Connect with us

Headline

ड्रग माफियासँग जोडिएको कोलम्बियाको १९९४ बिश्वकपको भयानक कथा

Published

on

बिश्व फुटबल लेजेण्ड पेलेका लागि १९९४ विश्वकपको प्रमुख दाबेदार कोलम्बिया थियो । धेरै फुटबल प्रेमीहरुका लागि पनि । ९० को दशकमा फार्क बिद्रोहीका कारण देश गृहयुद्धमा होमिए पनि कोलम्बियन फुटबल टोलीलाई राष्ट्रिय प्रतिकको रुपमा लिने गरिन्थ्यो ।

कोलम्बियाका तत्कालिन प्रशिक्षक फ्रान्सिस्को मातुरानालाई पनि यो कुरा राम्रोसँग थाहा थियो । “फुटबल कुनै द्विपमा सिमित छैन, यो सामाजिक र सांस्कृतिक रुपमा नै गढिएर बस्ने गर्छ,” मातुरना भन्ने गर्थे ।

पुरै कोलम्बियामा लागुपदार्थ हिंसा र संगठित अपराधले बिध्वंस मच्चाइरहदा फुटबलले धेरैलाई ती सबै कुरा बिर्साउन मद्दत गरिरहेको थियो ।

दक्षिण अमेरिकाको प्रतिष्ठित क्लब प्रतियोगिता कोपा लिबेर्टाडोरेसमा कोलम्बियन टोली एथ्लेटिको नेसनललाई १९८९ मा च्याम्पियन बनाउदा प्रशिक्षक मातुराना नै थिए । मातुरानाले १९९४ मा विश्वकपका लागि बनाएको राष्ट्रिय टोलीमा पनि अधिकांश खेलाडीहरु नेसनलकै थिए ।

सबैभन्दा चर्चित थिए गोलकिपर रेने हिगिता, डिफेण्डर आन्द्रेस एस्कोबार र मिडफिल्डर कार्लोस भाल्डेरामा । एथ्लेटिको नेसनलका खेलाडीहरुको बाहुल्यता रहेको कोलम्बियाले सोचे भन्दा राम्रो विश्वकप छनोट खेल्दै अमेरिकामा हुने १९९४ विश्वकपको लागि टिकट काट्यो ।

कोलम्बियाको छनोटको मुख्य आकर्षण थियो अर्जेन्टिनाबिरुद्ध ५–० को फराकिलो अन्तरको जित । कोलम्बियाले त्यो समयकै उत्कृष्ट एट्याकिङ फुटबल खेल्दै अर्जेन्टिनालाई ब्युनोस आयर्समा नराम्रो हार चखाएको थियो र जितमा नायक थिए भाल्डेरामा ।

तर सबैले आशा गरेको कोलम्बियन टोली समुह चरण समेत पार गर्न सकेन । पुरै कोलम्बिया नै शुन्य भयो ।

के भयो त कोलम्बियालाई ?

यो सबै उत्तरका लागि फर्कनु पर्नेछ विश्व लागुपदार्थ बजारका राजा पाब्लो एस्कोबार तर्फ ।

कोलम्बियन ड्रग लर्ड एस्कोबार एक्लैले कोलम्बिया चलाउथे । प्रहरी, सरकार, न्यायलय र त्यहाँको फुटबल सबै एस्कोबारको नियन्त्रणमा थियो । जो उनको बिरुद्धमा हुन्थे, ती मारिन्थे ।

पाब्लो एस्कोबार कोलम्बियन सरकारको लागि टाउको दुखाई भएपनि उनी फुटबलमा मसिहा थिए

एस्कोबार फुटबलका कट्टर समर्थक थिए । कोपा लिबेर्टाडोरेस जित्ने पहिलो कोलम्बियन टोली एथ्लेटिको नेसनलमा पनि एस्कोबारको लगानी थियो ।

लागुपदार्थ युद्धले पनि नराम्ररी गाँजेको कोलम्बियामा द्वन्द र हिंशा कुनै नौलो कुरा थिएन । जब कोलम्बियाले आर्जेन्टिनालाई छनोटमा हराएको थियो जितको खुशीयाली मनाउने क्रममै १० जना मारिएका थिए भने १ सय बढी घाइते भएका थिए ।

एस्कोबार कोलम्बियन फुटबलमा यति सकृय थिए नियमित गोलकिपर हिगिता बेपत्ता हुदै विश्वकप कै लागि अनुपस्थित हुनमा पनि उनकै हात थियो । अनुसन्धान गर्दै जादा एस्कोबारको ग्याँगले गरेको अपहरणमा हिगिताले मध्यस्तता गर्दै पैसा उठाएको खुलाशा भएको थियो ।

हिगिताले यो आरोपमा ६ महिने जेल सजाय पनि काटे तर उनले अहिले पनि आफ्नो त्यसमा संलग्नता नरहेको बताउदै आएका छन् ।

