Connect with us

अन्तर्राष्ट्रिय

जमैका ट्रिनबागोसँग सात विकेटले पराजित, सन्दिपको औषत प्रदर्शन  

wesportz

Published

on

क्यारेबियन प्रिमियर लिग (सिपीएल) अन्तर्गत आफ्नो दोश्रो खेलमा नेपाली राष्ट्रिय टोलीका लेग स्पिनर सन्दिप लामिछाने सम्मिलित जमैका तल्वाजले ट्रिनबागोका नाइट राईडर्स बिरुद्ध सात विकेटको हार व्यहोरेको छ ।

जितका लागि १३६ रनको मध्य लक्ष्य लिएर ब्याटिङमा आएको ट्रिनबागोले १८ दशमलब एक ओभर खेल्दै तीन विकेटको नोक्सानीमा जित हात पार्यो ।

ट्रिनबागोको जितमा सुनिल नारायणले तुफानी पारी खेल्दै ३८ बलमा ५३ रन बनाएर सन्दिपको शिकार भए भने सम्हालिएर ब्याटिङ कोलिन मुन्रोले अविजित रहँदै ४६ बलमा ४९ रन प्रहार गरे । पहिलो ओभरमा नै शुन्य रनको अवस्थामा विकेट गुमाएको ट्रिनबागोको लागि नारायण र मुन्रोले दोश्रो विकेटका लागि ७५ रन जोड्दै जितको आधार खडा गरे ।

यस अघि खेलमा टस हारेर पहिले ब्याटिंङ गरेको जमैकाले २० ओभरमा आठ विकेट गुमाएर १३५ रनको सामान्य योगफल बनाउन सक्यो ।

ओपनर चाडविक वाल्टन र निकोलस किर्तन रनको खाता नखोली तथा कप्तान रोभमन पावेल आठ रन बनाएर आउट भए पछि खराब सुरुवात गरेको जमैकाको पारी सम्हाल्ने क्रममा ओपनर ग्लेन फिलिप्स अर्धशतकीय पारी खेले ।

४२ बलमा ५८ रन बनाएर आउट भएका उनले २२ रन बनाएका आसिफ अलीसँग चौथों विकेटका लागि ३९ तथा २२ रन बनाएका आन्द्रे रसेलसँग छैठौं विकेटका लागि ३६ रनको साझेदारी गरेका थिए । त्यस्तै रामल लुइसले अविजित रहँदै १५ रनको योगदान दिए ।

जमैकालाई सस्तैमा रोक्ने क्रममा ट्रिनबागोका जेडेन सिल्स र अली खानले समान २-२ विकेट हात पारे ।

सन्दिपको प्रदर्शन 

चार ओभर बलिङ गरेका सन्दिपले ३० रन खर्चिएर एक विकेट हात पार्न सफल रहे । उनले तुफानी पारी खेल्दै ३८ बलमा ५३ रन बनाएका सुनिल नारायणको विकेट हात पार्न सफल रहे ।

पहिलो ओभर मात्र दुई रन खर्चिएका सन्दिपले बाँकी तीन ओभरमा २८ रन खर्चिए । सन्दिपको दोश्रो ओभरमा ११ रन, तेश्रो ओभरमा सात रन तथा आफ्नो अन्तिम ओभरमा १० रन खर्चिएका हुन् ।

सन्दिपको पहिलो ओभरमा सुनिल नारायणले दुई सिङ्गल मात्र निकाल्न सके भने बाँकी चार बलमा कुनै पनि रन जोड्न सकेनन् ।

सन्दिपको दोश्रो ओभरको पहिलो र दोश्रो बलमा कोलिन मुन्रोले क्रमश दुई तथा एक रन लिए भने तेश्रो बलमा छक्का प्रहार गरे । चौथों बलमा मुन्रोले एक सिङ्गल लिए पछि स्ट्राइकमा आएका नारायणले पाँचौं बलमा ठुलो सट खेल्ने प्रयासमा सन्दिपलाई विकेट दिए । सन्दिपको अन्तिम बलमा मुन्रोले फेरी एक रन लिन भ्याए ।

