Connect with us

अन्तर्राष्ट्रिय

कप्तान मोर्गनको शतकमा इङ्ग्ल्यान्डले आयरल्याण्डलाई दियो ३२९ रनको विशाल लक्ष्य 

wesportz

Published

on

तेश्रो तथा अन्तिम एकदिवसीय खेलमा कप्तान इयोन मोर्गनले शतक प्रहार गरे पछि इङ्ग्ल्यान्डले आयरल्याण्डलाई तीन सय २९ रनको विशाल लक्ष्य दिएको छ ।

खेलमा टस हारेर पहिले ब्याटिङ गरेको इङ्ग्ल्यान्डले ४९ दशमलब पाँच ओभर खेल्दै आफ्ना सबै विकेट गुमाएर तीन सय २८ रनको विशाल योगफल तयार पार्यो । 

ओपनरद्वय जेसन रोय र जोनी बैरस्टोव तथा जेम्स भिन्सलाई सस्तैमा गुमाएर खराब सुरुवात गरेको इङ्ग्ल्यान्डको पारी सम्हाल्ने क्रममा कप्तान मोर्गनले सर्वाधिक एक सय छ रन प्रहार गरे । चौथो नम्बरमा ब्याटिङ गर्न आएका उनले ८४ बलको सामना गर्दै १५ चौका र चार छक्का प्रहार गरे । एकदिवसीयमा मोर्गनको यो १४ औं शतक हो ।

४४ रनको अवस्थामा तीन विकेट गुमाएको इङ्ग्ल्यान्डको लागि मोर्गनले पाँचौँ नम्बरमा ब्याटिङ गर्न आएका टम बान्टनसँग मिलेर चौथो विकेटका लागि एक सय ४६ रनको साझेदारी गरे । ५१ बलको सामना गरेका बान्टनले पनि ५८ रनको पारी खेले ।

त्यस्तै आठौँ नम्बरमा ब्याटिङ गर्न आएका डेभिड विलीले पनि तुफानी पारी खेल्ने क्रममा ४२ बलको सामना गर्दै समान ३-३ चौका र छक्काको मद्दतमा ५१ रन बनाएर आउट भए । त्यस्तै नवौँ नम्बरमा ब्याटिङ गरेका टम कुर्रानले पनि अविजित रहँदै ३८ रनको योगदान दिए ।   

आयरल्याण्डका क्रेग योङ्गले सर्वाधिक तीन तथा जोस लिटल र कर्टिस क्यामफरले समान २-२ विकेट हात पारे ।  

तीन खेलको शृङ्खलामा इङ्ग्ल्यान्ड २-० ले अघि रहेको छ । इङ्ग्ल्यान्डले पहिलो एकदिवसीय खेलमा छ विकेट तथा दोश्रो खेलमा चार विकेटको जित दर्ता गराएको थियो ।             

Click to comment

Leave a Reply

Your email address will not be published. Required fields are marked *

Headline

२०११ मा बिश्वकप फाइनल, २०२१ मा अष्ट्रेलियामा बस ड्राइभर

wesportz

Published

on

श्रीलंकन क्रिकेट अहिले निकै खस्कदै गइरहेको छ । इण्डियन प्रिमियर लिगमा पनि फाट्ट–फुट्ट उपस्थिति मात्रै देखिने श्रीलंकन क्रिकेटले लामो समयदेखि उत्कृष्ट खेलाडीको उत्पादन गर्न सकिरहेको छैन ।

आर्थिक रुपले कमजोर बन्दै जानुको कारण श्रीलंकन क्रिकेटमा हुदै आएको चरम राजनीति पनि हो । यसको शिकार ठूलै क्रिकेटरहरु पनि भएका छन् । ती मध्ये एक हुन् भारतीय उपमहाद्विपमा २०११ म भएको बिश्वकप फाइनलसम्म खेलेका स्पिनर सुरज रन्दिभ ।

रन्दिभ अहिले आफ्नो गुजारा चलाउन अष्ट्रेलियामा बस ड्राइभरको रुपमा कार्यरत छन् । भारतबिरुद्धको फाइनल खेलेका रन्दिभ मेलबोर्नमा रहेको फ्रेञ्च कम्पनी ट्रेन्सडेभका लागि गाडी चलाउछन् । उक्त कम्पनीले गाडी भाँडामा दिने काम गर्दै आइरहेको छ ।

