Headline
मेरो ब्याटबाट रन नबनिरहेकोमा म सिरियस छुः रोहित कुमार पौडेल
लकडाउन समाप्त भएसँगै नेपाल क्रिकेट संघ (क्यान) ले नेपाली राष्ट्रिय क्रिकेट टोलीको प्रशिक्षण क्याम्प राख्ने तयारी शुरु गरेको छ । राष्ट्रिय टोलीमा पछिल्लो केही समय देखि नियमित सदस्य रहदै आएका रोहित कुमार पौडेल पनि काठमाडौं आइपुगेका छन् । अण्डर १९ क्रिकेट टोलीको कप्तान समेत रहेका रोहित अहिले नियमित रुपमा टियु क्रिकेट मैदानमा अभ्यास गर्दै आइरहेका छन् ।
अभ्यासकै क्रममा हामीले रोहितसँग लिएको अन्तर्वार्ताको यो सम्पादित अंशः
लकडाउनको समय कसरि बित्यो ?
घरमा नै थिए । घरमा नै बसेर बित्यो अधिकांश समय । घरमा नेट्स पनि राखेको छु । केही समय नेट्समा पनि बिताउने गरेको थिए ।
क्रिकेट नहुदा समय कसरि बित्ने रहेछ ?
शुरुको १५–२० दिन देखि एक महिना सम्म घरमा बस्न पाउँदा रमाइलो नै भयो । धेरै समय भएको थियो घरमा राम्रोसँग बस्न नपाएको । शुरुमा रमाइलो भयो तर एक महिना पछि चाही समय बिताउन पनि गा¥हो हुन थाल्यो । साँझको समयमा प्राय नेट्समा नै हुन्थे ।
लकडाउनको समयमा शारीरिक र मानसिक रुपमा कत्तिको असर गर्यो जस्तो लाग्छ ?
शारीरिक रुपमा खासै असर गरेन । मेरो घर नजिकै मैदान छ । त्यहाँ गएर शारिरिक अभ्यास गर्ने गरेको थिए । मानसिक रुपमा भन्दा सायद मलाई केही विश्राम पनि चाहिएको थियो । यो लकडाउनले गरेर केहि भए पनि समय पाए ।
करिब चार महिना भन्दा बढी भैसक्यो, क्रिकेटको गतिविधि नै ठप्प भएको । अब के होस जस्तो लाग्छ ?
अबको दिनमा धेरै भन्दा धेरै खेलहरू खेल्न पाए राम्रो हुन्छ । शायद हामी कोही पनि अभ्यास नगरी बसेको छैनौ । हामीले धेरै समय शारिरिक अभ्यासमा र केही समय खेलकै अभ्यासमा समय बितायौ । अब चाहिएको म्याच एक्सपोजर नै हो । चाहे त्यो दुई या दिन दिवसीय होस् या ट्वान्टी ट्वान्टी अथवा एकदिवसीय ।
लामो समय पछिको अन्तरालमा क्रिकेटमा फर्कदा आफ्नो लय समात्न कत्तिको गार्हो हुन्छ ?
शुरुको समय, आधि एक घण्टा पक्कै गा¥हो नै हुन्छ । आफ्नो टच भेट्नका लागि केही समय पक्कै लाग्छ । तर लय समातेपछि खासै गा¥हो हुँदैन । तर खेलको लागि केही समय लाग्छ नै ।
सधैं क्रिकेट बाहेक अरु केहि पनि नसोच्ने व्यक्ति अचानक क्रिकेटबाट टाढा हुँदा दिमागमा के कुरा खेल्ने रहेछ ?
पछिल्लो समय काठमाडौँ आएपछि प्राय क्रिकेटमा नै दिन बित्छ । सधै किर्तिपुर स्थित टियु क्रिकेट मैदानमा आएर अभ्यास गर्ने गरेको छु । घरमा हुँदा फिल्म हेर्ने, भिडियोहरू हेर्ने र प्रशिक्षक तथा टोलीसँग भिडियो कन्फ्रेन्समा नै समय बिताउने गरेको थिए ।
यो लकडाउनको समयमा आफ्नो खेलको विषयमा कत्तिको मुल्यांकन गर्ने मौका जुर्यो ?
पक्कै पनि यो समय राम्रै सदुपयोग गर्ने मौका पाए । मैले यस विषयमा प्रशिक्षकसँग पनि मेरो खेलको बारेमा चर्चा गरे । आफूले खेलेका खेलहरूमा के कस्तो गल्ति भयो, के गर्दा वा के गरेको भए ठिक हुन्थ्यो त्यस बारेमा नियालेर बसे । त्यस्तै आफ्नो तथ्याङ्कहरू पनि केलाउने मौका पाए । यो सबै नोट बनाएर राखेको छु ।
लामो अन्तराल पछि अभ्यासमा फर्कदा कस्तो महसुस भयो ?
खुशी लागेको छ । अभ्यास नहुँदा कहिले नेट्समा गएर ब्याटिङ गर्न पाइएला, बलरले यस्तो बलिङ गरे यस्तो खेल्छु भन्ने दिमागमा आउथ्यो ।
बिश्वकप लिग टु र नेपालले खेल्ने अन्य खेलमा आफ्नो व्यक्तिगत प्रदर्शनको बारे कसरी सोचिरहनु भएको छ ?
हामीले खेल्ने ३६ खेल मध्य अझै ३२ बाँकी छ । हाम्रो टोलीको मुख्य लक्ष्य भनेको टप टु मा पर्ने हो । यसका लागि मैले मेरो ब्याटिङबाट के कस्तो योगदान दिन सक्छु अथवा मेरो भूमिका के हुनसक्छ यस बारेमा धेरै सोचेर बसे ।
पछिल्लो समय आफ्नो क्षमता अनुसार प्रदर्शन गर्न सक्नु भएको छैन । के कुरा मिलिरहेको छैन ?
पछिल्लो ५–६ महिनाको खेललाई हेर्ने हो भने मैले सोचे अनुसार प्रदर्शन गर्न सकेको छैन । मेरो ब्याटबाट खासै रन पनि बन्न सकेको छैन । यसका बारेमा पनि मैले मेरो प्रशिक्षकसँग कुरा र सल्लाह गर्ने गरेको छु । मैले यस विषयलाई लिएर आफैलाई प्रेसर दिएको छैन तर पनि अझै राम्रो गर्नका लागि के गर्नु पर्छ यसका बारे सोच्ने गरेको छु । आफ्नो अभ्यासलाई अझै धेरै उपयोगी बनाउने बारेमा पनि सोचेको छु ।
अण्डर–१९ का कप्तान भएका कारण पनि आफ्नो टोलीसँग कत्तिको सम्पर्कमा हुनुहुन्छ ?
सबैसँग सम्पर्कमा नै थिए । हाम्रो अण्डर–१९ का प्रशिक्षक बिनोद दाई (बिनोद दास) ले च्याटमा एउटा ग्रुप बनाउनु भएको छ र त्यसमा सबै अण्डर–१९ टोलीका खेलाडीहरु थियौं । समय समयमा भिडियो कन्फ्रेन्स पनि हुने गर्दथ्यो ।
हेर्नुहोस् रोहितको पुरा भिडियो अन्तरवार्ता
त्रिभुवन आर्मी क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा बिजयी शुरुवात गरेको छ । त्रिवि मैदानमा शुक्रबार भएको खेलमा उपाधिको प्रबल दाबेदार आर्मीले गण्डकी प्रदेशलाई ९७ रनले पराजित गर्यो ।
टस जिति पहिलो ब्याटिङ्ग गरेको आर्मीका लागि कप्तान बिनोद भण्डारीले घरेलु क्रिकेटमा पहिलो शतक प्रहार गरेपछि ५० ओभरमा ६ विकेट गुमाउदै २ सय ८८ रन बनायो । जवाफमा गण्डकी ५० ओभरमा १ सय ८९ रनमै समेटियो ।
ओपनर तथा भेटेरान दिपेश खत्रीलाई सस्तोमै गुमाएपनि युवा खेलाडीहरुले भरिपूर्ण गण्डकी टोलीले आर्मीको सशक्त बलिङ्ग आक्रमणबिरुद्ध सम्मानजनक प्रदर्शन गरेको थियो । तिब्र गतिका बलरद्वय सोमपाल कामी र करण केसीसँगै युवा अलराउण्ड कुशल मल्ल अनुपस्थित रहेपनि आर्मीको टोली राम्रो देखिएको छ ।
१५ बर्षिय युवा ब्याट्स्म्यान अर्जुन कुमालले लोभलाग्दो ब्याटिङ्ग गर्दै दोश्रो विकेटका लागि समिर कँडेलसँग ५२ रनको साझेदारी गरेका थिए । अर्जुनले ५४ बलमा ५ चौकाको मद्दतमा ३६ रन बनाए । समिरले त्यसपछि दिपक डुम्रे (२६) सँग तेश्रो विकेटका लागि ७० रन जोडेपछि गण्डकीले प्रभावशाली खेल प्रदर्शन गरेको थियो । समिरले ९० बलमा ५० रन बनाए भने चार चौका समेत हिर्काएका थिए ।
गण्डकीका लागि कप्तान बिपिन खत्रीले आक्रमक ब्याटिङ्ग गर्दै २५ बलमा चार छक्का र दुई चौका सहित ३७ रन बनाएपछि उ २ सय रन नजिक पुगेको थियो । मुख्य बलरहरुले विकेट लिन नसक्दा राजेश पुलामी मगरले ९ ओभरमा मात्र २५ रन खर्चदै पाँच विकेट लिएका थिए ।
भिम सार्कीले सात ओभरमा २६ रन दिदै तीन विकेट लिए ।
यसअघि घरेलु क्रिकेटमा पहिलो शतक प्रहार गरेपछि आर्मीले बिशाल योगफल बनाएको थियो । ब्याटिङ्ग पिचमा टस जिति पहिलो ब्याटिङ्ग गरेको आर्मीका लागि भण्डारीले उत्कृष्ट इनिङ्गस खेल्दै घरेलु क्रिकेटको जुनसुकै संरचनामा यो पहिलो शतक हो ।
ओपनर राजु रिजाल र हरेकृष्णा झाले पहिलो विकेटका लागि उल्लेखनीय साझेदारी गर्दै बलियो शुरुवात दिलाएपछि भण्डारीले त्यसलाई ठूलो स्कोरमा परिणत गरेका थिए । भण्डारीले छैटौ विकेटका लागि लोकेश बमसँग १ सय ३ रनको शतकीय साझेदारी गरेका थिए ।
भण्डारीले ७६ बलमा ९ चौका र पाँच छक्काको मद्दतमा १ सय ११ रन बनाए । निकै आकर्षक ब्याटिङ्ग गरेका लोकेशले पनि आर्मीको लागि आफ्नो पहिलो खेलमा ३० बलमा तीन चौका र दुई छक्काको मद्दतमा ४२ रन बनाए ।
भण्डारीले राजेश पुलामी मगरसँग पाचौं विकेटका लागि ७३ रन पनि जोडेका थिए । राजेशले ५२ बलमा चार छक्का प्रहार गरे । आर्मीलाई राम्रो शुरुवात दिलाउने क्रममा राजुले हरेकृष्ण (१४) सँग ६३ रनको साझेदारी गरेका थिए ।
राजेशले ७१ बलमा चार चौका र एक छक्काको मद्दतमा ४५ रन बनाए । गण्डकीका लागि बिपिन खत्री र बिशाल पौडेलले २–२ विकेट लिएका थिए । आर्मीका लागि रोहित कुमार पौडेल (१०) र भिम (१५) ले पनि दोहोरो अंकमा रन जाडेका थिए ।
बिनोद भण्डारीको शतक भिडियो हाइलाइट्समा
रत्नजित, प्रिन्स, प्रफुल, दिपेश सेमिफाइलनमा
आर्मीबिरुद्धको हारमा गण्डकीको सम्मानजक प्रदर्शन
महिला लिग फुटबलमा हालसम्मकै सर्वाधिक पुरस्कार
बिनोद भण्डारीको घरेलु क्रिकेटमा पहिलो शतक
रोनाल्डो भर्सेस लुकाकुः सिरी आ सिजनको निर्णायक खेलमा इन्टर र युभेन्टसको भिडन्त
आर्सनल र प्यालेस बराबरीमा
बिल्बाओसँग पराजित भएपछि रियल सेमिफाइनलबाट बाहिरियो
पिएम कप आजबाट, उद्घाटन खेलमा आर्मी र गण्डकी भिड्ने (खेल तालिका सहित)
रत्नजित, दिपेश, प्रिन्स क्वार्टर–फाइनलमा
१० फुटबलर जसले बार्सिलोना जान मानेनन्
धेरै ऋणको भारी बोकेका पाँच युरोपेली क्लबहरु
ब्राजिलले पाएको अहिलेसम्मकै उत्कृष्ट १० फुटबलर
सात महादेशका सात उत्कृष्ट खेलाडीहरु
सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्
ट्रान्सफर मार्फत सर्वाधिक कमाउने ५ खेलाडी
कुनै समयका महँगा ब्राजिलियन स्टारको तलब अहिले महिनाको २ सय ५० डलर
फेरि पनि टिममा अटाएनन् स्ट्राइकर बिमल
हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर
एक युगको अन्त्य हुँदा बार्सामा क्रान्ति एक मात्र बिकल्प
-
Headline4 weeks ago१० फुटबलर जसले बार्सिलोना जान मानेनन्
-
Headline4 months agoधेरै ऋणको भारी बोकेका पाँच युरोपेली क्लबहरु
-
Headline8 months agoब्राजिलले पाएको अहिलेसम्मकै उत्कृष्ट १० फुटबलर
-
Headline4 months agoसात महादेशका सात उत्कृष्ट खेलाडीहरु
-
Headline5 months agoसिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्
-
Headline8 months agoट्रान्सफर मार्फत सर्वाधिक कमाउने ५ खेलाडी
-
Headline3 months agoकुनै समयका महँगा ब्राजिलियन स्टारको तलब अहिले महिनाको २ सय ५० डलर
-
Headline3 months agoफेरि पनि टिममा अटाएनन् स्ट्राइकर बिमल