सन्दिपको तेश्रो ओभरको दोश्रो बलमा ड्यारेन ब्राभोले एक चौका प्रहार गरे भने तेश्रो, छैठौं र पाँचौं बलमा क्रमश ब्राभो र मुन्रोले १-१ सिङ्गल लिन सफल रहे । तेश्रो ओभरको पहिलो बल तथा चौथों बलमा भने सन्दिपले कुनै रन खर्चिएनन् ।

सन्दिपको आफ्नो अन्तिम ओभरको दोश्रो बलमा मुन्रोले चौका प्रहार गरे भने तेश्रो बलमा कार्लोस ब्र्याथवेटले सहज क्याच छुटाउँदा मुन्रोले दुई रन लिन भ्याए ।

यस अघि सेन्ट लुसिया जुक्स बिरुद्दको आफ्नो पहिलो खेलमा सन्दिपले चार ओभर बलिङ गर्दै २३ रन खर्चिएर एक विकेट हात पारेका थिए । सन्दिपले आफ्नो चौथों तथा अन्तिम ओभरको दोश्रो बलमा नाजिबुल्लाह ज़द्रानको विकेट लिएका थिए ।

Click to comment

Leave a Reply

Your email address will not be published. Required fields are marked *

Headline

डि कक दक्षिण अफ्रिकाको कप्तानबाट निलम्बित, बवुमा र एल्गर नयाँ कप्तान

wesportz

Published

on

दक्षिण अफ्रिका क्रिकेट बोर्डले विकेट किपर तथा कप्तान क्विनटन डि ककलाई निलम्बन गर्दै नयाँ कप्तान नियुक्त गरेको छ ।

बोर्डले यसै बर्ष भारतमा तथा अर्को बर्ष अष्ट्रेलियामा आयोजना हुने ट्वान्टी ट्वान्टी विश्वकप तथा सन् २०२३ मा भारतमा आयोजना हुने एकदिवसीय विश्वकपलाई लक्षित गर्दै टेम्बा बवुमालाई ट्वान्टी ट्वान्टी र एकदिवसीयको कप्तान नियुक्त गरेको छ । त्यस्तै अर्को वर्ल्ड टेस्ट च्याम्पियनसिपलाई मध्य नजर गर्दै डिन एल्गरलाई टेस्ट कप्तान नियुक्त गरेको छ ।

कप्तान नियुक्त भएका बवुमा दक्षिण अफ्रिका क्रिकेट टोलीको पहिलो अश्वेत कप्तान पनि बनेका छन् ।

फाफ डु प्लेसिसको स्थानमा कप्तान बनेका डि ककको कप्तानीमा दक्षिण अफ्रिकाले हालै सम्पन्न घरेलु टोली पाकिस्तान विरुद्धको दुई खेलको शृंखलामा ह्वाइटवास हुन पुगेको थियो । त्यस्तै इंग्ल्यान्ड विरुद्ध आफ्नै घरेलु मैदानमा सम्पन्न तीन खेलको शृंखलामा पनि ह्वाइटवास हुन पुगेको थियो ।

‘हामी डि कक प्रति निकै आभारी छौं । उनले जसरी दक्षिण अफ्रिका टोलीको कप्तानका रुपमा टोली सम्हाले त्यो निकै सर्हानिय छ । जब हामी टेस्टमा कप्तानको खोजीमा थियौं त्यो समयमा उनले अगाडी आएर टोलीको कप्तानी सम्हालेका थिए,’ दक्षिण अफ्रिकाका पुर्व कप्तान तथा डाइरेक्टर अफ क्रिकेट, ग्रेम स्मिथले जनाए । ‘कप्तानको भूमिकामा नरहे पनि उनले टोलीको लागि नेतृत्वदायिक भूमिका खेल्छन् भन्नेमा पनि आशावादी छौं ।’

३० बर्षिय बवुमाले छवाट एकदिवसीय र आठवटा ट्वान्टी ट्वान्टी मात्र खेलेका भए पनि उनलाई सन् २०२३ सम्ममा आयोजना हुने तीनवटा विश्वकपलाई लक्षित गर्दै कप्तान नियुक्त गरेको पनि स्मिथले जनाए ।

‘दक्षिण अफ्रिकाको कप्तानी गर्ने मेरो पुरानो सपना हो । मेरा नजिककाहरुलाई यस बारेमा थाहा छ,’ बवुमाले भने । ‘यो मेरो लागि मेरो जीवनको सबैभन्दा ठुलो उपलव्धि र सम्मान हो । म दक्षिण अफ्रिकालाई नयाँ उचाईमा लान लालायित छु ।’

३३ बर्षिय एल्गरले दक्षिण अफ्रिकाको तर्फबाट ६७ टेस्ट खेल्दै १३ शतकको मद्धतमा हर हजार दुई सय ६० रन बनाएका छन् ।

‘मेरो र बवुमाको लागि सबैभन्दा ठुलो चुनौती भनेको दक्षिण अफ्रिकालाई एक उत्कृस्ट टोलीको स्थानमा पुर्याउनु हो । हामी दुबै जनाको लक्ष्य भनेको दक्षिण अफ्रिकालाई टेस्ट, एकदिवसीय र ट्वान्टी ट्वान्टी तीनवटै ढाँचामा नम्बर एक टोली बन्ने हो,’ एल्गरले बताए ।

Continue Reading

Headline

सबैले बिर्सिएको युरोपियन सिजनमा म्याराडोनाले चलाएको पोस कार लिलामीमा

wesportz

Published

on

अर्जेन्टिनी महान फुटबलर डिएगो म्याराडोनाले युरोपमा खेलेको अन्तिम तर सबैले बिर्सिएको सिजनमा किनेको जर्मन लक्जरी गाडी पोस लाई बुधबार देखि लिलामीमा राखिएको छ ।

१९९२ सिल्भर पोस ९११ ब्राण्डको गाडी म्याराडोनाले युरोपमा आफ्नो अन्तिम सिजन प्रशिक्षण र खेलहरुमा जाँदा प्रयोग गर्ने गरेका थिए । लागु औषध परिक्षणमा उनी असफल भएपछि १५ महिनाको प्रतिबन्ध सक्काएर म्याराडोनाले १९९२–९३ सिजनमा सेभियाका लागि खेलेका थिए । यो यस्तो सिजन थियो जसलाई धेरै याद नै गरेनन् ।

“यो म्याराडोनालाई नयाँ मोडल नै दिइएको थियो र सिधै फ्याक्ट्रीबाट गएको कारण पोसको अन्य स्ट्याण्डर्ड कारभन्दा दुई गुणा अथवा तीन गुणा बढी मुल्य हुन सक्छ,” बोनह्याम अक्सन हाउसका कार बिशेषज्ञ ग्रेगरी टुइटेन्सले भने ।

बुधबारदेखि शुरु भएको अनलाइन अक्सन मार्च १० सम्म कायम रहनेछ । यसको मुल्य दुई लाख युरो (२ लाख ४० हजार ८ सय डलर) निर्धारण गरिए पनि धेरै महँगो मुल्यमा जान सक्ने अपेक्षा गरिएको छ ।

“यो कार संकलकहरुको लागि मात्र नभएर फुटबल समर्थक र फुटबल भगवानको रुपमा स्थापित म्याराडोनालाई मन पराउनेहरुको लागि पनि चासोको बिषय हो,” टुइटेन्सले भने । “मैदान भित्र जत्तिकै उनले बाहिर पनि हेडलाइन बनाउने गर्थे । एक पटक उनले यसै गाडीमा सिटी सेन्टरको रेड लाइट तोड्दै १ सय ८० किलोमिटर प्रति घण्टामा कुदाँउदा प्रहरीले समातेपछि उनी हेडलाइनमा आएका थिए ।”

बिभिन्न फ्रेन्च कार संकलकहरुको हातमा पर्नु अघि म्याराडोनाको यो कार २० बर्षसम्म स्पेनिस द्विप मायोर्कामा अर्का एक धनाढ्यले राखेका थिए । बुधबारको अक्सनसम्म आइपुग्दा यो कारले १ लाख २० हजार किलोमिटरको यात्रा तय गरिसकेको छ ।

नोभेम्बरमा मृत्यु भएका म्याराडोनाको शव उनको शहरमा राख्दा लाखौंले सम्मान दिएका थिए ।

Continue Reading

Headline

भारतीय बलर हाबी हुँदा इंग्ल्यान्डको खराब ब्याटिङ

wesportz

Published

on

भारतीय बलरहरु हाबी हुँदै चौथों तथा अन्तिम टेस्टमा पनि इंग्ल्यान्डले खराब ब्याटिङ प्रदर्शन गरेको छ ।

खेलमा टस जितेर पहिले ब्याटिङ गरेको इंग्ल्यान्डले ७५ दशमलब पाँच ओभर खेल्दै आफ्ना सबै विकेट गुमाएर २०५ रन मात्र बनाउन सक्यो । आज नै आफ्नो पारी सुरु गरेको भारतले १२ ओभर खेल्दै एक विकेटको नोक्सानीमा २४ रन बनाएको छ र इंग्ल्यान्ड भन्दा १८१ रनले पछि रहेको छ ।

इंग्ल्यान्डको तर्फबाट बेन स्टोक्सले सर्वाधिक ५५ रन बनाए भने ड्यान लरेन्सले पनि ४६ तथा जोनी बैरस्टोवले २८ रनको योगदान दिए ।

इंग्ल्यान्डलाई सस्तैमा समेट्ने क्रममा अक्सर पटेलले सर्वाधिक चार विकेट हात पारे भने रविचन्द्रन अश्विनले तीन तथा मोहम्मद सिराजले दुई विकेट आफ्नो नाममा दर्ता गराए ।

भारतका शुबमन गिल शुन्य रनमा जेम्स एन्डरसनको बलमा आउट भए भने रोहित शर्मा आठ तथा चेतेश्वर पुजारा १५ रनमा अविजित रहेका छन् ।

चार खेलको शृंखलामा भारत २-१ ले अघि रहेको छ । भारतले वर्ल्ड टेस्ट च्याम्पियनसिपको फाइनलमा स्थान सुरक्षित गर्न अन्तिम टेस्टमा जित अथवा ड्र निकाल्न पर्ने हुन्छ ।

भारतले जित निकालेको खण्डमा अथवा ड्र मात्र खेले पनि फाइनलमा आफ्नो स्थान सुरक्षित गर्नेछ भने हारको सामना गरेको खण्डमा अष्ट्रेलियाले फाइनल खेल्ने मौका प्राप्त छ । न्युजिल्याण्डले यस अघि नै फाइनलको स्थान सुरक्षित गरेका कारण एक टोलीको मात्र सम्भावना रहने छ ।

तेश्रो टेस्ट अघि सम्म इंग्ल्यान्डको पनि फाइनल खेल्ने आशा जीवितै रहे पनि तेश्रो टेस्टमा १० विकेटको लज्जास्पद हारको सामना गर्दा फाइनलको यात्रा समाप्त भएको थियो ।

पहिलो टेस्टमा २२७ रनको फराकिलो जित दर्ता गर्दै उत्कृस्ट सुरुवात गरेको इंग्ल्यान्डले दोश्रो टेस्टमा ३१७ रनको लज्जास्पद हारको सामना गर्न पुग्यो । त्यस्तै तेश्रो टेस्टमा १० विकेटको हारको सामना गर्दा खेल दुई दिनमा सकिएको थियो ।

Continue Reading
Headline8 hours ago

डि कक दक्षिण अफ्रिकाको कप्तानबाट निलम्बित, बवुमा र एल्गर नयाँ कप्तान

लेख10 hours ago

आरबीबी–एनभिए राष्ट्रिय भलिबल प्रतियोगिता चैत १९ गतेदेखि

Headline11 hours ago

ह्वाइट हाउस, सिसिआरसी थ्रि बाइ थ्रि बास्केटबलको क्वार्टर–फाइनलमा

Headline12 hours ago

सबैले बिर्सिएको युरोपियन सिजनमा म्याराडोनाले चलाएको पोस कार लिलामीमा

Headline13 hours ago

भारतीय बलर हाबी हुँदा इंग्ल्यान्डको खराब ब्याटिङ

Headline13 hours ago

बि डिभिजन: श्री कुमारी र आरसिटीको बराबरी

Headline16 hours ago

बि डिभिजन: झम्शीखेललाई पराजित गर्दा श्री भगवतीलाई राहत

Headline17 hours ago

पाकिस्तान सुपर लिग अनिश्चित कालका लागि रोकियो

Headline23 hours ago

केरोन पोलार्डको एकै ओभरमा ६ छक्का

Headline23 hours ago

बार्सिलोनाको सनसनीपूर्ण पुनरागमन जित

Headline3 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline6 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending