Connect with us

Headline

नेपाल मात्र नभएर अफगानिस्तान पनि आईसीसीको अनुदानमा निर्भर

wesportz

Published

on

नेपाल क्रिकेट संघ (क्यान) मा चरम आर्थिक संकट छ । दैनिक कार्य सञ्चालनका लागि पनि क्यानलाई अहिले रकम जुटाउन हम्मे–हम्मे परिरहेको छ । कोरोना भाइरसको महामारी कायम रहेको स्थितिमा अहिले क्यान आईसिसिकै मात्र अनुदान कुरेर बसिरहेको छ ।

नेपाल अनुदानमै निर्भर रहेको पहिलो पटक भने होइन । गत अक्टोबरमा पुन निर्वाचित भएको क्यानको कार्य समिति निलम्बनमा पर्नु अघि पनि अन्तर्राष्ट्रिय अनुदानमे निर्भर रहदै आएको छ । नेपाल एकदिवसीय अन्तर्राष्ट्रिय मान्यता प्राप्त राष्ट्र भएपनि क्यानले पहिले पनि आईसिसीकै अनुदानमा कार्य सञ्चालन गर्दै आएको थियो भने केही पुर्वाधारहरुमा सरकारले मद्दत गर्दै आएको छ ।

आर्थिक संकट भने एकदिवसीय मान्यता मात्र नभएर टेस्ट राष्ट्र अफगानिस्तानलाई पनि परेको छ । अफगानिस्तान क्रिकेट बोर्डले अन्तर्राष्ट्रिय क्रिकेट काउन्सिल (आईसीसी) लाई एक मिलियन डलरको आर्थिक अनुदान दिन आग्रह गरेको छ ।
आर्थिक अभाब भए पछि बोर्ड संचालन गर्नका लागि पनि मुस्किल परेको भन्दै अफगानिस्तानले क्रिकेटको सर्वोच्च संस्थाको मुख ताकेको हो । यसको पुष्टी बोर्डका अन्तरिम कार्यकारी अधिकृत नाजी जार अब्दुलरहिमजाईले गरेका छन् ।

कोरोनाका कारण ट्वान्टी ट्वान्टी एसिया कप र ट्वान्टी ट्वान्टी विश्वकप रद्द भइसकेको छ । जसले गर्दा अफगानिस्तानले सहभागिता रकम प्राप्त गर्नका लागि प्रतियोगिता संचालन नहुँदा सम्म कुर्न पर्ने भएको छ । आम्दानीको श्रोत नै ठप्प भएपछि अफगानिस्तान आर्थिक रुपले बिक्षिप्त बनेको छ ।

आईसीसीले र एसियन क्रिकेट काउन्सिलले विभिन्न राष्ट्रहरुलाई दिने रकम आफ्नो आर्थिक बर्षको अन्त्यमा मात्र दिने गर्दछ र प्रतियोगिताहरु हुँदा सहभागी टोलीहरुलाई तत्कालै दिने गर्दछ ।

यस अघि आर्थिक संकट लागेसँगै बोर्डले आफ्ना खेलाडीहरुलाई दिंदै आएको सेवा सुबिधा, तलबका साथ साथै अनुबन्धमा रहेका खेलाडीको संख्या पनि घटाउने धुनमा रहेको समाचार बाहिरिएको थियो । हाल बोर्डसँग ३२ जना राष्ट्रिय टोली र ५५ जना घरेलु क्रिकेटका खेलाडीहरु अनुबन्धमा रहेका छन् ।

अफगानिस्तान क्रिकेट टोलीको मुख्य प्रायोजक एलोकोजीले पनि अघिल्लो बर्ष बोर्डको सम्झौता रद्द गर्ने निर्णय गरेको थियो जसका कारण बोर्डलाई आर्थिक संकटले प्रहार गर्न सुरु गरेको हो ।

सन् २०१६ देखि २०२३ सम्मको अवधिमा अफगानिस्तानले आईसीसीको आम्दानीको हिस्सा स्वरुप ४० मिलियन अमेरिकी डलर प्राप्त गर्न पर्ने हो । यसै अवधिमा आईसीसीले भने २ दशमलब ७ बिलियन डलर आम्दानी गर्दछ । अफगानिस्तानले यसै बापत प्राप्त गर्न पर्ने रकम गएको जनावरीमा २ दशमलब ४ मिलियन डलर प्राप्त गरेको थियो ।

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!