हिगिता बिना विश्वकपमा उत्रिएको कोलम्बिया रोमानियाविरुद्ध खेल्दै थियो । सबै समर्थकहरु कोलम्बियाले रोमानियालाई हराउनेमा बिश्वस्त थिए । तर रोमानियाले पहिलो खेलमै ३–१ को जित हात पार्दै कोलम्बियन समर्थकहरुलाई धरातलमा पुर्यायो ।

त्यो समयका नियमित गोलकिपर हिगिता जसको स्कोर्पियन सेभ अहिले पनि युट्यबमा निकै चर्चित छ

अर्जेन्टिनाको कमजोर टोलीलाई हराएर कोलम्बियाले नचाहिदो चर्चा पाएको कुरा फैलिन थाल्यो । युरोपियन लिगहरुमा बोकेको चोटका कारण बिस्तारै ठिक हुदै फर्किएका आस्प्रिया र भाल्डेरामा जस्ता मुख्य खेलाडी आफ्नो नियमित फर्ममा नरहेको बताउन थालियो ।

जित्नै पर्ने खेलमा अमेरिकाको सामना गरिरहेको कोलम्बियालाई जित्नै पर्ने व्यापक थियो । खेलको ३५ औं मिनेटमा कोलम्बियाको लागि नसोचेको हुन पुग्यो । आन्द्रेस एस्कोबारले क्लियर गरेको बल आफ्नै पोस्टको दिशा लिदै गोल हुन पुग्यो । त्यही गोलले कोलम्बिया समुह चरणबाटै बहिरियो ।

“हाम्रो टोली बलियो थियो र हामी माथि जानेमा बिश्वस्त थियौं तर सोचे अनुरुप हुन सकेन,” भाल्डेरामाले हारपछि भनेका थिए । खतराको आभाष हुन थालेपछि एसि मिलानको नजरमा परेका एस्कोबारलाई घर नफर्किएर अमेरिकामै केही समय बस्न आग्रह गरियो । तर उनले मानेनन् ।

कोलम्बिया फर्किएको पाँच दिन भएको थियो । एस्कोबार साथीहरुसँग घुम्न निस्किए । एक लोकल बारमा फुटबलको बिषयमा बिवाद भएपछि एस्कोबार बाहिर निस्किए । उनी आफ्नो कारको ढोकासम्मा के पुगेका थिए अज्ञात बन्दुकधारीहरुले उनको टाउकोमा ६ र ढाँडमा १ गोली हान्दै उनको त्यही हत्या गरिदिए ।

कोलम्बियन फुटबलका हिरोको कथा निभेषभरमै समाप्त भयो ।

एस्कोबारको हत्या गरिएको केही दिन पछी त्यहाका कुख्यात गुण्डा नाइके हम्बर्टो कास्ट्रो जुनियर समातिए । अनुसन्धान अगाडी बढ्दै गर्दा त्यहाका ड्रग लर्ड मानिने गाजोन ब्रदर्शले उनलको हत्या गर्न लगाएको पत्ता लागेको थियो ।

गाजोन ब्रदर्शले बिश्वकप दौरान कोलम्बियाको जितमा निकै ठूलो रकम बाजी थापेका थिए । बाजीको रकम गुमाएको रिसमा उनीहरुले एस्कोबारको हत्या गरेका थिए । कारण बाहिर आउदा पुरै कोलम्बिया स्तब्ध बनेको थियो ।

लागु पदार्थ हिंसाको वरिपरि घुमेको १९९४ को त्यो विश्वकप सहभागिता कोलम्बियाले अहिले पनि भुल्न सकेको छैन ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 month ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 month ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख3 months ago

केन्या माथि नेपालको कीर्तिमानी जित

लेख3 months ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख3 months ago

नेपाल टी२० लिग : खेलाडी दर्ता सुरु, चार मापदण्ड तय

लेख3 months ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख3 months ago

नेपालले हरायो केन्यालाई 

लेख3 months ago

नेपालका लागि केन्या टुर महत्वपूर्ण

लेख3 months ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख3 months ago

नयाँ प्रशिक्षक प्रभाकर भन्छन् : पहिलो काम लिग टु

लेख4 months ago

बाना कपका लागि सुदुरपश्चिमको जर्सी सार्वजनिक  

लेख4 months ago

यस्ता छन् एन्फा कार्यसमिति बैठकका निर्णयहरू

लेख4 months ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख4 months ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline4 months ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline4 months ago

 नेपालको पोस्टमा भारतको गोलको वर्षा 

Headline4 months ago

साफ महिला च्याम्पियनसिप :  नेपाललाई सजिलो समूह

Headline4 months ago

लगातार दोस्रो जित निकाल्दा नेपाल फाइनल नजिक 

Headline4 months ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline4 months ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!