Connect with us

Headline

नेसन्स लिगः नर्वेको जितमा हालान्डको उत्कृष्ट प्रदर्शन, इटाली बिजयी

wesportz

Published

on

उदीयमान युवा स्ट्राइकर एर्लिङ्ग हालान्ड र एलेक्जेण्डर सोर्लोथले दुई–दुई गोल गरेपछि नर्वेले यएफा नेसन्स लिगको खेलमा सोमबार नर्दन आयरल्याण्डलाई ५–१ को फराकिलो अन्तरले पराजित गरेको छ ।

खेलको पहिलो आठ मिनेटमै तीन गोल भएको थियो जसमा मोहम्मद इलयुनोसीको गोलको जवाफमा प्याडी सिन्क्लेयरले बराबरी गरेका थिए । बोरुसिया डर्टमण्ड स्ट्राइकर हालान्डले त्यसपछि आफ्नो दुई मध्ये पहिलो गोल गरेका थिए ।

आउने साताहरुमा बुन्डेसलिगा टोली आरबी लाइपजिग जाने सम्भावना रहेका सोर्लोथले २० औं मिनेटमा नर्वेको लागि तेश्रो गोल गरेका थिए । हालान्डले निस्वार्थ खेलको नमुना प्रस्तुत गर्दै दिएको पासमा सोर्लोथ दोश्रो हाफ शुरु भए लगत्तै अर्को गोल थपेका थिए ।

अष्ट्रियाबिरुद्ध शुक्रबार पराजित हुदा आफ्नो पहिलो अन्तर्राष्ट्रिय गोल गरेका हालान्डले आफूलाई युरोपको उत्कृष्ट खेलाडीमध्ये एक भन्नुको कारण साबित गर्दै लामो दुरीबाट उत्कृष्ट दोश्रो गोल गरेका थिए ।

इटालीले नेदरल्याण्ड्सलाई हरायो

नेदरल्याण्ड्सबिरुद्ध उत्कृष्ट प्रदर्शन गर्दै १–० को जित हात पारेपछि इटाली आफ्नो समुहको शिर्ष स्थानमा पुगेको छ । इटालीको जितलाई उदीयमन खेलाडी निकोलो जानियोलोको घुँडाको गम्भिर चोटले भने प्रभावित पारेको थियो ।

पहिलो हाफको अतिक्ति समयमा निकालो बरेलाको सशक्त हेडर इटालीको जितका लागि पर्याप्त रहेको थियो । एम्स्टरड्यामा निकै प्रभावशाली प्रदर्शन गरेको इटाली लिग ए को ग्रुप वानमा पहिलो स्थानमा पुगेको छ । नियमित प्रशिक्षक रोनाल्ड कोमन आफ्नो पद छोडेर स्पेनिस लिग क्लब बार्सिलोना सम्हाल्न पुगेपछि नेदरल्याण्ड्सलाई अन्तरिम प्रशिक्षक ड्वाइट लोडेवेजेजले हेरिरहेका छन् ।

सोमबार नै भएका अन्य खेलहरुमा स्कट्ल्याण्डले चेक रिपब्लिकलाई २–१ ले हरायो भने पोल्याण्डले बोस्नीय हर्जगोभिनालाई उति नै गोल अन्तरले पराजित गर्याे । अष्ट्रियालाई रोमानियाले ३–२ ले पाखा लगायो भने इजरायल र स्लोभाकियाले १–१ गोलको बराबरी खेलेका थिए ।

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading

Headline

नेम्बांग र दुई सञ्चारकर्मीमाथि छानविन गर्न अब्दुल्लाहको माग

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरीले अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग र दुई सञ्चारकर्मीबिरुद्ध निष्पक्ष छानविन गर्न एन्फा समक्ष माग गरेका छन् ।

अब्दुल्लाहले बिहिवार एन्फा कम्प्लेक्समा पुगेर छानविनका लागि माग गरेका हुन् । अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान बिश्राम लिदै कम्पाउण्ड बाहिर निक्लदै धुम्रपान गरेको बिषयमा प्रश्न गर्दा अब्दुल्लाहले आफुहरुलाई दुव्र्यवहार गरेको भन्दै दुई सञ्चारकर्मीले बिरोध जनाएका थिए ।

उनीहरुले पनि एन्फालाई यो बिषयमा छानविन गर्न माग गरेका छन् । एन्फाले यस बिषयमा शुक्रबार हुने केन्द्रि य समितिको बैठकमा छलफल गर्नेछ ।

Continue Reading

Headline

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

wesportz

Published

on

नेपाली स्विमर गौरिका सिंहले टोकियो ओलम्पिक्सको १ सय मिटर फ्रि स्टाइलमा नयां राष्ट्रिय किर्तिमान बनाएकी छिन् ।

आफ्नो हिट तेश्रो स्थानमा सक्काएकी गौरिकाले निर्धारित दुरी १ मिनेट शुन्य दशमलव ११ सेकेण्डमा पुरा गरिन् । उनी नाइजेरिया र मोन्टेनेग्रोको खेलाडीभन्दा पछि रहिन् ।

यसअघि आफैले बनाएको १ मिनेट शुन्य दशमलव ६२ सेकेण्डको किर्तिमान तोडेकी गौरिका पहिलो चरणबाट भने बाहिरिएकी छिन् ।

यो स्पर्धामा स्विडेनकी सराह सोस्टोर्मकोनाममा ओलम्पिक र बिश्व किर्तिमान दुवै रहेको छ ।

जारी ओलम्पिक्समा नेपालका चार जना खेलाडीको चुनौति समाप्त भइसकेको छ । शुटिंगकी कल्पना परियार, जुडोकी सोनिया भट्ट र स्विमिंगकै एलेक्स शाह पनि पहिलो चरणबाटै बाहिरिएका हुन् ।

एलेक्सले पनि आफैले राखेको १ सय मिटर फ्रि स्टाइलको किर्तिमानमा सुधार ल्याउदै ओलम्पिक्स सहभागिताको अन्त्य गरेका थिए ।

नेपालको लागि अब १ सय मिटर दौडमा सरस्वती चौधरीले मात्रै प्रतिस्पर्धा गर्न बाकी रहेको छ ।

Continue Reading
Headline4 hours ago

नेपालको ओलम्पिक्स सहभागिता सक्कियो

अन्तर्राष्ट्रिय16 hours ago

भारतको लज्जास्पद हार, श्रीलंकालाई शृंखला 

Headline22 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!