Connect with us

अन्तर्राष्ट्रिय

दयनीय तथ्यांक भएका महान फुटबलरहरु

wesportz

Published

on

खेलकुदको एउटा निर्दयी स्वभाव छ, महान बन्ने हो भने तथ्यांकको पहाड नै बनाउनु पर्ने । तर असली समर्थकहरुको लागि भने तथ्यांक नै हुनु पर्छ भन्ने छैन । महानता खेलाडीले पारेको प्रभाव र टिमले हात पारेको उपलब्धिले पनि स्पष्ट हुने गर्छ ।

अन्तर्राष्ट्रिय फुटबलमा पनि यस्ता महान फुटबलरहरु छन् जसले तथ्यांकको भारी त बनाएका छैनन् तर टिमको ठूला उपलब्धिहरुमा बिशेष प्रभाव पारेका छन् । न यी खेलाडीहरुले मेस्सी र रोनाल्डो जति गोल गरेका छन् न त धेरै असिस्ट । यी खेलाडीहरुको तथ्यांक हेर्दा लाग्छ उनीहरुले कसरी बालोन डि’ओर देखी बिश्वकपसम्मको उत्कृष्ट खेलाडी भएर देखाए ।

१) आन्द्रेस इनिएस्ता
बार्सिलोनाका यी स्टार खेलाडीले क्याटलन क्लबमा खेल्दा आफ्नो १६ बर्षको खेल जीवनमा मात्र ३५ गोल गरेका थिए । उनले गरेको गोल भने टोलीको लागि बोनस नै हो । इनिएस्ता टिमको इन्जिन भएर बार्सिलोनाको खेललाई नियन्त्रण गर्ने गर्थे । उनले गरेका गोलहरु भने निकै महत्वपूर्ण क्षणहरुमा आएका छन् ।

चेल्सीसँगको २००९ को सेमीफाइनल होस् वा २०१० को विश्वकप फाइनल, इनिएस्ताको गोल निकै महत्वपूर्ण हुन पुगेको थियो । एक सिजनमा ३ गोलको औसतमा गोल गरेका उनि डिफेन्डरलाई दुख दिन निकै माहिर छन् । गोलले खेल जिताए पनि जती खेलाडीले खेलमा प्रभाव पार्ने गर्छन् त्यो निकै महत्वपूर्ण हुने गर्छ ।

२) हुवान रिकेल्मे

हुवान रिकेल्मेको नाम हामी धेरैले कम सुनेका छौँ । यि अर्जेन्टिनियन मिडफिल्डरले एक सिजनमा ५ गोलको औसतमा गोल गरे पनि उनले खेलमा पार्ने प्रभावलाई कुनै समर्थकले नदेखे झै गर्न सक्दैन । रिकेल्मेको खेल जति सुस्त भए पनि उनले खेलमा ल्याउने गतिले ठुलो प्रभाव पार्ने गथ्र्यो । आफ्नो खेल जीवन स्पेन र अर्जेन्टिनामा बिताएका उनले मात्र १ सय २३ गोल गरेका छन् ।

३) डेनिस बर्गक्याम्प

धेरै गोल गर्न नसके पनि बर्गक्याम्पलाई निकै उत्कृष्ट खेलाडी मानिन्छ । एक सिजन १० को औषतमा गोल गरेका उनी आर्सनलका हिरा भनेर चिनिन्थे । तर तथ्यांक हेर्दा इनिएस्ता र रिकेल्मे मिडफिल्डर भए पनि बर्गक्याम्प भने स्ट्राइकर थिए । स्ट्राइकर भएर पनि बर्गक्याम्पले थोरै गोल गरेका छन् तर जब उनले गोल गर्थे त्यो निकै जादुमयी हुने गथ्र्यो । उनी २ सय १ गोलका खेल जीवनमा निकै कम गोल गर्ने स्ट्राइकरहरुमा पर्छन् ।

४) रायन गिग्स

गिग्स म्यानचेस्टर युनाइटेडका लेजेण्ड खेलाडीका रुपमा चिनिन्छन् । इङ्गलिस फुटबलमा लामो समय बिताएका गिग्सले बालोन डि’ओरमा आफ्नो नाम कहिले देखेनन् तर उनले खेल्ने खेलको प्रशंशा यति हुन्थ्यो कि युनाइटेडले लिग जित्दा उनको जति तारिफ अन्य कुनै खेलाडीको हुँदैन थियो ।

खेल जीवनमा १ सय ६१ गोल मात्र गरेका गिग्सको एक सिजनमा ७ गोलको औषत रहेको थियो । उनलाई फ्रान्स लिजेण्ड जिनेदिन जिदानले पनि उत्कृष्ट मिडफिल्डर भएको बताएका थिए । गिग्स फ्रान्समा जन्मिएका भए म र पेरेज दुवै बेन्चमा हुन्थ्यौं होला, जिदानेले एक अन्तर्वातामा भनेका थिए।

५) जिनेदिन जिदान
च्याम्पियन्स लिग जित्नलाई कसैले रोक्न नसक्ने जिदानलाई खेल मैदानमा भने उच्चस्तरीय खेलाडी हुन गोलको मात्र कमि थियो । १ सय १७ गोल मात्र गरेका उनले व्यक्तिगतरुपमा सबै उपाधि चुमेका छन् । बालोन डि’ओर, युएफा बर्ष खेलाडी, फिफा बर्ष खेलाडी र विश्वकपमा दिइने गोल्डेन बलका बिजेता रहेका जिदानको तारिफ जति गरे पनि कम हुन्छ ।

Click to comment

Leave a Reply

Your email address will not be published. Required fields are marked *

Headline

बार्साका भिडाल इन्टर मिलानमा

wesportz

Published

on

इटालियन सिरी आ मा आफ्नो टोलीलाई मजबुत बनाउने प्रयासमा रहेको इन्टर मिलानले बार्सिलोना मिडफिल्डर आर्टुरो भिडाललाई अनुबन्ध गर्ने भएको छ ।

अघिल्लो सिजन युभेन्टसलाई मात्र एक अंकले इटालियन प्रथम श्रेणीको उपाधि थमाएको इन्टर नयाँ जोशका साथ सिजनको शुरुवात गरिरहेको छ । यसका लागि इन्टर प्रशिक्षक एन्टोनियो कोन्टेले क्लबका चिनिया मालिकहरुसँग पनि खेलाडी अनुबन्धनका लागि खर्च गर्न भन्दै आएका छन् ।

भिडाललाई इन्टर भित्र्याउने कोन्टेको यही प्रयासको नतिजा हो । मिलानमा सोमबार मेडिकल गरेका भिडालको सम्झौता मङ्गलवारसम्म पुरा हुने बिबिसिले जनाएको छ । ३३ बर्षिय चिलियन भिडालले यसअघि कोन्टेसँग साझेदारी गरिसकेका छन् ।

भिडालले युभेन्टसका लागि लगातार तीन सिरी आ उपाधि जित्दा कोन्टेनै प्रशिक्षक रहेका थिए । बार्सामा डच प्रशिक्षक रोनाल्ड कोमनको आगमनपछि भिडालले क्लब छोड्ने लगभग तय जस्तै थियो ।

युरोपा लिगको फाइनल खेलेको इन्टरका लागि सिजन ढिलो शुरु गर्ने गरि लिगको तालिका तयार पारिएको छ । उसले शनिबार आफ्नो पहिलो लिग खेलमा फियोरेन्टिनाको सामना गर्नेछ ।

Continue Reading

Headline

एबी डि भिलियर्स आजदेखि आइपिएल नसकिदासम्म परितोष

wesportz

Published

on

इण्डियन प्रिमियर लिग अन्तर्गत आइतबार निकै रोमाञ्चक हुने अपेक्षा गरिएको खेलमा भारतीय टोलीका कप्तान रोयल च्यालेञ्जर्स बैंग्लोरले डेविड वार्नरको सनराइजर्स हैदराबादको सामना गरिरहेको छ ।

आइपिएलमा सधै प्रबल दाबेदार रहने गरेको बैग्लोरले अहिलेसम्म एक पटक पनि उपाधि जितेको छैन भने दुई पटक फाइनलमा पराजित भएको थियो । बैंग्लोरको टिम सधै झै यसपटक पनि निकै बलियो देखिन्छ, मुख्यत कोहली र दक्षिण अफ्रिकी ब्याटिङ्ग स्टार एबि डि भिलियर्सको उपस्थितिका कारण ।

यो सिजन भने बैंग्लोरका लागि फरक रहनेछ र कारण हुनु डि भिलियर्स । डि भिलियर्स आइतबार मैदान उत्रदा उनको जर्सीमा आफ्नो नाम हुने छैन । फ्रान्चाइज लिगमा डि भिलियर्सले आफ्नो जर्सीमा नाम एबिडि लेख्दै आइरहेका छन् भने राष्ट्रिय टोलीका लागि एबि डि भिलियर्स नै ।

तर यसपटक डि भिलियर्सले आफ्नो जर्सी पछाडी परितोष लेख्नेछन् ।

कारण के हो त ?

बिजय माल्याको बैंग्लोरले हरेक जसो आइपिएल सिजनमा सामाजिक उत्तरदायित्व अन्गर्त बिभिन्न अभियानहरु गर्दै आइरहेको छ । अघिल्लो सिजन पनि उसले हरियाली बचाउने नारा सहित गो ग्रिन अभियानमा साथ दिएको थियो र यसै कारण आफ्नो जर्सीको रङ्ग पनि हरियो बनाएको थियो ।

यो सिजन बैंग्लोरले कोरोना भाइसर संक्रमणबाट जुध्न फ्रन्टलाइनमा रहेर काम गर्नेहरुको समर्थनमा अभियान सञ्चालन गरिरहेको छ । बैंग्लोरका सबै खेलाडीले यो सिजन फ्रन्टलाइनमा काम गर्नेहरुको समर्पणमा आफ्नो जर्सी पछाडी कोभिड हिरोज लेख्नेछन् ।

डि भिलियर्सले भने यो बाहेक जर्सीमा परितोष लेख्ने भएका हुन् । उनले फिडिङ्ग फ्रम फार (टाढा रहेर खुवाउदै) अभियान चलाउदै गरिब तथा निमुखाहरुलाई खाना ख्वाउने काम गरिरहेका परितोष पन्तको नाममा यो पुरै सिजन आफ्नो जर्सीमा नाम परिवर्तन गर्न लागेका हुन् ।

डि भिलियर्सले ट्विटरमा आफ्नो ह्याण्डल पनि परितोष पन्त भनेर परिवर्तन गरेका छन् । आइतबार हैदराबादबिरुद्ध खेल्नु अघि बैंग्लोरले आफ्नो सामाजिक सञ्जालमा कोभिड–१९ बिरुद्ध लड्ने फ्रन्टलाइनरहरुको समर्पणमा भिडियो पनि पोष्ट गरेको थियो ।

Continue Reading

Headline

प्रिमियर लिग: सिजनकै पहिलो खेल खेल्दै म्यानचेस्टर सिटी

wesportz

Published

on

प्रिमियर लिगको दोस्रो चरणका खेलहरुको आज अन्तिम दिन पहिलो खेलमा सेफिल्ड युनाइटेडले एस्टन भिल्लाको समाना गर्दै छ भने दोस्रो खेलमा म्यानचेस्टर सिटीले उल्भ्ससँग खेल्ने छ ।

आफ्ना-आफ्ना पहिलो खेल हारेका सेफिल्ड र एस्टन भिल्ला आमने समाने हुने छ्न् । एस्टन भिल्लाको घरमा हुने खेलमा दुवै टोली तीन अंकका लागि खेल्ने छन् ।

सेफिल्ड युनाइटेडले १९७३/१९७४ देखी अहिले सम्म लगातार दुई खेलमा पराजित हुनु परेको छैन । एस्टन भिल्लाले भने आफ्नो घरमा भएका पछिल्ला पाँच खेल मद्दे चार खेल हार्न पुगेको छ । यस् पटक पनि रेलिगेसनका लागि दावेदार मानिएको एस्टन भिल्लालाई आजको खेल जित्ने दवाव हुने छ ।

खेल नेपाली समय अनुसार राती १०:४५ मा सुरु हुने छ ।

यस्तै युरोपियन प्रतियोगिता खेलेका कारण पाएको छुट्टी सकिएको म्यानचेस्टर सिटीले अर्को खेलमा वुल्भ्सको समाना गर्ने छ ।

गत बर्षको दोस्रो स्थानमा सिजन सकाएको सिटी यो पटक भने उपाधी दवेदार मानिएको छ । टोलीका मुख्य खेलाडी सर्जियो अगवेरो चोटका कारण खेल गुमाउने छन् भने सिटीले भित्र्याएका नयाँ खेलाडी मद्धे नाथन अके र फेरान टोरेसले आजको खेलमा डेब्यु गर्ने सम्भावना बलियो देखिन्छ ।

गएको सिजन वुल्भ्ससँग लिगका दुवै खेल हारेको सिटीले यो पटक भने जितको आशा राखेको छ । पछिल्ला ११ बर्षमा प्रिमियर लिगमा खेलेका पहिलो खेलमा एक खेल पनि नहारेको सिटीलाई ईतिहास कायम राख्न आजको खेल जित्नै पर्ने दवाव रहने छ ।

खेल नेपाली समय अनुसार राती १:०० बजे सुरु हुने छ ।

Continue Reading
Headline18 mins ago

बार्साका भिडाल इन्टर मिलानमा

Headline3 hours ago

एबी डि भिलियर्स आजदेखि आइपिएल नसकिदासम्म परितोष

Headline4 hours ago

प्रिमियर लिग: सिजनकै पहिलो खेल खेल्दै म्यानचेस्टर सिटी

Headline9 hours ago

युरोपियन फुटबलमा शनिबारः पिर्लोको बिजयी शुरुवात, एमबाप्पेको उत्कृष्ट पुनरागमन, रियल पहिलो खेलमै बराबरीमा रोकियो

अन्तर्राष्ट्रिय16 hours ago

निकै रोमान्चक खेलमा दिल्लीद्वारा पन्जाब सुपर ओभरमा पराजित 

Headline17 hours ago

मानेको दुई गोल,चेल्सी लिभरपुलसँग पराजित

अन्तर्राष्ट्रिय21 hours ago

पन्जाब विरुद्ध दिल्ली पहिले ब्याटिङ गर्दै, परेनन् सन्दिप सुरुवाती ११ मा 

Headline21 hours ago

सिरी आ मा समर्थकहरु फर्किएको दिन नापोलीको जित

Headline21 hours ago

सनको चार गोलमा टोटनह्यामको पहिलो जित

Headline22 hours ago

सात महादेशका सात उत्कृष्ट खेलाडीहरु

Headline6 days ago

धेरै ऋणको भारी बोकेका पाँच युरोपेली क्लबहरु

Headline4 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Headline3 months ago

कहा छन् भारतलाई अण्डर १९ बिश्वकप जिताउने कप्तान उन्मुक्त चन्द ?

Trending