Connect with us

Headline

स्पेनिस सिजनको उत्कृष्ट १० सम्झनलायक क्षण

wesportz

Published

on

ला लिगा ईतिहासकै लामो मानिएको २०१९–२० को सिजन आईतवार सक्कियो । कोरोना भाईरसका कारण रोकिएको लिगलाई स्पेनिस सरकारको निगरानीमा स्पेनिस फुटबल संघले सफलता पुर्वक अन्त्य गर्न सफल भयो । लकडाउनपछि बाकी रहेका ११ खेललाई केही दिनमै खेलाएर सम्पन्न गरिएको थियो जसमा रियल म्याड्रिड ११ खेलमै अपराजित रहदै ३४ औं पटक उपाधि जित्न सफल रह्यो ।

रियलले १२ बर्षमा तेश्रो उपाधि जितेको हो । यो सिजन ला लिगाका सम्झनलायक १० क्षण कुन–कुन हुन् त ?

एडुरिजको ‘बाइसाइकल किक’ बाट उत्कृष्ट शूरुवात

लालिगाको यो सिजनको उत्कृष्ट गोल एरिज एडुरिजले बार्सिलोनाको बिरूद्ध अविश्वसनीय बाइसाइकल किक हुन पुयो । खेलको ८९ औं मिनेटमा गोल गर्दै उनले एथ्लेटिक बिल्बाओलाई तीन अंक दिलाएका थिए । एडुरिजले सिजन सुरु हुनु अघी नै उनको यो अन्तिम ला लिगा हुने बताएका थिए । ३९ बर्षिय एडुरिजको लामो बिदाको लागि यो गोल एउटा ’पर्फेक्ट स्टार्ट थियो ।

विरोधको छायामा परेको एल क्लासिको

१७ बर्षमा पहिलो पटक एल क्लासिको गोल रहित बराबरीमा सकिन पुग्यो । क्याटलानको स्वतन्त्रताका लागि रङशाला बाहिरको प्रदर्शनले खेललाई ओझेलमा प¥या े। प्रशंसकहरूले स्ट्याण्डमा धुवाँ बनाउने देखी बाहिर आगो बाल्ने सम्म गरे । प्रहरीले उनीहरुलाई साम्य बनाउदा सम्म दङ्ग शुरु भइसकेको थियो । अक्टोबरको विरोधका कारण डिसेम्बरमा सारिएको खेलमा दुई महिनापछि पनि तनाव भने कायमै रह्यो ।

जीवन्त फाती

अन्सू फाती गत वर्षको अगस्टमा मात्र १६ वर्ष ३०४ दिनका थिए जब उनी बार्सिलोनाका लागि गोल गर्ने सबैभन्दा कान्छो खेलाडी बन्न पुगे । मैदानमा आएको ६ मिनेट पनि नबित्दै फातीले ओसासुना बिरूद्ध आफ्नो पहिलो गोल गरेका थिए । दुई हप्तापछि उनले अर्को गोल गरे र ला लिगामा बार्साका लागि शुरुवाती एघारमा पर्ने सबैभन्दा कान्छा खेलाडी पनि बन्न पुगे ।

आइबार विरुद्ध मेस्सीको चार गोल

बजारमा लियोनल मेस्सीको गोलको खडेरीको चर्चा थियो । मेस्सीले लगातार चार खेलमा गोल गर्न सकेका थिएनन् । तर मार्चमा आइबारविरुद्ध खेलद मेस्सीले ४० मिनेट भित्रै ह्याट्रिक पुर गरे । उनको त्यो ३६ औँ ला लिगा ह्याट्रिक थियो । मेस्सीले आइबारसँग ११ पटक खेल्दै २० गोल गरिसकेका छन् ।

वेल्समा गरेको हर्कतको बेललाई सजाय

ग्यारेथ बेलको रियल म्याड्रिडसँग सम्बन्ध लामो समयदेखि खराब बन्दै आएको छ । नोभेम्बरमा बेलले “वेल्स, गल्फ, म्याड्रिड । त्यस अर्डरमा“ भन्दै रियललाई प्राथमिकताको आधरामा तेश्रो स्थानमा राखेपछि समर्थकहरु उनीसँग रष्ट भएका थिए । वेल्सको राष्ट्रिय टोलीका लागि खेल्दै गर्दा उनले त्यो ब्यानरमा फोटो खिचाएका थिए । बेलले दिएको अभिव्यक्ति एउटा मजाक रहेको र उनी आँफैले त्यो नगरेको समेत बताउनु परेको थियो । तर म्याड्रिडका प्रशंसकहरूले उनलाई रियलका लागि खेल्दै गर्दा सिटी बजाउदै आफ्नो असन्तुष्टि पोखेका थिए ।

युनियोनिस्टासको कब्जामा म्याड्रिड

युनियोनिस्टास डे सालामांका समर्थकहरुले २०१३ मा खडा गरेको क्लब हो । रियल म्याड्रिड भन्दा ५६ स्थान तल रहेको युनियोनिस्टासका समर्थकहरुले कोपा डेल रे मा हार व्यहोरे पनि क्लबका समर्थकहरुले खेल भरी टोलीलाई समर्थन गर्दै ताली बजाउदै हौसाएका थिए । क्लबका समर्थकहरुले म्याड्रिड समर्थकहरुलाई नै छायामा पारेका थिए । खेलमा युनियोनिस्टासले ३–१ को हार बेहोर्यो तर समर्थकहरुले अल्भारो रोमेरोले गरेको गोल कहिले भुल्ने छैनन् ।

सेभिलमा मौन डर्बी

रियाल बेटिस र सेभियाविरुद्धको खेललाई जहिले पनि ठूलो खेलका रुपमा हेरिने गरिन्छ । स्पेनकै यो महान डर्बी ठूलो आवाजमा हुने गथ्र्यो तर यो बर्ष भने शान्त थियो । कारण थियो कोरोना भाईरस । स्पेनमा ठूलो झट्का हानेको यो भाईरसले फुटबल शुरु भएपछि पनि दर्शकलाई भने रङशाला छिर्न अनुमती दिएको थिएन । त्यसै कारण यो पटकको सेभिल डर्बी मौनतामै सकिन पुग्यो।

भ्यालेन्सियाबिरुद्ध बेन्जेमाको भली

गत महिना भ्यालेन्सियामा रियल म्याड्रिडले ३–० को जित निकाल्दा करिम बेन्जेमाले गरेको भली गोल सिजनको उत्कृष्ट गोलको लागि अर्को उम्मेदवार थियो । आएको मौकालाई सदुपयोग गर्दै डिबक्समा बललाई थोरै आफ्नै खुट्टाले उचालेर उनले प्रहार गरेको त्यो भली सिधा डिफेन्डर ह्युगो गिलामोनलाईको माथिबाट पोस्टको टप कर्नरमा लागेर गोल भएको थियो ।

बार्सिलोनालाई डुबाउने आसपास

बार्सिलोनाले यो सिजनको उपाधिका लागि धेरै चुनौतिको सामना गर्यो र त्यो मध्ये एक थियो सेल्टा भिगोसँगको महत्वपूर्ण खेल । उपाधि होडमा रहन जित्नै पर्ने सेल्टा भिगोसँगको खेलमा इआगो आस्पासको घुमाउरो फ्रि–किक गोलमा परिणत हुदा बार्सिलोना बराबरीमा रोकिन पुग्यो । यसले बार्साको गतिमाथि ब्रेक लगाउदै रियलका लागि मौका खेलेको थियो । आसपासले ला लिगाकै उत्कृष्ट गोलरक्षक मानिएका टेर स्टेगनको पोष्ट भित्रको बल कमजोर बार्साको वालबाट घुमाउदै गोल गरेपछि खाली रङ्गशालातर्फ हेर्दै जर्सि फुकालेर चिच्याउदै खुशीयाली मनाएका थिए ।

ओक्याम्पोस हिरो बनेको दिन
सेभियाका लुकास ओक्याम्पोसले एकै खेलमा विङरको रुपमा एक गोल गर्दै गोलकिपरको रुपमा आइबारलाई बराबरीको गोल रोक्दै सनसनीपूर्ण प्रदर्शन गरेका थिए । आइबारबिरुद्धको खेलमा गोल गरेपछि ओक्यम्पोसले चोटिल गोलरक्षक थोमस भाच्लिकको स्थानमा पोस्ट सम्हालेका थिए । आइबारका किपर मार्को डिमित्रोभिच कर्नर प्रहारका लागि अगाडी आउदा ओक्याम्पोसले उत्कृष्ट ढँगले गोल बचाउदै सेभियालाई ३ अंक दिएका थिए ।

Headline

माल्मोबिरुद्धको फराकिलो जितमा चेल्सीले लुकाकु र वेर्नरलाई गुमायो

wesportz

Published

on

डिफेन्डिङ्ग च्याम्पियन चेल्सीले स्विडिस क्लब माल्मोलाई ४–० ले पराजित गर्दै च्याम्पियन्स लिगमा पुनरागमन गरेको छ । स्ट्यामफोर्ड ब्रिजमा फराकिलो जित हात पारे पनि चेल्सीलाई स्ट्राइकरद्वय रोमेलु लुकाकु र टिमो वेर्नरको चोटको चिन्ताले भने सताएको छ ।

यसअघिको खेलमा युभेन्टससँग टुरिनमा पराजित चेल्सीले घरेलु मैदानमा भने कुनै गल्ति गरेन । आन्द्रेस क्रिष्चेन्सन थियागो सिल्भाको पासमा खेलको नवौं मिनेटमै चेल्सीलाई अग्रता दिलाएका थिए । क्रिष्चेन्सनले १ सय ३७ औं खेलमा पहिलो पटक चेल्सीका लागि गोल गरेका हुन् ।

जोर्गिन्होले २१ औं मिनेटमा पेनाल्टी मार्फत गोल गर्दै अग्रतालाई दोब्बर बनाएका थिए । लासे निएल्सनले लुकाकुमाथि फउल गरेपछि चेल्सीले पेनाल्टी पाएको थियो । चोट बोकेका लुकाकुले त्यसपछि खेल छोडेका थिए ।

ह्यामस्ट्रिँग समस्यका कारण वेर्नर पनि पहिलो हाफ अघि नै निस्किए तर उनको स्थानमा आएका क्यालम हट्सन–ओडोइको असिस्टमा काइ ह्याभर्ट्जले चेल्सीका लागि दोश्रो हाफको शुरुवातमै तेश्रो गोल गरे ।

एरिक लार्सनले एन्टोनियो रुडिगरमाथि फउल गरेपछि प्राप्त अर्को पेनाल्टीमा जोर्गिन्होले दोश्रो गोल गर्दै चेल्सीको जितलाई अझै फराकिलो बनाएका थिए ।

चेल्सी ६ अंक सहित दोश्रो स्थानमा छ भने रुसी क्लब जेनिट सेन्ट पिटर्सबर्गलाई हराएको युभेन्टस लगातार तीन जित सहित समुह एचको अंक तालिकामा पहिलो स्थानमा छ ।

Continue Reading

Headline

च्याम्पियन्स लिगः रोनाल्डोको गोलमा युनाइटेडको सनसनीपूर्ण पुनरागमन

wesportz

Published

on

क्रिष्चियानो रोनाल्डोले निर्णायक गोल गरेपछि म्यानचेस्टर युनाइटेडले च्याम्पियन्स लिगमा सनसनीपूर्ण पुनरागमन गर्दै एटलान्टालाई ३–२ ले हराएको छ ।

ओल्ड ट्राफोर्डमा पहिलो हाफमै दुई गोलले पछि पर्दा ओले गुनर सोल्सायरको टोलीलाई आफ्नै घरेलु समर्थकले धुत्कारेका थिए । मारियो पासालिचले १५ औं मिनेटमा गोल गर्दै इटालियन क्लबलाई अग्रता दिलाएका थिए भने मेरिह डेमिरलले २८ औं मिनेटमा ओल्ड ट्राफोर्डलाई स्तब्ध पारे ।

तर दोश्रो हाफको शुरुवातसँगै दर्शकले पनि साथ दिएको युनाइटेड जुर्मुरायो । मार्कस रासफोर्ड ५३ औं मिनेटमा घरेलु टोलीलाई खेलमा फर्काए भने ह्यारी मग्वायरले ७५ औं मिनेटमा दोश्रो गोल गरे ।

तीन हप्ता अगाडी भिलारियलबिरुद्ध अन्तिम समयमा गोल गर्दै टिमको उद्दार गरेका रोनाल्डो एक पटक फेरि युनाइटेडको संकट मोचक भए । खेल सकिन ९ मिनेट बाकी हुँदा ल्युक स को क्रसमा आफ्नो ट्रेडमार्क हेडरमार्फत जालीको कुना चुमाएका रोनाल्डोले युनाइेटडलाई उत्कृष्ट जित दिलाए ।

जितपछि युनाइटेड समुह एफको शिर्ष स्थानमा उक्लिएको छ । स्विस टोली यँग बोइजसँग स्तब्ध युनाइटेडको तीन खेलबाट ६ अंक भएको छ भने एटलान्टा र भिलारियालको समान ४ अंक छ ।

अर्को खेलमा भिलारियालले यँग बोइजलाई ४–१ को फराकिलो अन्तरले पराजित गर्यो ।

Continue Reading

Headline

ट्वान्टी ट्वान्टी बिश्वकपः बलिँग र ब्याटिंँगमा पुनरागमनपछि श्रीलंका सुपर १२ मा

wesportz

Published

on

ब्याटिँगपछि बलिँगमा पनि पुनरागमन गर्दै श्रीलंका आईसीसी ट्वान्टी ट्वान्टी बिश्वकपको सुपर १२ मा प्रवेश गरेको छ । अबु धाबीमा समुह ए को खेलमा लगातार दोश्रो जित हात पार्ने क्रममा श्रीलंकाले आयरल्याण्डलाई ७० रनको फराकिलो अन्तरले पराजित गर्यो ।

पहिलो दुई खेलपछि श्रीलंकाको चार अंक भएको छ । श्रीलंकाको जितसँगै नेदरल्याण्ड्स भने बाहिरिएको छ । अब समुहबाट सुपर १२ प्रवेश गर्नका लागि एक मात्र स्थानका लागि नामिबिया र आयरल्याण्ड भिड्ने छन् । नेदरल्याण्ड्सलाई पराजित गरेका दुवैको २–२ अंक रहेको छ ।

अन्तिम खेलमा श्रीलंका र नेदरल्याण्ड्स खेल्ने छन् भने आयरल्याण्ड र शनिबार डच टोलीलाई स्तब्ध गरेको नामिबियाबीचको खेल निर्णायक बन्नेछ । जोश लिटलले चार विकेट लिएपछि आयरल्याण्डले श्रीलंकाको उत्कृष्ट पुनरागमनमा ब्रेक लगाउदै एक पटकको ट्वान्टी ट्वान्टी बिश्वकप बिजेतालाई १ सय ७१ रनमा रोकेको थियो ।

यसअघि बिश्वकपका खेलहरुमा ठूलो टिमहरुको शिकार गर्दै आनो उपस्थिति जनाउदै आएको आयरल्याण्ड श्रीलंकाबिरुद्ध भने असफल रह्यो । आयरल्याण्ड १८ दशमलव ३ ओभरमा ९ विकेट गुमाउदै १ सय १ रनमात्र बनाउन सफल भयो ।

पहिलो तीन विकेट ३२ रनमै गुमाएको आयरल्याण्डलाई कर्टिस क्याम्फर र कप्तान एण्डी बालबर्नीले ५३ रनको साझेदारी गर्दै सम्हाल्ने प्रयास गरेका थिए । तर दुवै ब्याट्स्म्यान आउट भएपछि आयरल्याण्डको इनिङ्गस धराशायी बन्यो ।

आयरल्याण्डले आफ्नो अन्तिम ७ विकेट मात्रै १६ रनमा गुमाएको थियो । श्रीलंकाका लागि महिस थिक्सानाले चार ओभरमा मात्र १७ रन खर्चदै तीन विकेट लिएका थिए । यस्तै लाहिरु कुमारा र चमिका करुणारत्नेले २–२ विकेट लिएका थिए ।

बालबर्नीले ३९ बलमा दुई छक्का र दुई चौकाको मद्दतमा ४१ रन बनाए भने क्याम्फरले २८ बलमा २४ रन जोडे । अन्य कुनै ब्याट्स्म्यानहरुले दोहोरो अंकमा रन जोड्न सकेनन् ।

यसअघि ओपनर पाथुम निसांका र वानिन्दु हसरँगा डि सिल्भाले शतकीय साझेदारी गर्दै श्रींलकालाई पनरागमन गराएका थिए । आयरल्याण्ड अन्तिम पाँच ओभर खेलमा फर्कदै श्रीलंकालाई ४० रनमै रोक्न सफल भएपनि उसको लागि लक्ष्य भने बिशाल बन्न पुग्यो ।

पहिलो ओभरको दोश्रो बलमै कुशल पेरेरा (शुन्य) पल स्टर्लिङ्गको बलमा आउट भएपछि दोश्रो ओभरमा जोश लिटलले पुर्व कप्तान दिनेश चण्डिमाल (६) र अभिष्का फर्नाण्डोलाई लगातार बलमा पेभिलियन फर्काएका थिए । त्यसपछि निसांका र डि सिल्भाले उत्कृष्ट पुनरागमन गर्दै ट्वान्टी ट्वान्टी अन्तर्राष्ट्रियमा क्रमश आफ्नो करिअरको उच्च योगफल बनाउदै श्रीलंकालाई बलियो स्थानमा पुर्याएका थिए ।

१ सय २३ रनको साझेदारीमा आक्रमक देखिएका डि सिल्भाले ४७ बलमा ७१ रन जोडे । उनले १० चौका र एक छक्का प्रहार गरे । १६ औं ओभरको शुरुवातमा १ सय ३१ रन बनाउनुका साथै ७ विकेट हातमै रहेपनि श्रीलंकाले डि सिल्भाको विकेट पतनपछि शतकीय साझेदारीलाई बिशाल योगफलमा परिणत गर्न सकेन ।

लिटलले निसांकाको पनि विकेट लिदा श्रीलंकन ओपनरले ४७ बलमा ६१ रन बनाउदै ६ चौका र एक छक्का हिर्काए । यस बाहेक कप्तान दासुन सनाकाले ११ बलमा २१ रन जोडे । लिटलले चार ओभरमा २३ रन खर्चिए भने मार्क अडेयरले उत्तिकै ओभरमा ३५ रन दिदै दुई विकेट लिए ।

Continue Reading
Headline3 hours ago

माल्मोबिरुद्धको फराकिलो जितमा चेल्सीले लुकाकु र वेर्नरलाई गुमायो

Headline4 hours ago

च्याम्पियन्स लिगः रोनाल्डोको गोलमा युनाइटेडको सनसनीपूर्ण पुनरागमन

Headline13 hours ago

ट्वान्टी ट्वान्टी बिश्वकपः बलिँग र ब्याटिंँगमा पुनरागमनपछि श्रीलंका सुपर १२ मा

Headline14 hours ago

ट्वान्टी ट्वान्टी विश्वकपः श्रीलंकाको पुनरागमनलाई आयरल्याण्डको जवाफ

T20 World Cup 202117 hours ago

ट्वान्टी ट्वान्टी विश्वकप : रोहित शर्माको अर्धशतकमा अष्ट्रेलिया माथि भारतको सहज जित 

Headline17 hours ago

ट्वान्टी ट्वान्टी बिश्वकपः नेदरल्याण्ड्सलाई स्तब्ध पार्दै नामिबियाको ऐतिहासिक जित

Headline22 hours ago

निस्वार्थ मेस्सी र एमबाप्पेको पेनाल्टी आदन प्रदानको चर्चा

Headline1 day ago

सलाहको उच्च लयमा लिभपुरको एट्लेटिकोमाथि सनसनीपूर्ण जित

Headline1 day ago

अदालतमा सुनुवाइ अघि बेन्जेमाको गोल

Headline1 day ago

एकपछि अर्को किर्तिमान बनाइरहेका हालरको छैटौं च्याम्पियन्स लिग गोल

Headline10 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline9 months ago

फुटबलमा थापिएका ५ अचम्मका बाजीहरु

Headline6 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!