Connect with us

Headline

आर्सनलको दुर्गतिः न च्याम्पियन्स लिग, न युरोपा लिग

wesportz

Published

on

म्यानचेस्टर युनाइटेड र लिभरपुलपछि सबैभन्दा बढी इङ्गलिस प्रिमियर लिगको उपाधि जित्ने टोली आर्सनल हो । डिभजन वानपछि प्रिमियर लिगको रुपमा २० टोलीसहित १९९२ देखि नयाँ संरचनामा शुरु भएयता आर्सनलले तीन पटक उपाधि जितेको छ ।

सन् १९९७–९८ देखि २००४–०५ सम्मका सिजनहरु आर्सनलका लागि आधुनिक प्रिमियर लिगको स्वर्णिम काल थियो । फ्रान्स फुटबल लिजेण्ड थिएरी हेन्री त्यो सफलताको केन्द्रमा रहदा आर्सनल तीन पटक उपाधि जित्न सफल भएको थियो भने कुनै पनि सिजन दोश्रो स्थान भन्दा तर गएको थिएन । आर्सनलले नयाँ पुस्ताको समर्थकहरु कमाउनुको प्रमुख कारण १९९८ मा फ्रान्सलाई बिश्वकप दिलाउने मध्येका प्रमुख खेलाडी हेन्री पनि थिए ।

लगातार ७ सिजन आर्सनलको सर्वाधिक गोलकर्ता बनेका हेन्रीले क्लब छोड्दा उनले लेजेण्डको स्टेटस पाइसकेका थिए । हेन्रीसँग आर्सनलमा डेनिस बर्गक्याम्प, सेस्क फाब्रेगास, रोबिन भान पर्सि, प्याट्रिक भिएरा, रोबर्ट पिरेज, फेडी लन्बग र एस्ली कोल त्यो स्वर्णिम कालका नायकहरु थिए ।

आर्सनल समर्थकहरुलाई आफू गनर्स भएकोमा गर्व त अहिले पनि हुन्छ नै तर त्यो दशकको गनर्स हुनु र अहिले गनर्स हुनुमा आकाश जमिनको फरक छ । त्यति खेर आर्सनलका समर्थकलाई घमण्ड थियो, इङ्गल्याण्डमा उत्कृष्ट फुटबल खेल्न सकेकोमा र यो जायज पनि थियो ।

यो सिजन अघि सम्म लिभरपुल जस्तै आर्सनल समर्थकका लागि पनि प्रिमियर लिग उपाधि इतिहास बनिसकेको छ

आर्सनलको समर्थकसँग जुध्नु अघि सोचेर बोल्नुपर्ने स्थिति हुने थियो, अहिले उनीहरु बिचरा भएका छन् । अहिले आर्सनलका समर्थकहरु बितेका दिनहरुलाई लिएर पनि घमण्ड गर्न सक्ने अवस्थामा छैनन् । किनभने क्लबको प्रदर्शन निरन्तर ओरालो लाग्दै गइरहेको छ र बोल्ने कुनै ठाँउ पनि बाकी रहेको छैन ।

तीन दशकको खडेरी तोड्दै लिभरपुलले यो सिजन १९ औं उपाधि जित्दा आर्सनल भने पछिल्लो २५ बर्षकै सबैभन्दा खराब प्रदर्शन गर्न पुग्यो । आर्सनलले यो सिजन आठौं स्थानमा सक्कायो र १९९५–१६ मा युरोपियन क्लब फुटबल प्रतियोगितामा उपस्थिति जनाउन चुकेको छ ।

उनाई एमेरीको स्थानमा आफ्नै पुर्व खेलाडी मिकेल आर्टेटालाई व्यवस्थापक नियुक्त गर्नु अघि आर्सनल १७ खेलबाट २३ अंक सहित नवौं स्थानमा रहेको थियो । शुरुवाती केही खेलहरुमा आर्टेटाले केही परिवर्तन ल्याएपनि उसले बाकी रहेको २१ खेलबाट ३३ अंकमात्र बटुल्न सक्यो ।

आउने सिजन आर्सनलले न च्याम्पियन्स लिग खेल्नेछ न त युरोपा लिग नै ।

आर्सनलको समस्या ठूलो टिमसँग हार्नु मात्र होइन सानो टिमसँग पनि नराम्ररी पराजित हुनु पनि हो । आइतबार प्रिमियर लिगको अन्तिम दिन रेलिगेसनमा परेको वाट्फोर्डले कडा टक्कर दिएपनि आर्सनल ३–२ ले बिजयी भएको थियो । तर जितको हकदार भने वाट्फोर्ड नै थियो ।

आर्टेटा आए, खेलाए, आफै निराश भए

हुन त आर्सनलले पछिल्लो केही बर्ष ट्रान्सफर मार्केटमा दिल खोलेर पैसा बगाएको छैन । आर्सन वेँगरको लामो व्यवस्थापनमा उनले क्लबलाई थुप्रै उपलब्धि त दिलाए नै तर सँगसँगै क्लब व्यवस्थापनमा एउटा दर्शन नै स्थापित गरिदिए । आफ्ना एकेडेमी उत्पादनलाई राम्रो मुल्यमा बेच्दै औषत खेलाडी मात्र भित्र्याउने । वेँगरको यो दर्शन क्लबको लागि फलिफाप नै साबित भयो ।

ठूला नाम रहेका खेलाडीहरु नरहेपनि आर्सनलले लगातार च्याम्पियन्स लिगमा सहभागिता जनाउदै आयो, र त्योसँगै आयो स्पोन्सरसिपनको प्रशस्त रकम पनि ।

तर फुटबलमा पैसा सब थोक बन्दै जादा वेँगरको यो दर्शन कति समय नै चल्थ्यो र ?

पछिल्लो दुई सिजन आर्सनल च्याम्पियन्स लिगबाट बञ्चित हुनु यसको उदाहरण हो र आउने सिजनका लागि त उसले युरोपा लिग पनि गुमाएको छ । ठूलो इतिहास बोकेको आर्सनलको लागि यो सिजनको परिणामले क्लबलाई अब वेँगरको त्यो दर्शन बोझा बन्न थालेको स्पष्ट भइसकेको छ ।

आगामी सिजन ट्रान्सफर मार्केटमा उत्पात नमच्चाउने हो भने आर्सनल अझै खस्किदै गएपनि कुनै अनौठो हुने छैन ।

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading
अन्तर्राष्ट्रिय2 hours ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय16 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline3 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!