Connect with us

Headline

बार्साले ला लिगा गुमाएपनि मेस्सीको नाममा किर्तिमान नै किर्तिमान

wesportz

Published

on

स्पेनिस ला लिगामा लियोनल मेस्सीले आलाभेसबिरुद्धको खेलमा दुई गोल गरेपछि सातौं पटक गोल्डेन बुट जितेका छन् । आइतबारको खेलमा बार्सिलोनाले आलाभेसलाई ५–० ले हरायो ।

लगातार चौथो पटक गोल्डेन बुट जित्ने क्रममा मेस्सीले यो सिजन समाप्त हुँदा २५ गोल गरे । उनी रियल म्याड्रिडका करिम बेन्जेमा भन्दा चार गोलले अघि रहे । ला लिगामा १२ बर्षपछि कुनै पनि सर्वाधिक गोलकर्ताले ३० भन्दा कम गोल गरेको यो पहिलो पटक हो । मायोर्काका ड्यानियल गुइजाले २००७–०८ को सिजनमा २७ गोल गर्दै सर्वाधिक गोलकता बनेका थिए ।

मेस्सीले ला लिगामा सबैभन्दा बढी असिस्टको किर्तिमान पनि कायम गरेका थिए । अन्सु फातीलाई पहिलो गोलका लागि पास मिलाउदै २१ औ असिस्ट गरे । यस क्रममा उनले बार्सिलोनाकै जाभी हर्नान्डेजको किर्तिमान तोडेका हुन् ।

गत साता रियल भालाडोलिडबिरुद्धको खेलमा आर्टुरो भिडालको गोलमा असिस्ट गर्ने क्रममा जाभाीको किर्तिमानको बराबरी गरेका थिए । पुर्व बार्सा कप्तान जाभीले २००८–०९ को सिजनमा यो किर्तिमान कायम गरेका थिए ।

मेस्सी एकै सिजन ला लिगामा २० भन्दा बढी गोल र असिस्ट गर्ने खेलाडी पनि बनेका हुन् । आलाभेसबिरुद्धको फराकिलो जितमा लुईस सुवारेज र नेल्सन सेमेडोले पनि १–१ गोल गरेका थिए । रिकी पुइग, मेस्सी र भिडालको प्रहार पोस्टमा लागेपछि फातिले २४ औं मिनेटमा गोल गरेका थिए ।

बार्साले यसअघि नै ला लिगाको उपाधि रियल म्याड्रिडलाई सुम्पिसकेको थियो । आफ्नो अन्तिम खेलमा रियल आइतबार लेगानेससँग २–२ गोलको बराबरी खेलेको थियो । रियलको जितमा कप्तान सर्जियो रामोस र मार्को एसेन्सियोले गोल गरेका थिए ।

बराबरीपछि लेगानेस दोश्रो डिभिजिनमा झर्न पुग्यो । ३६ अंकमा लिग समाप्त गरेको लेगानेसलाई रेलिगेसन बचाउन जित आवश्यक रहेको थियो । मायोर्का र इस्पान्योल यसअघि नै रेलिगेट भइसकेका थिए । १७ औं स्थानको सेल्टा भिगोले इस्पान्योलसँग बराबरी खेलेपछि रेलिगेसन बचाएको थियो ।

अंक तालिकाको माथिल्लो तीन स्थानमा रियलको ८७ अंक रह्यो भने बार्साको ८२ र एट्लेटिको म्याड्रिड र सेभिया समान ७० अंकमा रहे । एट्लेटिको हेड–टु–हेडमा तेश्रो स्थानमा रह्यो । दुवै टोलीले च्याम्पियन्स लिगमा स्थान बनाएका छन् । एट्लेटिकोले आइतबार सातौं स्थानको रियल सोसिडाडसँग १–१ को बराबरी खेलेको थियो ।

६० अंक साथ पाचौं स्थानको भिलारियालले आइबारलाई ४–० ले हरायो । भिलारियाल र सोसिडाडले युरोपा लिग खेल्नेछन् । सोसिडाडले समान ५६ अंक रहेपनि हेड–टु–हेडमा ग्रानडालाई युरोपा लिग छनोटमा पछि पारेको हो ।

Headline

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

wesportz

Published

on

बार्सिलोना आफ्नो उरुग्वेका फर्वार्ड लुईस सुवारेजलाई स्पेनिस ला लिगाको प्रतिद्वन्दी एट्लेटिको म्याड्रिडमा बेच्न सहमत भएको छ ।

अन्य ठूला क्लबमा नजाने शर्तमा प्रशिक्षक रोनाल्ड कोमनको योजनामा नरहेका सुवरेजलाई बेच्नका लागि बार्सिलोना उनलाई प्रि एजेन्टको रुपमा रिलिज गर्न राजी भएको थियो । पासपोर्टको बिषयमा असफल हुँदा युभेन्टस जान असफल भएपछि सुवारेजले एट्लेटिकोसँग कम तलबमा सहमति गरेका थिए ।

तर बार्सिलोना अध्यक्ष जोसेप बार्तोमेउले स्पेनकै अर्का ठूला प्रतिद्वन्दीलाई नबेच्ने भन्दै सम्झौतालाई रोकिदिएका थिए । सुवारेजका प्रतिनीधिहरुसँगको वार्तापछि वार्सा व्यवस्थापन भने उनलाई छोड्न राजी भएको थियो । यस क्रममा सुवारेजले आफ्ना असन्तुष्टिहरु मिडियामा पोख्ने धम्की दिएका थिए ।

बार्तोमेउ मेस्सीले क्लब छोड्ने श्रृंखलामै नराम्ररी मिडियामा बिवादित रुपमा तानिएका थिए । लामो खिचातानीपछि बार्सामै बस्ने निर्णय गरेका मेस्सीले मिडियामा बार्तोमेउ र उनको क्लब चलाउने शैलिबिरुद्ध मिडियामा ठूले अभिव्यक्तिहरु पनि दिएका थिए ।

च्याम्पियन्स लिगमा छनोट भएमा मात्र तलबमा फरक पर्ने शर्तमा एट्लेटिकोले सुवारेजलाई चार मिलिनय युरो भन्दा बढी दिने छैन । एट्लेटिकोमा अब उनले एक बर्षमा बार्सामा पाइरहेको ३० मिलियन युरोभन्दा आधा पाउनेछन् ।

नयाँ सुम्झौताले सुवारेजको बार्सिलोनामा ६ बर्षको यात्रालाई अन्त्य गर्नेछ । अर्जेन्टिनी स्टार लियोनेल मेस्सी र ब्राजिलियन नेमारसँगै बिश्वकै घातक फ्रन्ट थ्रिको एक भाग रहेका सुवारेजले बार्साका लागि २ सय ८३ खेलमा १ सय ९८ गोल गरेका थिए ।

२०१४ मा लिभरपुलबाट ७४ मिलियन पाउण्डमा आएका सुवारेजले बार्सिलोनाका लागि चार ला लिगा उपाधि, चार कोपा डेल रेसँगै १–१ च्याम्पियन्स लिग र क्लब बिश्वकप जितेका थिए ।

Continue Reading

Headline

अल्भारो मोराटा दोस्रो पटक युभेन्टसमा

wesportz

Published

on

एट्लेटिको म्याड्रिडका फर्वार्ड अल्भारो मोराटालाई युभेन्टसले दोस्रो पटक क्लबमा अनुबन्धन गरेको छ ।

अर्जेन्टाइन फर्वार्ड गोन्जालो हिग्वेनको सम्झौता रद्द गरेसँगै नयाँ स्ट्राइकरको खोजीमा रहेको युभेन्टसले मोरटालाई ९ मिलियन युरोको लोनमा एक वर्षका लागि क्लबमा फर्काएको हो । मोराटाको लोन सम्झौतामा एट्लेटिकोले युभेन्टसलाई ४५ मिलियन युरोको खरिद विकल्प पनि दिएको छ ।

रियल म्याड्रिडबाट २०१० देखी २०१४ सम्म खेलेका मोराटा २०१४ देखी २०१६ सम्म युभेन्टसमा लोनमा खेलेका थिए । लोनबाट रियल म्याड्रिड फर्किएका उनलाई चेल्सीले २०१७ मा ७० मिलियन पाउन्डमा खरिद गरेको थियो । चेल्सीमा एक सिजन खेलेका उनलाई फेरी एट्लेटिको म्याड्रिडले लोनमा लगेको थियो ।

२०२० मा मोराटाको सम्झौतालाई स्थायी बनाएको एट्लेटिकोले उनलाई फेरी युभेन्टसमा लोनमा पठाएको हो । २७ वर्षिय फर्वार्डले आफ्नो करिअरमा ७४ गोल मात्र गरेका छन्, जुन एक स्ट्राइकरका लागि निकै काम हो ।

युभेन्टसले बार्सिलोनाका लुइस सुवारेजले इटालियन भाषा परिक्षामा फेल भएपछि नयाँ स्ट्राइकर खोज्नु परेको थियो । मोराटा युभेन्टस आएसँगै सुवारेजको एट्लेटि जाने सम्भावना निकै बलियो देखिएको छ ।

Continue Reading

Headline

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

wesportz

Published

on

बार्सिलोनाका अध्यक्ष जोसेप मरिया बार्तोमेउले बार्सिलोनाका कप्तान लियोनल मेस्सीले उनको पदको अलोचना गरे पनि उनलाई मेस्सी विरुद्ध बोल्न कुनै चासो नभएको बताएका छन् ।

गत महिना मेस्सीले आफुले स्पेनिस महारथी बार्सिलोना छोड्न लागेको बताएपछि बिश्व फुटबलमै ठूलो हलचल भएको थियो । उनले आफुलाई फ्री एजेन्टका रुपमा क्लब छोड्न दिन आग्रह गरे पनि उनको सम्झौता अझै एक बर्ष बाँकी भएको भन्दै अध्यक्ष बार्तोमेउ र ला लिगाले मेस्सीलाई रोकेको थियो ।

पछि एक अन्तर्वार्तामा आफुलाई सबै थोक दिएको क्लबलाई कानुनी कठ्घरामा तान्न आफूले नचाहेको बताउदै मेस्सी फेरी बर्सिलोनामै बस्न पुगेका थिए । उनलाई फेरी बर्सिलोनामै राख्न प्रमुख भूमिका खेलेका बार्तोमेउले संसारको सर्वश्रेष्ठ खेलाडीलाई जान दिन मन नमानेको बताएका छन् ।

“अध्यक्षको रुपमा मलाई मेस्सीको बारेमा सार्वजनिक टिप्पणी गर्दै मलाई बिवादमा तानिन मन छैन,” बार्तोमेउ टिभी थ्रीलाई दिएको अन्तर्वार्तामा भने । “मेस्सी हाम्रा कप्तान हुन् र टोलीको मुख्य खेलाडी । उनले जे बाले त्यो समाप्त भइसक्यो ।”

“म विश्वको सर्वश्रेष्ठ खेलाडीलाई जान दिन सक्दिन । टिमलाई उनको आवश्यकता छ, उनले बार्सिलोनालाई सफलताको ग्यारेन्टी दिन्छन्,” बार्तोमेउले भने ।

“हामीले आफैंलाई बधाई दिनु पर्छ कि मेस्सी अझै हाम्रो साथमा छन् । उनी [प्रशिक्षक रोनाल्ड] कोमनको परियोजना को बारे निकै उत्साहित छन् ।आजको दिनमा महत्त्वपूर्ण कुरा यो हो कि उनी अझै बार्सिलोनाका लागि खेल्छन् । हामी उनले बर्सिलोनामै सन्यास लिएको हेर्न चाहन्छौं ।”

अध्यक्षका कारण क्लब छोड्न लागेको बताएका मेस्सीको सम्झौता २०२०/२०२१ सिजनको अन्त्यमा सकिदै छ भने नयाँ अध्यक्षका लागि चुनाव भने मार्चमा हुने छ । यस्तो अवस्थामा मेस्सी बार्सिलोनामै बस्छन कि अर्को बाटो रोज्छन् त्यो भने सिजनको अन्त्यमा थाहा हुने छ ।

बार्तोमेउले मेस्सीलाई क्लब छोड्न वाध्य बनाएका भन्दै समर्थकहरुले २० हजर हस्ताक्षर संकलन गर्दै उनी माथि अविश्वासको मत पेश गरिसकेका छन् ।

तर बार्तोमेउले अहिल्यै कसैले राजीनामा दिने विचार नगरेको बताए ।

Continue Reading
Headline4 hours ago

असन्तुष्टि मिडियामा पोख्ने धम्कीपछि सुवारेजलाई एट्लेटिकोमा बेच्न बार्सा तयार

IPL 202011 hours ago

राजस्थानको विजयी सुरुवात, चेन्नाई १६ रनले पराजित

IPL 202012 hours ago

स्यामसन र स्मिथको अर्धशतकमा चेन्नाईलाई २१७ रनको विशाल लक्ष्य  

राष्ट्रिय15 hours ago

महिला क्रिकेटरहरुलाई समावेश गर्दै क्यानले नयाँ सेन्ट्रल कन्ट्रयाक्ट तयार पार्यो

IPL 202016 hours ago

 चेन्नाईले टस जित्यो, राजस्थानलाई ब्याटिङको निम्तो 

Headline16 hours ago

अल्भारो मोराटा दोस्रो पटक युभेन्टसमा

IPL 202017 hours ago

लगातार दोश्रो जितको दाउमा चेन्नाई राजस्थानको सामना गर्दै

Headline20 hours ago

मेस्सिलाई संसारकै उत्कृष्ट भन्दै बार्तोमेउले भने ‘म उनलाई बार्सा छोडेर जान दिन सक्दिन’

Headline22 hours ago

सिटी व्यवस्थापक ग्वार्डियोलाका लागि फोडेनको प्रदर्शन अविश्वसनीय

Headline23 hours ago

प्रिमियर लिगको एकै चरणको खेलहरुमा गोलको नयाँ किर्तिमान

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 days ago

सात महादेशका सात उत्कृष्ट खेलाडीहरु

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending