Connect with us

Headline

पूर्व सदस्य–सचिव सिंहको निधन

wesportz

Published

on

राष्ट्रिय खेलकुद परिषद् (राखेप) का पूर्व सदस्य–सचिव राजबहादुर सिंहको ८८ वर्षको उमेरमा निधन भएको छ । सिंहको शुक्रबार राती छाउनीस्थित निवासमा निधन भएको नाती सुशील मल्लले जानकारी दिएका छन् ।

सिंह लामो समयदेखि दमको रोगबाट पीडित थिए । स्व. सिंह राखेपका सातौं सदस्य–सचिव हुन् । उनी २०४८ देखि २०५० सालसम्म राखेपको सदस्य–सचिवको जिम्मेवारीमा थिए ।

स्व. सिंहको शनिबार पशुपति आर्याघाटमा अन्त्येष्टि गरिएको छ । स्व. सिंहका श्रीमति, दुई छोरा र छोरी छन् । राखेपका सदस्य–सचिव रमेशकुमार सिलवालले उनको निधनप्रति दुःख व्यक्त गर्दै शोक सन्तप्त परिवारजनमा हार्दिक समवेदना व्यक्त गरेका छन् ।

Headline

बार्सिलोनाको अन्तिम अभ्यास सत्रमा रुदै बिदा भए सुवारेज

wesportz

Published

on

स्पेनिस ला लिगाको चीर प्रतिद्वन्दी एट्लेटिको म्याड्रिड जाने तयारी गरिरहेका उरुग्वेका स्ट्राइकरले बार्सिलानोसँगको आफ्नो अन्तिम अभ्यास सत्रबाट रुदै बिदा लिएका छन् । स्पेनिस टेलिभिजन गोलले सुवारेजले आफ्ना खेलाडी साथीहरुबाट बिदाई लिएपछि बाहुलाले आसु पुछिरहेको भिडियो सार्वजनिक गरेको थियो ।

२०१४ मा लिभरपुलबाट क्याटलन क्लब आएका सुवारेजको टिममा राम्रो सम्बन्ध रहेको र बिशेषगरि अर्जेन्टाइन स्ट्राइकर लियोनेल मेस्सी निकै मिल्ने साथी रहेका छन् । क्याटलनकै दैनिक पत्रिका स्पोर्टले लेखेको छः “लुईस सुवारेज सेन्ट जोवान डेस्पी ट्रेनिङ्ग सेन्टरबाट रुदै बाहिरिए । औपचारिक रुपमा बार्सा छोड्ने कागजातमा हस्ताक्षर गर्नुअघि उनले खेलाडी साथीहरुलाई सम्बोधन गरेका थिए । अभ्यास सत्रको अन्त्यमा उनले बिगत ६ बर्षदेखिका साथीहरुलाई गुडबाई भनेका थिए ।”

यो साताको शुरुवातमा नै मार्साले ३३ बर्षिय सुवारेज अब बार्साको खेलाडी नरहेको भन्ने आरुएसी रेडियो वान रेडियोको रिपोर्टलाई पुष्टि गरेको थियो । बार्सासँग एट्लेटिको जानका लागि रिलिज लेटर लिन सुवारेजले आफ्नो पारिश्रमिकको केही प्रतिशत कटौति गर्ने शर्त पुरा गरेको भनिएको छ ।

किके सेटियन बर्खास्त भएसँगै नयाँ डच प्रशिक्षक रोनाल्ड कोमनको आगमनपछि सुवारेजको बार्सामा उल्टो गन्ति शुरु भइसकेको थियो । आर्टुरो भिडाल, इभान राकिटिच र स्यामुएल उम्टिटिसँगै सुवारेज पनि कोमनको योजना नरहेको खेलाडीहरुको सुचीमा रहेका थिए ।

मेस्सी (६ सय ३४) र सेजार रोद्रिगेज (२ सय ३२) पछि सुवारेज १ सय ९८ गोलसहित बार्साका तेश्रो सर्वाधिक गोलकर्ताको रुपमा क्लब छोडिरहेका छन् । इटालियन महारथी युभेन्टस जान असफल भएपछि सुवारेज एट्लेटिको म्याड्रिड गइरहेका हुन् ।

इटालियन पासपोर्ट लिन निकै ढिलो भएका कारण सुवारेजसँग सम्झौता हुन सम्भव नरहेको गत हप्ता युभेन्टसका नयाँ प्रशिक्षक आन्द्रे पिर्लोले बताएका थिए । मङ्गलवार इटालियन सरकारी वकिलहरुले सुवारेजले चिटिङ्ग गर्दै इटालियन भाषा परिक्षा पास गर्न खोजेको आशंका गरेका थिए ।

Continue Reading

Headline

कोमनले बार्सा रोजेपछि डि बोर नेदरल्याण्ड्सका नयाँ प्रशिक्षक

wesportz

Published

on

रोनाल्ड कोमनको रोजाइमा बार्सिलोना परेपछि नेदरल्याण्ड्सले फ्रान्क डि बोरलाई राष्ट्रिय टोलीको नयाँ प्रशिक्षक नियुक्त गरेको छ ।

नेदरल्याण्ड्स फुटबल महासंघका अुनसार ५० बर्षिय डि बोरले २०२२ मा कतारमा हुने बिश्वकपसम्मका लागि सम्झौता गरेका छन् । डि बोर यसअघि अमेरिकाको मेजर लिग सकर (एमएलएस) क्लब एट्लान्टा युनाइटेडका प्रशिक्षक रहेका थिए ।

दुई महिना अघि एमएलएस इज ब्याक प्रतियोगितामा उनको टोलीले तीन वटै खेल हारेपछि डि बोरले राजीनामा दिएका थिए । निकै नै सशक्त डिफेण्डरको रुपमा चिनिने गरिएका डि बोरले आफ्नो व्यवसायिक खेल जीवनमा डच क्लब आयाक्सका लागि १९९५ मा च्याम्पियन्स लिग जितेका थिए ।

दक्षिण अफ्रिकामा २०१० मा भएको बिश्वकपमा नेदरल्याण्ड्स बिश्वकप फाइनल पुग्दा डि बोर प्रशिक्षक बर्ट भान मार्विकको सहायक रहेका थिए । व्यवस्थापन करिअरमा उत्कृष्ट शुरुवात पाएका डि बोरले आयाक्सलाई २०११ देखि २०१४ सम्म लगातार चार पटक नेदरल्याण्ड्सको प्रथम श्रेणीको लिग एरेडेभिसी जिताएका थिए ।

तर त्यसयता भने उनले खासै उल्लेखनीय सफलता भने चाखेका छैनन् । २०१६ मा प्रशिक्षक नियुक्त भएको ८५ दिनमै इटालियन क्लब इन्टर मिलानले बर्खास्त गरेको थियो भने २०१७ मा क्रिष्टल प्यालेसले इङ्गलिस प्रिमियर लिग सिजनको आफ्नो पहिलो चार खेलमा एक गोल पनि नगर्दै पराजय बेहोरेपछि १० हप्तानै जागिर गुमाउन पुगेका थिए ।

डि बोरको नेदरल्याण्ड्सको लागि आफ्नो पहिलो खेल अक्टोबर ७ मा एम्स्टरड्याममा हुने मेक्सिको बिरुद्धको अन्तर्राष्ट्रिय मैत्रीपूर्ण हुनेछ ।

Continue Reading

Headline

ललितलाई इपिएल फ्रान्चाइज चितवन टाइगर्सको सहयोग

wesportz

Published

on

सडक दुर्घटनामा घाइते भएका राष्ट्रिय टोलीका क्रिकेटर ललितसिंह भण्डारीलाई चितवन टाइगर्स लगायतका संस्थाले उपचारका लागि नगद सहयोग गरेका छन् । तिब्र गतिका बलर ललितले २०१७ र २०१८ को एभरेष्ट प्रिमियर लिग क्रिकेटमा चितवन टाइगर्सबाट खेलेका थिए ।

अघिल्लो आइतबार साँझ उनी गृहनगर कञ्चनपुरमा सवारी दुर्घटनामा परेका थिए । उनी सबार मोटरसाइकल विपरित दिशाबाट आएको ट्रकमा ठोक्किएपछि गम्भिर भएका उनलाई धनगढी, बाँकेको कोहलपुर हुदैं हेलिकप्टरबाट सोमबार काठमाडौं ल्याइएको थियो ।

चितवन टाइगर्सले लायन्स क्लब अफ काठमाडौं कर्पोरेट नेपालसँग मिलेर १ लाख ११ हजार १ सय ११ रुपैंया उपचारका लागि प्रदान गरेको हो । चितवन टाइगर्सका मालिक एवंम लायन्स कर्पोरेट नेपालका संस्थापक अध्यक्ष किशोर भट्टराई, अध्यक्ष सुशील विष्टले बुधबार ग्रान्डी अस्पतालमा पुगेर ललितकी श्रीमति ममतालाई चेक प्रदान गरेका थिए ।

हस्तान्तरण गर्दा चितवन टाइगर्सका मार्की एवंम राष्ट्रिय खेलाडी सोमपाल कामी र राष्ट्रिय टोलीका पूर्व कप्तान विनोद दास, लायन्स क्लबका कोषाध्यक्ष रमेश रुपाखेती उपस्थित रहेका थिए ।

सो अवसरमा अमेरिका स्थित नेपाल राइनोज क्रिकेट क्लबको डालास शाखाले ललितको उपचारका लागि ७५ हजार ८ सय ३१ रुपैंया प्रदान गरेका गरेको छ । राइनोजका संयोजक राकेश कर्णमार्फत अमेरिकामा उठाइएको रकम सोमपालमार्फत ललितकी श्रीमति ममतालाई बुधबार हस्तान्तरण गरिएको थियो ।

Continue Reading
Headline59 mins ago

बार्सिलोनाको अन्तिम अभ्यास सत्रमा रुदै बिदा भए सुवारेज

Headline1 hour ago

कोमनले बार्सा रोजेपछि डि बोर नेदरल्याण्ड्सका नयाँ प्रशिक्षक

IPL 20202 hours ago

कोलकाता माथि फराकिलो जित निकाल्दै मुम्बईलाई पहिलो अंक  

IPL 20204 hours ago

मुम्बईका कप्तान रोहितको अर्धशतकमा कोलकत्तालाई १९६ रनको विशाल लक्ष्य

Headline6 hours ago

ललितलाई इपिएल फ्रान्चाइज चितवन टाइगर्सको सहयोग

IPL 20206 hours ago

कोलकत्ताले टस जितेर पहिले फिल्डिंङ गर्ने

IPL 20208 hours ago

शन मार्श आईपीएलबाट बाहिर

Headline9 hours ago

सेन्ट्रल कन्ट्रयाक्टमा नेपाल क्रिकेट संघको मनपरी

IPL 20209 hours ago

कोलकत्तासँग जितको खोजीमा मुम्बई

यु१६ टोली आज स्वदेस फर्कने 
Headline11 hours ago

२०२० मा हुने सबै साफ उमेर समुहका प्रतियोगिताहरु स्थगित

Headline1 week ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline3 days ago

सात महादेशका सात उत्कृष्ट खेलाडीहरु

Headline3 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline3 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending