Connect with us

Headline

मुम्बई र बैंगलोरका लागि आईपिएल खेल्ने तीन खेलाडी

wesportz

Published

on

इन्डियन प्रिमियर लिग (आईपीएल) को सबैभन्दा सफल टोली मध्य एक हो मुम्बई इन्डियन्स । मुम्बईले चार पटक आईपिएलको उपाधि हात पारी सकेको छ । शुरुवाती समयमा सचिन तेन्दुलकर, रिकी पोंटिंङ्ग जस्ता खेलाडीहरुले गर्दा मुम्बईमा समर्थकको कमि छैन ।

रोयल च्यालेन्जर्स बैंगलोर आईपिएलमा सफल टोलीमा त पर्दैन तर पनि सधैं बलियो टोलीको रुपमा हेरिदै आएको छ । भारतीय क्रिकेट टोलीका कप्तान बिराट कोहली देखि दक्षिण अफ्रिकाका पुर्व क्रिकेटर एबी डी भिलियर्स सम्म रहेकाले गर्दा पनि बैंगलोरको समर्थकहरुको संख्या पनि उल्लेख्य मात्रामा छ ।

१३ औं संस्करणको आईपीएल शुरु हुन अब केहि दिन मात्र रहेको छ । यसै सन्दर्भमा हामी मुम्बई र बेंगलोर दुबै टोलीबाट खेल्ने तीन खेलाडीको चर्चा गर्दैछौं ।

१. टिम साउदी

न्युजिल्याण्डका तिब्र गतिका बलर टिम साउदी यस्ता बलर हुन् जसले आईपीएलमा चारवटा टोलीबाट खेल्ने अनुभब बटुली सकेका छन् । त्यस मध्य दुई टोली बैंगलोर र मुम्बई हुन् ।

साउदीले आईपिएलमा हाल सम्म ४० खेल खेलेका छन् जसमध्ये उनले मुम्बईको लागि १४ र बैंगलोरका लागि ११ खेल खेलेका छन् । उनले मुम्बई र बैंगलोरको लागि क्रमश १२ र ६ विकेट लिएका थिए । सन् २०१८ र २०१९ को सिजन बैंगलोरबाट खेलेका साउदी अक्सनमा बिकेनन् र यस पटक भने कुनै टोलीमा छैनन् ।

२. पार्थिव पटेल

विकेट किपर ब्याट्सम्यान पार्थिव पटेल आईपीएलको ठुलो नाम त होइनन् तर पनि उनी तीन पटक च्याम्पियन भएका छन् । उनले सन् २०१० मा चेन्नाई तथा २०१५ र सन् २०१७ मा मुम्बईमा हुँदा उपाधि चुमेका हुन् । ६ टोलीबाट आईपिएल खेल्ने अनुभब बटुलेका पटेलले कुल १३९ खेल खेलेका छन् । उनले सन् २०१५ देखि २०१७ सम्म तीन सिजनमा मुम्बईको लागि ४० खेल खेलेका थिए ।

२०१८ मा मुम्बईले उनलाई रिलिज गरे पछि त्यसै सिजनको अक्सनमा बैंगलोरले पटेललाई आफ्नो टोलीमा समावेश गरेको थियो । २०१८ र २०१९ को सिजन बैंगलोरबाट खेलेका पटेल यस पटक पनि कोहलीकै टोलीमा रहेका छन् र उनले यस सिजन पनि आफ्नो टोलीको लागि ओपनिङ गर्ने प्रवल सम्भावना रहेको छ ।

३. युज्भेन्द्र चाहल

धेरैलाई लाग्न सक्छ कि लेग स्पिनर युज्भेन्द्र चाहलले बैंगलोरका लागि मात्र आईपिएल खेलेका छन् । तर उनी बैंगलोर भन्दा पहिले मुम्बईको टोलीमा थिए । सन् २०१३ को सिजनमा उनी मुम्बईसँग आबद्ध थिए । तर त्यस समयमा प्रज्ञान ओझा र हरभजन सिंह जस्ता स्पिनर भएका कारण उनले बेञ्चमा मात्र बिताए ।

आईपीएलमा ८४ खेल खेलेका उनले मुम्बईको जर्सीमा एक खेल मात्र खेल्ने मौका पाए भने महँगो साबित हुँदै चार ओभरमा ३४ रन खर्चिएर र कुनै विकेट पनि हात पार्न सकेनन् । सन् २०१४ देखि २०२० को सिजन सम्म बैंगलोरमा नै रहेका उनले आफ्नो टोलीको लागि १०० विकेट लिइसकेका छन् भने बैंगलोरको महत्वपुर्ण सदस्य पनि हुन् ।

Headline

अल्भारो मोराटा दोस्रो पटक युभेन्टसमा

wesportz

Published

on

एट्लेटिको म्याड्रिडका फर्वार्ड अल्भारो मोराटालाई युभेन्टसले दोस्रो पटक क्लबमा अनुबन्धन गरेको छ ।

अर्जेन्टाइन फर्वार्ड गोन्जालो हिग्वेनको सम्झौता रद्द गरेसँगै नयाँ स्ट्राइकरको खोजीमा रहेको युभेन्टसले मोरटालाई ९ मिलियन युरोको लोनमा एक वर्षका लागि क्लबमा फर्काएको हो । मोराटाको लोन सम्झौतामा एट्लेटिकोले युभेन्टसलाई ४५ मिलियन युरोको खरिद विकल्प पनि दिएको छ ।

रियल म्याड्रिडबाट २०१० देखी २०१४ सम्म खेलेका मोराटा २०१४ देखी २०१६ सम्म युभेन्टसमा लोनमा खेलेका थिए । लोनबाट रियल म्याड्रिड फर्किएका उनलाई चेल्सीले २०१७ मा ७० मिलियन पाउन्डमा खरिद गरेको थियो । चेल्सीमा एक सिजन खेलेका उनलाई फेरी एट्लेटिको म्याड्रिडले लोनमा लगेको थियो ।

२०२० मा मोराटाको सम्झौतालाई स्थायी बनाएको एट्लेटिकोले उनलाई फेरी युभेन्टसमा लोनमा पठाएको हो । २७ वर्षिय फर्वार्डले आफ्नो करिअरमा ७४ गोल मात्र गरेका छन्, जुन एक स्ट्राइकरका लागि निकै काम हो ।

युभेन्टसले बार्सिलोनाका लुइस सुवारेजले इटालियन भाषा परिक्षामा फेल भएपछि नयाँ स्ट्राइकर खोज्नु परेको थियो । मोराटा युभेन्टस आएसँगै सुवारेजको एट्लेटि जाने सम्भावना निकै बलियो देखिएको छ ।

Continue Reading

Headline

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

wesportz

Published

on

बार्सिलोनाका अध्यक्ष जोसेप मरिया बार्तोमेउले बार्सिलोनाका कप्तान लियोनल मेस्सीले उनको पदको अलोचना गरे पनि उनलाई मेस्सी विरुद्ध बोल्न कुनै चासो नभएको बताएका छन् ।

गत महिना मेस्सीले आफुले स्पेनिस महारथी बार्सिलोना छोड्न लागेको बताएपछि बिश्व फुटबलमै ठूलो हलचल भएको थियो । उनले आफुलाई फ्री एजेन्टका रुपमा क्लब छोड्न दिन आग्रह गरे पनि उनको सम्झौता अझै एक बर्ष बाँकी भएको भन्दै अध्यक्ष बार्तोमेउ र ला लिगाले मेस्सीलाई रोकेको थियो ।

पछि एक अन्तर्वार्तामा आफुलाई सबै थोक दिएको क्लबलाई कानुनी कठ्घरामा तान्न आफूले नचाहेको बताउदै मेस्सी फेरी बर्सिलोनामै बस्न पुगेका थिए । उनलाई फेरी बर्सिलोनामै राख्न प्रमुख भूमिका खेलेका बार्तोमेउले संसारको सर्वश्रेष्ठ खेलाडीलाई जान दिन मन नमानेको बताएका छन् ।

“अध्यक्षको रुपमा मलाई मेस्सीको बारेमा सार्वजनिक टिप्पणी गर्दै मलाई बिवादमा तानिन मन छैन,” बार्तोमेउ टिभी थ्रीलाई दिएको अन्तर्वार्तामा भने । “मेस्सी हाम्रा कप्तान हुन् र टोलीको मुख्य खेलाडी । उनले जे बाले त्यो समाप्त भइसक्यो ।”

“म विश्वको सर्वश्रेष्ठ खेलाडीलाई जान दिन सक्दिन । टिमलाई उनको आवश्यकता छ, उनले बार्सिलोनालाई सफलताको ग्यारेन्टी दिन्छन्,” बार्तोमेउले भने ।

“हामीले आफैंलाई बधाई दिनु पर्छ कि मेस्सी अझै हाम्रो साथमा छन् । उनी [प्रशिक्षक रोनाल्ड] कोमनको परियोजना को बारे निकै उत्साहित छन् ।आजको दिनमा महत्त्वपूर्ण कुरा यो हो कि उनी अझै बार्सिलोनाका लागि खेल्छन् । हामी उनले बर्सिलोनामै सन्यास लिएको हेर्न चाहन्छौं ।”

अध्यक्षका कारण क्लब छोड्न लागेको बताएका मेस्सीको सम्झौता २०२०/२०२१ सिजनको अन्त्यमा सकिदै छ भने नयाँ अध्यक्षका लागि चुनाव भने मार्चमा हुने छ । यस्तो अवस्थामा मेस्सी बार्सिलोनामै बस्छन कि अर्को बाटो रोज्छन् त्यो भने सिजनको अन्त्यमा थाहा हुने छ ।

बार्तोमेउले मेस्सीलाई क्लब छोड्न वाध्य बनाएका भन्दै समर्थकहरुले २० हजर हस्ताक्षर संकलन गर्दै उनी माथि अविश्वासको मत पेश गरिसकेका छन् ।

तर बार्तोमेउले अहिल्यै कसैले राजीनामा दिने विचार नगरेको बताए ।

Continue Reading

Headline

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

wesportz

Published

on

इङ्गलिस प्रिमियर लिगमा सोमबार राति म्यानचेस्टर सिटी उल्भ्सलाई पुनरागमनबाट रोक्दै ३–१ को जितबाट नयाँ सिजन शुरुवात गर्दा व्यवस्थापक पेप ग्वार्डियोलाले फिल फोडेनलाई अविश्वस्नीय भन्दै तारिफ गरेका छन् ।

च्याम्पियन्स लिगको क्वार्टर फाइनलसम्म खेलेको कारण सिटीले ढिलो प्रिमियर लिग शुरु गर्दा डिफेन्डिङ्ग च्याम्पियन लिभरपुलले ६ अंकको अग्रता बनाइसक्दा २०१८–१९ को बिजेता शुरुवाती सफलताको खोजीमा थियो ।

मोलिनक्समा भएको खेलमा सिटीले पहिलो हाफमै २–० को अग्रता बनाइसकेको थियो । तर दोश्रो हाफमा उल्भ्सले उत्कृष्ट प्रदर्शन गर्दै ६८ औं मिनेटमा राउल जिमिनेजको गोलबाट खेलमा फर्किएको थियो । तर बल नियन्त्रणमा राख्न सक्दा सिटीले अग्रतालाई बचाइ राख्यो भने अतिरिक्त समयको पाचौं मिनेटमा ग्याब्रियल जिजसले गोल गरेपछि फराकिलो जित हात पारेको थियो ।

सिटीले २० औं मिनेटमा केभिन डि ब्रुन र ३२ औं मिनेटमा फिल फोडेनको गोलबाट २–० को अग्रता बनाएको थियो । इङ्गल्याण्डको राष्ट्रिय टोलीमा रहदा म्यानचेस्ट युनाइटेडका मेसन ग्रिनउडसँगै स्वास्थ्य प्रोटोकोल तोडेको आरोपमा घर फर्काइएका फोडेनका लागि सोमबारको प्रदर्शन उनलाई व्यक्तिगत रुपमै निकै आवश्यक रहेको थियो ।

इङ्गल्याण्ड बसेको टिम होटलमा यौनकर्मी महिलाहरु लिएर आएपछि सिटीमा निकै निन्दा गरिएका फोडेनले ग्वार्डियोलाको बिश्वास जित्न सफल भएका छन् । “फोडेनले गोल गर्दै सेकेण्ड हाफमा अविश्वसनीय प्रदर्शन गरेका थिए । उनले हामीलाई बल आफ्नो नियन्त्रणमा राखिराख्न बिशेष मद्दत गरे,” ग्वार्डियोलाले भने ।

निकै छोटो अवधिको प्रि सिजन रहेका कारण जितका साथ शुरुवात गर्न पाउदा ग्वार्डियोला निकै हर्षित देखिन्थे ।

“थकानका कारण हामी लगातार कुद्न सकिरहेका थिएनौं तर सामान्यत हामीले राम्रो प्रदर्शन गरेका छौं । हामी पछिल्लो दुई हप्ता जुन स्थितिमा थियौं मैले केही संघर्ष गर्नु पर्ने हो की भनेर सोचेको थिए तर हामीले सबैकुरा नियन्त्रणमा राख्न सक्यौं,” ग्वार्डियोला भन्छन् ।

Continue Reading
IPL 20206 hours ago

राजस्थानको विजयी सुरुवात, चेन्नाई १६ रनले पराजित

IPL 20207 hours ago

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

राष्ट्रिय10 hours ago

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

IPL 202010 hours ago

 चेन्नाईले टस जित्यो, राजस्थानलाई ब्याटिङको निम्तो 

Headline10 hours ago

अल्भारो मोराटा दोस्रो पटक युभेन्टसमा

IPL 202012 hours ago

लगातार दोश्रो जितको दाउमा चेन्नाई राजस्थानको सामना गर्दै

Headline14 hours ago

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

Headline16 hours ago

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

Headline18 hours ago

प्रिमियर लिगको एकै चरणको खेलहरुमा गोलको नयाँ किर्तिमान

Headline19 hours ago

गाँगुलीले पाकिस्तानी क्रिकेटरहरुको तस्विर धमिल्याउदा अख्तरले फर्काए जवाफ

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 days ago

सात महादेशका सात उत्कृष्ट खेलाडीहरु

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending