Connect with us

Headline

मुम्बई र बैंगलोरका लागि आईपिएल खेल्ने तीन खेलाडी

wesportz

Published

on

इन्डियन प्रिमियर लिग (आईपीएल) को सबैभन्दा सफल टोली मध्य एक हो मुम्बई इन्डियन्स । मुम्बईले चार पटक आईपिएलको उपाधि हात पारी सकेको छ । शुरुवाती समयमा सचिन तेन्दुलकर, रिकी पोंटिंङ्ग जस्ता खेलाडीहरुले गर्दा मुम्बईमा समर्थकको कमि छैन ।

रोयल च्यालेन्जर्स बैंगलोर आईपिएलमा सफल टोलीमा त पर्दैन तर पनि सधैं बलियो टोलीको रुपमा हेरिदै आएको छ । भारतीय क्रिकेट टोलीका कप्तान बिराट कोहली देखि दक्षिण अफ्रिकाका पुर्व क्रिकेटर एबी डी भिलियर्स सम्म रहेकाले गर्दा पनि बैंगलोरको समर्थकहरुको संख्या पनि उल्लेख्य मात्रामा छ ।

१३ औं संस्करणको आईपीएल शुरु हुन अब केहि दिन मात्र रहेको छ । यसै सन्दर्भमा हामी मुम्बई र बेंगलोर दुबै टोलीबाट खेल्ने तीन खेलाडीको चर्चा गर्दैछौं ।

१. टिम साउदी

न्युजिल्याण्डका तिब्र गतिका बलर टिम साउदी यस्ता बलर हुन् जसले आईपीएलमा चारवटा टोलीबाट खेल्ने अनुभब बटुली सकेका छन् । त्यस मध्य दुई टोली बैंगलोर र मुम्बई हुन् ।

साउदीले आईपिएलमा हाल सम्म ४० खेल खेलेका छन् जसमध्ये उनले मुम्बईको लागि १४ र बैंगलोरका लागि ११ खेल खेलेका छन् । उनले मुम्बई र बैंगलोरको लागि क्रमश १२ र ६ विकेट लिएका थिए । सन् २०१८ र २०१९ को सिजन बैंगलोरबाट खेलेका साउदी अक्सनमा बिकेनन् र यस पटक भने कुनै टोलीमा छैनन् ।

२. पार्थिव पटेल

विकेट किपर ब्याट्सम्यान पार्थिव पटेल आईपीएलको ठुलो नाम त होइनन् तर पनि उनी तीन पटक च्याम्पियन भएका छन् । उनले सन् २०१० मा चेन्नाई तथा २०१५ र सन् २०१७ मा मुम्बईमा हुँदा उपाधि चुमेका हुन् । ६ टोलीबाट आईपिएल खेल्ने अनुभब बटुलेका पटेलले कुल १३९ खेल खेलेका छन् । उनले सन् २०१५ देखि २०१७ सम्म तीन सिजनमा मुम्बईको लागि ४० खेल खेलेका थिए ।

२०१८ मा मुम्बईले उनलाई रिलिज गरे पछि त्यसै सिजनको अक्सनमा बैंगलोरले पटेललाई आफ्नो टोलीमा समावेश गरेको थियो । २०१८ र २०१९ को सिजन बैंगलोरबाट खेलेका पटेल यस पटक पनि कोहलीकै टोलीमा रहेका छन् र उनले यस सिजन पनि आफ्नो टोलीको लागि ओपनिङ गर्ने प्रवल सम्भावना रहेको छ ।

३. युज्भेन्द्र चाहल

धेरैलाई लाग्न सक्छ कि लेग स्पिनर युज्भेन्द्र चाहलले बैंगलोरका लागि मात्र आईपिएल खेलेका छन् । तर उनी बैंगलोर भन्दा पहिले मुम्बईको टोलीमा थिए । सन् २०१३ को सिजनमा उनी मुम्बईसँग आबद्ध थिए । तर त्यस समयमा प्रज्ञान ओझा र हरभजन सिंह जस्ता स्पिनर भएका कारण उनले बेञ्चमा मात्र बिताए ।

आईपीएलमा ८४ खेल खेलेका उनले मुम्बईको जर्सीमा एक खेल मात्र खेल्ने मौका पाए भने महँगो साबित हुँदै चार ओभरमा ३४ रन खर्चिएर र कुनै विकेट पनि हात पार्न सकेनन् । सन् २०१४ देखि २०२० को सिजन सम्म बैंगलोरमा नै रहेका उनले आफ्नो टोलीको लागि १०० विकेट लिइसकेका छन् भने बैंगलोरको महत्वपुर्ण सदस्य पनि हुन् ।

Headline

सहज जितसँगै पुलिस प्रधानमन्त्री कपमा अपराजित

wesportz

Published

on

बलरहरुले संयुक्त प्रदर्शन दिएपछि नेपाल पुलिस क्लब प्रधानमन्त्री कप ट्वान्टी ट्वान्टी राष्ट्रिय क्रिकेट प्रतियोगितामा लिग चरण अपराजित टोलीको रुपमा टुंग्याएको छ ।

पुलिसले सोमबार भएको अन्तिम लिग खेलमा प्रदेश १ लाई ६ विकेटले पराजित गर्यो । शनिबारका लागि तय भएको खेल प्रदेश १ का कप्तान सहित दुई खेलाडीलाई कोरोना संक्रमण भएपछि सोमबारका लागि स्थगित गरिएको थियो ।

त्रिवि मैदानमा पहिलो ब्याटिँग गरेको प्रदेश १ लाई मिनास थापाले एक्लै अद्र्धशतक प्रहार गरेपछि २० ओभरमा ८ विकेटको क्षतिमा १ सय १ रनको सानो योगफल बनायो । कुशल भुर्तेलले एक पटक फेरि आक्रमक इनिङ्गस खेलेपछि पुलिसले १३ दशमलव १ ओभरमै १ सय ५ रन जोडेको थियो ।

प्रतियोगितामा सर्वाधिक रन बटुल्ने खेलाडीहरुको सुचीमा शिर्ष स्थानमा पुग्ने क्रममा कुशलले २८ बलमै ४४ रन बनाएका थिए । उनले तीन छक्का र तीन चौका प्रहार गरे ।

कुशलले प्रतियोगिताका शुरुवाती चार खेलमै १ सय ८२ रन बनाएका छन् । दोश्रो स्थानमा लुम्बिनीका देव खनाल (१५८) र तेश्रो स्थानमा नेपाल एपिएफ क्लबका प्रदिप ऐरि (१४९) छन् । कुशलले पुलिस जित सहज बनाउने क्रममा तेश्रो विकेटका लागि अनिल साहसँग ५६ रनको साझेदारी गरेका थिए ।

अनिलले २४ बलमा २६ रन बनाए भने दिपेन्द्र सिँह ऐरिले १३ बलमा २० रन बनाएका थिए ।

यसअघि मिनासले प्रदेश १ को आधा भन्दा बढी रन बटुल्ने क्रममा ५९ बलमा ५९ रन बनाए । उनले ६ चौका र एक छक्का प्रहार गरे । त्यसबाहेक सर्वन यादव (१०) दोहोरो अंकमा रन बटुल्ने एक मात्र ब्याट्स्म्यान रहे ।
पुलिसका लागि आरिफ शेख, कप्तान मञ्जित श्रेष्ठ र दिपेन्द्रले २–२ विकेट लिए ।

मँगलवार हुने सेमिफाइनलमा अब पुलिसले बागमती र नेपाल एपिएफ क्लबले आर्मीको सामना गर्नेछ  । फाइनल बुधबार हुनेछ ।

Continue Reading

Headline

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

wesportz

Published

on

फिफा बरियतामा १ सय १४ स्थानमा रहेको इक्वेटोरियल गिनीसँग स्तब्ध बनेपछि डिफेन्डिँग च्याम्पियन अल्जेरिया अफ्रिका कप अफ नेसन्सको पहिलो चरणबाटै बाहिरिने खतरामा परेको छ ।

इक्वेटोरियल गिनीले अल्जेरियाको ३५ अन्तर्राष्ट्रिय खेलको अपराजित यात्रामा पूर्णबिराम पनि लगाएको हो । यो हारले इटालीले भर्खरै बनाएको ३७ अन्तर्राष्ट्रिय खेलमा अपराजित रहेको किर्तिमान तोड्ने आशामा पूर्णविराम पनि लगाएको छ ।

अल्जेरियाले अक्टोबर २०१८ यता पहिलो खेल हारेको हो । समुह इ कै अर्को खेलमा गोलकिपरको गल्तिको कारण आइभोरी कोस्ट सिएरा लियोनलाई पराजित गर्न असफल रह्यो ।

अंक तालिकामा आइभोरी कोस्ट चार अंक सहित शिर्ष स्थानमा रहेको छ भने इक्वेटोरियल गिनीको तीन अंक छ । सिएरा लियोनको दुई र अल्जेरिय एक अंकका साथ पुछारमा रहेको छ । नकआउट चरणमा प्रवेश गर्नका लागि अल्जेरियाले अब अन्तिम लिग खेलमा आइभोरी कोस्टलाई हराउनै पर्नेछ ।

स्पेनमा जन्मिएका इक्वेटोरियल गिनीका धेरै मध्येका एक इस्तेबान ओबियाँगले ७० औं मिनेटमा गोल गरेपछि अल्जेरियाको हार तय भएको थियो । सिएरा लियोनसँग गोलरहित बराबरीमा रोक्किएको अल्जेरियाले आइभोरी कोस्टलाई हराउन नसक्ने हो भने ६ कप अफ नेसन्स संस्करणमा पाचौं पटक पहिलो चरणबाटै बाहिरिनेछ ।

एक मात्र अपवादका दौरान अल्जेरियाले २०१९ मा उपाधि नै जितेर देखाएको थियो । इक्वेटोरियल गिनी भने मात्र तेश्रो पटक दोश्रो चरणमा प्रवेश गर्ने संघारमा रहेको छ । जापोमा स्टेडियममा गोलकिपर बाद्रा अली सानगारेले अन्तिम समयमा गल्ति गरेपछि आइभोरी कोस्ट सिएरा लियोनसँग २–२ गोलको बराबरीमा रोक्किएको थियो ।

२–१ को अग्रता रहेको स्थितिमा इन्जुरी समयको तेश्रो मिनेटमा कर्नर हुन नदिन आफ्नो डिफेन्डरको हेडबाट आएको ब्याकपासलाई समात्न पुगेका सानगारेले स्टेभन कल्करलाई निकाल्न पुग्दा उनको पासमा सब्स्टिच्युट अल्हाजी कमाराले बराबरी गोल गरेका थिए ।

अर्को खेलमा वाह्बी खज्रीले दुई गोल गरेपछि ट्युनिसिया मउरिटानियामाथि ४–० को फराकिलो जित हात पार्दै समुह एफमा पहिलो जित हात पार्न सफल भयो । माली र पहिलो पटक अफ्रिका कप अफ नेसन्स खेलिरहेको गाम्बियाले भने १–१ गोलको बराबरी खेले ।

Continue Reading

Headline

मोड्रिच र बेन्जेमाको गोलमा रियललाई सुपर कप

wesportz

Published

on

लुका मोड्रिच र करिम बेन्जेमाले गोल गरेपछि रियल म्याड्रिड एथ्लेटिक बिल्बाओलाई २–० ले पराजित गर्दै १२ औं पटक स्पेनिस सुपर कप च्याम्पियन बनेको छ ।

साउदी अरेबियाको रियादमा भएको फाइनलमा बिल्बाओ पहिलो हाफमा स्पेनिस ला लिगाको शिर्ष टोलीलाई रोक्न सफल भएपनि दोश्रो हाफमा भने दुई गोल खान पुग्यो । रियलले कार्लो एन्सलोट्टी प्रशिक्षक नियुक्त भएको दोश्रो बर्षमा पहिलो उपाधि जितेको हो ।

बिल्बाओ ला लिगा च्याम्पियन एट्लेटिको म्याड्रिडलाई पराजित गर्दै फाइनल पुगेपनि किँग फहिद स्टेडियममा भने संगठित रियलबिरुद्ध नीरिह साबित भएको थियो । रियलले पछिल्लो २० खेलहरुमध्ये मात्र एकमा हार व्यहोरेको छ जुन ला लिगामा गेटाफे बिरुद्ध थियो ।

८७ औं मिनेटमा खेलमा फर्किने आशा जागेपनि राउल गार्सियाले प्राप्त पेनाल्टी खेर फाल्दा रियलको जित सुनिश्चित बनेको थियो । एन्सलोट्टीको टोलीले अब बुधबार कोपा डेल रेको क्वार्टर–फाइनलमा एल्चेको सामना गर्नेछ भने अर्को महिना च्याम्पियन्स लिग अन्तिम १६ को पहिलो लेगमा पेरिस सेन्ट जर्माइनबिरुद्ध खेल्दैछ ।

“हामीलाई मात्र केही गर्ने इच्छाको आवश्यकता मात्रै रहेको छ । यसबाहेक हामीलाई अरु केही सोच्ने समय छैन किनभने अर्को प्रतियोगिता नजिकिदैछ,” एन्सलोट्टीले खेलपछि भने ।

मोड्रिचले आफ्नो लयलाई निरन्तरता दिदै गोल गरेपछि ३६ बर्षको उमेरमाा स्पेनिस सुपर कपमा गोल गर्ने उनी सबैभन्दा पाका खेलाडी बने । एन्सलोट्टीले रियलका लागि यो पाचौं उपाधि जितेका हुन् । उनले यसअघि च्याम्पियन्स लिग, युएफा सुपर कप, क्लब बिश्वकप र कोपा डेल रे जितिसकेका छन् ।

Continue Reading
Headline2 hours ago

सहज जितसँगै पुलिस प्रधानमन्त्री कपमा अपराजित

Headline6 hours ago

अफ्रिका कप अफ नेसन्सः डिफेन्डिङ्ग च्याम्पियन अल्जेरिया इक्वेटोरियल गिनीको शिकार

Headline7 hours ago

मोड्रिच र बेन्जेमाको गोलमा रियललाई सुपर कप

Headline24 hours ago

१९ खेलाडीमा कोरोना देखिएपछि च्यासल र पुलिसबीचको खेल स्थगित

Headline24 hours ago

देव खनालको २१ बलमै अद्र्धशतक

Headline1 day ago

बिमल चम्किएपछि मच्छिन्द्रलाई लिगमा चार अंकको स्पष्ट अग्रता

Headline1 day ago

राजुले आकर्षक इनिङ्गस खेल्दै पुर्याए आफ्नो पुर्व क्लब आर्मीलाई सेमिफाइनलमा

Headline1 day ago

एमबाप्पेको गोलले पिएसजीलाई दोहोरो अंकको अग्रता

Headline1 day ago

अफ्रिका कप अफ नेसन्सः सलाह स्कोरसिटमा फर्किए, नाइजेरिया अन्तिम १६ मा

Headline2 days ago

क्रिकेटका पाँच विश्व किर्तिमान जुन सायदै तोडिएला

Trending

error: Content is protected !!