Connect with us

अन्तर्राष्ट्रिय

इंग्ल्यान्ड र पाकिस्तान बीचको ट्वान्टी ट्वान्टी शृंखला आजबाट

wesportz

Published

on

घरेलु टोली इंग्ल्यान्ड र पाकिस्तान बीचको तीन खेलको शृंखलाको पहिलो खेल आज हुँदैछ । म्यानचेस्टरमा हुने खेल नेपाली समय अनुसार राती १०:४५ बजे सुरु हुनेछ ।

पछिल्लो पाँच खेलको नतिजालाई आधार मान्ने हो भने इंग्ल्यान्ड नै पाकिस्तान माथि हाबी देखिन्छ । पाँच खेल मध्य इंग्ल्यान्डले तीन खेलमा जित निकालेको छ भने पाकिस्तानको पोल्टामा खेल एक पटक मात्र गएको छ । त्यस्तै एक खेल भने बराबरीमा टुंगिएको थियो ।

हालै सम्पन्न तीन टेस्ट खेलको शृंखला इंग्ल्यान्डले १-० ले जितेको थियो । पहिलो टेस्टमा इंग्ल्यान्डले तीन विकेटको रोमान्चक जित हात पारेको थियो भने बाँकी दुई खेल बराबरीमा सकिएको थियो ।

पाकिस्तान टेस्ट शृंखला गुमाए पनि ट्वान्टी ट्वान्टी शृंखला कब्जा गर्ने दाउमा रहने छ भने इंग्ल्यान्ड जितको सिलसिला कायम राख्न चाहन्छ ।

Click to comment

Leave a Reply

Your email address will not be published. Required fields are marked *

Headline

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

wesportz

Published

on

बार्सिलोना आफ्नो उरुग्वेका फर्वार्ड लुईस सुवारेजलाई स्पेनिस ला लिगाको प्रतिद्वन्दी एट्लेटिको म्याड्रिडमा बेच्न सहमत भएको छ ।

अन्य ठूला क्लबमा नजाने शर्तमा प्रशिक्षक रोनाल्ड कोमनको योजनामा नरहेका सुवरेजलाई बेच्नका लागि बार्सिलोना उनलाई प्रि एजेन्टको रुपमा रिलिज गर्न राजी भएको थियो । पासपोर्टको बिषयमा असफल हुँदा युभेन्टस जान असफल भएपछि सुवारेजले एट्लेटिकोसँग कम तलबमा सहमति गरेका थिए ।

तर बार्सिलोना अध्यक्ष जोसेप बार्तोमेउले स्पेनकै अर्का ठूला प्रतिद्वन्दीलाई नबेच्ने भन्दै सम्झौतालाई रोकिदिएका थिए । सुवारेजका प्रतिनीधिहरुसँगको वार्तापछि वार्सा व्यवस्थापन भने उनलाई छोड्न राजी भएको थियो । यस क्रममा सुवारेजले आफ्ना असन्तुष्टिहरु मिडियामा पोख्ने धम्की दिएका थिए ।

बार्तोमेउ मेस्सीले क्लब छोड्ने श्रृंखलामै नराम्ररी मिडियामा बिवादित रुपमा तानिएका थिए । लामो खिचातानीपछि बार्सामै बस्ने निर्णय गरेका मेस्सीले मिडियामा बार्तोमेउ र उनको क्लब चलाउने शैलिबिरुद्ध मिडियामा ठूले अभिव्यक्तिहरु पनि दिएका थिए ।

च्याम्पियन्स लिगमा छनोट भएमा मात्र तलबमा फरक पर्ने शर्तमा एट्लेटिकोले सुवारेजलाई चार मिलिनय युरो भन्दा बढी दिने छैन । एट्लेटिकोमा अब उनले एक बर्षमा बार्सामा पाइरहेको ३० मिलियन युरोभन्दा आधा पाउनेछन् ।

नयाँ सुम्झौताले सुवारेजको बार्सिलोनामा ६ बर्षको यात्रालाई अन्त्य गर्नेछ । अर्जेन्टिनी स्टार लियोनेल मेस्सी र ब्राजिलियन नेमारसँगै बिश्वकै घातक फ्रन्ट थ्रिको एक भाग रहेका सुवारेजले बार्साका लागि २ सय ८३ खेलमा १ सय ९८ गोल गरेका थिए ।

२०१४ मा लिभरपुलबाट ७४ मिलियन पाउण्डमा आएका सुवारेजले बार्सिलोनाका लागि चार ला लिगा उपाधि, चार कोपा डेल रेसँगै १–१ च्याम्पियन्स लिग र क्लब बिश्वकप जितेका थिए ।

Continue Reading

IPL 2020

राजस्थानको विजयी सुरुवात, चेन्नाई १६ रनले पराजित

wesportz

Published

on

१३औं संस्करणको इन्डियन प्रिमियर लिग (अईपीएल) मा राजस्थान रोयल्सले विजयी सुरुवात गरेको छ । आफ्नो पहिलो खेलमा राजस्थानले चेन्नाई सुपर किंग्सलाई १६ रनले पराजित गरेको हो । दोश्रो खेलमा चेन्नाईको यो पहिलो हार हो । पहिलो खेलमा चेन्नाईले साबिक विजेता मुम्बई इन्डियन्सलाई पाँच विकेटले पराजित गरेको थियो ।

जितका लागि २१७ रनको विशाल योगफल लिएर ब्याटिङमा आएको चेन्नाईले पुरै २० ओभर खेल्दै छ विकेटको नोक्सानीमा २०० रन मात्र बनाउन सक्यो ।

चेन्नाईले खेलमा राम्रो सुरुवात गरे पनि निरन्तरता भने दिन सकेन र कुनै पनि समय जित निकाल्न सक्ने अवस्थामा पनि पुगेन । ओपनर शेन वाटसन र मुरली विजयले पहिलो विकेटका लागि छ दशमलब चार ओभरमा ५६ रन जोडे । तर दुई रनको अवस्थामा २१ बलमा ३३ रन बनाएका वाटसन र २१ बलमा २१ रन बनाएका विजय पेभेलियन फर्किए ।

त्यस पछि आएका साम कुर्रान छ बलमा १७ रन बनाएर तथा रुतुराज गायकवाड पहिलो बलमा नै राहुल टेवाटियाको बलमा आउट भए पछि आठ दशमलब छ ओभरमा ७७ रनमा चार विकेटको अवस्थामा खुम्चिन पुग्यो । केदार जाधव पनि २२ रन बनाएर आउट हुन पुगे ।

चेन्नाईको पारी सम्हाल्ने क्रममा तेश्रो नम्बरमा ब्याटिङ गर्न आएका फाफ डु प्लेसिसले तुफानी पारी खेल्ने क्रममा ३७ बलको सामना गर्दै एक चौका र सात छक्का प्रहार गर्दै ७२ रन बनाए र आउट भए । उनी १९औं ओभरमा जोफ्रा आर्चरको बलमा आउट भए पछि चेन्नाईको हार सुनिश्चित बन्यो ।

कप्तान महेन्द्र सिंह धोनीले अन्तिम ओभरमा लगातार तीन छक्का सहित १७ बलमा अविजित २९ रन बनाए पनि चेन्नाईलाई जितका लागि पर्याप्त भएन ।

महँगो साबित भएका रुतुराज गायकवाड चार ओभरमा ३७ रन खर्चिएर सर्वाधिक तीन विकेट लिए ।

यस अघि कप्तान स्टिभ स्मिथ र सन्जु स्यामसनको अर्धशतक तथा आठौं नम्बरमा ब्याटिङ गर्न आएका जोफ्रा आर्चरले अन्तिम ओभरमा लगातार चार छक्का प्रहार गरे पछि खेलमा टस हारेर पहिले ब्याटिङ गरेको राजस्थानले पुरै २० ओभर खेल्दै सात विकेटको नोक्सानीमा २१६ रन बनायो ।

राजस्थानले सुरुवात भने राम्रो गर्न सकेन । आजको खेलबाट आईपीएलमा डेब्यु गरेका यु१९ टोलीका यशस्वी जैसवाल मात्र छ रन बनाएर आउट भए । जैसवाल दिपक चाहारको बलमा कट एण्ड बोल्ड भए ।

दुई दशमलब दुई ओभरमा टोलीको स्कोर ११ रनको अवस्थाबाट कप्तान स्मिथ र स्यामसनले ११ दशमलब चार ओभरमा दुई विकेटको नोक्सानीमा १३२ रनको अवस्था सम्म पुर्याय । उनीहरुले दोश्रो विकेटका लागि एक सय २१ रन जोड्दै राजस्थानको पारी सम्हाले । ३२ बलको सामना गर्दै नौं छक्का र एक चौकाको मद्धतमा ७४ रन बनाएका स्यामसन लुंगी एनगिदीको शिकार भए ।

स्यामसन आउट भए पनि अर्को छोडबाट राजस्थानको पारी सम्हालेका स्मिथले ४७ बल खेल्दै समान ४-४ चौका र छक्का प्रहार गर्दै ६९ रन बनाए । उनी १९ औं ओभरमा आउट भए ।

त्यस पछि ब्याटिङमा आएका डेभिड मिलरले एक बल पनि खेल्न नपाउँदै रन आउट हुन पुगे भने रबिन उथप्पा पाँच, राहुल टेवाटिया १०, रियान पराग छ रनमा आउट भए भने अविजित रहेका टम कुर्रानले १० रन तथा जोफ्रा आर्चरले आठ बलमा चार छक्काको मद्धतमा २७ रन बनाए । आर्चरले एनगिदीको अन्तिम ओभरमा लगातार चार छक्का प्रहार गरे ।

चेन्नाईका साम कुर्रानले चार ओभरमा ३३ रन खर्चिएर सर्वाधिक तीन विकेट हात पारे ।

आईपीएलको अंक तालिका हेर्न यो लिंक क्लिक गर्नुहोला ।

Continue Reading

IPL 2020

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

wesportz

Published

on

कप्तान स्टिभ स्मिथ र सन्जु स्यामसनको अर्धशतक तथा आठौं नम्बरमा ब्याटिङ गर्न आएका जोफ्रा आर्चरले अन्तिम ओभरमा लगातार चार छक्का प्रहार गरे पछि इन्डियन प्रिमियर लिग (अईपीएल) अन्तर्गत आफ्नो पहिलो खेलमा राजस्थान रोयल्सले चेन्नाई सुपर किंग्सलाई २१७ रनको विशाल लक्ष्य दिएको छ ।
खेलमा टस हारेर पहिले ब्याटिङ गरेको राजस्थानले पुरै २० ओभर खेल्दै सात विकेटको नोक्सानीमा २१६ रन बनायो ।
राजस्थानले सुरुवात भने राम्रो गर्न सकेन । आजको खेलबाट आईपीएलमा डेब्यु गरेका यु१९ टोलीका यशस्वी जैसवाल मात्र छ रन बनाएर आउट भए । जैसवाल दिपक चाहारको बलमा कट एण्ड बोल्ड भए ।
दुई दशमलब दुई ओभरमा टोलीको स्कोर ११ रनको अवस्थाबाट कप्तान स्मिथ र स्यामसनले ११ दशमलब चार ओभरमा दुई विकेटको नोक्सानीमा १३२ रनको अवस्था सम्म पुर्याय । उनीहरुले दोश्रो विकेटका लागि एक सय २१ रन जोड्दै राजस्थानको पारी सम्हाले । ३२ बलको सामना गर्दै नौं छक्का र एक चौकाको मद्धतमा ७४ रन बनाएका स्यामसन लुंगी एनगिदीको शिकार भए ।
स्यामसन आउट भए पनि अर्को छोडबाट राजस्थानको पारी सम्हालेका स्मिथले ४७ बल खेल्दै समान ४-४ चौका र छक्का प्रहार गर्दै ६९ रन बनाए । उनी १९ औं ओभरमा आउट भए ।
त्यस पछि ब्याटिङमा आएका डेभिड मिलरले एक बल पनि खेल्न नपाउँदै रन आउट हुन पुगे भने रबिन उथप्पा पाँच, राहुल टेवाटिया १०, रियान पराग छ रनमा आउट भए भने अविजित रहेका टम कुर्रानले १० रन तथा जोफ्रा आर्चरले आठ बलमा चार छक्काको मद्धतमा २७ रन बनाए । आर्चरले एनगिदीको अन्तिम ओभरमा लगातार चार छक्का प्रहार गरे ।
चेन्नाईका साम कुर्रानले चार ओभरमा ३३ रन खर्चिएर सर्वाधिक तीन विकेट हात पारे ।
 मुम्बई विरुद्धको खेलमा ७१ रन बनाएका अम्बाती रायुडूलाई चेन्नाईले आजको खेलमा समावेस गरेको छैन । उनी पुर्ण फिट नभएका कारण टोलीमा स्थान दिइएको छैन भने उन्सको स्थानमा रुतुराज गायकवाडलाई समावेस गरिएको छ । गायकवाड हालै कोरोनाबाट पुर्ण मुक्त भएका हुन् ।
चेन्नाईको यो दोश्रो खेल हो भने राजस्थान १३ औं संस्करणमा आफ्नो पहिलो खेल खेल्दै छ । पहिलो खेलमा चेन्नाईले मुम्बई इन्डियन्सलाई पाँच विकेटले पराजित गरेको थियो ।
दुबै टोलीले आईपीएल २१ खेल खेलेका छन् जसमा चेन्नाईले १४ खेलमा जित हात पारेको छ । सन् २००८ को आईपीएलको पहिलो संस्करणमा राजस्थानले चेन्नाई माथि तीन विकेटको रोमान्चक जित हात पार्दै उपाधि चुमेको थियो ।

Continue Reading
Headline4 hours ago

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

IPL 202012 hours ago

राजस्थानको विजयी सुरुवात, चेन्नाई १६ रनले पराजित

IPL 202013 hours ago

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

राष्ट्रिय16 hours ago

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

IPL 202016 hours ago

 चेन्नाईले टस जित्यो, राजस्थानलाई ब्याटिङको निम्तो 

Headline16 hours ago

अल्भारो मोराटा दोस्रो पटक युभेन्टसमा

IPL 202018 hours ago

लगातार दोश्रो जितको दाउमा चेन्नाई राजस्थानको सामना गर्दै

Headline20 hours ago

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

Headline22 hours ago

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

Headline24 hours ago

प्रिमियर लिगको एकै चरणको खेलहरुमा गोलको नयाँ किर्तिमान

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 days ago

सात महादेशका सात उत्कृष्ट खेलाडीहरु

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending