Headline
एमबाप्पे मेस्सी र रोनाल्डो पछि महान् बन्न सक्ने तीन कारण
Published
4 years agoon
By
wesportzपछिल्लो एक दशक भन्दा बढी हेर्ने हो भने युरोपियन फुटबलमा अर्जेन्टिनाका लियोनल मेस्सी र क्रिष्चियानो रोनाल्डोको दबदबा रहेको छ ।
उनीहरुको दबदबाब के कति सम्म छ भन्ने ज्वलन्त उदाहरण बिश्वकै प्रतिष्ठित खेलकुद पुरस्कार बालोन डी’ओर हो । पछिल्लो १२ वटा बालोन डी’ओरमध्ये मेस्सीले ६ वटा र रोनाल्डोले पाँच पटक जितेका छन् । त्यस्तै यी दुईबीच को राम्रो अथवा उत्कृष्ट खेलाडी भन्ने बिषयमा पनि समर्थकबीच चर्काचर्की चल्ने गरेको छ । शायद दुवै खेलाडीले सन्यास लिइसकेपछि पनि यो साम्य हुने देखिदैन ।
हाल मेस्सी ३३ बर्षका भए भने रोनाल्डो ३५ बर्षको । उनीहरुको बढ्दो उमेरले गर्दा पनि फुटबलमा अब कसको अधिपत्य रहने भन्ने प्रश्न तेर्सिन थालेको छ । त्यस्तै अबको दशकमा कुन खेलाडीको प्रभुत्व रहने छ त भन्ने बिषयले पनि समर्थकहरुबीच स्थान पाउने गरेको छ ।
पेले, डिएगो म्यारोडोना, रोनाल्डो, रोनाल्डिन्हो जस्ता खेलाडीले विश्वमा राज गरे भने अहिले मेस्सी र रोनाल्डो रहेका छन् । अब भबिष्यमा रोनाल्डो र मेस्सीको स्थान लिन सक्ने एक जना खेलाडीको नाम अग्रपंक्तिमा आउने गरेको छ र त्यो हो किलियन एम्बाप्पे । आर्सनलका म्यानेजर अर्सेन वेंगर पनि हालका लागि एम्बाप्पे बाहेक अन्य नाम देख्दैनन् ।
उनले सन् २०१८ मा रसियामा भएको विश्वकपमा होस् या लिग वान टोली पेरिस सेन्ट जमाईन (पिएसजी) बाट खेल्दा, एमबाप्पेले आफ्नो खेलको जादु सबैतिर देखाइसकेका छन् । मेस्सी र रोनाल्डोको स्थान एमबाप्पेले लिन सक्ने कारणहरु के–के छन् त ?
३. उनी फ्रेन्च फुटबलका अनुहार हुन्
२१ बर्षको कलिलो उमेरमै एमबाप्पे फ्रेन्च फुटबलका अनुहार भइसकेका छन् । हुन त फ्रान्सको राष्ट्रिय टोलीमा पउल पोग्बा, एन्टोइन ग्रिजÞमन, राफेल भाराने र ह्युगो लोरिस स्थापित नाम हुन् तर पनि सबै एमबाप्पे जस्तो अलराउण्ड प्रदर्शन गर्न असमर्थ छन् । लोेरिस गोलकिपर भएकाले नै उनको दायरा सिमित छ ।
अहिलेको अवस्थामा डिडियर डेस्च्याम्पको सबैभन्दा ठूलो हतियार भनेकै एमबाप्पे हुन् । हाल फ्रान्स फुटबलमा एम्बाप्पेको महत्व यती धेरै छ की अर्को बर्ष आयोजना हुने युरो कपमा फ्रान्सले देखाउने प्रदर्शन पनि उनकै वरिपरि घुम्ने निश्चित छ । उपाधि जित्ने लक्ष्यमा जर्सी नम्बर १० एम्बाप्पेको प्रदर्शन उच्च हुनु जरुरी छ ।
२. बलमाथिको नियन्त्रण र अभुतपुर्व रचनात्मकता
गोल र असिस्ट कुनै पनि फरवार्डको महत्वपूूर्ण तथ्यांक हो । यसमा एम्बाप्पे निकै अघि रहेका छन् । सन् २०१७–१८ को सिजनमा उनले २१ गोल गरेका थिए भने १५ असिस्ट गरेका थिए । कोरोनाका कारण खेल रोकिनु अघि यस बर्ष उनको गोल संख्या बढेर २६ पुगेको थियो भने १४ असिस्ट गरेका थिए । यही तथ्यांकले एमबाप्पेको उत्कृष्टता स्पष्ट हुन्छ ।
उनी निकै नै प्रतिभाशाली खेलाडी हुन् र यसको मापन गर्ने अर्को आधार भनेको उनको गति । तिब्र गतिमा बल खेलाउन सक्नु उनको अर्को उत्कृष्ट क्षमता हो । पिएसजीमा आबद्ध भएको पहिलो सिजनमा नै उनको पास गर्ने दर ८३ दशमलब १ प्रतिशत रहेको थियो । त्यस्तै उनले २४ खेलमा आठ असिस्ट पनि गरेका थिए । रोनाल्डोले उक्त सिजन ८१ दशमलब ६ प्रतिशतको दरमा बल पास गरेका थिए । उनको २७ खेलमा पाँच असिस्ट गरेका थिए ।
१. खारिनका लागि पर्याप्त उमेर
एम्बाप्पे मात्र २१ बर्षको भए । यस उमेरमा पनि उनले फ्रान्सको लागि सन् २०१८ को विश्वकप उपाधि दिलाएका छन् । त्यस्तै उनले तीन पटक लिग वानको उपाधि चुमेका छन् भने आफ्नो नाममा १०० व्यवसायिक गोल गरेका छन् । त्यतिमा मात्र उनी सिमित छैनन्, उनले च्याम्पियन्स लिगमा आफ्नो गोल संख्या १९ पुर्याइसकेका छन् ।
कुन खेलाडीले १८ देखि २१ बर्षको उमेरमा एम्बाप्पेले हासिल गरेको उपलब्धि हासिल गरेका छन् त ? कुनै पनि खेलाडीले यस बिषयमा बादबिबाद गर्न सक्ला ? मेस्सीले आफ्नो खेल जीवनको शुरुवातमा र पछि सम्म पनि एमबाप्पेले जस्तै विभिन्न उपलब्धिहरु हासिल गर्न सफल भएका थिए तर उनले आफ्नो टोलीलाई अहिले सम्म पनि विश्वकपको उपाधि दिलाउन सकेका छैनन् ।
त्यस्तै रोनाल्डोले सन् २००६–०७ को सिजनमा उनी २२ बर्षको हुँदा पहिलो पटक २० गोलको आँकडा पार गरेका थिए । तर एमबाप्पेले २१ बर्षको उमेरमा नै लगातार चौथों पटक यो उपलब्धि हासिल गरेका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।