रन्दिभले श्रीलंकाको लागि १२ टेस्ट, ३१ एकदिवसीय अन्तर्राष्ट्रिय र सात ट्वान्टी अन्तर्राष्ट्रिय खेल्दै सबै फरम्याटमा क्रमशः ४३, ३६ र ७ विकेट लिएका छन् । उनले २०११ र २०१३ मा महेन्द्र सिँह धोनीको चेन्नई सुपर किंग्सका लागि आईपिएल खेलेका थिए । यसका लागि उनले झण्डै ७५ लाख कमाएका थिए ।

उनलाई क्रिकेट अष्ट्रेलियाले अष्ट्रेलियन टिमलाई भारतबिरुद्धको बोर्डर–गाभस्कर टेस्ट श्रृंखलामा मद्दत गर्नका लागि पनि बोलाएको थियो । तर अस्थायी रुपमा पाएको त्यो कामपछि उनी अहिले भने गाडी चलाउदै आइरहेका छन् ।

रन्दिभले सन् २०१० मा भारती ओपनर विरेन्द्र सहवाग ९९ रनमा खेलिरहदा अन्तिम एक रन चाहिएको अवस्थामा शतकबाट बञ्चित गर्न नो–बल फालेका थिए । क्रिकेटको भावना बिपरित काम गरेको भन्दै उनी निकै आलोचित समेत भएका थिए ।

रन्दिभ मात्र नभएर उनका श्रीलंकन समकालिन चिन्ताका जयसिंघे र जिम्बाब्वेका वाडिँगटन म्वायेँगा पनि ट्रेन्सडेभका लागि गाडी चलाउदै आइरहेका छन् ।

तीनै जना क्रिकेटर भिक्टोरिया प्रिमियर क्रिकेट क्लब डान्डेनोँगका लागि खेल्दै आइरहेका छन् ।

Continue Reading

Headline

बुम्राले इंग्ल्यान्ड विरुद्धको बाँकी सबै खेलहरु गुमाउने

wesportz

Published

on

भारतीय टोलीका तिब्र गतिका बलर जस्प्रित बुम्राले इंग्ल्यान्ड विरुद्धको एकदिवसीय शृंखला गुमाउने भएका छन् ।

इंग्ल्यान्ड विरुद्ध जारी टेस्ट शृंखला अन्तर्गत चौथों टेस्टबाट बाहिरिएका बुम्रा यस अघि पाँच खेलको ट्वान्टी ट्वान्टी शृंखला नखेल्ने भारतीय क्रिकेट बोर्डले यस अघि नै जनाएको थियो । तर अहिले आएर उनले तीन खेलको एकदिवसीय शृंखला पनि गुमाउने भएका हुन् ।

बुम्राले व्यक्तिगत कारण देखाउँदै चौथों टेस्ट नखेल्ने भारतीय टोलीले जनाएको थियो । तर उनले आफ्नै घरेलु मैदान अहमदाबादमा हुने शृंखला गुमाउनुको कारण भने खुलेको छैन । लामो समय देखि क्रिकेटमा ब्यस्त भएका कारण उनलाई बिश्राम दिन खोजिएको हुन सक्ने क्रिकेट पण्डितहरु बताउँछन् ।

उनलाई बिश्राम दिन कै लागि ट्वान्टी ट्वान्टी शृंखलामा नराखिए हो । त्यस्तै भारतले यसै बर्ष आफ्नै देशमा हुने ट्वान्टी ट्वान्टी विश्वकपलाई लक्षित गर्दै नयाँ खेलाडीहरुलाई मौका दिनका लागि पनि बुम्रालाई बिश्राम दिएको बुझिएको छ ।

२७ बर्षिय बुम्राले ६७ एकदिवसीय खेलमा १०८ विकेट तथा ५० ट्वान्टी ट्वान्टीमा ५९ विकेट हात पारेका छन् ।

भारत र इंग्ल्यान्ड बीचको चौथों तथा अन्तिम टेस्ट भोली (मार्च ४) बाट अहमदाबादमा सुरु हुँदैछ भने ट्वान्टी ट्वान्टी शृंखला मार्च १२ तथा एकदिवसीय शृंखला मार्च २३ तारिखबाट सुरु हुनेछ ।

Continue Reading

Headline

‘एक पटक शिर्ष चारको अनुभव त गरौं’

wesportz

Published

on

साउथ्याम्प्टनमाथि महत्वपूर्ण जित हात पारेपछि व्यवस्थापक कार्लो एन्सलोट्टीले आफ्नो टोली एभर्टन इङ्गलिस प्रिमियर लिगको शिर्ष चारको अनुभव गरेको हेर्न चाहेको बताएका छन् ।

सोमबार राति भएको खेलमा एभर्टनले रिचार्लिसनले नवौं मिनेटमा गरेको गोलमा १–० को जित हात पार्यो । लिभरपुलसँगै समान ४३ अंक रहेको एभर्टन चौथो स्थानको वेष्ट ह्यामभन्दा दुई अंकले पछाडी रहेको छ ।

एक खेल हातमै रहेको अवस्थामा उसले बिहिबार वेष्टब्रोमलाई हराउने हो भने चेल्सी र लिभरपुललाई पनि पछि पार्दै चौथो स्थानमा उक्लनेछ । चेल्सी र लिभरपुल बिहिबार नै भिड्दैछन् ।

“हामीसँग निकै राम्रो अवसर छ,” डिसेम्बर १९ पछि पहिलो पटक घरेलु मैदानमा प्रिमियर लिग खेल जितेपछि एन्सलोट्टीले भने । “मलाई थाहा छैन कति दिनसम्म हो तर एक, दुई वा तीन दिन मात्रै पनि शिर्ष चारको अनुभव गर्ने हो भने हामी राम्रो चुनौति दिने मानसिकतासाथ अघि बढ्नेछौं । एक पटक शिर्ष चारको अनुभव लिएर मात्रै हेरौं ।”

जिल्फी सिगुर्ड्सनको पासमा रिचार्लिसनले गरेको गोल खेल अवधिभर प्रहार गरेको दुई सट अन टार्गेट मध्येको एक थियो । दुवै टोलीले खेलमा लय समात्न चुकेका थिए ।

रेलिगेसन जोनबाट सात अंक पछाडी रहेको साउथ्याम्प्टनको यो नवौं खेलमा आठौं पराजय हो । सिजनको शुरुवातमा शिर्ष स्थानमै पकड जमाएको एभर्टनले वेष्टब्रोमलाई हराउने हो भने दोश्रो स्थानको म्यानचेस्टर युनाइटेडसँगको दुरी पनि ६ अंकमा छोट्याउने छ ।

तेश्रो स्थानको लेस्टर सिटीको ४९ र शिर्ष स्थानको म्यानचेस्टर सिटीको ६२ अंक छ । चार सिजनमा तेश्रो उपाधिका लागि अग्रसर रहेको सिटी उत्कृष्ट लय कायम गर्दै १२ अंकको स्पष्ट अग्रता बनाउन सफल भइसकेको हो ।

Continue Reading
Headline42 mins ago

२०११ मा बिश्वकप फाइनल, २०२१ मा अष्ट्रेलियामा बस ड्राइभर

Headline10 hours ago

चार नेपाली महिला फुटबलरहरुले पाकिस्तानमा खेल्ने

Headline13 hours ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline13 hours ago

पिवाईसी बिबिए क्रिकेट फागुन २० देखि मुलपानीमा

Headline15 hours ago

मेयर कपको उद्घाटन खेलमा आर्मी र एपीएफ भिड्ने

Headline17 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline19 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline24 hours ago

‘एक पटक शिर्ष चारको अनुभव त गरौं’

Headline24 hours ago

भिनिसियसले अन्तिम समयमा गरेको गोलमा रियलको उद्दार

अन्तर्राष्ट्रिय1 day ago

टेस्टमा पहिलो पटक भिड्दै अफगानिस्तान र जिम्बाब्वे

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending