टोली हो युभेन्ट्स । तर पनि उ धेरै ऋण हुने क्लबको पाँचौ स्थानमा रहेको छ । युभेन्ट्सको कुल ऋण ३ सय ७२ मिलियन युरो रहेको छ । युभेन्ट्सको धेरै ऋण हुनुको मुख्य कारण भने पोर्चुगिज सुपरस्टार क्रिष्चियानो रोनाल्डो हुन् ।

हुन त रोनाल्डोलाई क्लबबा भित्र्याउन अघि पनि युभेन्टस ऋणमै रहेको थियो । तर रोनाल्डोलाई आफ्नो क्लबमा भित्रउन उसले एक सय मिलियन खर्च गर्यो भने उनलाई दिन पर्ने तलबमा पनि ठुलै रकम खर्च हुने गरेको छ ।

युभेन्ट्सले आम्दानी नै नगरेको भने होइन । उसले गत सिजन ३९ दशमलब ८ मिलियन युरो नाफा नै कमाएको थियो । खेलाडीको तलब, ट्रान्सफरमा गरेको खर्च र आफ्नो रँगशालाको निर्माणमा ठुलै रकम खर्चियो जसका कारण ऋण बढ्दै गयो ।

रोनाल्डोको आगमनसँगै च्याम्पियन्स लिगको उपाधि हात पार्दै आफ्नो ऋणमा केहि सुधार गराउने आशा अघिल्लो सिजन पुरा हुन नसके पनि यस सिजन फेरी युभेन्ट्सको आँखा युरोपको सबैभन्दा ठूलो क्लब फुटबल प्रतियोगिताको उपाधिमा नै हुनेछ ।

४. एट्लेटिको म्याड्रिड (३८४ मिलियन युरो)

स्पेनिस ला लिगा क्लब एट्लेटिको म्याड्रिडको कुल ऋण ३ सय ८४ मिलियन युरो रहेको छ । युभेन्टसको जस्तै म्याड्रिडको पनि धेरै खर्च खेलाडी भित्रयउदा र तलबमा नै खर्च हुने गरेको छ । अघिल्लो सिजन उसले जाओ फेलिक्सलाई १ सय २६ मिलियन खर्चदै अनुबन्ध गर्यो भने मार्कोस लोरेन्ट र किरान ट्रिपियरलाई पनि ठुलै रकम तिरेर भित्र्यायो ।

त्यस्तै एट्लेटिकोले आफ्नो प्रशिक्षक डिएगो सिमियोनेलाई पनि तलब स्वरुप ४० मिलियन खर्च गर्यो । कोरोनाका कारण खेलाडीहरुमा खर्चने तलबमा केहि कमी आएका कारण उसको ऋण केहि हदसम्म कम भए पनि उसले बनाएको नयाँ भव्य रंगशालाको ऋण अझै तिरिरहेको छ ।

३. इन्टर मिलान (४६१ मिलियन युरो)

इन्टर मिलान फोब्र्सले निकालेको सबैभन्दा मुल्यवान क्लबको सूचीमा १५ औं स्थानमा रहेको छ । तर पनि धेरै ऋण हुने क्लबको तेश्रो स्थानमा छ । इन्टरको कुल ऋण ४ सय ६१ मिलियन युरो रहेको छ ।

पछिल्लो समय कोरोनाका कारण धेरै क्लबहरुको आम्दानी घटेको कारण ऋण पनि बढेको छ । तर इन्टरको धेरै ऋण हुनुमा कोरोनाको प्रभाब नभएर इटालियन फुटबल हो । इटालियन फुटबलको कुल ऋण चार बिलियन युरो रहेको छ जसमा इन्टरको भागमा चार सय ६४ मिलियन युरो रहेको छ ।

अघिल्लो सिजनहरुमा खेलाडी भित्र्याउन ठुलो रकम खर्च गरेको कारण पनि इन्टरको धेरै ऋण रहेको हो । चिनिया सुनिङ ग्रुपको लगानी रहेको इन्टरले गत सिजन इटालियन सिरी आ मा दोश्रो स्थान हात पारेको थियो भने युरोपा लिगको फाइनलमा सेभियासँग पराजित भएको थियो ।

यस पटक च्याम्पियन्स लिगमा स्थान बनाउन सफल भएका कारण इन्टरको आम्दानी पक्कै बढ्ने नै छ तर पनि धेरै ऋण भएका कारण पुर्ण रुपमा ऋणमुक्त हुन भने उनीहरुलाई सजिलो छैन ।

२. टोटनह्याम हट्सपर (४८३ मिलियन युरो)

टोटनह्याम हट्सपर सर्वाधिक धेरै ऋण हुने क्लबको सुचीमा दोश्रो स्थानमा रहेको छ । उसको कुल ऋण ४ सय ८३ मिलियन युरो छ । टोटनह्यामको धेरै ऋण हुनुको मुख्य कारण हो उसको रँगशाला । इङ्गल्याण्डमा रहेका उत्कृष्ट र आधुनिक रँगशालामा पर्दछ टोटनह्यामको रँगशाला ।

उसले उक्त रँगशाला निर्माण गर्नका लागि अमेरिकन बैंक एचएसबीसी र गोल्डम्यान सास बैंकबाट ६ सय ३७ मिलियन पाउण्ड ऋण लिएको थियो । उक्त ऋणको किस्ता अहिले पनि टोटनह्यामले लगातार रुपमा तिर्दै छ ।

त्यस्तै लन्डन क्लबले खेलाडी तथा प्रशिक्षक होजे माउरिन्होलाई ठुलै रकममा तलब दिने गर्दछ भने खेलाडी भित्र्याउन पनि राम्रै खर्च गर्ने गरेको छ ।

१. म्यानचेस्टर युनाइटेड (५८६ मिलियन युरो)

विश्वको सबैभन्दा धनी र चर्चित क्लब हो म्यानचेस्टर युनाइटेड । त्यस्तै सबैभन्दा मुल्यवान फुटबल क्लबमा रियल म्याड्रिड र बार्सिलोना पछाडी तेश्रो स्थानमा रहेको युनाइटेड सबैभन्दा धेरै ऋण हुने क्लबको सुचीमा भने अग्रपंक्तिमा रहेको छ । युनाइटेडको कुल ऋण ५ सय ८६ मिलियन युरो रहेको छ ।

पछिल्लो समय ट्रान्सफर मार्फत खेलाडी बेच्दै ठुलै रकम हात पारे पनि उसको ऋणमा भने कमी आएको छैन । सन् २००५ मा ग्लेजर परिवारले युनाइटेड किने देखि नै उसको ऋण बढ्दै गएको छ । त्यस भन्दा पहिलो रेड डेभिल्सको कुनै पनि ऋण रहेको थिएन । लामो समय देखिको प्रिमियर लिगको उपाधिको खडेरीलाई तोड्ने कोशिशमा युनाइटेडले खेलाडी आफ्नो क्लबमा अनुबन्ध गर्नका लागि पनि पैसाको खोला बगाएको छ ।

पछिल्लो सिजन च्याम्पियन्स लिगमा फर्किएको युनाइटेडलाई आर्थिक लाभ भने पक्कै दिनेछ । तर पनि उसको ऋण धेरै भएकाले सन् २००५ अघि जस्तै ऋण बिहिन हुनका लागि आगामी सिजनहरुमा पनि राम्रो गर्दै जान पर्ने देखिन्छ ।

Headline

रोनाल्डोको युभेन्टस र मेस्सीको बार्सिलोना च्याम्पियन्स लिगको एकै समूहमा। अरु क्लब कुन समूहमा परे हेर्नुहोस :

wesportz

Published

on

रोनाल्डोको युभेन्टस र मेस्सीको बार्सिलोना च्याम्पियन्स लिगको एकै समुहमा । अरु क्लब कुन समुहमा परे हेर्नुहोस :

च्यामपियन्स लिग २०२० का लागि आज स्वीजरल्यान्डको नायोनमा भएको ‘ड्र’ मा रोनाल्डोको युभेन्टस र मेस्सीको बार्सिलोना समुह जी मा परेका छन् । यस्तै अरु टोली भने कुन समुह मा परे होलान् ? हेर्नु होस् :

समुह ए
बायर्न म्युनिख
एट्लेटिको म्याड्रिड
साल्जबर्ग
लोकोमोटिभ मोस्को

समुह बि
रियल म्याड्रिड
सख्तार दोनेक्स
इन्टर मिलान
बुरुसिया मोचेनग्याल्डब्याच

समुह सी
पोर्टो
म्यानचेस्टर सिटी
ओलम्पियाकोस
मार्से

समुह डि
लिभरपुल
आयाक्स
अट्लान्टा
एफसी मिचील्यान्ड

समुह इ
सेभिया
चेल्सी
क्रसोन्डर
रेनेस

समुह एफ
जेनिट सेन्ट पिटर्सबर्ग
बोरुसिया डर्ट्मन्ड
लाजियो
एफसी ब्रुगे

समुह जी
युभेन्टस
बार्सिलोना
डाइनामो किएव
फेरेनकार्भोस्

समुह एच
म्यानचेस्टर युनाइटेड
पेरिस सेन्ट जर्माइन
आरबी लाइपजिग
इस्तानबुल बसिक्सेर

Continue Reading

Headline

आयाक्सका डेस्टलाई भित्र्याउदै बार्सिलोना

wesportz

Published

on

आयाक्सका राइट ब्याक सर्जिनो डेस्टलाई बार्सिलोनाले भित्र्याउने प्रशिक्षक रोनाल्ड कोमनले प्रष्ट पारेका छन् । उनलाई बार्सिलोनाले १८ मिलियन युरोमा बार्सिलोनाले भित्र्याउन लागेको हो  ।

अेमेरिकी स्टार डेस्टलाई जर्मन क्लब बायर्न म्युनिखले पनि भित्र्याउने चाहना देखाएको थियो । बायर्न जाने लगभग पक्का भएको अवस्थामा प्रशिक्षक कोमनले भने उनी बार्सिलोना आउनका लागि मेडिकल गरिरहेको बाताएका हुन् ।

“डेस्ट बार्सिलोनाका लागि मेडिकल गर्दै छन्, अहिलेसम्म सम्झौता नभए पनि उनी यही आउने छन् ।” कोमनले भने ।

बार्सिलोनाले डेस्टसँग पाँच वर्षको सम्झौता गर्ने संचार माध्यमहरुले बताएका छन् ।

आयाक्सको युथ एकेडेमीबाट आएका डेस्टले १९ वर्षको उमेरमै २०१९ मा आयाक्सको पहिलो टोलीका लागि खेलेका थिए ।

उनी नेदर्ल्यान्ड्समा जन्मिए पनि अमेरिकाका लागि फुटबल खेल्ने गर्छन् ।

Continue Reading

Headline

डर्टमण्डको पुनरागमनलाई पछि पार्दै बायर्नले जित्यो जर्मन सुपर कप

wesportz

Published

on

बोरुसिया डर्टमण्डको पुनरागमनलाई पछाडी पार्दै बायर्न म्युनिखले जर्मन सुपर कपको उपाधि जितेको छ । जोसुवा किमिचले ८२ औं मिनेटमा गोल गरेपछि बायर्नले ३–२ ले घरेलु सिजनको पहिलो उपाधि हात पारेको हो ।

खेलमा २–० ले पछि परेपनि डर्टमण्डले बराबरी गर्न सफल भएको थियो तर किमिचको गोल र दुवै टोलीको गोलकिपरको फरक प्रदर्शनले खेलको निर्णयमा फरक पारेको थियो । बायर्न गोलकिपर मानुएल नोयरले वान–भर्सेस–वान रहेको स्थितिमा एर्लिङ्ग हालान्डको प्रहारलाई उत्कृष्ट ढँगले बचाउ गरेका थिए । त्यसपछि किमिचको प्रहारलाई दोश्रो रोजाइका डर्टमण्ड किपर मार्विन हिट्जले छेक्दा रिबाउण्डमा किमिचले नै गोल गरिदिएका थिए ।

होफेन्हाइमले आइतबार बायर्नको ३४ खेलको अपराजित यात्रामा पूर्णबिराम लगाउदै बुन्डेसलिगामा ४–१ को फराकिलो जित हात पारेपछि बायर्नले केही राहतको सास फेरेको हो । बायर्नले डर्टमण्डलाई भने लगातार तीन खेलमा पराजित गरेको छ ।

ह्यान्सि फ्लिक प्रशिक्षक नियुक्त भए यता बायर्नले पाँच वटा उपाधिको लागि खेलेको छ र सबैमा जित हात पार्न सफल भएको छ । ६ दिन अघि मात्रै च्याम्पियन्स लिग बिजेता बायर्नले युएफा सुपर कपमा युरोपा कप च्याम्पियन सेभियामाथि २–१ को जित हात पार्दै सिजनको पहिलो ट्रफि जितेको थियो ।

बुधबारको खेलमा कोरेन्टिन टोलिसोले १८ औं मिनेटमै बायर्नलाई अग्रता दिलाएका थिए भने थोमस मुलरले ३२ औं मिनेटमा दोश्रो गोल गरे । ७ मिनेटपछि नै जुलियन ब्राण्ड्टले बायर्नको अग्रता घटाएका थिए भने ५५ औं मिनेटमा हालन्डले गोल गर्दै डर्टमण्डलाई खेलमा फर्काए ।

Continue Reading
IPL 20202 hours ago

पन्जाबलाई फराकिलो अन्तरले पराजित गर्दै मुम्बई अंक तालिकाको शिर्ष स्थानमा

Headline7 hours ago

रोनाल्डोको युभेन्टस र मेस्सीको बार्सिलोना च्याम्पियन्स लिगको एकै समूहमा। अरु क्लब कुन समूहमा परे हेर्नुहोस :

IPL 20207 hours ago

पोलार्ड र पान्ड्यले अन्तिम २३ बलमा ६७ रन जोडे पछि पन्जाबलाई १९२ रनको विशाल लक्ष्य 

IPL 20209 hours ago

मुम्बई पहिले ब्याटिङ गर्दै 

IPL 202014 hours ago

दोश्रो जितको खोजीमा साबिक विजेता मुम्बई र पन्जाब

Headline17 hours ago

आयाक्सका डेस्टलाई भित्र्याउदै बार्सिलोना

Headline19 hours ago

डर्टमण्डको पुनरागमनलाई पछि पार्दै बायर्नले जित्यो जर्मन सुपर कप

Headline21 hours ago

युरोपियन राउण्ड–अपः रियलको सांघुरो जित, इटालीमा इन्टर र एट्लान्टा निकै बलियो

IPL 20201 day ago

कोलकाताका बलरहरु हाबी हुँदा राजस्थानको फराकिलो हार 

IPL 20201 day ago

जोफ्रा आर्चरको घातक बलिङका बाबजुद कोलकोताको विशाल स्कोर 

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 weeks ago

सात महादेशका सात उत्कृष्ट खेलाडीहरु

Headline1 month ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending